§2.99.1ξυνηθροίζοντο οὖν ἐν τῇ Δοβήρῳ καὶ παρεσκευάζοντο, ὅπως κατὰ κορυφὴν ἐσβαλοῦσιν ἐς τὴν κάτω Μακεδονίαν, ἧς ὁ Περδίκκας ἦρχεν.
그리하여 그들은 도베로스에 집결하여, 페르디카스가 통치하던 하부 마케도니아로 고지대를 거쳐 침공할 준비를 갖추었다.
§2.99.2τῶν γὰρ Μακεδόνων εἰσὶ καὶ Λυγκησταὶ καὶ Ἐλιμιῶται καὶ ἄλλα ἔθνη ἐπάνωθεν, ἃ ξύμμαχα μέν ἐστι τούτοις καὶ ὑπήκοα, βασιλείας δ’ ἔχει καθ’ αὑτά.
마케도니아인 중에는 링케스타이인들과 엘리미오타이인들 및 그 외 고지대의 다른 부족들도 포함되어 있는데, 이들은 이들과 동맹 관계에 있고 복속되어 있으나, 각자 독자적인 왕국을 가지고 있기 때문이다.
§2.99.3τὴν δὲ παρὰ θάλασσαν νῦν Μακεδονίαν Ἀλέξανδρος ὁ Περδίκκου πατὴρ καὶ οἱ πρόγονοι αὐτοῦ, Τημενίδαι τὸ ἀρχαῖον ὄντες ἐξ Ἄργους, πρῶτοι ἐκτήσαντο καὶ ἐβασίλευσαν ἀναστήσαντες μάχῃ ἐκ μὲν Πιερίας Πίερας, οἳ ὕστερον ὑπὸ τὸ Πάγγαιον πέραν Στρυμόνος ᾤκησαν Φάγρητα καὶ ἄλλα χωρία (καὶ ἔτι καὶ νῦν Πιερικὸς κόλπος καλεῖται ἡ ὑπὸ τῷ Παγγαίῳ πρὸς θάλασσαν γῆ), ἐκ δὲ τῆς Βοττίας καλουμένης Βοττιαίους, οἳ νῦν ὅμοροι Χαλκιδέων οἰκοῦσιν·
반면 오늘날 바다에 접한 마케도니아는 페르디카스의 아버지 알렉산드로스와 그의 선조들이 전투를 통해 원주민들을 축출하고 최초로 획득하여 지배한 곳인데, 이들은 본래 아르고스 출신의 테메노스 가문이었다. 이들은 피에리아로부터 피에리아인들을 축출했고（이들은 나중에 스트리몬강 너머 판가이온산 기슭의 파그레스와 그 밖의 지역들에 자리 잡고 살았으며, 지금도 판가이온산 아래 바다 쪽 땅은 피에리아만이라 불린다）, 보티아라고 불리는 지방으로부터 보티아인들을 축출했다（이들은 현재 칼키디케인들과 이웃하여 살고 있다）.
§2.99.4τῆς δὲ Παιονίας παρὰ τὸν Ἀξιὸν ποταμὸν στενήν τινα καθήκουσαν ἄνωθεν μέχρι Πέλλης καὶ θαλάσσης ἐκτήσαντο, καὶ πέραν Ἀξιοῦ μέχρι Στρυμόνος τὴν Μυγδονίαν καλουμένην Ἠδῶνας ἐξελάσαντες νέμονται.
또한 그들은 파이오니아 중에서 악시오스강을 따라 상류에서 펠라와 바다에 이르는 좁고 긴 지대를 차지했으며, 악시오스강 너머에서 스트리몬강에 이르는 뮈그도니아라 불리는 지역에서도 에도네스인들을 몰아내고 점유하고 있다.
§2.99.5ἀνέστησαν δὲ καὶ ἐκ τῆς νῦν Ἐορδίας καλουμένης Ἐορδούς, ὧν οἱ μὲν πολλοὶ ἐφθάρησαν, βραχὺ δέ τι αὐτῶν περὶ Φύσκαν κατῴκηται, καὶ ἐξ Ἀλμωπίας Ἄλμωπας.
이들은 오늘날 에오르디아라 불리는 곳에서도 에오르도스인들을 몰아냈는데（그 대부분은 멸망했으나 극소수가 퓌스카 주변에 정착해 살고 있다）, 알모피아로부터 알모페스인들도 축출했다.
§2.99.6ἐκράτησαν δὲ καὶ τῶν ἄλλων ἐθνῶν οἱ Μακεδόνες οὗτοι, ἃ καὶ νῦν ἔτι ἔχουσι, τόν τε Ἀνθεμοῦντα καὶ Κρηστωνίαν καὶ Βισαλτίαν καὶ Μακεδόνων αὐτῶν πολλήν.
이 마케도니아인들은 다른 부족들도 정복하여 오늘날까지 차지하고 있는데, 안테무스, 크레스토니아, 비살티아 및 마케도니아인 자체의 많은 영토가 이에 해당한다.
τὸ δὲ ξύμπαν Μακεδονία καλεῖται, καὶ Περδίκκας Ἀλεξάνδρου βασιλεὺς αὐτῶν ἦν ὅτε Σιτάλκης ἐπῄει.
전체가 마케도니아라 불리며, 시탈케스가 침공했을 때 알렉산드로스의 아들 페르디카스가 그들의 왕이었다。