§2.15.1εἰ ὦν βουλόμεθα γνώμῃσι τῇσι Ἰώνων χρᾶσθαι τὰ περὶ Αἴγυπτον, οἳ φασὶ τὸ Δέλτα μοῦνον εἶναι Αἴγυπτον, ἀπὸ Περσέος καλεομένης σκοπιῆς λέγοντες τὸ παρὰ θάλασσαν εἶναι αὐτῆς μέχρι Ταριχηίων τῶν Πηλουσιακῶν, τῇ δὴ τεσσεράκοντα εἰσὶ σχοῖνοι, τὸ δὲ ἀπὸ θαλάσσης λεγόντων ἐς μεσόγαιαν τείνειν αὐτὴν μέχρι Κερκασώρου πόλιος, κατʼ ἣν σχίζεται ὁ Νεῖλος ἔς τε Πηλούσιον ῥέων καὶ ἐς Κάνωβον, τὰ δὲ ἄλλα λεγόντων τῆς Αἰγύπτου τὰ μὲν Λιβύης τὰ δὲ Ἀραβίης εἶναι, ἀποδεικνύοιμεν ἂν τούτῳ τῷ λόγῳ χρεώμενοι Αἰγυπτίοισι οὐκ ἐοῦσαν πρότερον χώρην.
그러므로 만일 우리가 에지프트에 관한 일에서 이오니아인들의 의견을 따르고자 한다면, 그들은 델타만이 에지프트라고 말하며, 페르세우스의 전망대라 불리는 곳에서부터 펠루시온의 타리케아이까지의 해안 지역이 그곳에 해당하고 그 거리는 실로 40스코이노이이며, 또 바다로부터 내륙으로는 케르카소로스 시까지 그것이 뻗어 있고 그 도시에서 나일강이 갈라져 펠루시온과 카노보스로 흐른다고 말하며, 에지프트의 다른 부분은 일부는 리비아의 것이고 일부는 아라비아의 것이라고 말하는바, 이 주장을 따른다면 우리는 에지프트인들에게 이전에는 땅이 존재하지 않았음을 증명하게 될 것이다.
§2.15.2ἤδη γάρ σφι τό γε Δέλτα, ὡς αὐτοὶ λέγουσι Αἰγύπτιοι καὶ ἐμοὶ δοκέει, ἐστὶ κατάρρυτόν τε καὶ νεωστὶ ὡς λόγῳ εἰπεῖν ἀναπεφηνός.
왜냐하면 에지프트인들 스스로 말하고 나에게도 그렇게 보이듯이, 이미 그들에게는 델타가 침전물로 형성되어 말하자면 최근에야 나타난 땅이기 때문이다.
εἰ τοίνυν σφι χώρη γε μηδεμία ὑπῆρχε, τί περιεργάζοντο δοκέοντες πρῶτοι ἀνθρώπων γεγονέναι;
그렇다면 만일 그들에게 땅이 전혀 존재하지 않았다면, 그들은 왜 자신들이 인류 중에서 최초로 태어났다고 생각하며 쓸데없는 수고를 사서 한단 말인가?
οὐδὲ ἔδει σφέας ἐς διάπειραν τῶν παιδίων ἰέναι, τίνα γλῶσσαν πρώτην ἀπήσουσι.
아이들에게 어떤 말을 가장 먼저 내뱉는지 시험해 볼 필요도 없었을 것이다.
§2.15.3ἀλλʼ οὔτε Αἰγυπτίους δοκέω ἅμα τῷ Δέλτα τῷ ὑπὸ Ἰώνων καλεομένῳ γενέσθαι αἰεί τε εἶναι ἐξ οὗ ἀνθρώπων γένος ἐγένετο, προϊούσης δὲ τῆς χώρης πολλοὺς μὲν τοὺς ὑπολειπομένους αὐτῶν γενέσθαι πολλοὺς δὲ τοὺς ὑποκαταβαίνοντας.
하지만 나는 에지프트인들이 이오니아인들이 부르는 델타와 동시에 태어났다고 생각하지 않으며, 인류가 생겨난 이래로 늘 존재해 왔다고 생각한다. 그리고 땅이 앞으로 확장되면서 그들 중 많은 이들은 뒤에 남았고 많은 이들은 아래로 내려갔다고 생각한다.
τὸ δʼ ὦν πάλαι αἱ Θῆβαι Αἴγυπτος ἐκαλέετο, τῆς τὸ περίμετρον στάδιοι εἰσὶ εἴκοσι καὶ ἑκατὸν καὶ ἑξακισχίλιοι.
어쨌든 옛날에는 테바이 지방이 에지프트라고 불렸으며, 그 둘레는 6,120스타디온에 달한다.