§1414.
14.
Ὁκόσοισι ψαμμοειδέα ὑφίσταται ἢ πῶροι ἐν τοῖσιν οὔροισι, τουτέοισι τὴν ἀρχὴν φύματα ἐγένετο πρὸς τῇ φλεβὶ τῇ παχείῃ, καὶ διεπύησεν, ἔπειτα δὲ, ἅτε οὐ ταχέως ἐκραγέντων τῶν φυμάτων, πῶροι ξυνετράφησαν ἐκ τοῦ πύου, οἵτινες ἔξω θλίβονται διὰ τῆς φλεβὸς σὺν τῷ οὔρῳ ἐς τὴν κύστιν.
소변 속에 모래 같은 침전물이나 결석이 가라앉는 사람들의 경우, 처음에는 굵은 혈관 근처에 종양이 생겨 화농하였고, 그 후 종양이 빠르게 터지지 않았기 때문에 고름으로부터 결석이 형성되었으며, 이것들이 혈관을 통해 소변과 함께 방광으로 밀려 나오는 것이다.
Ὁκόσοισι δὲ μοῦνον αἱματώδεα τὰ οὐρήματα, τουτέοισι δὲ αἱ φλέβες πεπονήκασιν·
소변이 단지 피빛이기만 한 사람들의 경우, 혈관이 손상된 것이다.
ὁκόσοισι δὲ ἐν τῷ οὐρήματι παχεῖ ἐόντι σαρκία σμικρὰ τριχοειδέα συνεξέρχεται, ταῦτα δὲ ἀπὸ τῶν νεφρῶν εἰδέναι χρὴ ἐόντα καὶ ἀπὸ ἀρθριτικῶν·
또한 농축된 소변 속에 머리카락 같은 미세한 살점들이 함께 배출되는 사람들의 경우, 이것들은 신장으로부터, 그리고 관절염 질환으로부터 유래한 것임을 알아야 한다.
ὁκόσοισι δὲ καθαρὸν τὸ οὖρον ἄλλοτε καὶ ἄλλοτε, ὁκοῖον δὲ πίτυρα ἐπιφέρεται ἐν τῷ οὐρήματι, τουτέων δὲ ἡ κύστις ψωριᾷ.
또한 소변이 때로는 맑고, 때로는 소변 속에 겨와 같은 물질이 떠다니는 사람들의 경우, 그들의 방광이 옴에 걸려 있는 것이다.
§1515.
15.
Οἱ πλεῖστοι τῶν πυρετῶν γίνονται ἀπὸ χολῆς·
대부분의 발열은 담즙에서 비롯된다.
εἴδεα δὲ σφέων ἐστὶ τέσσαρα, χωρὶς τῶν ἐν τῇσιν ὀδύνῃσι γινομένων τῇσιν ἀποκεκριμένῃσιν·
그것들의 종류는 특정 통증에서 발생하는 것들을 제외하면 네 가지가 있다.
οὐνόματα δ’ αὐτέοισίν ἐστι ξύνοχος, ἀμφημερινὸς, τριταῖος, τεταρταῖος.
그것들의 이름은 계류열, 일주열, 삼일열, 사일열이다.
Ὁ μὲν οὖν ξύνοχος καλεόμενος γίνεται ἀπὸ πλείστης χολῆς καὶ ἀκρητεστάτης, καὶ τὰς κρίσιας ἐν ἐλαχίστῳ χρόνῳ ποιέεται·
먼저 계류열이라 불리는 것은 가장 많고 가장 순수한 담즙에서 발생하며, 가장 짧은 시간 안에 위기(전환기)를 맞이한다.
τὸ γὰρ σῶμα οὐ διαψυχόμενον οὐδένα χρόνον συντήκεται ταχέως, ἅτε ὑπὸ πολλοῦ τοῦ θερμοῦ θερμαινόμενον.
왜냐하면 몸이 잠시도 식혀지지 않고 많은 열에 의해 데워지기 때문에 빠르게 소모되기 때문이다.
Ὁ δὲ ἀμφημερινὸς μετὰ τὸν ξύνοχον ἀπὸ πλείστης χολῆς γίνεται, καὶ ἀπαλλάσσεται τάχιστα τῶν ἄλλων, μακρότερος δέ ἐστι τοῦ ξυνόχου, ὁκόσῳ ἀπὸ ἐλάσσονος γίνεται χολῆς, καὶ ὅτι ἔχει ἀνάπαυσιν τὸ σῶμα, ἐν δὲ τῷ ξυνόχῳ οὐκ ἀναπαύεται οὐδένα χρόνον.
