§8.4.1ὁ δὲ Μάρκος ἑξήκοντα σκάφεσι πεντηρικοῖς ἐποιεῖτο τὸν ἐπίπλουν ἐπὶ τὴν Ἀχραδίνην, ὧν ἕκαστον πλῆρες ἦν ἀνδρῶν ἐχόντων τόξα καὶ σφενδόνας καὶ γρόσφους, διʼ ὧν ἔμελλον τοὺς ἀπὸ τῶν ἐπάλξεων μαχομένους ἀναστέλλειν.
한편 마르쿠스는 육십 척의 오단층선으로 아크라디나를 향해 해상 공격을 감행했는데, 그 배들은 저마다 활과 투석기, 가벼운 투창을 가진 남자들로 가득 차 있었으며, 그들은 성벽 위에서 싸우는 적들을 제압하고자 했다.
§8.4.2ἅμα δὲ τούτοις ὀκτὼ πεντήρεσι, παραλελυμέναις τοὺς ταρσούς, ταῖς μὲν τοὺς δεξιούς, ταῖς δὲ τοὺς εὐωνύμους, καὶ συνεζευγμέναις πρὸς ἀλλήλας σύνδυο κατὰ τοὺς ἐψιλωμένους τοίχους, προσῆγον πρὸς τὸ τεῖχος διὰ τῆς τῶν ἐκτὸς τοίχων εἰρεσίας τὰς λεγομένας σαμβύκας.
이와 동시에, 그들은 노열을 떼어낸 여덟 척의 오단층선――어떤 것은 우현의, 어떤 것은 좌현의 노열을 떼어내고, 노가 없어 노출된 선체 측면끼리 두 척씩 결합해 놓은 배들――을 이용하여, 바깥쪽 측면의 노젓기를 통해 이른바 '삼부카'를 성벽 쪽으로 접근시켰다.
§8.4.3τὸ δὲ γένος τῆς κατασκευῆς τῶν εἰρημένων ὀργάνων ἐστὶ τοιοῦτο.
언급된 기계의 구조적 특징은 다음과 같다.
§8.4.4κλίμακα τῷ πλάτει τετράπεδον ἑτοιμάσαντες, ὥστʼ ἐξ ἀποβάσεως ἰσοϋψῆ γενέσθαι τῷ τείχει, ταύτης ἑκατέραν τὴν πλευρὰν δρυφακτώσαντες καὶ σκεπάσαντες ὑπερπετέσι θωρακίοις, ἔθηκαν πλαγίαν ἐπὶ τοὺς συμψαύοντας τοίχους τῶν συνεζευγμένων νεῶν, πολὺ προπίπτουσαν τῶν ἐμβόλων.
너비가 4피트인 사다리를 준비하여 배에서 상륙할 때 성벽의 높이와 같아지도록 하고, 이 사다리의 양쪽을 난간으로 두르고 위를 덮는 방호벽으로 보호한 뒤, 결합된 배들의 서로 맞닿은 선체 위에 수평으로 놓아 선수보다 훨씬 앞으로 돌출하게 했다.
§8.4.5πρὸς δὲ τοῖς ἱστοῖς ἐκ τῶν ἄνω μερῶν τροχιλίαι προσήρτηντο σὺν κάλοις.
그리고 돛대의 윗부분에는 로프와 함께 도르래가 부착되어 있었다.
§8.4.6λοιπὸν ὅταν ἐγγίσωσι τῆς χρείας, ἐνδεδεμένων τῶν κάλων εἰς τὴν κορυφὴν τῆς κλίμακος, ἕλκουσι διὰ τῶν τροχιλιῶν τούτους ἑστῶτες ἐν ταῖς πρύμναις· ἕτεροι δὲ παραπλησίως ἐν ταῖς πρώρραις ἐξερείδοντες ταῖς ἀντηρίσιν ἀσφαλίζονται τὴν ἄρσιν τοῦ μηχανήματος.
이윽고 사용해야 할 거리에 가까워졌을 때, 로프가 사다리 끝에 묶인 상태에서 고물에 선 자들이 도르래를 통해 로프를 잡아당기며, 다른 자들은 마찬가지로 이물에서 지지대로 받쳐서 기계의 들어올리기를 확실하게 한다.
§8.4.7κἄπειτα διὰ τῆς εἰρεσίας τῆς ἀφʼ ἑκατέρου τῶν ἐκτὸς ταρσῶν ἐγγίσαντες τῇ γῇ τὰς ναῦς, πειράζουσι προσερείδειν τῷ τείχει τὸ προειρημένον ὄργανον.
그런 다음 바깥쪽 각각의 노열에서 저어 나가는 노젓기를 통해 배를 육지에 접근시키고, 앞서 말한 기계를 성벽에 대려고 시도한다.
§8.4.8ἐπὶ δὲ τῆς κλίμακος ἄκρας ὑπάρχει πέτευρον ἠσφαλισμένον γέρροις τὰς τρεῖς ἐπιφανείας, ἐφʼ οὗ τέτταρες ἄνδρες ἐπιβεβηκότες ἀγωνίζονται, διαμαχόμενοι πρὸς τοὺς εἴργοντας ἀπὸ τῶν ἐπάλξεων τὴν πρόσθεσιν τῆς σαμβύκης.
사다리 끝에는 삼면이 방패막으로 방비된 발판이 있는데, 그 위에 올라탄 네 명의 전사들이 성벽에서 삼부카의 설치를 저지하려는 자들과 맞서 싸운다.
§8.4.9ἐπὰν δὲ προσερείσαντες ὑπερδέξιοι γένωνται τοῦ τείχους, οὗτοι μὲν τὰ πλάγια τῶν γέρρων παραλύσαντες ἐξ ἑκατέρου τοῦ μέρους ἐπιβαίνουσιν ἐπὶ τὰς ἐπάλξεις ἢ τοὺς πύργους.
그리고 기계를 걸어 성벽보다 높은 위치를 확보하면, 이들은 양쪽의 방패막 측면을 떼어내고 성벽이나 탑 위로 진입한다.
§8.4.10οἱ δὲ λοιποὶ διὰ τῆς σαμβύκης ἕπονται τούτοις, ἀσφαλῶς τοῖς κάλοις βεβηκυίας τῆς κλίμακος εἰς ἀμφοτέρας τὰς ναῦς.
나머지 사람들은 삼부카를 통해 이들의 뒤를 따르는데, 이때 사다리는 로프에 의해 두 배 모두에 단단히 고정되어 있다.
§8.4.11εἰκότως δὲ τὸ κατασκεύασμα τῆς προσηγορίας τέτευχε ταύτης·
이 장치가 이 이름을 얻은 것은 당연하다.
ἐπειδὰν γὰρ ἐξαρθῇ, γίνεται τὸ σχῆμα τῆς νεὼς ταύτης καὶ τῆς κλίμακος ἑνοποιηθὲν παραπλήσιον σαμβύκῃ.
그것이 들어 올려졌을 때, 이 배와 사다리가 결합되어 이루는 형상이 삼부카(하프의 일종)와 매우 흡사해지기 때문이다.