§4.69.1γνόντες δὲ οἱ τῶν Ἀθηναίων στρατηγοὶ ὅτι ἐναντίωμά τι ἐγένετο καὶ τὴν πόλιν βίᾳ οὐχ οἷοί τε ἔσονται λαβεῖν, τὴν Νίσαιαν εὐθὺς περιετείχιζον, νομίζοντες, εἰ πρὶν ἐπιβοηθῆσαί τινας ἐξέλοιεν, θᾶσσον ἂν καὶ §4.69.2τὰ Μέγαρα προσχωρῆσαι (παρεγένετο δὲ σίδηρός τε ἐκ τῶν Ἀθηνῶν ταχὺ καὶ λιθουργοὶ καὶ τἆλλα ἐπιτήδεια)·
아테네의 장군들은 어떤 장애가 생겼으며 무력으로는 그 도시를 함락할 수 없을 것임을 깨닫고, 즉시 니사이아 주변에 포위벽을 쌓기 시작했다. 만약 원군이 오기 전에 그곳을 함락한다면, 보다 신속하게 메가라도 항복할 것이라 생각했기 때문이다(마침 아테네로부터 철기, 석공, 그리고 그 밖의 필요한 물자들이 신속히 도착했다).
ἀρξάμενοι δ’ ἀπὸ τοῦ τείχους ὃ εἶχον καὶ διοικοδομήσαντες τὸ πρὸς Μεγαρέας, ἀπ’ ἐκείνου ἑκατέρωθεν ἐς θάλασσαν τῆς Νισαίας τάφρον τε καὶ τείχη διελομένη ἡ στρατιά, ἔκ τε τοῦ προαστείου λίθοις καὶ πλίνθοις χρώμενοι, καὶ κόπτοντες τὰ δένδρα καὶ ὕλην ἀπεσταύρουν εἴ πῃ δέοιτό τι· καὶ αἱ οἰκίαι τοῦ προαστείου ἐπάλξεις λαμβάνουσαι αὐταὶ ὑπῆρχον ἔρυμα.
그들은 자신들이 확보하고 있던 성벽에서 시작하여 메가라인들을 향한 쪽에 차단벽을 쌓은 후, 군대는 분담하여 그곳으로부터 니사이아 양편으로 바다에 이르기까지 참호와 성벽을 구축했다. 이때 외곽 지역의 돌과 벽돌을 사용하고, 나무와 목재를 베어내어 필요한 곳마다 말뚝을 박아 가로막았으며, 외곽의 가옥들은 그 자체에 흉벽을 설치하여 방벽으로 삼았다.
§4.69.3καὶ ταύτην μὲν τὴν ἡμέραν ὅλην εἰργάζοντο·
이날 하루 종일 그들은 작업을 계속했다.
τῇ δὲ ὑστεραίᾳ περὶ δείλην τὸ τεῖχος ὅσον οὐκ ἀπετετέλεστο, καὶ οἱ ἐν τῇ Νισαίᾳ δείσαντες, σίτου τε ἀπορίᾳ (ἐφ’ ἡμέραν γὰρ ἐκ τῆς ἄνω πόλεως ἐχρῶντο) καὶ τοὺς Πελοποννησίους οὐ νομίζοντες ταχὺ ἐπιβοηθήσειν, τούς τε Μεγαρέας πολεμίους ἡγούμενοι, ξυνέβησαν τοῖς Ἀθηναίοις ῥητοῦ μὲν ἕκαστον ἀργυρίου ἀπολυθῆναι ὅπλα παραδόντας, τοῖς δὲ Λακεδαιμονίοις, τῷ τε ἄρχοντι καὶ εἴ τις ἄλλος ἐνῆν, χρῆσθαι Ἀθηναίους ὅτι ἂν βούλωνται.
이튿날 저녁 무렵 성벽이 거의 완성되어 가자, 니사이아에 있던 자들은 식량 부족(그들은 매일 위의 도시로부터 식량을 가져다 썼기 때문이다)과 펠로폰네소스인들이 조속히 원군을 보내지 않을 것이라는 생각, 그리고 메가라인들을 적으로 여긴 탓에 공포에 질려 아테네인들과 합의에 이르렀다. 그 조건은 무기를 인도하고 각자 정해진 금액의 몸값을 치르고 석방되는 것이었으며, 라케다이몬인들(지휘관 및 그 밖에 그 안에 있던 자들)에 대해서는 아테네인들이 원하는 대로 처분하도록 하는 것이었다.
§4.69.4ἐπὶ τούτοις ὁμολογήσαντες ἐξῆλθον, καὶ οἱ Ἀθηναῖοι τὰ μακρὰ τείχη ἀπορρήξαντες ἀπὸ τῆς τῶν Μεγαρέων πόλεως καὶ τὴν Νίσαιαν παραλαβόντες τἆλλα παρεσκευάζοντο.
이러한 조건에 합의하여 그들이 나오자, 아테네인들은 장성을 메가라의 도시로부터 끊어내어 허물고 니사이아를 접수하여 다른 준비를 해 나갔다.