§10.38.8τούτων δὲ τῶν Λοκρῶν τοσαίδε ἄλλαι πόλεις εἰσίν· ἄνω μὲν ὑπὲρ Ἀμφίσσης πρὸς ἤπειρον Μυονία σταδίοις ἀπωτέρω τριάκοντα Ἀμφίσσης·
这些洛克里人的城市还有以下这些：在阿姆菲萨上方往内陆方向是米奥尼亚，距离阿姆菲萨三十斯塔德。
οὗτοι καὶ τῷ Διὶ ἐν Ὀλυμπίᾳ εἰσὶν οἱ ἀναθέντες Μυᾶνες τὴν ἀσπίδα.
这些米亚内斯人就是在奥林匹亚向宙斯献纳盾牌的人。
κεῖται δὲ τὸ πόλισμα ἐπὶ ὑψηλοῦ, καί σφισιν ἄλσος καὶ βωμὸς θεῶν Μειλιχίων ἐστί·
该城镇坐落于高地，他们有一处温和神明的圣林和祭坛。
νυκτεριναὶ δὲ αἱ θυσίαι θεοῖς τοῖς Μειλιχίοις εἰσὶ καὶ ἀναλῶσαι τὰ κρέα αὐτόθι πρὶν ἢ ἥλιον ἐπισχεῖν νομίζουσι.
向温和神明献祭是在夜间进行的，他们习惯在太阳升起之前在当地把肉吃光。
καὶ Ποσειδῶνός ἐστιν ὑπὲρ τὴν πόλιν τέμενος καλούμενον Ποσειδώνιον, ἐν δὲ αὐτῷ ναὸς Ποσειδῶνος· τὸ δὲ ἄγαλμα ἐς ἐμὲ οὐκ ἦν.
城市上方有一处被称为波塞冬尼亚的波塞冬神域，其中有波塞冬的神殿；但在我的时代，神像已经不存了。
§10.38.9οὗτοι μὲν δὴ ὑπεροικοῦσιν Ἀμφίσσης· ἐπὶ θαλάσσης δὲ Οἰάνθεια καὶ ταύτῃ ὁμοροῦσά ἐστι Ναύπακτος.
这些人居住在阿姆菲萨上方；海滨则是奥安特亚，与其相邻的是纳乌帕克托斯。
πλὴν δὲ Ἀμφίσσης ὑπʼ Ἀχαιῶν οἱ ἄλλοι Πατρέων ἄρχονται, βασιλέως σφίσι δόντος Αὐγούστου.
除阿姆菲萨外，其余人都受帕特雷的亚该亚人统治，这是奥古斯都皇帝赐予他们的。
ἐν Οἰανθείᾳ δὲ Ἀφροδίτης τε ἱερὸν καὶ ὀλίγον ὑπὲρ τὴν πόλιν κυπαρίσσου τε ἀναμὶξ καὶ τῆς πίτυός ἐστιν ἄλσος καὶ ναός τε Ἀρτέμιδος καὶ ἄγαλμα ἐν τῷ ἄλσει· γραφαὶ δὲ ἐπὶ τῶν τοίχων ἐξίτηλοί τε ἦσαν ὑπὸ τοῦ χρόνου καὶ οὐδὲν ἔτι ἐλείπετο ἐς θέαν αὐτῶν.
在奥安特亚有阿佛洛狄忒的神殿，城市稍上方有一处柏树与松树交错的圣林，圣林里有阿耳忒弥斯的神殿和神像；墙上的壁画因时间流逝而褪色，已没有任何残留供人观赏。
§10.38.10κληθῆναι δὲ ἀπὸ γυναικὸς ἢ νύμφης τεκμαίρομαι τὴν πόλιν, ἐπεὶ ἐπὶ Ναυπάκτῳ γε οἶδα εἰρημένον ὡς Δωριεῖς οἱ ὁμοῦ τοῖς Ἀριστομάχου παισὶ τὰ πλοῖα αὐτόθι ἐποιήσαντο, οἷς ἐς Πελοπόννησον ἐπεραιώθησαν· καὶ ἀντὶ τούτου γενέσθαι τὸ ὄνομα τῷ χωρίῳ φασί.
我推测这座城市得名于一位妇女或宁芙，因为关于纳乌帕克托斯，我知道有说法称，与阿里斯托马科斯之子们在一起的多利安人在那里建造了他们渡海去往伯罗奔尼撒的船只；他们说，正是由于这个原因，该地才得到了这个名字。
τὰ δέ μοι Ναυπακτίων, ὡς τοῖς ἐς Ἰθώμην ἀποστᾶσιν ὁμοῦ τῷ σεισμῷ τῷ ἐν Λακεδαίμονι Ἀθηναῖοι Ναύπακτον ἐνοικῆσαί σφισιν ἔδοσαν ἀφελόμενοι τοὺς Λοκροὺς καὶ ὡς τοῦ Ἀθηναίων ὕστερον πταίσματος τοῦ ἐν Αἰγὸς ποταμοῖς Λακεδαιμόνιοι τοὺς Μεσσηνίους ἐδίωξαν καὶ ἐκ τῆς Ναυπάκτου, τάδε μὲν ἐπεξῆλθέ μοι καὶ ἐς πλέον ἡ Μεσσηνία συγγραφή·
至于纳乌帕克托斯人的历史，即：阿提卡人在拉刻代蒙地震时将从洛克里人手中夺来的纳乌帕克托斯，给那些反叛至伊托梅的麦塞尼亚人居住；以及后来在阿提卡人于羊河战败后，拉刻代蒙人如何也将麦塞尼亚人赶出纳乌帕克托斯——这些事情在我的《麦塞尼亚记》中已经有更详细的阐述。
ἐκλιπόντων δὲ ὑπὸ ἀνάγκης τῶν Μεσσηνίων, οὕτως οἱ Λοκροὶ συνελέγχθησαν αὖθις ἐς τὴν Ναύπακτον.
