§9.26.1οὕτω μὲν τὸ ἱερὸν τοῦτό ἐστιν ἐξ ἀρχῆς ἅγιον·
이처럼 이 성소는 태초부터 신성한 곳이다.
τοῦ Καβειρίου δὲ ἐν δεξιᾷ πεδίον ἐστὶν ἐπώνυμον Τηνέρου μάντεως, ὃν Ἀπόλλωνος παῖδα εἶναι καὶ Μελίας νομίζουσι, καὶ Ἡρακλέους ἱερὸν μέγα ἐπίκλησιν Ἱπποδέτου·
카베이로이 성소의 오른쪽에는 예언자 테네로스의 이름을 딴 평원이 있는데, 사람들은 그를 아폴론과 멜리아의 아들이라고 믿는다. 또한 '말묶기'라는 이명을 가진 헤라클레스의 거대한 성소가 있다.
τούς τε γὰρ Ὀρχομενίους φασὶν ἐς τοῦτο ἀφῖχθαι στρατιᾷ καὶ τὸν Ἡρακλέα νύκτωρ τοὺς ἵππους λαβόντα συνδῆσαί σφισι τοὺς ὑπὸ τοῖς ἅρμασι.
왜냐하면 오르코메노스인들이 군대를 이끌고 이곳에 도착했을 때, 헤라클레스가 밤을 틈타 그들의 전차 아래에 매여 있던 말들을 빼앗아 묶어버렸다고 전해지기 때문이다.
§9.26.2προελθόντων δὲ τὸ ὄρος ἐστὶν ὅθεν τὴν Σφίγγα λέγουσιν ὁρμᾶσθαι ἐπʼ ὀλέθρῳ τῶν ἁρπαζομένων αἴνιγμα ᾄδουσαν·
길을 따라 더 나아가면, 스핑크스가 납치한 이들을 파멸시키기 위해 수수께끼를 노래하며 그곳에서부터 습격해왔다고 전해지는 산이 있다.
οἱ δὲ κατὰ λῃστείαν σὺν δυνάμει ναυτικῇ πλανωμένην φασὶν αὐτὴν ἐς τὴν πρὸς Ἀνθηδόνι σχεῖν θάλασσαν, καταλαβοῦσαν δὲ τὸ ὄρος τοῦτο ἁρπαγαῖς χρῆσθαι, πρὶν ἐξεῖλεν Οἰδίπους αὐτὴν ὑπερβαλόμενος πλήθει στρατιᾶς ἣν ἀφίκετο ἔχων ἐκ Κορίνθου.
그러나 다른 이들의 말에 따르면, 그녀는 해적질을 위해 해군력을 이끌고 방랑하다가 안테돈 근처의 바다에 정박했고, 이 산을 점령하여 약탈을 자행하다가, 결국 에디푸스가 코린토스에서 거느리고 온 대군을 이끌고 와서 수적 우세로 그녀를 제압하고 물리쳤다고 한다.
§9.26.3λέγεται δὲ καὶ ὡς νόθη Λαΐου θυγάτηρ εἴη, καὶ ὡς τὸν χρησμὸν τὸν Κάδμῳ δοθέντα ἐκ Δελφῶν διδάξειεν αὐτὴν κατὰ εὔνοιαν ὁ Λάιος·
또한 그녀는 라이오스의 서출 딸이었으며, 라이오스가 호의로 델포이에서 카드모스에게 내린 신탁을 그녀에게 가르쳐 주었다고도 전해진다.
ἐπίστασθαι δὲ πλὴν τοὺς βασιλέας οὐδένα ἄλλον τὸ μάντευμα.
그리고 왕들을 제외하고는 다른 아무도 그 신탁을 알지 못했다.
ὁπότε οὖν τῇ Σφιγγὶ ἀμφισβητήσων τις ἀφίκοιτο τῆς ἀρχῆς—γενέσθαι γὰρ τῷ Λαΐῳ ἐκ παλλακῶν υἱοὺς καὶ τὰ χρησθέντα ἐκ Δελφῶν ἐς Ἐπικάστην μόνην καὶ τοὺς ἐξ ἐκείνης ἔχειν παῖδας—, τὴν οὖν Σφίγγα χρῆσθαι σοφίσμασιν ἐς τοὺς ἀδελφούς, ὡς τὸν Κάδμῳ γενόμενον χρησμὸν εἰδεῖεν ἂν Λαΐου γε ὄντες·
그리하여 누군가 스핑크스에게 왕권을 주장하기 위해 찾아올 때마다—라이오스에게는 첩들에게서 얻은 아들들이 있었으나, 델포이의 신탁은 에피카스테와 그녀에게서 난 자식들만이 권력을 잡아야 한다는 것이었기 때문이다—스핑크스는 그 형제들을 상대로 궤변을 쓰며, 그들이 참으로 라이오스의 자식이라면 카드모스에게 내린 신탁을 알고 있을 것이라고 말했다.
§9.26.4οὐκ ἔχοντας δὲ αὐτοὺς ἀποκρίνασθαι θανάτῳ ζημιοῦν, ἅτε οὐ προσηκόντως ἀμφισβητοῦντας γένους τε καὶ ἀρχῆς.
그리고 그들이 대답하지 못하자, 가문과 왕권을 부당하게 주장한다는 이유로 그들을 사형에 처했다.
