§41Τίμων
ἄγε, ὦ δίκελλα, νῦν μοι ἐπίρρωσον σεαυτὴν καὶ μὴ κάμῃς ἐκ τοῦ βάθους τὸν Θησαυρὸν ἐς τοὐμφανὲς προκαλουμένη.
티몬 자, 괭이야, 이제 나를 위해 힘을 내어라. 깊은 곳에서 보물을 밝은 곳으로 불러내는 일을 지쳐 멈추지 마라.
ὦ Ζεῦ τεράστιε καὶ φίλοι Κορύβαντες καὶ Ἑρμῆ κερδῷε, πόθεν τοσοῦτον χρυσίον;
오, 기적을 행하시는 제우스여, 친근한 코리반테스여, 이득을 주시는 헤르메스여, 이토록 많은 황금이 대체 어디서 났단 말인가?
ἦ που ὄναρ ταῦτά ἐστι;
이것은 혹시 꿈이 아닌가?
δέδια γοῦν μὴ ἄνθρακας εὕρω ἀνεγρόμενος·
깨어났을 때 숯댕이를 발견하게 될까 두렵구나.
ἀλλὰ μὴν χρυσίον ἐστὶν ἐπίσημον, ὑπέρυθρον, βαρὺ καὶ τὴν πρόσοψιν ὑπερήδιστον.
하지만 분명히 이것은 주조된 황금이며, 붉은빛을 띠고, 무거우며, 보기에도 아주 달콤하구나.
"ὦ χρυσέ, δεξίωμα κάλλιστον βροτοῖς· "
αἰθόμενον γὰρ πῦρ ἅτε διαπρέπεις καὶ νύκτωρ καὶ μεθʼ ἡμέραν.
"오 황금이여, 필멸자들에게 가장 아름다운 환대의 선물이여!" 타오르는 불길처럼 너는 밤이나 낮이나 찬란하게 빛나는구나.
ἐλθέ, ὦ φίλτατε καὶ ἐρασμιώτατε.
오너라, 가장 사랑스럽고 매혹적인 존재여.
νῦν πείθομαί γε καὶ Δία ποτὲ γενέσθαι χρυσόν·
이제야 나는 제우스가 언젠가 황금이 되었다는 말을 믿겠노라.
τίς γὰρ οὐκ ἂν παρθένος ἀναπεπταμένοις τοῖς κόλποις ὑπεδέξατο οὕτω καλὸν ἐραστὴν διὰ τοῦ τέγους καταρρέοντα;
지붕을 뚫고 흘러내리는 이토록 아름다운 연인을, 품을 활짝 열고 맞아들이지 않을 처녀가 어디 있겠는가?
§42Τίμων
ὦ Μίδα καὶ Κροῖσε καὶ τὰ ἐν Δελφοῖς ἀναθήματα, ὡς οὐδὲν ἄρα ἦτε ὡς πρὸς Τίμωνα καὶ τὸν Τίμωνος πλοῦτον, ᾧ γε οὐδὲ ὁ βασιλεὺς ὁ Περσῶν ἴσος.
티몬 오, 미다스여, 크로이소스여, 델포이의 봉납물들이여, 자네들은 티몬과 티몬의 부에 비하면 결국 아무것도 아니었구나. 페르시아의 왕조차 그에게는 미치지 못한다.
Ὦ δίκελλα καὶ φιλτάτη διφθέρα, ὑμᾶς μὲν τῷ Πανὶ τούτῳ ἀναθεῖναι καλόν·
오 괭이야, 그리고 가장 사랑스러운 가죽 작업복아, 너희를 이 판 신에게 봉납하는 것이 합당하겠구나.
αὐτὸς δὲ ἤδη πᾶσαν πριάμενος τὴν ἐσχατιάν, πυργίον οἰκοδομησάμενος ὑπὲρ τοῦ θησαυροῦ μόνῳ ἐμοὶ ἱκανὸν ἐνδιαιτᾶσθαι, τὸν αὐτὸν καὶ τάφον ἀποθανὼν ἕξειν μοιδοκῶ.
나는 이제 이 변방의 땅을 모두 사들이고, 보물 위에 나 혼자 살기에 충분한 작은 탑을 지어, 죽었을 때 그곳을 그대로 나의 무덤으로 삼을까 하노라.
δεδόχθω δὲ ταῦτα καὶ νενομοθετήσθω πρὸς τὸν ἐπίλοιπον βίον, ἀμιξία πρὸς ἅπαντας καὶ ἀγνωσία καὶ ὑπεροψία·
남은 생애에 대해 다음과 같이 결정하고 입법하노라. 모든 이들과의 단교, 무시, 그리고 경멸.
