§1.24.1τοῦτον τὸν Ἀρίονα λέγουσι, τὸν πολλὸν τοῦ χρόνου διατρίβοντα παρὰ Περιάνδρῳ ἐπιθυμῆσαι πλῶσαι ἐς Ἰταλίην τε καὶ Σικελίην, ἐργασάμενον δὲ χρήματα μεγάλα θελῆσαι ὀπίσω ἐς Κόρινθον ἀπικέσθαι.
사람들이 말하기를, 이 아리온은 대부분의 시간을 페리안드로스 곁에서 보냈으나, 이탈리아와 시케리아로 항해하기를 갈망했고, 그곳에서 큰돈을 번 뒤에 다시 코린토스로 돌아가고자 했다.
§1.24.2ὁρμᾶσθαι μέν νυν ἐκ Τάραντος, πιστεύοντα δὲ οὐδαμοῖσι μᾶλλον ἢ Κορινθίοισι μισθώσασθαι πλοῖον ἀνδρῶν Κορινθίων.
그리하여 그는 타란토에서 출발하려 했는데, 코린토스인들을 그 누구보다 신뢰했기 때문에 코린토스인들로 구성된 배를 구했다.
τοὺς δὲ ἐν τῷ πελάγεϊ ἐπιβουλεύειν τὸν Ἀρίονα ἐκβαλόντας ἔχειν τὰ χρήματα.
그러나 선원들은 바다 한가운데서 아리온을 던져버리고 그의 재물을 차지하려고 모의했다.
τὸν δὲ συνέντα τοῦτο λίσσεσθαι, χρήματα μὲν σφι προϊέντα, ψυχὴν δὲ παραιτεόμενον.
이를 눈치챈 아리온은 그들에게 재물은 넘겨줄 테니 목숨만은 살려달라고 애원했다.
§1.24.3οὔκων δὴ πείθειν αὐτὸν τούτοισι, ἀλλὰ κελεύειν τοὺς πορθμέας ἢ αὐτὸν διαχρᾶσθαί μιν, ὡς ἂν ταφῆς ἐν γῇ τύχῃ, ἢ ἐκπηδᾶν ἐς τὴν θάλασσαν τὴν ταχίστην·
그러나 그는 이 말로 그들을 설득할 수 없었고, 선원들은 그에게 육지에서 무덤을 가질 수 있도록 스스로 목숨을 끊거나, 아니면 당장 바다로 뛰어내리라고 명령했다.
§1.24.4ἀπειληθέντα δὴ τὸν Ἀρίονα ἐς ἀπορίην παραιτήσασθαι, ἐπειδή σφι οὕτω δοκέοι, περιιδεῖν αὐτὸν ἐν τῇ σκευῇ πάσῃ στάντα ἐν τοῖσι ἑδωλίοισι ἀεῖσαι·
막다른 골목에 몰린 아리온은, 그들의 뜻이 정 그러하다면, 자신이 모든 예복을 갖춰 입고 갑판 위에 서서 노래할 수 있게 허락해 달라고 간청했다.
ἀείσας δὲ ὑπεδέκετο ἑωυτὸν κατεργάσασθαι.
그리고 노래가 끝나면 스스로 목숨을 끊겠다고 약속했다.
§1.24.5καὶ τοῖσι ἐσελθεῖν γὰρ ἡδονὴν εἰ μέλλοιεν ἀκούσεσθαι τοῦ ἀρίστου ἀνθρώπων ἀοιδοῦ, ἀναχωρῆσαι ἐκ τῆς πρύμνης ἐς μέσην νέα.
선원들은 세상에서 가장 뛰어난 가수의 노래를 들을 수 있게 된다는 생각에 기쁨이 일어, 선미에서 배 중앙으로 물러났다.
τὸν δὲ ἐνδύντα τε πᾶσαν τὴν σκευὴν καὶ λαβόντα τὴν κιθάρην, στάντα ἐν τοῖσι ἑδωλίοισι διεξελθεῖν νόμον τὸν ὄρθιον, τελευτῶντος δὲ τοῦ νόμου ῥῖψαί μιν ἐς τὴν θάλασσαν ἑωυτὸν ὡς εἶχε σὺν τῇ σκευῇ πάσῃ.
아리온은 예복을 모두 갖춰 입고 키타라를 손에 든 채 갑판 위에 서서 '오르티오스' 선율을 끝까지 노래했으며, 그 선율이 끝나자 예복을 입은 그 모습 그대로 바다로 몸을 던졌다.
§1.24.6καὶ τοὺς μὲν ἀποπλέειν ἐς Κόρινθον, τὸν δὲ δελφῖνα λέγουσι ὑπολαβόντα ἐξενεῖκαι ἐπὶ Ταίναρον.
그리하여 선원들은 코린토스로 항해해 갔으나, 돌고래 한 마리가 그를 받아 타이나론으로 실어 날랐다고 사람들은 말한다.
ἀποβάντα δέ αὐτὸν χωρέειν ἐς Κόρινθον σὺν τῇ σκευῇ, καὶ ἀπικόμενον ἀπηγέεσθαι πᾶν τὸ γεγονός.
그는 육지에 내린 뒤 그 예복 차림 그대로 코린토스로 향했으며, 도착하여 일어난 모든 일을 이야기했다.
§1.24.7Περίανδρον δὲ ὑπὸ ἀπιστίης Ἀρίονα μὲν ἐν φυλακῇ ἔχειν οὐδαμῇ μετιέντα, ἀνακῶς δὲ ἔχειν τῶν πορθμέων.
그러나 페리안드로스는 믿지 못하여 아리온을 감금하고 어디로도 가지 못하게 하는 한편, 선원들을 예의 주시하고 있었다.
ὡς δὲ ἄρα παρεῖναι αὐτούς, κληθέντας ἱστορέεσθαι εἴ τι λέγοιεν περὶ Ἀρίονος.
그들이 도착하자, 페리안드로스는 그들을 불러 아리온에 대해 할 말이 있는지 심문했다.
φαμένων δὲ ἐκείνων ὡς εἴη τε σῶς περὶ Ἰταλίην καί μιν εὖ πρήσσοντα λίποιεν ἐν Τάραντι, ἐπιφανῆναί σφι τὸν Ἀρίονα ὥσπερ ἔχων ἐξεπήδησε·
그들이 아리온이 이탈리아에서 무사히 지내고 있으며 타란토에서 잘 살고 있는 것을 두고 왔다고 말하자, 아리온이 뛰어내렸을 때의 모습 그대로 그들 앞에 나타났다.
καὶ τοὺς ἐκπλαγέντας οὐκ ἔχειν ἔτι ἐλεγχομένους ἀρνέεσθαι.
경악한 그들은 거짓이 탄로 나자 더 이상 부인하지 못했다.
§1.24.8ταῦτα μέν νυν Κορίνθιοί τε καὶ Λέσβιοι λέγουσι, καὶ Ἀρίονος ἐστὶ ἀνάθημα χάλκεον οὐ μέγα ἐπὶ Ταινάρῳ, ἐπὶ δελφῖνος ἐπὲων ἄνθρωπος.
이것이 코린토스인들과 레스보스인들이 전하는 이야기이며, 타이나론에는 돌고래를 탄 사람의 형상을 한, 그리 크지 않은 아리온의 청동 봉헌물이 있다.