§5.24.1Subductis navibus concilioque Gallorum Samarobrivae peracto, quod eo anno frumentum in Gallia propter siccitates angustius provenerat, coactus est aliter ac superioribus annis exercitum in hibernis collocare legionesque in plures civitates distribuere;
在船只拖上岸、并在萨马罗布里瓦召开了高卢人大会之后，由于那一年因干旱导致高卢的粮食收成比往年更为稀少，他不得不采取与往年不同的方式，将军队安顿在冬营地中，并将各个军团分散到更多的部族中去。
§5.24.2ex quibus unam in Morinos ducendam Gaio Fabio legato dedit, alteram in Nervios Quinto Ciceroni, tertiam in Esubios Lucio Roscio; quartam in Remis cum Tito Labieno in confinio Treverorum hiemare iussit.
在这些军团中，他将一个交给副将盖乌斯·法比乌斯带领前往莫里尼人那里，另一个交给昆图斯·西塞罗前往纳尔维人那里，第三个交给卢基乌斯·罗斯基乌斯前往埃苏比人那里；他命令第四个军团与提图斯·拉比埃努斯一起在特雷维里人边界的雷米人境内过冬。
Tres in Belgis collocavit: §5.24.3eis Marcum Crassum quaestorem et Lucium Munatium Plancum et Gaium Trebonium legatos praefecit.
他在贝尔盖人中安置了三个军团：并指派财务官马库斯·克拉苏、以及副将卢基乌斯·穆纳提乌斯·普兰库斯和盖乌斯·特雷博尼乌斯主管这三个军团。
§5.24.4Vnam legionem, quam proxime trans Padum conscripserat, et cohortes V in Eburones, quorum pars maxima est inter Mosam ac Rhenum, qui sub imperio Ambiorigis et Catuvolci erant, misit.
他把最近在波河以北招募的一个军团和五个步兵大队，派往埃布罗内斯人那里，该部族的最大部分位于马斯河和莱茵河之间，处于安比奥里克斯和卡图沃尔克斯的统治之下。
§5.24.5Eis militibus Quintum Titurium Sabinum et Lucium Aurunculeium Cottam legatos praeesse iussit.
他命令副将昆图斯·提图里乌斯·萨比努斯和卢基乌斯·奥伦库莱乌斯·科塔指挥这些士兵。
§5.24.6Ad hunc modum distributis legionibus facillime inopiae frumentariae sese mederi posse existimavit.
通过以这种方式分配军团，他认为自己最容易解决粮食短缺的问题。
§5.24.7Atque harum tamen omnium legionum hiberna praeter eam, quam Lucio Roscio in pacatissimam et quietissimam partem ducendam dederat, milibus passuum centum continebantur.
然而，除了他交给卢基乌斯·罗斯基乌斯带往最和平、最安静地区的那一个军团之外，所有这些军团的冬营地，都在一百罗马里的范围之内。
§5.24.8Ipse interea, quoad legiones collocatas munitaque hiberna cognovisset, in Gallia morari constituit.
与此同时，他自己决定在高卢停留，直到他得知军团已安置妥当、冬营地已加固完毕。