Οἰδίπους δὲ ἄρα ἀφίκετο ὑπὸ ὀνείρατος δεδιδαγμένος τὸν χρησμόν.
그러나 에디푸스는 꿈을 통해 신탁을 전해 듣고 찾아왔던 것이다.
§9.26.5ἀπὸ δὲ τοῦ ὄρους τούτου πέντε ἀπέχει καὶ δέκα σταδίους πόλεως ἐρείπια Ὀγχηστοῦ·
이 산에서 15스타디온 떨어진 곳에 온케스토스 시의 유적이 있다.
φασὶ δὲ ἐνταῦθα οἰκῆσαι Ποσειδῶνος παῖδα Ὀγχηστόν.
이곳에 포세이돈의 아들 온케스토스가 살았다고 전해진다.
ἐπʼ ἐμοῦ δὲ ναός τε καὶ ἄγαλμα Ποσειδῶνος ἐλείπετο Ὀγχηστίου καὶ τὸ ἄλσος, ὃ δὴ καὶ Ὅμηρος ἐπῄνεσε.
내 시대에는 온케스토스의 포세이돈 신전과 신상, 그리고 호메로스도 찬양했던 성림이 남아 있었다.
§9.26.6τραπομένῳ δὲ ἀπὸ τοῦ Καβειρίου τὴν ἐν ἀριστερᾷ καὶ προελθόντι ὡς πεντήκοντα σταδίους Θέσπια ὑπὸ τὸ ὄρος τὸν Ἑλικῶνα ᾤκισται.
카베이로이 성소에서 왼쪽으로 꺾어 약 50스타디온을 나아가면 헬리콘산 아래에 테스피아이가 자리 잡고 있다.
θυγατέρα δὲ εἶναι Θέσπιαν λέγουσιν Ἀσωποῦ καὶ ἀπὸ ταύτης κληθῆναι τὴν πόλιν, οἱ δὲ Θέσπιόν φασιν ἐξ Ἀθηνῶν ἐλθόντα τὸ ὄνομα τῇ πόλει δοῦναι·
테스피아는 아소포스의 딸이며 그녀의 이름을 따서 도시 이름이 지어졌다고도 하고, 다른 이들은 아테네에서 온 테스피오스가 도시에 그 이름을 주었다고 말한다.
§9.26.7γεγονέναι δὲ ἀπὸ Ἐρεχθέως αὐτόν.
그는 에렉테우스의 후손이었다고 한다.
Θεσπιεῦσι δὲ ἐν τῇ πόλει Σαώτου Διός ἐστι χαλκοῦν ἄγαλμα·
테스피아이인들에게는 시내에 사오테스(구원자) 제우스의 청동상이 있다.
ἐπιλέγουσι δὲ ὡς λυμαινομένου τὴν πόλιν ποτὲ αὐτοῖς δράκοντος προστάξειεν ὁ θεὸς τὸν κλήρῳ τῶν ἐφήβων κατὰ ἔτος ἕκαστον λαχόντα δίδοσθαι τῷ θηρίῳ.
사람들은 또한, 옛날에 용이 그들의 도시를 황폐화시켰을 때 신이 해마다 제비뽑기로 선택된 청년 한 명을 그 야수에게 바치라고 명령했다고 덧붙인다.
τῶν μὲν δὴ διαφθαρέντων μνημονεύειν τὰ ὀνόματα οὔ φασιν·
희생된 이들의 이름은 기억하지 못한다고 그들은 말한다.
ἐπὶ δὲ Κλεοστράτῳ λαχόντι τὸν ἐραστὴν αὐτοῦ Μενέστρατον λέγουσιν ἐπιτεχνήσασθαι.
그러나 클레오스트라토스에게 제비가 뽑혔을 때, 그의 연인 메네스트라토스가 계책을 꾸몄다고 전해진다.
§9.26.8χαλκοῦν θώρακα ἐποιήσατο ἔχοντα ἐπὶ ἑκάστῃ τῶν φολίδων ἄγκιστρον ἐς τὸ ἄνω νεῦον·
그는 각각의 비늘 위에 위를 향해 구부러진 갈고리가 달린 청동 흉갑을 만들게 했다.
τοῦτον τὸν θώρακα ἐνδὺς παρέδωκε τῷ δράκοντι ἑκουσίως αὑτόν, παραδοὺς δὲ ἀπολεῖσθαί τε καὶ αὐτὸς ἀπολεῖν ἔμελλε τὸ θηρίον.
이 흉갑을 입고 그는 자발적으로 용에게 자신을 내주었는데, 자신을 내줌으로써 자신도 죽겠지만 야수 또한 멸망시키려 한 것이었다.
ἀντὶ τούτου μὲν τῷ Διὶ γέγονεν ἐπίκλησις Σαώτης·
이 일의 대가로 제우스에게는 사오테스라는 이명이 생겼다.
τὸ δὲ ἄγαλμα τὸ Διονύσου καὶ αὖθις Τύχης, ἑτέρωθι δὲ Ὑγείας, τὴν δὲ Ἀθηνᾶν τὴν Ἐργάνην καὶ αὐτὴν καὶ Πλοῦτόν οἱ παρεστηκότα ἐποίησε.
그리고 같은 조각가가 디오니소스의 상과 이어서 티케의 상을, 다른 곳에는 히기에이아의 상을 만들었으며, 아테나 에르가네 여신 자신과 그 곁에 서 있는 플루토스의 상도 만들었다.