일주열은 계류열 다음으로 많은 담즙에서 발생하며, 다른 열들보다 가장 빠르게 회복되지만, 계류열보다는 더 오래 지속된다. 이는 더 적은 담즙에서 발생한다는 점과 몸이 휴식을 취한다는 점 때문인데, 계류열에서는 몸이 잠시도 쉬지 못하기 때문이다.
Ὁ δὲ τριταῖος μακρότερός ἐστι τοῦ ἀμφημερινοῦ, καὶ ἀπὸ χολῆς ἐλάσσονος γίνεται·
삼일열은 일주열보다 더 오래 지속되며 더 적은 담즙에서 발생한다.
ὁκόσῳ δὲ πλείονα χρόνον ἐν τῷ τριταίῳ ἢ ἐν τῷ ἀμφημερινῷ τὸ σῶμα διαναπαύεται, τοσούτῳ χρονιώτερος οὗτος ὁ πυρετὸς τοῦ ἀμφημερινοῦ ἐστιν.
일주열에서보다 삼일열에서 몸이 더 오랜 시간 휴식을 취하는 만큼, 이 발열은 일주열보다 그만큼 더 오래 지속된다.
Οἱ δὲ τεταρταῖοι τὰ μὲν ἄλλα κατὰ τὸν αὐτὸν λόγον, χρονιώτεροι δὲ μάλα τῶν τριταίων εἰσὶν, ὁκόσῳ ἔλασσόν τι μέρος μετέχουσι χολῆς τῆς τὴν θερμασίην παρεχούσης, τοῦ τε διαψύχεσθαι τὸ σῶμα πλέον μετέχουσιν·
사일열은 다른 점에서는 동일한 이치에 따르지만, 삼일열보다 훨씬 더 오래 지속되는데, 이는 열을 제공하는 담즙의 몫을 그만큼 더 적게 차지하고 몸이 식혀지는 몫을 더 많이 차지하기 때문이다.
προσγίνεται δὲ αὐτέοισιν ἀπὸ μελαίνης χολῆς τὸ περισσὸν τοῦτο καὶ δυσαπάλλακτον·
그리고 이들에게는 흑담즙으로부터 이 과도한 지속성과 치유되기 어려운 성질이 더해진다.
μέλαινα γὰρ χολὴ τῶν ἐν τῷ σώματι ἐνεόντων χυμῶν γλισχρότατον, καὶ τὰς ἕδρας χρονιωτάτας ποιέεται.
왜냐하면 흑담즙은 몸 안에 존재하는 체액들 중에서 가장 끈적거리며 그 정체를 가장 오래 끌기 때문이다.
Γνώσῃ δὲ ἐν τῷδε, ὅτι οἱ τεταρταῖοι πυρετοὶ μετέχουσι τοῦ μελαγχολικοῦ·
사일열이 흑담즙의 성질을 공유한다는 것은 다음의 사실을 통해 알게 될 것이다.
φθινοπώρου γὰρ μάλιστα οἱ ἄνθρωποι ἁλίσκονται ὑπὸ τῶν τεταρταίων καὶ ἐν τῇ ἡλικίῃ τῇ ἀπὸ πέντε καὶ εἴκοσιν ἐτέων ἕως τῶν πέντε καὶ τεσσαράκοντα, ὅτι καὶ ἡ ἡλικίη αὕτη ὑπὸ μελαίνης χολῆς κατέχεται μάλιστα πασέων τῶν ἡλικιῶν, ἥ τε φθινοπωρινὴ ὥρη μάλιστα πασέων τῶν ὡρέων ἐπιτηδειοτάτη.
즉, 사람들은 가을에 가장 많이 사일열에 걸리며, 연령으로는 스물다섯 세부터 마흔다섯 세까지 걸리는데, 이 연령대가 모든 연령대 중에서 흑담즙에 의해 가장 크게 지배받고, 가을철이 모든 계절 중에서 가장 이에 적합하기 때문이다.
Ὁκόσοι δ’ ἂν ἁλῶσιν ἔξω τῆς ὥρης ταύτης καὶ τῆς ἡλικίης ὑπὸ τεταρταίου, εὖ χρὴ εἰδέναι μὴ χρόνιον ἐσόμενον τὸν πυρετὸν, ἢν μὴ ἄλλο τι κακουργῆται ὥνθρωπος.
그러나 이 계절과 연령 외에 사일열에 걸리는 사람들의 경우, 그 사람이 다른 피해를 입지 않는 한 발열이 만성적이지 않을 것임을 잘 알아두어야 한다.