§1ὅτε ἐνομίζομεν, ὦ Ἀθηναῖοι, τὰς γεγενημένας συμφορὰς ἱκανὰ μνημεῖα τῇ πόλει καταλελεῖφθαι, ὥστε μηδʼ ἂν τοὺς ἐπιγιγνομένους ἑτέρας πολιτείας ἐπιθυμεῖν, τότε δὴ οὗτοι τοὺς κακῶς πεπονθότας καὶ ἀμφοτέρων πεπειραμένους ἐξαπατῆσαι ζητοῦσι τοῖς αὐτοῖς ψηφίσμασιν, οἷσπερ καὶ πρότερον δὶς ἤδη.
아테네인 여러분, 우리가 겪었던 불행이 우리 국가에 충분한 기념비로 남겨져서 후세대 사람들조차 다른 국제(정체)를 바라지 않을 정도였다고 생각하고 있던 바로 그때, 이들은 이미 이전에 두 번이나 사용했던 것과 동일한 결의안들을 가지고, 고통을 겪고 양측 체제를 모두 경험한 이들을 다시 기만하려 하고 있습니다.
§2καὶ τούτων μὲν οὐ θαυμάζω, ὑμῶν δὲ τῶν ἀκροωμένων, ὅτι πάντων ἐστὲ ἐπιλησμονέστατοι ἢ πάσχειν ἑτοιμότατοι κακῶς ὑπὸ τοιούτων ἀνδρῶν, οἳ τῇ μὲν τύχῃ τῶν Πειραιοῖ πραγμάτων μετέσχον, τῇ δὲ γνώμῃ τῶν ἐξ ἄστεως.
그리고 저는 그들에게는 놀라지 않으나, 제 말을 듣고 있는 여러분에게는 놀랍니다. 여러분은 모든 이들 중에서 가장 건망증이 심하거나, 혹은 운명에 있어서는 페이라이에우스의 일에 동참했으되 마음으로는 시내의 사람들과 뜻을 같이했던 자들에게 해를 입는 것을 가장 기꺼이 감내하려 하기 때문입니다.
καίτοι τί ἔδει φεύγοντας κατελθεῖν, εἰ χειροτονοῦντες ὑμᾶς αὐτοὺς καταδουλώσεσθε;
그러나 만약 여러분이 스스로 손을 들어 표결함으로써 자신들을 노예화하려 한다면, 망명자 신분으로 귀환해야 했던 필요가 무엇이었단 말입니까?
§3ἐγὼ μὲν οὖν, ὦ Ἀθηναῖοι, οὔτε οὐσίᾳ οὔτε γένει ἀπελαυνόμενος, ἀλλʼ ἀμφότερα τῶν ἀντιλεγόντων πρότερος ὤν, ἡγοῦμαι ταύτην μόνην σωτηρίαν εἶναι τῇ πόλει, ἅπασιν Ἀθηναίοις τῆς πολιτείας μετεῖναι, ἐπεὶ καὶ ὅτε τὰ τείχη καὶ τὰς ναῦς καὶ χρήματα καὶ συμμάχους ἐκτησάμεθα, οὐχ ὅπως τινὰ Ἀθηναῖον ἀπώσομεν διενοούμεθα, ἀλλὰ καὶ Εὐβοεῦσιν ἐπιγαμίαν ἐποιούμεθα·
따라서 아테네인 여러분, 저 자신은 재산으로나 가문으로나 배제당하는 처지가 아니며, 오히려 그 두 가지 모두에서 반대자들보다 우위에 있지만, 우리 국가의 유일한 구원은 모든 아테네인이 국제에 참여하는 데 있다고 생각합니다. 우리가 성벽과 전함과 자금과 동맹국들을 획득했을 때조차도, 우리는 아테네인 중 누구라도 배제할 생각을 하지 않았을 뿐만 아니라 에우보이아인들에게까지 통혼권을 부여했던 적이 있기 때문입니다.
