§6.125.1οἱ δὲ Ἀλκμεωνίδαι ἦσαν μὲν καὶ τὰ ἀνέκαθεν λαμπροὶ ἐν τῇσι Ἀθήνῃσι, ἀπὸ δὲ Ἀλκμέωνος καὶ αὖτις Μεγακλέος ἐγένοντο καὶ κάρτα λαμπροί.
알크마이온 가문은 원래 옛날부터 아테나이에서 현달하였으나, 알크마이온과 그 뒤의 메가클레스 시대부터 더욱 지극히 현달해졌다.
§6.125.2τοῦτο μὲν γὰρ Ἀλκμέων ὁ Μεγακλέος τοῖσι ἐκ Σαρδίων Λυδοῖσι παρὰ Κροίσου ἀπικνεομένοισι ἐπὶ τὸ χρηστήριον τὸ ἐν Δελφοῖσι συμπρήκτωρ τε ἐγίνετο καὶ συνελάμβανε προθύμως, καί μιν Κροῖσος πυθόμενος τῶν Λυδῶν τῶν ἐς τὰ χρηστήρια φοιτεόντων ἑωυτὸν εὖ ποιέειν μεταπέμπεται ἐς Σάρδις, ἀπικόμενον δὲ δωρέεται χρυσῷ τὸν ἂν δύνηται τῷ ἑωυτοῦ σώματι ἐξενείκασθαι ἐσάπαξ.
우선 첫째로, 메가클레스의 아들 알크마이온은 크로이소스에게서 델포이의 신탁소로 찾아온 사르디스 출신의 뤼디아인들에게 협력자가 되어 기꺼이 도와주었다. 크로이소스는 신탁소에 드나들던 뤼디아인들로부터 알크마이온이 자신에게 선행을 베풀었다는 말을 전해 듣고 그를 사르디스로 불러들였고, 그가 도착하자 자신의 몸으로 단번에 운반해 갈 수 있을 만큼의 황금을 그에게 선사하기로 했다.
§6.125.3ὁ δὲ Ἀλκμέων πρὸς τὴν δωρεὴν ἐοῦσαν τοιαύτην τοιάδε ἐπιτηδεύσας προσέφερε·
그리하여 알크마이온은 이러한 선물의 성격에 대처하여 다음과 같이 준비를 갖추어 임했다.
ἐνδὺς κιθῶνα μέγαν καὶ κόλπον βαθὺν καταλιπόμενος τοῦ κιθῶνος, κοθόρνους τε τοὺς εὕρισκε εὐρυτάτους ἐόντας ὑποδησάμενος, ἤιε ἐς τὸν θησαυρὸν ἐς τόν οἱ κατηγέοντο.
커다란 키톤을 입고 그 키톤에 깊은 품을 만들어 두었으며, 발견할 수 있는 한 가장 넓적한 장화를 신은 채, 안내받은 보물창고로 들어갔다.
§6.125.4ἐσπεσὼν δὲ ἐς σωρὸν ψήγματος πρῶτα μὲν παρέσαξε παρὰ τὰς κνήμας τοῦ χρυσοῦ ὅσον ἐχώρεον οἱ κόθορνοι, μετὰ δὲ τὸν κόλπον πάντα πλησάμενος τοῦ χρυσοῦ καὶ ἐς τὰς τρίχας τῆς κεφαλῆς διαπάσας τοῦ ψήγματος καὶ ἄλλο λαβὼν ἐς τὸ στόμα, ἐξήιε ἐκ τοῦ θησαυροῦ ἕλκων μὲν μόγις τοὺς κοθόρνους, παντὶ δὲ τεῷ οἰκὼς μᾶλλον ἢ ἀνθρώπῳ·
사금 더미 속으로 뛰어든 그는 먼저 장화가 감당할 수 있는 만큼의 황금을 정강이 주변에 가득 채워 넣었고, 다음으로 품 안을 온통 황금으로 가득 채웠으며, 머리털에도 사금을 흩뿌리고 입안에도 황금을 머금은 뒤 보물창고에서 걸어 나왔는데, 장화를 겨우 끌면서 걷는 그의 모습은 인간이라기보다는 오히려 다른 어떤 괴물과도 같았다.
τοῦ τό τε στόμα ἐβέβυστο καὶ πάντα ἐξώγκωτο.
그의 입은 꽉 막혀 있었고 온몸이 부풀어 올라 있었기 때문이다.
§6.125.5ἰδόντα δὲ τὸν Κροῖσον γέλως ἐσῆλθε, καί οἱ πάντα τε ἐκεῖνα διδοῖ καὶ πρὸς ἕτερα δωρέεται οὐκ ἐλάσσω ἐκείνων.
이 모습을 본 크로이소스는 웃음이 터져 나왔고, 그에게 그 황금을 모두 넘겨주었을 뿐만 아니라 그에 못지않은 다른 선물들까지 추가로 선사했다.
οὕτω μὲν ἐπλούτησε ἡ οἰκίη αὕτη μεγάλως, καὶ ὁ Ἀλκμέων οὗτος οὕτω τεθριπποτροφήσας Ὀλυμπιάδα ἀναιρέεται.
그리하여 이 가문은 크게 부를 쌓게 되었고, 이 알크마이온은 이렇게 해서 네 마리 승마 전차를 기르게 되어 올림피아 제전에서 승리를 거두었다.