§5.39.1καὶ ἐν τῷ αὐτῷ χειμῶνι τούτῳ Μηκύβερναν Ὀλύνθιοι, Ἀθηναίων φρουρούντων, ἐπιδραμόντες εἷλον.
또한 이 동일한 겨울에 올린토스인들은 아테나이인들이 수비대를 두고 있던 메퀴베르나를 급습하여 함락시켰다.
§5.39.2μετὰ δὲ ταῦτα (ἐγίγνοντο γὰρ αἰεὶ λόγοι τοῖς τε Ἀθηναίοις καὶ Λακεδαιμονίοις περὶ ὧν εἶχον ἀλλήλων) ἐλπίζοντες οἱ Λακεδαιμόνιοι, εἰ Πάνακτον Ἀθηναῖοι παρὰ Βοιωτῶν ἀπολάβοιεν, κομίσασθαι ἂν αὐτοὶ Πύλον, ἦλθον ἐς τοὺς Βοιωτοὺς πρεσβευόμενοι καὶ ἐδέοντο σφίσι Πάνακτόν τε καὶ τοὺς Ἀθηναίων δεσμώτας παραδοῦναι, ἵνα ἀντ’ αὐτῶν Πύλον κομίσωνται.
이후에(아테나이인들과 라케다이몬인들 사이에서는 서로 보유하고 있는 것들을 둘러싸고 끊임없이 협상이 진행되고 있었다), 라케다이몬인들은 아테나이인들이 보이오티아인들로부터 파낙톤을 돌려받는다면 자신들도 필로스를 회수할 수 있을 것이라 기대하고, 보이오티아인들에게 사절을 보내 파낙톤과 아테나이인 포로들을 자신들에게 인도해 달라고 요청했다. 이는 그것들과 맞바꾸어 필로스를 회수하기 위함이었다.
§5.39.3οἱ δὲ Βοιωτοὶ οὐκ ἔφασαν ἀποδώσειν, ἢν μὴ σφίσι ξυμμαχίαν ἰδίαν ποιήσωνται ὥσπερ Ἀθηναίοις.
그러나 보이오티아인들은 자신들과도 (아테나이인들과 맺은 것처럼) 독자적인 동맹을 맺지 않는 한 이를 인도하지 않겠다고 말했다.
Λακεδαιμόνιοι δὲ εἰδότες μὲν ὅτι ἀδικήσουσιν Ἀθηναίους, εἰρημένον ἄνευ ἀλλήλων μήτε σπένδεσθαί τῳ μήτε πολεμεῖν, βουλόμενοι δὲ τὸ Πάνακτον παραλαβεῖν ὡς τὴν Πύλον ἀντ’ αὐτοῦ κομιούμενοι, καὶ ἅμα τῶν ξυγχέαι σπευδόντων τὰς σπονδὰς προθυμουμένων τὰ ἐς Βοιωτούς, ἐποιήσαντο τὴν ξυμμαχίαν τοῦ χειμῶνος τελευτῶντος ἤδη καὶ πρὸς ἔαρ·
라케다이몬인들은 상호 합의 없이는 누구와도 화친을 맺거나 전쟁을 하지 않기로 규정되어 있었기 때문에, 그렇게 하면 아테나이인들에게 불의를 행하게 된다는 점을 알고 있었지만, 파낙톤을 인도받아 그 대신 필로스를 회수하기를 원했고, 동시에 조약을 파기하려고 서두르던 자들이 보이오티아인들과의 동맹을 열렬히 추진하고 있었으므로, 겨울이 끝나가고 이미 봄이 다가올 무렵에 그 동맹을 체결했다.
καὶ τὸ Πάνακτον εὐθὺς καθῃρεῖτο.
그리고 파낙톤은 즉시 파괴되기 시작했다.
καὶ ἑνδέκατον ἔτος τῷ πολέμῳ ἐτελεύτα.
이로써 전쟁의 제11년이 끝났다.