νῦν δὲ καὶ τοὺς ὑπάρχοντας πολίτας ἀπελῶμεν;
그런데 이제는 이미 존재하는 시민들마저 내쫓겠다는 말입니까?
§4οὔκ, ἐὰν ἔμοιγε πείθησθε, οὐδὲ μετὰ τῶν τειχῶν καὶ ταῦτα ἡμῶν αὐτῶν περιαιρησόμεθα, ὁπλίτας πολλοὺς καὶ ἱππέας καὶ τοξότας, ὧν ὑμεῖς ἀντεχόμενοι βεβαίως δημοκρατήσεσθε, τῶν δὲ ἐχθρῶν πλέον ἐπικρατήσετε, ὠφελιμώτεροι δὲ τοῖς συμμάχοις ἔσεσθε·
만약 제 말을 따르신다면 결코 그렇지 않습니다. 우리는 성벽과 함께 우리 자신의 이러한 자원들마저 스스로 박탈하지 않을 것입니다. 즉, 여러분이 그것들을 굳건히 지킴으로써 민주정을 확고히 유지하고, 적들을 더 강력히 제압하며, 동맹국들에게도 더욱 유익한 존재가 되게 해 줄 수많은 중장보병과 기병과 궁수들을 잃지 않을 것입니다.
ἐπίστασθε γὰρ ἐν ταῖς ἐφʼ ἡμῶν ὀλιγαρχίαις γεγενημέναις οὐ τοὺς γῆν κεκτημένους ἔχοντας τὴν πόλιν, ἀλλὰ πολλοὺς μὲν αὐτῶν ἀποθανόντας, πολλοὺς δʼ ἐκ τῆς πόλεως ἐκπεσόντας,
여러분은 우리 시대에 일어났던 과두정 하에서, 토지를 소유한 자들이 국가를 차지하고 있었던 것이 아니라 오히려 그들 중 많은 이들이 죽임을 당하고 많은 이들이 국가에서 쫓겨났음을 알고 있기 때문입니다.
§5οὓς ὁ δῆμος καταγαγὼν ὑμῖν μὲν τὴν ὑμετέραν ἀπέδωκεν, αὐτὸς δὲ ταύτης οὐκ ἐτόλμησε μετασχεῖν.
민중(데모스)은 그들을 귀환시켜 여러분에게 여러분의 재산을 돌려주었으나, 민중 스스로는 감히 그것을 차지하려 하지 않았습니다.
ὥστʼ, ἐὰν ἔμοιγε πείθησθε, οὐ τοὺς εὐεργέτας, καθὸ δύνασθε, τῆς πατρίδος ἀποστερήσετε, οὐδὲ τοὺς λόγους πιστοτέρους τῶν ἔργων οὐδὲ τὰ μέλλοντα τῶν γεγενημένων νομιεῖτε, ἄλλως τε καὶ μεμνημένοι τῶν περὶ τῆς ὀλιγαρχίας μαχομένων, οἳ τῷ μὲν λόγῳ τῷ δήμῳ πολεμοῦσι, τῷ δὲ ἔργῳ τῶν ὑμετέρων ἐπιθυμοῦσιν·
그러므로 제 말을 따르신다면, 여러분은 나라의 은인들로부터 그들의 조국을 할 수 있는 한 빼앗지 않을 것이며, 말(언어)을 행실보다 더 신뢰하거나 미래의 약속을 이미 일어난 역사보다 더 확실한 것으로 여기지 않을 것입니다. 더욱이 과두정을 위해 싸우는 자들을 기억하신다면 더욱 그러합니다. 그들은 말로는 민중과 싸우지만, 실제로는 여러분의 재산을 탐내고 있습니다.
ἅπερ κτήσονται, ὅταν ὑμᾶς ἐρήμους συμμάχων λάβωσιν.
그들은 여러분이 동맹국들을 잃고 고립되었을 때 그것들을 차지할 것입니다.
