§7.172.1Θεσσαλοὶ δὲ ὑπὸ ἀναγκαίης τὸ πρῶτον ἐμήδισαν, ὡς διέδεξαν, ὅτι οὔ σφι ἥνδανε τὰ οἱ Ἀλευάδαι ἐμηχανῶντο.
テッサリア人は、最初は必要に迫られてペルシアに味方したが、彼らが示したように、アレウアスの末裔たちが企てていたことは彼らの意に沿わなかったのである。
ἐπείτε γὰρ ἐπύθοντο τάχιστα μέλλοντα διαβαίνειν τὸν Πέρσην ἐς τὴν Εὐρώπην, πέμπουσι ἐς τὸν Ἰσθμὸν ἀγγέλους·
というのも、彼らはペルシア人がヨーロッパへ渡ろうとしていることを耳にするやいなや、地峡へ使節を送ったからである。
ἐν δὲ τῷ Ἰσθμῷ ἦσαν ἁλισμένοι πρόβουλοι τῆς Ἑλλάδος ἀραιρημένοι ἀπὸ τῶν πολίων τῶν τὰ ἀμείνω φρονεουσέων περὶ τὴν Ἑλλάδα.
地峡には、ギリシアのために最善を尽くそうと考えている諸都市から選ばれた、ギリシアの代表たちが集まっていた。
§7.172.2ἀπικόμενοι δὲ ἐπὶ τούτους τῶν Θεσσαλῶν οἱ ἄγγελοι ἔλεγον·
これらの代表のもとに到着すると、テッサリア人の使節たちは次のように言った。
Ἄνδρες Ἕλληνες, δεῖ φυλάσσεσθαι τὴν ἐσβολὴν τὴν Ὀλυμπικήν, ἵνα Θεσσαλίη τε καὶ ἡ σύμπασα ᾖ Ἑλλὰς ἐν σκέπῃ τοῦ πολέμου.
「ギリシアの諸君、テッサリアとギリシア全体が戦争の災厄を避けられるよう、オリンポスの峠を守らねばならない。
ἡμεῖς μέν νυν ἕτοιμοι εἰμὲν συμφυλάσσειν, πέμπειν δὲ χρὴ καὶ ὑμέας στρατιὴν πολλήν, ὡς, εἰ μὴ πέμψετε, ἐπίστασθε ἡμέας ὁμολογήσειν τῷ Πέρσῃ·
我々はともに守る用意があるが、諸君もまた大軍を送るべきである。 もし送らないのであれば、我々がペルシア人と和を講じることになるのを承知していただきたい。
οὐ γάρ τι προκατημένους τοσοῦτο πρὸ τῆς ἄλλης Ἑλλάδος μούνους πρὸ ὑμέων δεῖ ἀπολέσθαι.
他のギリシアのこれほど前方に位置して、我々だけが諸君の身代わりとして滅びるいわれはないからだ。
§7.172.3βοηθέειν δὲ οὐ βουλόμενοι ἀναγκαίην ἡμῖν οὐδεμίαν οἷοί τε ἐστὲ προσφέρειν·
もし諸君が援助することを望まないならば、我々にいかなる強制も課すことはできない。
οὐδαμὰ γὰρ ἀδυνασίης ἀνάγκη κρέσσων ἔφυ.
不可能なことに対して強制が勝ることは決してないからである。
ἡμεῖς δὲ πειρησόμεθα αὐτοί τινα σωτηρίην μηχανώμενοι.
我々は自分たち自身で、何らかの救済策を講じるよう努めるのみである。 」