§2.2.1οἱ δὲ Αἰγύπτιοι, πρὶν μὲν ἢ Ψαμμήτιχον σφέων βασιλεῦσαι, ἐνόμιζον ἑωυτοὺς πρώτους γενέσθαι πάντων ἀνθρώπων·
에지프트인들은 프삼메티코스가 자신들의 왕이 되기 전에는 자신들이 모든 인류 중에서 가장 먼저 생겨났다고 믿고 있었다.
ἐπειδὴ δὲ Ψαμμήτιχος βασιλεύσας ἠθέλησε εἰδέναι οἵτινες γενοίατο πρῶτοι, ἀπὸ τούτου νομίζουσι Φρύγας προτέρους γενέσθαι ἑωυτῶν, τῶν δὲ ἄλλων ἑωυτούς.
그러나 프삼메티코스가 왕이 되어 누가 가장 먼저 생겨났는지 알고자 한 이후로, 그들은 프리기아인들이 자신들보다 먼저이고, 자신들은 다른 모든 사람들보다 먼저라고 믿게 되었다.
§2.2.2Ψαμμήτιχος δὲ ὡς οὐκ ἐδύνατο πυνθανόμενος πόρον οὐδένα τούτου ἀνευρεῖν, οἳ γενοίατο πρῶτοι ἀνθρώπων, ἐπιτεχνᾶται τοιόνδε.
프삼메티코스는 아무리 수소문해도 누가 인류 중에서 가장 먼저 태어났는지 알아낼 방도를 찾을 수 없었기에, 다음과 같은 잔꾀를 내었다.
παιδία δύο νεογνὰ ἀνθρώπων τῶν ἐπιτυχόντων δίδωσι ποιμένι τρέφειν ἐς τὰ ποίμνια τροφήν τινα τοιήνδε, ἐντειλάμενος μηδένα ἀντίον αὐτῶν μηδεμίαν φωνὴν ἱέναι, ἐν στέγῃ δὲ ἐρήμῃ ἐπʼ ἑωυτῶν κέεσθαι αὐτά, καὶ τὴν ὥρην ἐπαγινέειν σφι αἶγας, πλήσαντα δὲ γάλακτος τἆλλα διαπρήσσεσθαι·
그는 아무 평범한 사람들의 갓난아기 두 명을 데려다가 한 목자에게 주어 양 떼 사이에서 다음과 같은 방식으로 기르도록 지시했다. 즉, 아이들 앞에서는 그 누구도 어떤 목소리도 내지 말 것과, 아이들을 외딴 오두막에 둘만 놔둘 것, 그리고 정해진 시간에 염소들을 아이들에게 데려가 젖을 가득 먹인 뒤 다른 일을 처리할 것을 당부했다.
§2.2.3ταῦτα δὲ ἐποίεέ τε καὶ ἐνετέλλετο Ψαμμήτιχος θέλων ἀκοῦσαι τῶν παιδίων, ἀπαλλαχθέντων τῶν ἀσήμων κνυζημάτων, ἥντινα φωνὴν ῥήξουσι πρώτην·
프삼메티코스가 이처럼 행동하고 지시한 것은, 아이들이 뜻 없는 울음소리를 벗어났을 때 가장 먼저 어떤 말을 터뜨리는지 듣고 싶었기 때문이었다.
τά περ ὦν καὶ ἐγένετο.
그리고 과연 그대로 되었다.
ὡς γὰρ διέτης χρόνος ἐγεγόνεε ταῦτα τῷ ποιμένι πρήσσοντι, ἀνοίγοντι τὴν θύρην καὶ ἐσιόντι τὰ παιδία ἀμφότερα προσπίπτοντα βεκὸς ἐφώνεον, ὀρέγοντα τὰς χεῖρας.
목자가 이 일을 행하며 2년의 세월이 흘렀을 때, 그가 문을 열고 안으로 들어가자 두 아이가 모두 그에게 달려들며 손을 내밀고 "베코스"라고 외쳤다.
§2.2.4τὰ μὲν δὴ πρῶτα ἀκούσας ἥσυχος ἦν ὁ ποιμήν·
처음에 이 소리를 들었을 때 목자는 잠자코 있었다.
ὡς δὲ πολλάκις φοιτέοντι καὶ ἐπιμελομένῳ πολλὸν ἦν τοῦτο τὸ ἔπος, οὕτω δὴ σημήνας τῷ δεσπότῃ ἤγαγε τὰ παιδία κελεύσαντος ἐς ὄψιν τὴν ἐκείνου.
그러나 그가 자주 찾아가 돌볼 때마다 이 말이 끊임없이 반복되자, 마침내 주인에게 보고하고 그의 명령에 따라 아이들을 주인의 앞으로 데려갔다.
ἀκούσας δὲ καὶ αὐτὸς ὁ Ψαμμήτιχος ἐπυνθάνετο οἵτινες ἀνθρώπων βεκός τι καλέουσι, πυνθανόμενος δὲ εὕρισκε Φρύγας καλέοντας τὸν ἄρτον.
프삼메티코스 자신도 이를 듣고 인류 중 어떤 이들이 무엇인가를 "베코스"라고 부르는지 수소문했다. 그리하여 수소문한 끝에 프리기아인들이 빵을 그렇게 부른다는 사실을 알아내었다.
§2.2.5οὕτω συνεχώρησαν Αἰγύπτιοι καὶ τοιούτῳ σταθμησάμενοι πρήγματι τοὺς Φρύγας πρεσβυτέρους εἶναι ἑωυτῶν.
그리하여 에지프트인들도 이러한 사실에 근거하여 프리기아인들이 자신들보다 더 오래되었다는 것을 인정하게 되었다.
ὧδε μὲν γενέσθαι τῶν ἱρέων τοῦ Ἡφαίστου τοῦ ἐν Μέμφι ἤκουον·
이 일의 전말은 멤피스에 있는 헤파이스토스 신관들에게서 내가 들은 바이다.
Ἕλληνες δὲ λέγουσι ἄλλα τε μάταια πολλὰ καὶ ὡς γυναικῶν τὰς γλώσσας ὁ Ψαμμήτιχος ἐκταμὼν τὴν δίαιταν οὕτω ἐποιήσατο τῶν παίδων παρὰ ταύτῃσι τῇσι γυναιξί.
그러나 그리스인들은 이외에도 엉터리 같은 이야기를 많이 하는데, 프삼메티코스가 여인들의 혀를 잘라내고 그 여인들 곁에서 아이들을 이와 같은 방식으로 키우게 했다는 이야기도 그중 하나이다.