§1.62.1Ποτειδεᾶται δὲ καὶ οἱ μετὰ Ἀριστέως Πελοποννήσιοι προσδεχόμενοι τοὺς Ἀθηναίους ἐστρατοπεδεύοντο πρὸς Ὀλύνθου ἐν τῷ ἰσθμῷ, καὶ ἀγορὰν ἔξω τῆς πόλεως ἐπεποίηντο.
포테이다이아인들과 아리스테우스와 함께하는 펠로폰네소스인들은 아테네인들을 기다리며 올린토스 쪽 지협에 진을 치고, 성 밖에 시장을 마련해 두었다.
§1.62.2στρατηγὸν μὲν οὖν τοῦ πεζοῦ παντὸς οἱ ξύμμαχοι ᾕρηντο Ἀριστέα, τῆς δὲ ἵππου Περδίκκαν·
그리하여 동맹군들은 보병 전체의 장군으로 아리스테우스를, 기병의 장군으로 페르디카스를 선출했다.
ἀπέστη γὰρ εὐθὺς πάλιν τῶν Ἀθηναίων καὶ ξυνεμάχει τοῖς Ποτειδεάταις, Ἰόλαον ἀνθ’ αὑτοῦ καταστήσας ἄρχοντα.
왜냐하면 그는 즉시 다시 아테네인들로부터 이탈하여 포테이다이아인들과 동맹을 맺고, 자신을 대신해 이올라오스를 지휘관으로 세웠기 때문이다.
§1.62.3ἦν δὲ ἡ γνώμη τοῦ Ἀριστέως τὸ μὲν μεθ’ ἑαυτοῦ στρατόπεδον ἔχοντι ἐν τῷ ἰσθμῷ ἐπιτηρεῖν τοὺς Ἀθηναίους, ἢν ἐπίωσι, Χαλκιδέας δὲ καὶ τοὺς ἔξω ἰσθμοῦ ξυμμάχους καὶ τὴν παρὰ Περδίκκου διακοσίαν ἵππον ἐν Ὀλύνθῳ μένειν, καὶ ὅταν Ἀθηναῖοι ἐπὶ σφᾶς χωρῶσι, κατὰ νώτου βοηθοῦντας ἐν μέσῳ ποιεῖν αὑτῶν τοὺς πολεμίους.
아리스테우스의 생각은 이러했다. 자신과 함께 있는 군대를 지협에 두고 아테네인들이 공격해 올 경우 감시하는 한편, 칼키디아인들과 지협 밖의 동맹군들, 그리고 페르디카스가 보낸 200명의 기병은 올린토스에 머무르게 하다가, 아테네인들이 자신들을 향해 나아올 때 배후에서 지원하여 적을 자신들 사이에 끼워 협공하겠다는 것이었다.
§1.62.4Καλλίας δ’ αὖ ὁ τῶν Ἀθηναίων στρατηγὸς καὶ οἱ ξυνάρχοντες τοὺς μὲν Μακεδόνας ἱππέας καὶ τῶν ξυμμάχων ὀλίγους ἐπὶ Ὀλύνθου ἀποπέμπουσιν, ὅπως εἴργωσι τοὺς ἐκεῖθεν ἐπιβοηθεῖν, αὐτοὶ δὲ ἀναστήσαντες τὸ στρατόπεδον ἐχώρουν ἐπὶ τὴν Ποτείδαιαν.
한편 아테네의 장군 칼리아스와 그의 동료 장군들은 올린토스로부터의 원군이 오는 것을 저지하기 위해 마케도니아인 기병들과 동맹군 중 일부를 올린토스로 파견하고, 자신들은 진을 거두어 포테이다이아를 향해 진군했다.
§1.62.5καὶ ἐπειδὴ πρὸς τῷ ἰσθμῷ ἐγένοντο καὶ εἶδον τοὺς ἐναντίους παρασκευαζομένους ὡς ἐς μάχην, ἀντικαθίσταντο καὶ αὐτοί, καὶ οὐ πολὺ ὕστερον ξυνέμισγον.
그리고 지협에 이르러 적들이 전투를 준비하는 것을 보고 자신들도 전열을 갖추어 맞섰으며, 머지않아 양군은 격돌했다.
§1.62.6καὶ αὐτὸ μὲν τὸ τοῦ Ἀριστέως κέρας καὶ ὅσοι περὶ ἐκεῖνον ἦσαν Κορινθίων τε καὶ τῶν ἄλλων λογάδες ἔτρεψαν τὸ καθ’ ἑαυτοὺς καὶ ἐπεξῆλθον διώκοντες ἐπὶ πολύ·
아리스테우스가 이끄는 부대와 그의 주변에 있던 코린토스인 및 여타 선발대들은 자신들 맞은편의 적을 패퇴시키고 멀리까지 추격해 나갔다.
τὸ δὲ ἄλλο στρατόπεδον Ποτειδεατῶν καὶ Πελοποννησίων ἡσσᾶτο ὑπὸ τῶν Ἀθηναίων καὶ ἐς τὸ τεῖχος κατέφυγεν.
그러나 포테이다이아인들과 펠로폰네소스인들의 나머지 군대는 아테네인들에게 패하여 성벽 안으로 피신했다.