φίλος δὲ ἢ ξένος ἢ ἑταῖρος ἢ Ἐλέου βωμὸς ὕθλος πολύς·
친구, 이방인, 동료, 혹은 '연민의 제단' 따위는 모두 허무맹랑한 헛소리다.
καὶ τὸ οἰκτεῖραι δακρύοντα ἢ ἐπικουρῆσαι δεομένῳ παρανομία καὶ κατάλυσις τῶν ἐθῶν·
눈물 흘리는 자를 동정하거나 곤경에 처한 자를 돕는 것은 법률 위반이며 관습의 파괴다.
μονήρης δὲ ἡ δίαιτα καθάπερ τοῖς λύκοις, καὶ φίλος εἷς Τίμων.
늑대들처럼 고독한 생활을 영위하고, 친구는 오직 하나, 티몬뿐이다.
§43Τίμων
οἱ δὲ ἄλλοι πάντες ἐχθροὶ καὶ ἐπίβουλοι·
티몬 그 밖의 다른 자들은 모두 적이자 음모자이다.
καὶ τὸ προσομιλῆσαί τινι αὐτῶν μίασμα·
그들 중 누군가와 대화하는 것조차 부정함이다.
καὶ ἤν τινα ἴδω μόνον, ἀποφρὰς ἡ ἡμέρα·
누군가를 보기만 해도 그날은 불길한 날이다.
καὶ ὅλως ἀνδριάντων λιθίνων ἢ χαλκῶν μηδὲν ἡμῖν διαφερέτωσαν·
한마디로, 그들은 우리에게 돌이나 청동 조상과 아무런 다름이 없어야 한다.
καὶ μήτε κήρυκα δεχώμεθα παρʼ αὐτῶν μήτε σπονδὰς σπενδώμεθα·
그들로부터 전령을 받지도 말고 그들과 휴전 협정을 맺지도 말아야 한다.
ἡ ἐρημία δὲ ὅρος ἔστω πρὸς αὐτούς.
황무지가 그들과 우리 사이의 경계가 되게 하라.
φυλέται δὲ καὶ φράτορες καὶ δημόται καὶ ἡ πατρὶς αὐτὴ ψυχρὰ καὶ ἀνωφελῆ ὀνόματα καὶ ἀνοήτων ἀνδρῶν φιλοτιμήματα.
부족원도, 종중원도, 구민도, 조국 자체도 차갑고 무익한 이름일 뿐이며, 어리석은 자들의 허영심의 산물일 뿐이다.
πλουτείτω δὲ Τίμων μόνος καὶ ὑπεροράτω ἁπάντων καὶ τρυφάτω μόνος καθʼ ἑαυτὸν κολακείας καὶ ἐπαίνων φορτικῶν ἀπηλλαγμένος·
티몬 홀로 부유해지고, 모든 이들을 굽어보며, 아첨과 천박한 찬사에서 벗어나 홀로 사치스럽게 살아가라.
καὶ θεοῖς θυέτω καὶ εὐωχείσθω μόνος, ἑαυτῷ γείτων καὶ ὅμορος, ἐκσείων τῶν ἄλλων.
신들에게 제사를 드리고 잔치를 베푸는 것도 홀로 행하며, 다른 자들을 털어버리고 자기 자신의 이웃이자 국경을 접한 자가 되라.
καὶ ἅπαξ ἑαυτὸν δεξιώσασθαι δεδόχθω, ἢν δέῃ ἀποθανεῖν, καὶ αὑτῷ στέφανον ἐπενεγκεῖν.
그리고 죽어야 할 때가 오면, 오직 자기 자신과만 작별의 손을 잡고 자기 자신에게 화관을 씌워줄 것을 결정하노라.
§44Τίμων
καὶ ὄνομα μὲν ἔστω ὁ Μισάνθρωπος ἥδιστον, τοῦ τρόπου δὲ γνωρίσματα δυσκολία καὶ τραχύτης καὶ σκαιότης καὶ ὀργὴ καὶ ἀπανθρωπία·
티몬 그리고 이름은 '인간혐오자'라는 가장 감미로운 이름으로 하고, 성격의 특징은 까다로움, 거칠음, 투박함, 분노, 그리고 비정함으로 하노라.
εἰ δέ τινα ἴδοιμι ἐν πυρὶ διαφθειρόμενον καὶ κατασβεννύναι ἱκετεύοντα, πίττῃ καὶ ἐλαίῳ κατασβεννύναι·
만일 불길 속에서 타 죽어가는 자를 보고 불을 꺼달라고 애원한다면, 피치와 기름을 부어 끌 것.
