§4.8.1ἀναχωρησάντων δὲ τῶν ἐκ τῆς Ἀττικῆς Πελοποννησίων οἱ Σπαρτιᾶται αὐτοὶ μὲν καὶ οἱ ἐγγύτατα τῶν περιοίκων εὐθὺς ἐβοήθουν ἐπὶ τὴν Πύλον, τῶν δὲ ἄλλων Λακεδαιμονίων βραδυτέρα ἐγίγνετο ἡ ἔφοδος, ἄρτι ἀφιγμένων ἀφ’ ἑτέρας στρατείας.
펠로폰네소스인들이 아티카에서 철수하자, 스파르타인들 자신과 페리오이코이 중 가장 가까이 사는 이들은 즉시 필로스로 구원하러 나섰으나, 다른 라케다이몬인들의 진격은 더디었는데, 이는 그들이 다른 원정에서 막 돌아왔기 때문이었다。
§4.8.2περιήγγελλον δὲ καὶ κατὰ τὴν Πελοπόννησον βοηθεῖν ὅτι τάχιστα ἐπὶ Πύλον καὶ ἐπὶ τὰς ἐν τῇ Κερκύρᾳ ναῦς σφῶν τὰς ἑξήκοντα ἔπεμψαν, αἳ ὑπερενεχθεῖσαι τὸν Λευκαδίων ἰσθμὸν καὶ λαθοῦσαι τὰς ἐν Ζακύνθῳ Ἀττικὰς ναῦς ἀφικνοῦνται ἐπὶ Πύλον·
또한 그들은 펠로폰네소스 전역에 가능한 한 빨리 필로스로 구원하러 오라고 전령을 보냈으며, 케르키라에 있던 자신들의 배 예순 척에 사람을 보냈다. 이 배들은 레우카스 지협을 너머로 끌어 올려진 뒤, 자킨토스에 있던 아테나이 함대의 눈을 피해 필로스에 도착했다.
παρῆν δὲ ἤδη καὶ ὁ πεζὸς στρατός.
또한 육상 군대도 이미 와 있었다.
§4.8.3Δημοσθένης δὲ προσπλεόντων ἔτι τῶν Πελοποννησίων ὑπεκπέμπει φθάσας δύο ναῦς ἀγγεῖλαι Εὐρυμέδοντι καὶ τοῖς ἐν ταῖς ναυσὶν ἐν Ζακύνθῳ Ἀθηναίοις παρεῖναι ὡς τοῦ χωρίου κινδυνεύοντος.
데모스테네스는 펠로폰네소스인들이 아직 항해하여 다가오는 동안, 한발 앞서 은밀히 배 두 척을 보내 에우리메돈과 자킨토스의 함대에 있는 아테나이인들에게 그곳이 위험에 처했으니 원조하러 오라고 전하게 했다.
§4.8.4καὶ αἱ μὲν νῆες κατὰ τάχος ἔπλεον κατὰ τὰ ἐπεσταλμένα ὑπὸ Δημοσθένους·
그리하여 그 배들은 데모스테네스의 지시에 따라 신속히 항해해 갔다.
οἱ δὲ Λακεδαιμόνιοι παρεσκευάζοντο ὡς τῷ τειχίσματι προσβαλοῦντες κατά τε γῆν καὶ κατὰ θάλασσαν, ἐλπίζοντες ῥᾳδίως αἱρήσειν οἰκοδόμημα διὰ ταχέων εἰργασμένον καὶ ἀνθρώπων ὀλίγων ἐνόντων.
한편 라케다이몬인들은 육지와 바다 양쪽에서 그 요새를 공격할 준비를 하고 있었는데, 급히 지어진 건축물인 데다 안에 있는 사람도 소수여서 쉽게 함락시킬 수 있으리라 기대했기 때문이었다.
§4.8.5προσδεχόμενοι δὲ καὶ τὴν ἀπὸ τῆς Ζακύνθου τῶν Ἀττικῶν νεῶν βοήθειαν ἐν νῷ εἶχον, ἢν ἄρα μὴ πρότερον ἕλωσι, καὶ τοὺς ἔσπλους τοῦ λιμένος ἐμφάρξαι, ὅπως μὴ ᾖ τοῖς Ἀθηναίοις ἐφορμίσασθαι ἐς αὐτόν.
또한 그들은 자킨토스로부터 아테나이 함대의 구원이 오리라는 것도 예상하고 있었기에, 만일 그 전에 요새를 점령하지 못할 경우, 아테나이인들이 항구 안으로 들어와 정박하지 못하도록 항구의 입구들을 폐쇄할 계획을 세우고 있었다.
