§1.18.1ἐπειδὴ δὲ οἵ τε Ἀθηναίων τύραννοι καὶ οἱ ἐκ τῆς ἄλλης Ἑλλάδος ἐπὶ πολὺ καὶ πρὶν τυραννευθείσης οἱ πλεῖστοι καὶ τελευταῖοι πλὴν τῶν ἐν Σικελίᾳ ὑπὸ Λακεδαιμονίων κατελύθησαν (ἡ γὰρ Λακεδαίμων μετὰ τὴν κτίσιν τῶν νῦν ἐνοικούντων αὐτὴν Δωριῶν ἐπὶ πλεῖστον ὧν ἴσμεν χρόνον στασιάσασα ὅμως ἐκ παλαιτάτου καὶ ηὐνομήθη καὶ αἰεὶ ἀτυράννευτος ἦν·
아테네의 참주들과, (아테네보다 훨씬 전부터 오랫동안 참주의 지배를 받아온) 나머지 그리스 지역의 참주들의 대부분이자 마지막 인물들이 시켈리아의 참주들을 제외하고 라케다이몬인들에 의해 타도된 뒤에—왜냐하면 라케다이몬은 현재 그곳에 거주하는 도리아인들이 정착한 이래로 우리가 아는 한 가장 오랜 기간 동안 내분에 시달렸음에도 불구하고, 아주 오래전부터 좋은 법질서를 유지했고 항상 참주의 지배를 받지 않았기 때문이다.
ἔτη γάρ ἐστι μάλιστα τετρακόσια καὶ ὀλίγῳ πλείω ἐς τὴν τελευτὴν τοῦδε τοῦ πολέμου ἀφ’ οὗ Λακεδαιμόνιοι τῇ αὐτῇ πολιτείᾳ χρῶνται, καὶ δι’ αὐτὸ δυνάμενοι καὶ τὰ ἐν ταῖς ἄλλαις πόλεσι καθίστασαν), μετὰ δὲ τὴν τῶν τυράννων κατάλυσιν ἐκ τῆς Ἑλλάδος οὐ πολλοῖς ἔτεσιν ὕστερον καὶ ἡ ἐν Μαραθῶνι μάχη Μήδων πρὸς Ἀθηναίους ἐγένετο.
라케다이몬인들이 동일한 국제를 사용한 때부터 이 전쟁의 종결까지는 대략 사백 년이거나 그보다 약간 더 많은 해가 흘렀으며, 이로 인해 그들은 강력하여 다른 도시들의 체제도 정돈했다—그리스에서 참주들이 타도된 지 몇 년 지나지 않아 마라톤에서 페르시아인들과 아테네인들 사이의 전투가 일어났다.
§1.18.2δεκάτῳ δὲ ἔτει μετ’ αὐτὴν αὖθις ὁ βάρβαρος τῷ μεγάλῳ στόλῳ ἐπὶ τὴν Ἑλλάδα δουλωσόμενος ἦλθεν.
그리고 그 전투로부터 십 년째 되던 해에 이민족은 그리스를 노예로 삼기 위해 다시 대함대를 이끌고 왔다.
καὶ μεγάλου κινδύνου ἐπικρεμασθέντος οἵ τε Λακεδαιμόνιοι τῶν ξυμπολεμησάντων Ἑλλήνων ἡγήσαντο δυνάμει προύχοντες, καὶ οἱ Ἀθηναῖοι ἐπιόντων τῶν Μήδων διανοηθέντες ἐκλιπεῖν τὴν πόλιν καὶ ἀνασκευασάμενοι ἐς τὰς ναῦς ἐσβάντες ναυτικοὶ ἐγένοντο.
커다란 위험이 임박하자, 라케다이몬인들은 무력에서 앞서 있었기에 함께 싸운 그리스인들을 이끌었고, 아테네인들은 페르시아인들이 쳐들어오자 도시를 버리기로 결심하고 짐을 꾸려 배에 올라타 해군의 민이 되었다.
κοινῇ τε ἀπωσάμενοι τὸν βάρβαρον, ὕστερον οὐ πολλῷ διεκρίθησαν πρός τε Ἀθηναίους καὶ Λακεδαιμονίους οἵ τε ἀποστάντες βασιλέως Ἕλληνες καὶ οἱ ξυμπολεμήσαντες.
공동으로 이민족을 물리친 후, 얼마 지나지 않아 페르시아 왕으로부터 이탈한 그리스인들과 공동으로 싸운 자들은 아테네인들과 라케다이몬인들의 진영으로 갈라졌다.
δυνάμει γὰρ ταῦτα μέγιστα διεφάνη·
왜냐하면 이들이 무력에서 가장 강력한 존재로 드러났기 때문이다.
ἴσχυον γὰρ οἱ μὲν κατὰ γῆν, οἱ δὲ ναυσίν.
즉, 한쪽은 육지에서, 다른 쪽은 해군에서 강력했다.
§1.18.3καὶ ὀλίγον μὲν χρόνον ξυνέμεινεν ἡ ὁμαιχμία, ἔπειτα διενεχθέντες οἱ Λακεδαιμόνιοι καὶ Ἀθηναῖοι ἐπολέμησαν μετὰ τῶν ξυμμάχων πρὸς ἀλλήλους·
그리고 동맹 관계는 짧은 기간 동안만 유지되었고, 그 후 라케다이몬인들과 아테네인들은 불화를 겪으며 각각의 동맹국들과 함께 서로 전쟁을 벌였다.
καὶ τῶν ἄλλων Ἑλλήνων εἴ τινές που διασταῖεν, πρὸς τούτους ἤδη ἐχώρουν.
또한 다른 그리스인들 중에서 어디선가 분열이 생기면 이들은 이미 이 양측 중 하나로 향했다.
ὥστε ἀπὸ τῶν Μηδικῶν ἐς τόνδε αἰεὶ τὸν πόλεμον τὰ μὲν σπενδόμενοι, τὰ δὲ πολεμοῦντες ἢ ἀλλήλοις ἢ τοῖς ἑαυτῶν ξυμμάχοις ἀφισταμένοις εὖ παρεσκευάσαντο τὰ πολέμια καὶ ἐμπειρότεροι ἐγένοντο μετὰ κινδύνων τὰς μελέτας ποιούμενοι.
그리하여 페르시아 전쟁 때부터 이 전쟁에 이르기까지, 때로는 조약을 맺고 때로는 서로 혹은 반란을 일으키는 자신들의 동맹국들과 전쟁을 벌이며, 그들은 군사적 대비를 완벽히 갖추었고 위험 속에서 훈련을 거듭함으로써 더 노련해졌다.