§3.113.1καὶ αὐτοῖς τῇ ὑστεραίᾳ ἦλθε κῆρυξ ἀπὸ τῶν ἐς Ἀγραίους καταφυγόντων ἐκ τῆς Ὄλπης Ἀμπρακιωτῶν, ἀναίρεσιν αἰτήσων τῶν νεκρῶν οὓς ἀπέκτειναν ὕστερον τῆς πρώτης μάχης, ὅτε μετὰ τῶν Μαντινέων καὶ τῶν ὑποσπόνδων ξυνεξῇσαν ἄσπονδοι.
第二天，一个使者从那些从奥尔佩逃往阿格拉伊斯人处的安布拉基亚人那里来到他们这里，请求收回在第一场战斗后被杀者的尸体。 当时，他们与曼提尼亚人以及那些根据停战协定撤离的人一起离开，而他们自己并未达成停战协定。
§3.113.2ἰδὼν δ’ ὁ κῆρυξ τὰ ὅπλα τῶν ἀπὸ τῆς πόλεως Ἀμπρακιωτῶν ἐθαύμαζε τὸ πλῆθος· οὐ γὰρ ᾔδει τὸ πάθος, ἀλλ’ ᾤετο τῶν μετὰ σφῶν εἶναι.
然而，当使者看到来自城里的安布拉基亚人的武器时，对其数量感到十分惊异；因为他并不知道发生了那场惨剧，而是以为这些武器属于和他们在一起的人。
§3.113.3καί τις αὐτὸν ἤρετο ὅτι θαυμάζοι καὶ ὁπόσοι αὐτῶν τεθνᾶσιν, οἰόμενος αὖ ὁ ἐρωτῶν εἶναι τὸν κήρυκα ἀπὸ τῶν ἐν Ἰδομεναῖς.
有人问他为何感到惊异，以及他们有多少人战死，而发问者也同样以为这个使者是来自伊多梅内的那些人。
ὁ δ’ ἔφη διακοσίους μάλιστα.
使者回答说：“大约两百人。
ὑπολαβὼν δ’ ὁ ἐρωτῶν εἶπεν ‘οὔκουν τὰ ὅπλα ταυτὶ φαίνεται, §3.113.4ἀλλὰ πλέον ἢ χιλίων.
”发问者打断他说：“可是，眼前的这些武器看起来不像两百人的，” “而更像是属于一千多人的。
’ αὖθις δὲ εἶπεν ἐκεῖνος ‘οὐκ ἄρα τῶν μεθ’ ἡμῶν μαχομένων ἐστίν.
”那使者又说：“那么，这些就不是与我们一起战斗的人的武器了。
’ ὁ δ’ ἀπεκρίνατο ‘εἴπερ γε ὑμεῖς ἐν Ἰδομενῇ χθὲς ἐμάχεσθε.
”对方回答说：“如果你们昨天确实在伊多梅内战斗过的话，那就是他们的。
’ ‘ἀλλ’ ἡμεῖς γε οὐδενὶ ἐμαχόμεθα χθές, ἀλλὰ πρῴην ἐν τῇ ἀποχωρήσει.
”“但是我们昨天根本没有与任何人战斗，而是在前天撤退时战斗的。
’ ‘καὶ μὲν δὴ τούτοις γε ἡμεῖς χθὲς ἀπὸ τῆς πόλεως βοηθήσασι τῆς Ἀμπρακιωτῶν ἐμαχόμεθα. ’
”“然而，我们昨天确实与这些从安布拉基亚城赶来增援的人战斗过。
§3.113.5ὁ δὲ κῆρυξ ὡς ἤκουσε καὶ ἔγνω ὅτι ἡ ἀπὸ τῆς πόλεως βοήθεια διέφθαρται, ἀνοιμώξας καὶ ἐκπλαγεὶς τῷ μεγέθει τῶν παρόντων κακῶν ἀπῆλθεν εὐθὺς ἄπρακτος καὶ οὐκέτι ἀπῄτει τοὺς νεκρούς.
” 使者听了这话，得知城里来的援军已全军覆没，便放声痛哭，对眼前灾难的巨大深感震惊，当即空手而回，不再请求领回尸体。
§3.113.6πάθος γὰρ τοῦτο μιᾷ πόλει Ἑλληνίδι ἐν ἴσαις ἡμέραις μέγιστον δὴ τῶν κατὰ τὸν πόλεμον τόνδε ἐγένετο.
因为这是在这场战争中，在同等天数内发生在一个希腊城市身上的最大惨剧。
καὶ ἀριθμὸν οὐκ ἔγραψα τῶν ἀποθανόντων, διότι ἄπιστον τὸ πλῆθος λέγεται ἀπολέσθαι ὡς πρὸς τὸ μέγεθος τῆς πόλεως.
我没有记下死者的具体人数，因为据说死者人数之多，与该城市的规模相比是令人难以置信的。
Ἀμπρακίαν μέντοι οἶδα ὅτι, εἰ ἐβουλήθησαν Ἀκαρνᾶνες καὶ Ἀμφίλοχοι Ἀθηναίοις καὶ Δημοσθένει πειθόμενοι ἐξελεῖν, αὐτοβοεὶ ἂν εἷλον· νῦν δ’ ἔδεισαν μὴ οἱ Ἀθηναῖοι ἔχοντες αὐτὴν χαλεπώτεροι σφίσι πάροικοι ὦσιν.
然而，我知道，如果阿卡纳尼亚人和安菲洛希亚人听从雅典人和德摩斯梯尼的劝告，决意攻取安布拉基亚，他们只需呐喊一声即可将其占领；但如今他们害怕雅典人占领该城后，会成为对他们而言更难对付的邻国。