§4.8.6ἡ γὰρ νῆσος ἡ Σφακτηρία καλουμένη τόν τε λιμένα παρατείνουσα καὶ ἐγγὺς ἐπικειμένη ἐχυρὸν ποιεῖ καὶ τοὺς ἔσπλους στενούς, τῇ μὲν δυοῖν νεοῖν διάπλουν κατὰ τὸ τείχισμα τῶν Ἀθηναίων καὶ τὴν Πύλον, τῇ δὲ πρὸς τὴν ἄλλην ἤπειρον ὀκτὼ ἢ ἐννέα·
왜냐하면 스팍테리아라 불리는 섬이 항구를 가로질러 뻗어 있고 가까이 인접해 있어, 항구를 안전하게 만들고 그 입구들을 좁게 만들기 때문이었다. 아테나이인들의 요새와 필로스 쪽의 한쪽 입구는 배 두 척이 통과할 수 있는 폭이었고, 다른 쪽 대륙을 향한 입구는 여덟 혹은 아홉 척이 통과할 수 있는 폭이었다.
ὑλώδης τε καὶ ἀτριβὴς πᾶσα ὑπ’ ἐρημίας ἦν καὶ μέγεθος περὶ πέντε καὶ δέκα σταδίους μάλιστα.
섬은 황폐하여 온통 수목이 우거지고 사람의 발길이 닿지 않았으며, 그 길이는 대략 15스타디온 정도였다.
§4.8.7τοὺς μὲν οὖν ἔσπλους ταῖς ναυσὶν ἀντιπρῴροις βύζην κλῄσειν ἔμελλον·
그리하여 그들은 배들을 머리를 맞대어 빽빽하게 배치함으로써 입구들을 폐쇄할 생각이었다.
τὴν δὲ νῆσον ταύτην φοβούμενοι μὴ ἐξ αὐτῆς τὸν πόλεμον σφίσι ποιῶνται, ὁπλίτας διεβίβασαν ἐς αὐτὴν καὶ παρὰ τὴν ἤπειρον ἄλλους ἔταξαν.
또한 이 섬에 대해서는 적들이 그곳을 거점으로 삼아 자신들에게 싸움을 걸어올까 두려워하여, 중장보병들을 섬으로 건너가게 하고 대륙 연안에도 다른 군사들을 배치했다.
§4.8.8οὕτω γὰρ τοῖς Ἀθηναίοις τήν τε νῆσον πολεμίαν ἔσεσθαι τήν τε ἤπειρον, ἀπόβασιν οὐκ ἔχουσαν (τὰ γὰρ αὐτῆς τῆς Πύλου ἔξω τοῦ ἔσπλου πρὸς τὸ πέλαγος ἀλίμενα ὄντα οὐχ ἕξειν ὅθεν ὁρμώμενοι ὠφελήσουσι τοὺς αὑτῶν) σφεῖς δὲ ἄνευ τε ναυμαχίας καὶ κινδύνου ἐκπολιορκήσειν τὸ χωρίον κατὰ τὸ εἰκός, σίτου τε οὐκ ἐνόντος καὶ δι’ ὀλίγης παρασκευῆς κατειλημμένον.
그렇게 하면 아테나이인들에게는 섬도 적대적이 될 것이고 상륙지가 없는 대륙 역시 적대적이 될 것이기 때문이었다 (필로스 자체의 입구 바깥쪽 외해를 향한 부분은 항구가 없어, 그들이 아군을 도우러 출발할 수 있는 거점을 확보하지 못할 것이기 때문이었다). 그리하여 자신들은 해전이나 위험 없이도, 식량도 없고 빈약한 준비 상태로 점거된 그 요새를 이치상 포위하여 함락시킬 수 있으리라 생각했다.
§4.8.9ὡς δ’ ἐδόκει αὐτοῖς ταῦτα, καὶ διεβίβαζον ἐς τὴν νῆσον τοὺς ὁπλίτας ἀποκληρώσαντες ἀπὸ πάντων τῶν λόχων.
이 결정이 내려지자, 그들은 모든 부대에서 추첨으로 선발한 중장보병들을 섬으로 건너가게 했다.
καὶ διέβησαν μὲν καὶ ἄλλοι πρότερον κατὰ διαδοχήν, οἱ δὲ τελευταῖοι καὶ ἐγκαταληφθέντες εἴκοσι καὶ τετρακόσιοι ἦσαν καὶ Εἵλωτες οἱ περὶ αὐτούς·
이전에도 교대로 다른 이들이 건너갔었으나, 마지막으로 건너가서 결국 그곳에 갇히게 된 이들은 420명이었고 그들을 시중드는 헤일로타이들이 함께 있었다.
ἦρχε δὲ αὐτῶν Ἐπιτάδας ὁ Μολόβρου.
이들의 지휘관은 몰로브로스의 아들 에피타다스였다。