§3.21.1ἐς τούτους δὴ ὦν τοὺς ἄνδρας ὡς ἀπίκοντο οἱ Ἰχθυοφάγοι, διδόντες τὰ δῶρα τῷ, βασιλέι αὐτῶν ἔλεγον τάδε.
さて、魚食人たちがこれらの人々のところへ到着すると、彼らの王に贈り物を手渡しつつ、次のように言った。
βασιλεὺς ὁ Περσέων Καμβύσης, βουλόμενος φίλος καὶ ξεῖνός τοι γενέσθαι, ἡμέας τε ἀπέπεμψε ἐς λόγους τοι ἐλθεῖν κελεύων, καὶ δῶρα ταῦτά τοι διδοῖ τοῖσι καὶ αὐτὸς μάλιστα ἥδεται χρεώμενος.
「ペルシア人の王カンビュセスは、あなたと友人であり客分でありたいと望み、我々を派遣して、あなたと言葉を交わすよう命じました。 また、自らも愛用してこの上なく喜んでいるこれらの贈り物を、あなたに贈ります。
§3.21.2ὁ δὲ Αἰθίοψ μαθὼν ὅτι κατόπται ἥκοιεν, λέγει πρὸς αὐτοὺς τοιάδε.
」しかしエチオピアの王は、彼らが偵察者としてやって来たことを見抜いて、彼らに対して次のように言った。
οὔτε ὁ Περσέων βασιλεὺς δῶρα ὑμέας ἔπεμψε φέροντας προτιμῶν πολλοῦ ἐμοὶ ξεῖνος γενέσθαι, οὔτε ὑμεῖς λέγετε ἀληθέα (ἥκετε γὰρ κατόπται τῆς ἐμῆς ἀρχῆς), οὔτε ἐκεῖνος ἀνήρ δίκαιος.
「ペルシアの王が、私と客分になることを大いに重んじてあなた方に贈り物を携えさせて送ったわけでもなければ、あなた方が真実を語っているわけでもない（あなた方は私の領土の偵察者として来たのだから）。 また、あの男は正しい男でもない。
εἰ γὰρ ἦν δίκαιος, οὔτʼ ἂν ἐπεθύμησε χώρης ἄλλης ἢ τῆς ἑωυτοῦ, οὔτʼ ἂν ἐς δουλοσύνην ἀνθρώπους ἦγε ὑπʼ ὧν μηδὲν ἠδίκηται.
というのも、もし彼が正しい男であったなら、自分の国以外の土地を望みはしなかっただろうし、自分に何の不義も働いていない人々を奴隷の身へと追いやろうとはしなかっただろうからだ。
νῦν δὲ αὐτῷ τόξον τόδε διδόντες τάδε ἔπεα λέγετε.
しかし今は、彼にこの弓を渡しつつ、次の言葉を伝えよ。
§3.21.3βασιλεὺς ὁ Αἰθιόπων συμβουλεύει τῷ Περσέων βασιλέι, ἐπεὰν οὕτω εὐπετέως ἕλκωσι τὰ τόξα Πέρσαι ἐόντα μεγάθεϊ τοσαῦτα, τότε ἐπʼ Αἰθίοπας τοὺς μακροβίους πλήθεϊ ὑπερβαλλόμενον στρατεύεσθαι·
『エチオピアの王はペルシアの王にこう忠告する。 ペルシア人たちが、これほど巨大な弓をこのように容易に引けるようになった時、その時こそ、圧倒的な軍勢を率いて長寿のエチオピア人たちに遠征せよ、と。
μέχρι δὲ τούτου θεοῖσι εἰδέναι χάριν, οἳ οὐκ ἐπὶ νόον τρέπουσι Αἰθιόπων παισὶ γῆν ἄλλην προσκτᾶσθαι τῇ ἑωυτῶν.
それまでは、エチオピアの子らに自分たちの土地以外の土地を併合しようという気を起こさせずにいてくれる神々に、感謝するがよい。 』」