§6.118.1Δᾶτις δὲ πορευόμενος ἅμα τῷ στρατῷ ἐς τὴν Ἀσίην, ἐπείτε ἐγένετο ἐν Μυκόνῳ, εἶδε ὄψιν ἐν τῷ ὕπνῳ.
다티스는 군대와 함께 아시아로 가던 중 미코노스에 이르렀을 때 꿈속에서 환영을 보았다.
καὶ ἥτις μὲν ἦν ἡ ὄψις, οὐ λέγεται·
그 환영이 어떤 것이었는지는 전해지지 않는다.
ὁ δέ, ὡς ἡμέρη τάχιστα ἐπέλαμψε, ζήτησιν ἐποιέετο τῶν νεῶν, εὑρὼν δὲ ἐν νηὶ Φοινίσσῃ ἄγαλμα Ἀπόλλωνος κεχρυσωμένον ἐπυνθάνετο ὁκόθεν σεσυλημένον εἴη, πυθόμενος δὲ ἐξ οὗ ἦν ἱροῦ, ἔπλεε τῇ ἑωυτοῦ νηὶ ἐς Δῆλον·
그러나 그는 날이 밝자마자 배들을 수색하게 하였고, 페니키아 배 한 척에서 금도금된 아폴론 신상을 발견하자 그것이 어디서 약탈된 것인지 물었다. 그리고 그것이 어느 신전의 것이었는지 알게 되자, 자신의 배를 타고 델로스로 항해했다.
§6.118.2καὶ ἀπίκατο γὰρ τηνικαῦτα οἱ Δήλιοι ὀπίσω ἐς τὴν νῆσον, κατατίθεταί τε ἐς τὸ ἱρὸν τὸ ἄγαλμα καὶ ἐντέλλεται τοῖσι Δηλίοισι ἀπαγαγεῖν τὸ ἄγαλμα ἐς Δήλιον τὸ Θηβαίων·
마침 그때 델로스인들이 섬으로 돌아와 있었기 때문에, 그는 신전에 그 신상을 안치하고, 델로스인들에게 그 신상을 테바이인들의 데리온으로 보내달라고 명했다.
τὸ δʼ ἔστι ἐπὶ θαλάσσῃ Χαλκίδος καταντίον.
그곳은 칼키스 맞은편 해변에 있다.
§6.118.3Δᾶτις μὲν δὴ ταῦτα ἐντειλάμενος ἀπέπλεε, τὸν δὲ ἀνδριάντα τοῦτον Δήλιοι οὐκ ἀπήγαγον, ἀλλά μιν διʼ ἐτέων εἴκοσι Θηβαῖοι αὐτοὶ ἐκ θεοπροπίου ἐκομίσαντο ἐπὶ Δήλιον.
다티스는 이렇게 명한 뒤 출항했으나, 델로스인들은 이 신상을 보내지 않았고, 이십 년 뒤에 테바이인들이 스스로 신탁에 따라 그것을 데리온으로 가져왔다.