§2.4.1οἱ δ’ ὡς ἔγνωσαν ἐξηπατημένοι, ξυνεστρέφοντό τε ἐν σφίσιν αὐτοῖς καὶ τὰς προσβολὰς ᾗ προσπίπτοιεν ἀπεωθοῦντο.
그들은 자신들이 속았음을 알아차리자, 서로 대형을 좁히며 공격이 가해지는 곳마다 이를 격퇴했다.
§2.4.2καὶ δὶς μὲν ἢ τρὶς ἀπεκρούσαντο, ἔπειτα πολλῷ θορύβῳ αὐτῶν τε προσβαλόντων καὶ τῶν γυναικῶν καὶ τῶν οἰκετῶν ἅμα ἀπὸ τῶν οἰκιῶν κραυγῇ τε καὶ ὀλολυγῇ χρωμένων λίθοις τε καὶ κεράμῳ βαλλόντων, καὶ ὑετοῦ ἅμα διὰ νυκτὸς πολλοῦ ἐπιγενομένου, ἐφοβήθησαν καὶ τραπόμενοι ἔφευγον διὰ τῆς πόλεως, ἄπειροι μὲν ὄντες οἱ πλείους ἐν σκότῳ καὶ πηλῷ τῶν διόδων ᾗ χρὴ σωθῆναι (καὶ γὰρ τελευτῶντος τοῦ μηνὸς τὰ γιγνόμενα ἦν), ἐμπείρους δὲ ἔχοντες τοὺς διώκοντας τοῦ μὴ ἐκφεύγειν, ὥστε διεφθείροντο οἱ πολλοί.
그들은 두세 번은 격퇴했으나, 그 후 거대한 혼란 속에서 플라타이아인들 자신이 공격해 오고, 동시에 여자들과 노예들이 집 위에서 비명과 울부짖음으로 돌과 기와를 던졌으며, 게다가 밤사이에 폭우마저 쏟아지자 공포에 질려 뒤돌아 성안으로 도망쳤다. 대부분은 어둠과 진흙 속에서 살아남기 위해 도망쳐야 할 통로를 알지 못했고 (이 일은 그믐에 일어났기 때문이다), 추격자들은 그들이 탈출하지 못하도록 막을 지리적 지식을 가지고 있었기에, 결국 대다수가 목숨을 잃었다.
§2.4.3τῶν δὲ Πλαταιῶν τις τὰς πύλας ᾗ ἐσῆλθον καὶ αἵπερ ἦσαν μόναι ἀνεῳγμέναι ἔκλῃσε στυρακίῳ ἀκοντίου ἀντὶ βαλάνου χρησάμενος ἐς τὸν μοχλόν, ὥστε μηδὲ ταύτῃ ἔξοδον ἔτι εἶναι.
플라타이아인 중 한 명이 그들이 들어왔던 유일하게 열려 있던 성문을, 빗장 핀 대신 투창의 뒷창창을 빗장에 끼워 폐쇄함으로써 이쪽으로도 더 이상 탈출할 길이 없게 만들었다.
§2.4.4διωκόμενοι δὲ κατὰ τὴν πόλιν οἱ μέν τινες αὐτῶν ἐπὶ τὸ τεῖχος ἀναβάντες ἔρριψαν ἐς τὸ ἔξω σφᾶς αὐτοὺς καὶ διεφθάρησαν οἱ πλείους, οἱ δὲ κατὰ πύλας ἐρήμους γυναικὸς δούσης πέλεκυν λαθόντες καὶ διακόψαντες τὸν μοχλὸν ἐξῆλθον οὐ πολλοί (αἴσθησις γὰρ ταχεῖα ἐπεγένετο), ἄλλοι δὲ ἄλλῃ τῆς πόλεως σποράδες ἀπώλλυντο.
성안에서 추격을 당하는 와중에, 그들 중 일부는 성벽 위로 올라가 성 밖으로 몸을 던졌으나 대부분 목숨을 잃었고, 다른 이들은 인적 없는 성문에 이르러 한 여성이 도끼를 건네주자 들키지 않고 빗장을 찍어내고 탈출했으나, 그 수는 많지 않았다 (곧바로 발각되었기 때문이다). 또 다른 이들은 성안 곳곳에 흩어져 목숨을 잃었다.
§2.4.5τὸ δὲ πλεῖστον καὶ ὅσον μάλιστα ἦν ξυνεστραμμένον ἐσπίπτουσιν ἐς οἴκημα μέγα, ὃ ἦν τοῦ τείχους καὶ αἱ θύραι ἀνεῳγμέναι ἔτυχον αὐτοῦ, οἰόμενοι πύλας τὰς θύρας τοῦ οἰκήματος εἶναι καὶ ἄντικρυς δίοδον ἐς τὸ ἔξω.
그러나 가장 많은 수이자 가장 긴밀하게 뭉쳐 있던 무리는 성벽의 일부이자 마침 문이 열려 있던 큰 건물 안으로 들이닥쳤는데, 그 건물의 문을 성문으로 오인하여 곧바로 성 밖으로 이어지는 통로라고 생각했던 것이다.
§2.4.6ὁρῶντες δὲ αὐτοὺς οἱ Πλαταιῆς ἀπειλημμένους ἐβουλεύοντο εἴτε κατακαύσωσιν ὥσπερ ἔχουσιν, ἐμπρήσαντες τὸ οἴκημα, εἴτε τι ἄλλο χρήσωνται.
플라타이아인들은 그들이 갇힌 것을 보고, 건물에 불을 질러 그들을 있는 그대로 불태워 죽일 것인지, 아니면 다른 처분을 내릴 것인지 의논했다.
§2.4.7τέλος δὲ οὗτοί τε καὶ ὅσοι ἄλλοι τῶν Θηβαίων περιῆσαν κατὰ τὴν πόλιν πλανώμενοι, ξυνέβησαν τοῖς Πλαταιεῦσι παραδοῦναι σφᾶς τε αὐτοὺς καὶ τὰ ὅπλα χρήσασθαι ὅτι ἂν βούλωνται.
결국 이들과 성안을 방황하며 살아남은 다른 모든 테바이인들은 플라타이아인들에게 자신들과 무기를 양도하고 처분을 바라는 대로 맡기기로 합의했다.
§2.4.8οἱ μὲν δὴ ἐν τῇ Πλαταίᾳ οὕτως ἐπεπράγεσαν·
플라타이아에 들어온 자들의 일은 이와 같이 끝났다.