§2.69.1τοῖσι μὲν δὴ τῶν Αἰγυπτίων ἱροί εἰσι οἱ κροκόδειλοι, τοῖσι δὲ οὔ, ἀλλʼ ἅτε πολεμίους περιέπουσι·
이집트인들 중 어떤 이들에게는 악어가 신성하지만, 다른 이들에게는 그렇지 않고 오히려 적처럼 대한다.
οἱ δὲ περί τε Θήβας καὶ τὴν Μοίριος λίμνην οἰκέοντες καὶ κάρτα ἥγηνται αὐτοὺς εἶναι ἱρούς·
그러나 테베와 모이리스 호수 주변에 사는 이들은 악어를 매우 신성하게 여긴다.
§2.69.2ἐκ πάντων δὲ ἕνα ἑκάτεροι τρέφουσι κροκόδειλον δεδιδαγμένον εἶναι χειροήθεα, ἀρτήματά τε λίθινα χυτὰ καὶ χρύσεα ἐς τὰ ὦτα ἐνθέντες καὶ ἀμφιδέας περὶ τοὺς ἐμπροσθίους πόδας, καὶ σιτία ἀποτακτὰ διδόντες καὶ ἱρήια, καὶ περιέποντες ὡς κάλλιστα ζῶντας·
이들 두 지역의 사람들은 각각 모든 악어 중에서 한 마리를 택해 길들여 사람을 따르게 하고, 유리나 금으로 만든 귀고리를 귀에 달아주고 앞발에는 발찌를 채우며, 정해진 먹이와 제물을 주어 살아 있는 동안 가능한 한 정성껏 보살핀다.
ἀποθανόντας δὲ θάπτουσι ταριχεύσαντες ἐν ἱρῇσι θήκῃσι.
그리고 악어가 죽으면 미이라로 만들어 신성한 관에 묻어준다.
§2.69.3οἱ δὲ περὶ Ἐλεφαντίνην πόλιν οἰκέοντες καὶ ἐσθίουσι αὐτοὺς οὐκ ἡγεόμενοι ἱροὺς εἶναι.
반면 엘레판티네 시 주변에 사는 이들은 악어를 신성하게 여기지 않고 먹기까지 한다.
καλέονται δὲ οὐ κροκόδειλοι ἀλλὰ χάμψαι·
이 동물들은 악어가 아니라 참프사라고 불린다.
κροκοδείλους δὲ Ἴωνες ὠνόμασαν, εἰκάζοντες αὐτῶν τὰ εἴδεα τοῖσι παρὰ σφίσι γινομένοισι κροκοδείλοισι τοῖσι ἐν τῇσι αἱμασιῇσι.
이오니아인들이 이들을 악어라고 불렀는데, 이는 그 생김새가 자신들의 땅 돌담에 사는 도마뱀과 닮았다고 여겼기 때문이다.