§27.15.1ὅτι Κέφαλος ἧκεν ἐξ Ἠπείρου, ἔχων μὲν καὶ πρότερον ἤδη σύστασιν πρὸς τὴν Μακεδόνων οἰκίαν, τότε δὲ διὰ τῶν πραγμάτων ἠναγκασμένος αἱρεῖσθαι τὰ τοῦ Περσέως.
케팔로스가 에페이로스로부터 왔다는 것. 그는 이전부터 이미 마케도니아 왕가와 친교를 맺고 있었으나, 당시에는 정세로 인해 어쩔 수 없이 페르세우스의 편을 택하게 되었다.
ἡ δʼ αἰτία τοῦ συμβαίνοντος ἐγένετο τοιαύτη.
이 사태가 일어난 원인은 다음과 같았다.
§27.15.2Χάροψ ἦν Ἠπειρώτης, ἀνὴρ τἄλλα μὲν καλὸς κἀγαθὸς καὶ φίλος Ῥωμαίων, ὃς Φιλίππου τὰ κατὰ τὴν Ἤπειρον στενὰ κατασχόντος αἴτιος ἐγένετο τοῦ Φίλιππον μὲν ἐκπεσεῖν ἐκ τῆς Ἠπείρου, Τίτον δὲ καὶ τῆς Ἠπείρου κρατῆσαι καὶ τῶν Μακεδόνων.
하롭스라는 에페이로스인이 있었는데, 그는 다른 점에서는 훌륭하고 고결한 인물이며 로마인들의 친구였다. 그는 필리포스가 에페이로스의 협로를 점령했을 때, 필리포스가 에페이로스에서 쫓겨나고 티투스가 에페이로스와 마케도니아인들을 모두 장악하게 만든 원인을 제공한 인물이었다.
§27.15.3οὗτος υἱὸν ἔσχε Μαχατᾶν, οὗ Χάροψ ἐγένετο.
이 사람에게는 마하타스라는 아들이 있었고, 그 마하타스에게서 (젊은) 하롭스가 태어났다.
§27.15.4τοῦτον ἀντίπαιδα κατὰ τὴν ἡλικίαν ὄντα τοῦ πατρὸς μεταλλάξαντος ὁ Χάροψ μετὰ τῆς καθηκούσης προστασίας εἰς τὴν Ῥώμην ἀπέστειλε χάριν τοῦ καὶ τὴν διάλεκτον καὶ τὰ γράμματα τὰ Ῥωμαϊκὰ μαθεῖν.
이 젊은 하롭스가 아직 소년이었을 때 그의 아버지가 사망하자, 할아버지 하롭스는 합당한 보호를 받게 하여 그를 로마로 보냈는데, 이는 그가 로마의 언어와 문자를 배우게 하기 위함이었다.
§27.15.5τοῦτο τὸ μειράκιον πολλοῖς σύνηθες γεγονὸς ἐπανῆλθε μετά τινα χρόνον εἰς τὴν οἰκείαν.
이 청년은 많은 사람들과 안면을 익힌 후, 얼마간의 시간이 흐른 뒤 고향으로 돌아왔다.
§27.15.6ὁ μὲν οὖν πρεσβύτερος Χάροψ μετήλλαξε τὸν βίον.
그 후 연장자 하롭스는 세상을 떠났다.
τὸ δὲ μειράκιον μετέωρον ὂν τῇ φύσει καὶ πάσης πονηρίας ἔμπλεων ἐκορωνία καὶ παρετρίβετο πρὸς τοὺς ἐπιφανεῖς ἄνδρας.
그러나 이 청년은 천성이 가볍고 온갖 사악함으로 가득 차 있었으며, 거만하게 행동하고 유력한 시민들과 끊임없이 충돌했다.
§27.15.7τὰς μὲν οὖν ἀρχὰς οὐδεὶς ἦν αὐτοῦ λόγος, ἀλλʼ οἱ προκατέχοντες καὶ ταῖς ἡλικίαις καὶ ταῖς δόξαις, οἱ περὶ τὸν Ἀντίνουν, ἐχείριζον τὰ κοινὰ κατὰ τὰς αὑτῶν γνώμας.
처음에는 아무도 그를 대수롭게 여기지 않았고, 나이와 명성에서 모두 우위를 점하고 있던 안티누스의 무리가 자신들의 의견에 따라 국정을 운영했다.
τοῦ δὲ πολέμου τοῦ Περσικοῦ συστάντος, §27.15.8εὐθέως διέβαλλε τὸ μειράκιον τοὺς προειρημένους ἄνδρας πρὸς Ῥωμαίους, ἀφορμῇ μὲν χρώμενον τῇ προγεγενημένῃ συστάσει τῶν ἀνδρῶν πρὸς τὴν Μακεδόνων οἰκίαν,
그러나 페르세우스와의 전쟁이 발발하자, 이 청년은 즉시 앞서 언급한 인물들을 로마인들에게 무고하기 시작했는데, 그들이 이전에 마케도니아 왕가와 맺고 있던 친교를 구실로 삼았다.
