§5.81.1μετὰ δὲ τὴν τῶν Ἀργείων ἀπόστασιν ἐκ τῆς ξυμμαχίας καὶ οἱ Μαντινῆς, τὸ μὲν πρῶτον ἀντέχοντες, ἔπειτ’ οὐ δυνάμενοι ἄνευ τῶν Ἀργείων, ξυνέβησαν καὶ αὐτοὶ τοῖς Λακεδαιμονίοις καὶ τὴν ἀρχὴν ἀφεῖσαν τῶν πόλεων.
아르고스인들이 동맹에서 이탈한 뒤, 만티네이아인들도 처음에는 저항했으나 그 후 아르고스인들 없이는 버틸 수 없게 되자, 자신들도 라케다이몬인들과 타협하고 여러 도시들에 대한 지배권을 포기했다.
§5.81.2καὶ Λακεδαιμόνιοι καὶ Ἀργεῖοι, χίλιοι ἑκάτεροι, ξυστρατεύσαντες τά τ’ ἐν Σικυῶνι ἐς ὀλίγους μᾶλλον κατέστησαν αὐτοὶ οἱ Λακεδαιμόνιοι ἐλθόντες, καὶ μετ’ ἐκεῖνα ξυναμφότεροι ἤδη καὶ τὸν ἐν Ἄργει δῆμον κατέλυσαν, καὶ ὀλιγαρχία ἐπιτηδεία τοῖς Λακεδαιμονίοις κατέστη.
라케다이몬인들과 아르고스인들은 각각 천 명씩 공동으로 출정했는데, 라케다이몬인들 자신이 가서 시키온의 정세를 보다 소수의 지배로 전환시켰으며, 그 후에는 양측이 공동으로 이제 아르고스의 민중 정체까지 타도했다. 그리하여 라케다이몬인들에게 유리한 과두제가 수립되었다.
καὶ πρὸς ἔαρ ἤδη ταῦτα ἦν τοῦ χειμῶνος λήγοντος, καὶ τέταρτον καὶ δέκατον ἔτος τῷ πολέμῳ ἐτελεύτα.
겨울이 끝나고 이미 봄에 가까워졌을 무렵에 이러한 일들이 일어났으며, 전쟁의 제십사년이 끝났다.