在麦塞尼亚人被迫撤离后，洛克里人便这样重新聚集回到了纳乌帕克托斯。
§10.38.11τὰ δὲ ἔπη τὰ Ναυπάκτια ὀνομαζόμενα ὑπὸ Ἑλλήνων ἀνδρὶ ἐσποιοῦσιν οἱ πολλοὶ Μιλησίῳ· Χάρων δὲ ὁ Πύθεώ φησιν αὐτὰ ποιῆσαι Ναυπάκτιον Καρκίνον.
被希腊人称为《纳乌帕克蒂亚》的史诗，大多数人归于一位米利都人所作；但皮特斯之子卡戎说这是由纳乌帕克托斯人卡基诺斯所作。
ἑπόμεθα δὲ καὶ ἡμεῖς τῇ τοῦ Λαμψακηνοῦ δόξῃ· τίνα γὰρ καὶ λόγον ἔχοι ἂν ἔπεσιν ἀνδρὸς Μιλησίου πεποιημένοις ἐς γυναῖκας τεθῆναί σφισιν ὄνομα Ναυπάκτια;
我也赞同这位兰普萨科斯人的看法；因为一个由米利都人所写、关于妇女的史诗，如果被命名为《纳乌帕克蒂亚》，能有什么合理的解释呢？
§10.38.12ἐνταῦθα ἔστι μὲν ἐπὶ θαλάσσῃ ναὸς Ποσειδῶνος καὶ ἄγαλμα ὀρθὸν χαλκοῦ πεποιημένον, ἔστι δὲ καὶ ἱερὸν Ἀρτέμιδος καὶ ἄγαλμα λευκοῦ λίθου· σχῆμα δὲ ἀκοντιζούσης παρέχεται καὶ ἐπίκλησιν εἴληφεν Αἰτωλή.
在这里，海边有一座波塞冬神殿和一座青铜制的立像，还有一处阿耳忒弥斯的神域和一座白石雕像；它呈现出投掷标枪的姿态，并得到了“埃托利亚”的别称。
Ἀφροδίτη δὲ ἔχει μὲν ἐν σπηλαίῳ τιμάς· εὔχονται δὲ καὶ ἄλλων εἵνεκα καὶ αἱ γυναῖκες μάλιστα αἱ χῆραι γάμον αἰτοῦσι παρὰ τῆς θεοῦ.
阿佛洛狄忒则在洞穴中接受崇敬；人们因各种事情向她祈祷，而妇女们，尤其是寡妇，会向这位女神请求婚姻。
§10.38.13τοῦ δὲ Ἀσκληπιοῦ τὸ ἱερὸν ἐρείπια ἦν, ἐξ ἀρχῆς δὲ ᾠκοδόμησεν αὐτὸ ἀνὴρ ἰδιώτης Φαλύσιος.
亚斯克雷庇乌斯的神域已经化为废墟，但最初是由一个名叫法吕西奥斯的普通平民建造的。
νοσήσαντι γάρ οἱ τοὺς ὀφθαλμοὺς καὶ οὐ πολὺ ἀποδέον τυφλῷ ὁ ἐν Ἐπιδαύρῳ πέμπει θεὸς Ἀνύτην τὴν ποιήσασαν τὰ ἔπη φέρουσαν σεσημασμένην δέλτον.
因为当他眼睛患病、几乎要失明时，埃皮达鲁斯的神明派遣了撰写诗作的女诗人阿尼特，携带一块封印的木板送去给他。
τοῦτο ἐφάνη τῇ γυναικὶ ὄψις ὀνείρατος, ὕπαρ μέντοι ἦν αὐτίκα· καὶ εὗρέ τε ἐν ταῖς χερσὶ ταῖς αὑτῆς σεσημασμένην δέλτον καὶ πλεύσασα ἐς τὴν Ναύπακτον ἐκέλευσεν ἀφελόντα τὴν σφραγῖδα Φαλύσιον ἐπιλέγεσθαι τὰ γεγραμμένα.
这件事对这位妇女来说是以梦幻的形式显现的，但随即便成了现实；她发现自己手里确实拿着一块封印的木板，于是乘船来到纳乌帕克托斯，要求法吕西奥斯拆开封印，阅读上面所写的内容。
τῷ δὲ ἄλλως μὲν οὐ δυνατὰ ἐφαίνετο ἰδεῖν τὰ γράμματα ἔχοντι οὕτω τῶν ὀφθαλμῶν· ἐλπίζων δέ τι ἐκ τοῦ Ἀσκληπιοῦ χρηστὸν ἀφαιρεῖ τὴν σφραγῖδα, καὶ ἰδὼν ἐς τὸν κηρὸν ὑγιής τε ἦν καὶ δίδωσι τῇ Ἀνύτῃ τὸ ἐν τῇ δέλτῳ γεγραμμένον, στατῆρας δισχιλίους χρυσοῦ.
对他来说，由于眼睛处于那样的状态，本来是不可能看清文字的；但由于期盼着来自亚斯克雷庇乌斯的好意，他拆开了封印，当他看着蜡板时，他的眼睛便痊愈了，于是他把木板上写着的东西——两千金斯塔特——给了阿尼特。