§27.15.9κατὰ δὲ τὸ παρὸν πάντα παρατηροῦν καὶ πᾶν τὸ λεγόμενον ἢ πραττόμενον ὑπʼ αὐτῶν ἐπὶ τὸ χεῖρον ἐκδεχόμενον καὶ τὰ μὲν ἀφαιροῦν τὰ δὲ προστιθὲν ἐλάμβανε πιθανότητας κατὰ τῶν ἀνθρώπων.
그리고 현재 상황에서 그들의 모든 행동을 감시하고, 그들이 말하거나 행동하는 모든 것을 가장 나쁜 방향으로 해석하며, 어떤 것은 빼고 어떤 것은 보태어 그 사람들에 대한 무고의 신빙성을 얻어냈다.
§27.15.10ὁ δὲ Κέφαλος, τἄλλα τε φρόνιμος καὶ στάσιμος ἄνθρωπος, καὶ κατὰ τοὺς καιροὺς τούτους ἐπὶ τῆς ἀρίστης ὑπῆρχε γνώμης.
한편 케팔로스는 다른 면에서 현명하고 침착한 인물이었으며, 이 시기에도 가장 훌륭한 생각을 지니고 있었다.
§27.15.11ἀρχόμενος γὰρ ηὔξατο τοῖς θεοῖς μὴ συστῆναι τὸν πόλεμον μηδὲ κριθῆναι τὰ πράγματα·
왜냐하면 그는 전쟁이 시작될 무렵, 전쟁이 발발하지 않고 사태가 무력으로 결정되지 않기를 신들에게 기도했기 때문이다.
§27.15.12πραττομένου δὲ τοῦ πολέμου τὰ κατὰ τὴν συμμαχίαν ἐβούλετο δίκαια ποιεῖν Ῥωμαίοις, πέρα δὲ τούτου μήτε προστρέχειν ἀγεννῶς μήθʼ ὑπηρετεῖν μηδὲν παρὰ τὸ δέον.
그러나 전쟁이 실제로 치러지게 되자, 그는 동맹에 따른 의무를 로마인들에게 공정하게 다하고자 했으나, 그 이상으로 비굴하게 아부하거나 필요치 않은 봉사를 과도하게 하지 않기를 원했다.
§27.15.13τοῦ δὲ Χάροπος ἐνεργῶς χρωμένου ταῖς κατʼ αὐτοῦ διαβολαῖς καὶ πᾶν τὸ παρὰ τὴν Ῥωμαίων βούλησιν γινόμενον εἰς ἐθελοκάκησιν ἄγοντος, τὸ μὲν πρῶτον οἱ προειρημένοι κατεφρόνουν, οὐδὲν αὑτοῖς συνειδότες ἀλλότριον βουλευομένοις Ῥωμαίων.
하지만 하롭스가 그에 대한 무고를 적극적으로 활용하고, 로마인들의 의사에 반해 일어나는 모든 일을 고의적인 태만으로 몰아가자, 처음에는 앞서 언급한 인물들이 이를 대수롭지 않게 여겼다. 자신들이 로마인들에게 불리한 음모를 꾸미고 있다는 자각이 전혀 없었기 때문이다.
§27.15.14ὡς δὲ τοὺς περὶ τὸν Ἱππόλοχον καὶ Νίκανδρον καὶ Λόχαγον εἶδον τοὺς Αἰτωλοὺς ἀναγομένους εἰς τὴν Ῥώμην ἀπὸ τῆς ἱππομαχίας ἀλόγως, καὶ τὰς διαβολὰς τὰς ἐκ τῶν περὶ Λυκίσκον πεπιστευμένας κατʼ αὐτῶν, οἵτινες κατὰ τὴν Αἰτωλίαν τὴν αὐτὴν αἵρεσιν ἦγον τῷ Χάροπι, τὸ τηνικάδε προϊδόμενοι τὸ μέλλον ἐβουλεύοντο περὶ αὑτῶν.
그러나 그들이 히폴로코스와 니칸드로스, 로카고스 등 에이톨리아인들이 기병전 이후 부당하게 로마로 압송되는 것을 보고, 에이톨리아에서 하롭스와 같은 정파를 이끌던 리키스코스 무리가 한 무고가 그들에게 사실로 받아들여지는 것을 보았을 때, 마침내 그들은 앞날을 내다보고 자신들의 신변에 대해 의논했다.
§27.15.15ἔδοξεν οὖν αὐτοῖς παντὸς πεῖραν λαμβάνειν ἐφʼ ᾧ μὴ προέσθαι σφᾶς αὐτοὺς ἀκρίτως εἰς τὴν Ῥώμην ἐπανάγεσθαι διὰ τὰς Χάροπος διαβολάς.
그리하여 그들은 하롭스의 무고 때문에 자신들이 재판도 없이 부당하게 로마로 끌려가도록 내버려 두지 않기 위해, 온갖 방법을 시도해 보기로 결의했다.
§27.15.16οὕτω μὲν οὖν οἱ περὶ τὸν Κέφαλον ἠναγκάσθησαν παρὰ τὰς αὑτῶν προαιρέσεις ἑλέσθαι τὰ τοῦ Περσέως. —
이리하여 케팔로스의 무리는 자신들의 본래 의도와는 달리 어쩔 수 없이 페르세우스의 편을 택하게 되었던 것이다.