§8.40.1Cum contra exspectationem omnium Caesar Vxellodunum venisset oppidumque operibus clausum animadverteret neque ab oppugnatione recedi videret ulla condicione posse, magna autem copia frumenti abundare oppidanos ex perfugis cognosset, aqua prohibere hostem temptare coepit.
当恺撒出乎所有人意料地抵达乌克塞洛杜努姆，并注意到该城已被围攻工事封锁，且看出在任何情况下都无法放弃围攻，同时从逃兵处得知城内居民拥有极其丰富的粮食时，他便开始尝试切断敌人的水源。
§8.40.2Flumen infimam vallem dividebat, quae totum paene montem cingebat, in quo positum erat praeruptum undique oppidum Vxellodunum.
一条河流分隔了最深处的山谷，这山谷几乎环绕着整座山，而四面陡峭的乌克塞洛杜努姆城就坐落在这座山上。
§8.40.3Hoc avertere loci natura prohibebat: in infimis enim sic radicibus montis ferebatur, ut nullam in partem depressis fossis derivari posset.
这一地势使得无法将河流改道；因为它流经山脚的最底部，以至于即使挖深沟也无法向任何方向引流。
§8.40.4Erat autem oppidanis difficilis et praeruptus eo descensus, ut prohibentibus nostris sine vulneribus ac periculo vitae neque adire flumen neque arduo se recipere possent ascensu.
然而，对城内居民来说，下到河边的山路是如此艰难和陡峭，以至于在我军的阻击下，他们如果不受伤和冒生命危险，就既无法靠近河流，也无法沿着陡峭的山路退回。
§8.40.5Qua difficultate eorum cognita Caesar sagittariis funditoribusque dispositis, tormentis etiam quibusdam locis contra facillimos descensus collocatis aqua fluminis prohibebat oppidanos.
恺撒了解到了他们的这一困难，便部署了弓箭手和投石兵，并在某些地方针对最容易下山的路口安置了弩炮，以此阻止城内居民获取河水。