§6εἶτα τοιούτων ἡμῖν ὑπαρχόντων ἐρωτῶσι τίς ἔσται σωτηρία τῇ πόλει, εἰ μὴ ποιήσομεν ἃ Λακεδαιμόνιοι κελεύουσιν;
그런데 이처럼 훌륭한 자원들이 우리에게 있음에도 불구하고, 그들은 "만약 우리가 라케다이몬인들이 명령하는 바를 행하지 않는다면 국가에 무슨 구원이 있겠는가?" 하고 묻습니다.
ἐγὼ δὲ τούτους εἰπεῖν ἀξιῶ, τίς τῷ πλήθει περιγενήσεται, εἰ ποιήσομεν ἃ ἐκεῖνοι προστάττουσιν;
그러나 저는 그들에게 되묻고 싶습니다. 만약 우리가 그들이 명령하는 바를 행한다면, 다수의 대중에게 무슨 생존의 가망이 있겠습니까?
εἰ δὲ μή, πολὺ κάλλιον μαχομένοις ἀποθνῄσκειν ἢ φανερῶς ἡμῶν αὐτῶν θάνατον καταψηφίσασθαι.
그렇지 않다면, 우리 스스로의 죽음에 공연히 찬성 투표를 던지는 것보다 싸우다 죽는 편이 훨씬 더 아름답습니다.
§7ἡγοῦμαι γάρ, ἐὰν μὲν πείσω, ἀμφοτέροις κοινὸν εἶναι τὸν κίνδυνον ὁρῶ δὲ καὶ Ἀργείους καὶ Μαντινέας τὴν αὐτὴν ἔχοντας γνώμην τὴν αὑτῶν οἰκοῦντας, τοὺς μὲν ὁμόρους ὄντας Λακεδαιμονίοις, τοὺς δʼ ἐγγὺς οἰκοῦντας, καὶ τοὺς μὲν οὐδὲν ἡμῶν πλείους, τοὺς δὲ οὐδὲ τρισχιλίους ὄντας.
만약 제가 여러분을 설득한다면, 위험은 양측 모두에게 공통된 것이 되리라 생각하기 때문입니다. 또한 저는 아르고스인들과 만티네이아인들도 똑같은 신념을 가지고 자신들의 나라에 살고 있는 것을 봅니다. 한쪽은 라케다이몬인들과 국경을 접하고 있고 다른 쪽은 그 근처에 살고 있으며, 전자는 우리보다 결코 많지 않고 후자는 삼천 명도 채 되지 않습니다.
§8ἴσασι γὰρ ἐκεῖνοι ὅτι, κἂν πολλάκις εἰς τὴν τούτων ἐμβάλλωσι, πολλάκις αὐτοῖς ἀπαντήσονται ὅπλα λαβόντες, ὥστε οὐ καλὸς αὐτοῖς ὁ κίνδυνος δοκεῖ εἶναι, ἐὰν μὲν νικήσωσι, τούτους μὴ καταδουλώσασθαί γε, ἐὰν δὲ ἡττηθῶσι, σφᾶς αὐτοὺς τῶν ὑπαρχόντων ἀγαθῶν ἀποστερῆσαι.
그들(라케다이몬인들)은 자신들이 아무리 여러 번 이들의 영토로 쳐들어간다 하더라도, 무장을 갖추고 맞설 이들을 매번 만나게 되리라는 것을 알고 있기 때문입니다. 따라서 그들에게는 이 위험이 수지맞는 것으로 보이지 않는 것입니다. 설령 이기더라도 이들을 노예화할 수는 없고, 만약 진다면 자신들이 이미 누리고 있는 복락들을 스스로 박탈당하게 되기 때문입니다.
ὅσῳ δʼ ἂν ἄμεινον πράττωσι, τοσούτῳ ἧττον ἐπιθυμοῦσι κινδυνεύειν.
상황이 좋으면 좋을수록 그들은 위험을 무릅쓰기를 덜 원하는 법입니다.
