§3.112.1οἱ δ’ ἐκ τῆς πόλεως Ἀμπρακιῶται ἀφικνοῦνται ἐπ᾽ Ἰδομενήν.
도시에서 온 암브라키아인들은 이도메네에 도착했다.
ἐστὸν δὲ δύο λόφω ἡ Ἰδομενὴ ὑψηλώ·
이도메네는 두 개의 높은 언덕이다.
τούτοιν τὸν μὲν μείζω νυκτὸς ἐπιγενομένης οἱ προαποσταλέντες ὑπὸ τοῦ Δημοσθένους ἀπὸ τοῦ στρατοπέδου ἔλαθόν τε καὶ ἔφθασαν προκαταλαβόντες (τὸν δ’ ἐλάσσω ἔτυχον οἱ Ἀμπρακιῶται προαναβάντες) καὶ ηὐλίσαντο.
밤이 되었을 때, 데모스테네스가 진영에서 미리 파견한 부대가 들키지 않고 더 큰 언덕을 먼저 점령하는 데 성공했고(한편 암브라키아인들은 마침 그보다 작은 언덕에 미리 올라가 있었는데), 그곳에서 야영했다.
§3.112.2ὁ δὲ Δημοσθένης δειπνήσας ἐχώρει καὶ τὸ ἄλλο στράτευμα ἀπὸ ἑσπέρας εὐθύς, αὐτὸς μὲν τὸ ἥμισυ ἔχων ἐπὶ τῆς ἐσβολῆς, τὸ δ’ ἄλλο διὰ τῶν Ἀμφιλοχικῶν ὀρῶν.
데모스테네스는 저녁 식사를 마친 후 곧바로 저녁부터 남은 군대를 이끌고 행군했는데, 자신은 반수를 이끌고 길목으로 향했고, 나머지 반수는 암필로키아 산맥을 통과했다.
§3.112.3καὶ ἅμα ὄρθρῳ ἐπιπίπτει τοῖς Ἀμπρακιώταις ἔτι ἐν ταῖς εὐναῖς καὶ οὐ προῃσθημένοις τὰ γεγενημένα, ἀλλὰ πολὺ μᾶλλον νομίσασι τοὺς ἑαυτῶν εἶναι·
그리고 새벽녘에 그는 아직 잠자리에 있어 일어난 일을 전혀 알아차리지 못하고 오히려 다가오는 이들을 자신들의 편이라고 굳게 믿고 있던 암브라키아인들을 기습했다.
§3.112.4καὶ γὰρ τοὺς Μεσσηνίους πρώτους ἐπίτηδες ὁ Δημοσθένης προύταξε καὶ προσαγορεύειν ἐκέλευε, Δωρίδα τε γλῶσσαν ἱέντας καὶ τοῖς προφύλαξι πίστιν παρεχομένους, ἅμα δὲ καὶ οὐ καθορωμένους τῇ ὄψει νυκτὸς ἔτι οὔσης.
왜냐하면 데모스테네스가 일부러 메세니아인들을 선두에 배치하고 그들에게 말을 걸도록 명령했기 때문인데, 그들이 도리스 방언을 사용함으로써 초병들에게 신뢰를 주었고, 동시에 아직 밤이었기 때문에 겉모습으로도 식별되지 않았기 때문이다.
§3.112.5ὡς οὖν ἐπέπεσε τῷ στρατεύματι αὐτῶν, τρέπουσι, καὶ τοὺς μὲν πολλοὺς αὐτοῦ διέφθειραν, οἱ δὲ λοιποὶ κατὰ τὰ ὄρη ἐς φυγὴν ὥρμησαν.
그리하여 그들의 군대를 기습했을 때, 그들은 적을 패주시키고 그 태반을 그 자리에서 사살했으며, 나머지는 산을 향해 도망쳤다.
§3.112.6προκατειλημμένων δὲ τῶν ὁδῶν, καὶ ἅμα τῶν μὲν Ἀμφιλόχων ἐμπείρων ὄντων τῆς ἑαυτῶν γῆς καὶ ψιλῶν πρὸς ὁπλίτας, τῶν δὲ ἀπείρων καὶ ἀνεπιστημόνων ὅπῃ τράπωνται, ἐσπίπτοντες ἔς τε χαράδρας καὶ τὰς προλελοχισμένας ἐνέδρας διεφθείροντο.
그러나 퇴로는 이미 적에게 차단되어 있었고, 동시에 암필로키아인들은 자신들의 영토에 정통한 데다 중장보병에 맞서는 경장병이었던 반면, 암브라키아인들은 지리에 어둡고 어디로 가야 할지 몰랐기 때문에, 협곡과 미리 설비된 매복지에 빠져들어 학살당했다.
§3.112.7καὶ ἐς πᾶσαν ἰδέαν χωρήσαντες τῆς φυγῆς ἐτράποντό τινες καὶ ἐς τὴν θάλασσαν οὐ πολὺ ἀπέχουσαν, καὶ ὡς εἶδον τὰς Ἀττικὰς ναῦς παραπλεούσας ἅμα τοῦ ἔργου τῇ ξυντυχίᾳ, προσένευσαν, ἡγησάμενοι ἐν τῷ αὐτίκα φόβῳ κρεῖσσον εἶναι σφίσιν ὑπὸ τῶν ἐν ταῖς ναυσίν, εἰ δεῖ, διαφθαρῆναι ἢ ὑπὸ τῶν βαρβάρων καὶ ἐχθίστων Ἀμφιλόχων.
온갖 방법으로 도망치려다 일부는 그리 멀지 않은 바다로 향하기도 했다. 그리고 마침 이 전투의 시점에 맞추어 연안을 항행하던 아티카 선박들을 발견하자, 그들은 바다로 헤엄쳐 나아갔다. 눈앞의 공포 속에서, 그들은 만약 죽어야 한다면 야만적이고 가장 증오스러운 적인 암필로키아인들에게 죽는 것보다는 배에 탄 자들에게 죽는 편이 자신들에게 더 낫다고 판단했기 때문이다.
§3.112.8οἱ μὲν οὖν Ἀμπρακιῶται τοιούτῳ τρόπῳ κακωθέντες ὀλίγοι ἀπὸ πολλῶν ἐσώθησαν ἐς τὴν πόλιν·
이리하여 암브라키아인들은 이러한 방식으로 큰 타격을 입고 많은 이들 중 극소수만이 도시로 살아서 돌아갔다.
Ἀκαρνᾶνες δὲ σκυλεύσαντες τοὺς νεκροὺς καὶ τροπαῖα στήσαντες ἀπεχώρησαν ἐς Ἄργος.
아카르나니아인들은 전사자들의 무구를 노획하고 전승비를 세운 뒤 아르고스로 철수했다.