καὶ ἤν τινα τοῦ χειμῶνος ὁ ποταμὸς παραφέρῃ, ὁ δὲ τὰς χεῖρας ὀρέγων ἀντιλαβέσθαι δέηται, ὠθεῖν καὶ τοῦτον ἐπὶ κεφαλὴν βαπτίζοντα, ὡς μηδὲ ἀνακῦψαι δυνηθείη·
그리고 겨울철에 누군가 강물에 떠내려가며 손을 내밀어 붙잡아 달라고 간구한다면, 그 역시 거꾸로 밀어 처박아 물에 잠기게 하여 다시는 머리를 내밀 수 없게 할 것.
οὕτω γὰρ ἂν τὴν ἴσην ἀπολάβοιεν.
그렇게 해야 그들이 동등한 보답을 받게 될 것이기 때문이다.
εἰσηγήσατο τὸν νόμον Τίμων Ἐχεκρατίδου Κολλυτεύς, ἐπεψήφισε τῇ ἐκκλησίᾳ Τίμων ὁ αὐτός. ”
εἶεν, ταῦτα ἡμῖν δεδόχθω καὶ ἀνδρικῶς ἐμμένωμεν αὐτοῖς.
"콜리투스 구민 에케크라티데스의 아들 티몬이 이 법률을 제안하였고, 동일한 티몬이 민회에서 표결에 부쳤다." 좋다, 이것들을 우리의 결의로 삼고 사내답게 고수하도록 하자.
§45Τίμων
πλὴν ἀλλὰ περὶ πολλοῦ ἂν ἐποιησάμην ἅπασι γνώριμά πως ταῦτα γενέσθαι, διότι ὑπερπλουτῶ·
티몬 그렇지만 내가 엄청난 갑부가 되었다는 사실이 어떻게든 모두에게 알려진다면 참으로 좋겠구나.
ἀγχόνη γὰρ ἂν τὸ πρᾶγμα γένοιτο αὐτοῖς.
그들에게는 그것이 목을 맬 일이 될 테니 말이다.
καίτοι τί τοῦτο;
그런데 이게 대체 어찌 된 일인가?
φεῦ τοῦ τάχους.
오, 어찌 이리 빠른가!
πανταχόθεν συνθέουσιν κεκονιμένοι καὶ πνευστιῶντες, οὐκ οἶδα ὅθεν ὀσφραινόμενοι τοῦ χρυσίου.
먼지를 뒤집어쓰고 헐떡거리며 사방에서 달려오고 있구나. 대체 어디서 금 냄새를 맡았단 말인가.
πότερον οὖν ἐπὶ τὸν πάγον τοῦτον ἀναβὰς ἀπελαύνω αὐτοὺς τοῖς λίθοις ἐξ ὑπερδεξίων ἀκροβολιζόμενος, ἢ τό γε τοσοῦτον παρανομήσομεν εἰσάπαξ αὐτοῖς ὁμιλήσαντες, ὡς πλέον ἀνιῷντο ὑπερορώμενοι;
그렇다면 이 바위 위로 올라가 위쪽에서 돌을 던져 조준 사격하며 그들을 쫓아내 버릴까? 아니면, 무시당함으로써 더 크게 괴로워하도록, 단 한 번 그들과 상대해 주는 정도의 위법을 저질러 볼까?
τοῦτο οἶμαι καὶ ἄμεινον.
이것이 더 낫겠다고 생각한다.
ὥστε δεχώμεθα ἤδη αὐτοὺς ὑποστάντες.
그러니 이제 꿋꿋이 서서 그들을 맞이하자.
φέρε ἴδω, τίς ὁ πρῶτος αὐτῶν οὗτός ἐστι;
자 보자, 이들 중 첫 번째로 오는 자가 누구인가?
Γναθωνίδης ὁ κόλαξ, ὁ πρῴην ἔρανον αἰτήσαντί μοι ὀρέξας τὸν βρόχον, πίθους ὅλους παρʼ ἐμοὶ πολλάκις ἐμημεκώς.
아첨꾼 그나토니데스구나. 얼마 전 내가 기부금을 요청했을 때 내게 교수형 밧줄을 내밀었던 자이자, 우리 집에서 몇 번이고 항아리째 술을 토할 때까지 마셔 댔던 자이다.
ἀλλʼ εὖ γε ἐποίησεν ἀφικόμενος·
하지만 오기를 잘했다.
οἰμώξεται γὰρ πρὸ τῶν ἄλλων.
그는 다른 누구보다 먼저 피눈물을 흘리게 될 테니 말이다.