§9εἴχομεν δέ, ὦ Ἀθηναῖοι, καὶ ἡμεῖς ταύτην τὴν γνώμην, ὅτε τῶν Ἑλλήνων ἤρχομεν, καὶ ἐδοκοῦμεν καλῶς βουλεύεσθαι περιορῶντες μὲν τὴν χώραν τεμνομένην, οὐ νομίζοντες δὲ χρῆναι περὶ αὐτῆς διαμάχεσθαι·
아테네인 여러분, 우리가 그리스인들을 지배하고 있었을 때에는 우리 역시 이 신념을 가지고 있었으며, 우리 영토가 유린당하는 것을 방치하면서도 그 영토를 위해 끝까지 싸워서는 안 된다고 생각했고, 그 판단은 훌륭했던 것으로 여겨졌습니다.
ἄξιον γὰρ ἦν ὀλίγων ἀμελοῦντας πολλῶν ἀγαθῶν φείσασθαι.
사소한 것들을 포기함으로써 많은 이익을 보존하는 것이 가치 있었기 때문입니다.
νῦν δέ, ἐπεὶ ἐκείνων μὲν ἁπάντων μάχῃ ἐστερήμεθα, ἡ δὲ πατρὶς ἡμῖν λέλειπται, ἴσμεν ὅτι ὁ κίνδυνος οὗτος μόνος ἔχει τὰς ἐλπίδας τῆς σωτηρίας.
그러나 이제 우리는 그 모든 것들을 전투를 통해 빼앗기고 조국만이 우리에게 남겨졌으니, 이 위험(싸움)만이 구원의 유일한 희망을 품고 있음을 우리는 알고 있습니다.
§10ἀλλὰ γὰρ χρὴ ἀναμνησθέντας ὅτι ἤδη καὶ ἑτέροις ἀδικουμένοις βοηθήσαντες ἐν τῇ ἀλλοτρίᾳ πολλὰ τρόπαια τῶν πολεμίων ἐστήσαμεν, ἄνδρας ἀγαθοὺς περὶ τῆς πατρίδος καὶ ἡμῶν αὐτῶν γίγνεσθαι, πιστεύοντας μὲν τοῖς θεοῖς, ἐλπίζοντας δὲ ἔτι τὸ δίκαιον μετὰ τῶν ἀδικουμένων ἔσεσθαι.
그렇지만 우리는 이미 다른 억울한 이들을 도와 이방의 땅에서 적들을 물리치고 수많은 전승 기념비를 세웠던 일을 기억하고, 신들을 신뢰하며 정의가 여전히 고통받는 이들의 편에 서 있으리라 기대하면서 조국과 우리 자신을 위해 용감한 이들이 되어야 마땅합니다.
§11δεινὸν γὰρ ἂν εἴη, ὦ Ἀθηναῖοι, εἰ, ὅτε μὲν ἐφεύγομεν, ἐμαχόμεθα Λακεδαιμονίοις, ἵνα κατέλθωμεν, κατελθόντες δὲ φευξόμεθα, ἵνα μὴ μαχώμεθα.
아테네인 여러분, 만약 우리가 망명 중이었을 때에는 돌아오기 위해 라케다이몬인들과 싸웠으나, 돌아온 뒤에는 싸우지 않기 위해 다시 망명길에 오르게 된다면 참으로 해괴한 일일 것입니다.
οὐκ οὖν αἰσχρὸν εἰ εἰς τοῦτο κακίας ἥξομεν, ὥστε οἱ μὲν πρόγονοι καὶ ὑπὲρ τῆς τῶν ἄλλων ἐλευθερίας διεκινδύνευον, ὑμεῖς δὲ οὐδὲ ὑπὲρ τῆς ὑμετέρας αὐτῶν τολμᾶτε πολεμεῖν;
그러므로 만약 우리가 이러한 비겁함의 극치에 다다르게 된다면 어찌 수치스럽지 않겠습니까? 조상들은 타인의 자유를 위해서도 위험을 무릅쓰고 싸웠는데, 여러분은 자신들의 자유를 위해서조차 감히 싸우려 하지 않으니 말입니다.