§1.126.1ἐν τούτῳ δὲ ἐπρεσβεύοντο τῷ χρόνῳ πρὸς τοὺς Ἀθηναίους ἐγκλήματα ποιούμενοι, ὅπως σφίσιν ὅτι μεγίστη πρόφασις εἴη τοῦ πολεμεῖν, ἢν μή τι ἐσακούωσιν.
이 기간 동안 스파르타인들은 아테네인들에게 사절을 보내 요구 사항들을 제기했는데, 이는 아테네인들이 자신들의 요구를 듣지 않을 경우, 전쟁을 일으키기 위한 대의명분을 가능한 한 크게 만들기 위함이었다.
§1.126.2καὶ πρῶτον μὲν πρέσβεις πέμψαντες οἱ Λακεδαιμόνιοι ἐκέλευον τοὺς Ἀθηναίους τὸ ἄγος ἐλαύνειν τῆς θεοῦ·
그리고 먼저 라케다이몬인들은 사절을 보내 아테네인들에게 '여신의 부정을 추방하라'고 요구했다.
τὸ δὲ ἄγος ἦν τοιόνδε.
그 부정의 유래는 다음과 같았다.
§1.126.3Κύλων ἦν Ἀθηναῖος ἀνὴρ Ὀλυμπιονίκης τῶν πάλαι εὐγενής τε καὶ δυνατός, ἐγεγαμήκει δὲ θυγατέρα Θεαγένους Μεγαρέως ἀνδρός, ὃς κατ’ ἐκεῖνον τὸν χρόνον ἐτυράννει Μεγάρων.
예전에 아테네인 중에 킬론이라는 자가 있었다. 그는 올림피아 제전의 우승자로서 가문이 훌륭하고 권세 있는 인물이었으며, 당시 메가라를 참주로서 지배하고 있던 메가라 사람 테아게네스의 딸과 결혼했다.
§1.126.4χρωμένῳ δὲ τῷ Κύλωνι ἐν Δελφοῖς ἀνεῖλεν ὁ θεὸς ἐν τοῦ Διὸς τῇ μεγίστῃ ἑορτῇ καταλαβεῖν τὴν Ἀθηναίων ἀκρόπολιν.
킬론이 델포이에서 신탁을 구했을 때, 신은 그에게 '제우스의 가장 큰 축제일에 아테네의 아크로폴리스를 점령하라'고 고지했다.
§1.126.5ὁ δὲ παρά τε τοῦ Θεαγένους δύναμιν λαβὼν καὶ τοὺς φίλους ἀναπείσας, ἐπειδὴ ἐπῆλθεν Ὀλύμπια τὰ ἐν Πελοποννήσῳ, κατέλαβε τὴν ἀκρόπολιν ὡς ἐπὶ τυραννίδι, νομίσας ἑορτήν τε τοῦ Διὸς μεγίστην εἶναι καὶ ἑαυτῷ τι προσήκειν Ὀλύμπια νενικηκότι.
그리하여 그는 테아게네스로부터 병력을 얻고 친구들을 설득하여, 펠로폰네소스의 올림피아 제전이 돌아왔을 때 참주가 되기 위해 아크로폴리스를 점령했다. 그는 그것이 제우스의 가장 큰 축제이며, 올림피아 우승자인 자신과도 깊은 관계가 있다고 생각했기 때문이다.
§1.126.6εἰ δὲ ἐν τῇ Ἀττικῇ ἢ ἄλλοθί που ἡ μεγίστη ἑορτὴ εἴρητο, οὔτε ἐκεῖνος ἔτι κατενόησε τό τε μαντεῖον οὐκ ἐδήλου (ἔστι γὰρ καὶ Ἀθηναίοις Διάσια ἃ καλεῖται Διὸς ἑορτὴ Μειλιχίου μεγίστη ἔξω τῆς πόλεως, ἐν ᾗ πανδημεὶ θύουσι πολλὰ οὐχ ἱερεῖα, ἀλλ’ 〈ἁγνὰ〉 θύματα ἐπιχώρια), δοκῶν δὲ ὀρθῶς γιγνώσκειν ἐπεχείρησε τῷ ἔργῳ.
그러나 그 '가장 큰 축제'가 아티카에서의 축제인지 혹은 다른 곳에서의 축제를 뜻하는지에 대해 그는 깊이 생각하지 않았고 신탁도 밝히지 않았다 (아테네인들에게도 성벽 밖에서 거행되는, 자비로운 제우스의 가장 큰 축제라 불리는 '디아시아' 축제가 있어, 그때 온 시민이 가축이 아닌 지방 특유의 정결한 제물을 많이 바치기 때문이다). 하지만 그는 자신이 올바르게 이해하고 있다고 생각하여 그 일에 착수했다.
§1.126.7οἱ δὲ Ἀθηναῖοι αἰσθόμενοι ἐβοήθησάν τε πανδημεὶ ἐκ τῶν ἀγρῶν ἐπ’ αὐτοὺς καὶ προσκαθεζόμενοι ἐπολιόρκουν.
아테네인들은 이를 알아차리자 들녘에서 온 시민이 몰려와 그들을 막았고, 그 주위에 자리를 잡고 포위 공격을 가했다.
§1.126.8χρόνου δὲ ἐγγιγνομένου οἱ Ἀθηναῖοι τρυχόμενοι τῇ προσεδρίᾳ ἀπῆλθον οἱ πολλοί, ἐπιτρέψαντες τοῖς ἐννέα ἄρχουσι τήν τε φυλακὴν καὶ τὸ πᾶν αὐτοκράτορσι διαθεῖναι ᾗ ἂν ἄριστα διαγιγνώσκωσιν·
시간이 지나면서 포위 공격에 지친 아테네인 다수가 떠나가며, 수비와 사태 전체를 자신들이 최선이라 판단하는 방식으로 해결할 전권을 아홉 아르콘(집정관)들에게 위임했다.
τότε δὲ τὰ πολλὰ τῶν πολιτικῶν οἱ ἐννέα ἄρχοντες ἔπρασσον.
당시에는 국정의 대부분을 아홉 아르콘들이 관장하고 있었기 때문이다.
§1.126.9οἱ δὲ μετὰ τοῦ Κύλωνος πολιορκούμενοι φλαύρως εἶχον σίτου τε καὶ ὕδατος ἀπορίᾳ.
한편 킬론과 함께 포위된 자들은 식량과 물의 부족으로 비참한 상태에 처해 있었다.
§1.126.10ὁ μὲν οὖν Κύλων καὶ ὁ ἀδελφὸς αὐτοῦ ἐκδιδράσκουσιν· οἱ δ’ ἄλλοι ὡς ἐπιέζοντο καί τινες καὶ ἀπέθνῃσκον ὑπὸ τοῦ λιμοῦ, καθίζουσιν ἐπὶ τὸν βωμὸν ἱκέται τὸν ἐν τῇ ἀκροπόλει.
그리하여 킬론과 그의 형제는 탈출했으나, 다른 이들은 굶주림에 짓눌려 일부는 죽어가게 되자 아크로폴리스에 있는祭壇에 탄원자로 자리를 잡았다.
§1.126.11ἀναστήσαντες δὲ αὐτοὺς οἱ τῶν Ἀθηναίων ἐπιτετραμμένοι τὴν φυλακήν, ὡς ἑώρων ἀποθνῄσκοντας ἐν τῷ ἱερῷ, ἐφ’ ᾧ μηδὲν κακὸν ποιήσουσιν, ἀπαγαγόντες ἀπέκτειναν·
수비를 위임받았던 아테네인들은 그들이 성소 안에서 죽어가는 것을 보고, 해를 끼치지 않겠다는 조건으로 그들을 일으켜 세워 성 밖으로 이끌어낸 뒤 처형했다.
καθεζομένους δέ τινας καὶ ἐπὶ τῶν σεμνῶν θεῶν τοῖς βωμοῖς ἐν τῇ παρόδῳ ἀπεχρήσαντο.
또한 그들은 지나가다가 '두려운 여신들'의 제단에 앉아 있던 일부 탄원자들마저 살해했다.
καὶ ἀπὸ τούτου ἐναγεῖς καὶ ἀλιτήριοι τῆς θεοῦ ἐκεῖνοί τε ἐκαλοῦντο καὶ τὸ γένος τὸ ἀπ᾽ ἐκείνων.
이 일로 인해 그들과 그들의 후손들은 여신께 죄를 지은 '부정한 자들'이자 '죄인들'이라 불리게 되었다.
§1.126.12ἤλασαν μὲν οὖν καὶ οἱ Ἀθηναῖοι τοὺς ἐναγεῖς τούτους, ἤλασε δὲ καὶ Κλεομένης ὁ Λακεδαιμόνιος ὕστερον μετὰ Ἀθηναίων στασιαζόντων, τούς τε ζῶντας ἐλαύνοντες καὶ τῶν τεθνεώτων τὰ ὀστᾶ ἀνελόντες ἐξέβαλον·
따라서 아테네인들 자신도 이 부정한 자들을 추방했으나, 나중에는 라케다이몬인의 클레오메네스 역시 내분을 일으킨 아테네인들과 함께 그들을 추방했는데, 산 자들을 쫓아냈을 뿐만 아니라 죽은 자들의 뼈까지 파내어 국외로 내버렸다.
κατῆλθον μέντοι ὕστερον, καὶ τὸ γένος αὐτῶν ἔστιν ἔτι ἐν τῇ πόλει.
그러나 그들은 나중에 귀환하여 그 가문은 여전히 시내에 존재하고 있다.