§7.31.1ὁ δὲ Δημοσθένης τότε ἀποπλέων ἐπὶ τῆς Κερκύρας μετὰ τὴν ἐκ τῆς Λακωνικῆς τείχισιν, ὁλκάδα ὁρμοῦσαν ἐν Φειᾷ τῇ Ἠλείων εὑρών, ἐν ᾗ οἱ Κορίνθιοι ὁπλῖται ἐς τὴν Σικελίαν ἔμελλον περαιοῦσθαι, αὐτὴν μὲν διαφθείρει, οἱ δ’ ἄνδρες ἀποφυγόντες ὕστερον λαβόντες ἄλλην ἔπλεον. §7.31.2καὶ μετὰ τοῦτο ἀφικόμενος ὁ Δημοσθένης ἐς τὴν Ζάκυνθον καὶ Κεφαλληνίαν ὁπλίτας τε παρέλαβε καὶ ἐκ τῆς Ναυπάκτου τῶν Μεσσηνίων μετεπέμψατο καὶ ἐς τὴν ἀντιπέρας ἤπειρον τῆς Ἀκαρνανίας διέβη, ἐς Ἀλύζιάν τε καὶ Ἀνακτόριον, ὃ αὐτοὶ εἶχον. §7.31.3ὄντι δ’ αὐτῷ περὶ ταῦτα ὁ Εὐρυμέδων ἀπαντᾷ ἐκ τῆς Σικελίας ἀποπλέων, ὃς τότε τοῦ χειμῶνος τὰ χρήματα ἄγων τῇ στρατιᾷ ἀπεπέμφθη, καὶ ἀγγέλλει τά τε ἄλλα καὶ ὅτι πύθοιτο κατὰ πλοῦν ἤδη ὢν τὸ Πλημμύριον ὑπὸ τῶν Συρακοσίων ἑαλωκός. §7.31.4ἀφικνεῖται δὲ καὶ Κόνων παρ’ αὐτούς, ὃς ἦρχε Ναυπάκτου, ἀγγέλλων ὅτι αἱ πέντε καὶ εἴκοσι νῆες τῶν Κορινθίων αἱ σφίσιν ἀνθορμοῦσαι οὔτε καταλύουσι τὸν πόλεμον ναυμαχεῖν τε μέλλουσιν·
한편 데모스테네스는 당시 라코니케에서의 요새 구축을 마치고 케르키라를 향해 항해하던 중, 엘리스 지방의 페이아에 정박해 있던 수송선을 발견했다. 그 배는 코린토스의 중장보병들이 시켈리아로 건너가기 위해 탈 예정이었던 배였다. 그는 배 자체는 파괴했으나, 병사들은 도망친 후 나중에 다른 배를 구해서 항해를 계속했다. 그 후 데모스테네스는 자킨토스와 케팔레니아에 도착하여 중장보병들을 군대에 합류시키고, 나우팍토스로부터 메세니아인들을 불러들였으며, 대안의 아카르나니아 본토로 건너가 자신들이 지배하고 있던 알리제이아와 아낙토리온으로 들어갔다. 그가 이 일들에 종사하고 있을 때, 시켈리아에서 귀항하던 에우리메돈이 그와 마주쳤다. 에우리메돈은 지난 겨울에 군자금을 군대에 전달하기 위해 파견되었던 자인데, 그는 여러 소식과 함께 이미 항해 중에 플렘미리온이 시라쿠사이인들에게 함락되었다는 소식을 들었다고 전했다. 또한 나우팍토스를 지휘하고 있던 코논도 그들에게 찾아와, 자신들과 대치하여 정박해 있는 코린토스의 배 25척이 전쟁을 끝내려 하지 않고 해전을 벌이려 한다고 알렸다.
πέμπειν οὖν ἐκέλευεν αὐτοὺς ναῦς, ὡς οὐχ ἱκανὰς οὔσας δυοῖν δεούσας εἴκοσι τὰς ἑαυτῶν πρὸς τὰς ἐκείνων πέντε καὶ εἴκοσι ναυμαχεῖν. §7.31.5τῷ μὲν οὖν Κόνωνι δέκα ναῦς ὁ Δημοσθένης καὶ ὁ Εὐρυμέδων τὰς ἄριστα σφίσι πλεούσας ἀφ’ ὧν αὐτοὶ εἶχον ξυμπέμπουσι πρὸς τὰς ἐν τῇ Ναυπάκτῳ·
그리하여 코논은 자신들의 배 18척으로는 적의 25척을 상대로 해전을 치르기에 충분치 않으므로 배들을 보내달라고 요청했다. 이에 데모스테네스와 에우리메돈은 자신들이 가진 배들 중 가장 빠른 10척을 코논과 동행시켜 나우팍토스에 있는 배들에게 보냈다.
αὐτοὶ δὲ τὰ περὶ τῆς στρατιᾶς τὸν ξύλλογον ἡτοιμάζοντο, Εὐρυμέδων μὲν ἐς τὴν Κέρκυραν πλεύσας καὶ πέντε καὶ δέκα τε ναῦς πληροῦν κελεύσας αὐτοὺς καὶ ὁπλίτας καταλεγόμενος (ξυνῆρχε γὰρ ἤδη Δημοσθένει ἀποτραπόμενος, ὥσπερ καὶ ᾑρέθη), Δημοσθένης δ’ ἐκ τῶν περὶ τὴν Ἀκαρνανίαν χωρίων σφενδονήτας τε καὶ ἀκοντιστὰς ξυναγείρων.
그리고 자신들은 군대 소집을 준비했는데, 에우리메돈은 케르키라로 항해하여 그곳 사람들에게 15척의 배를 장비하라고 명령하고 중장보병을 모집했다(그는 회군하여 원래 선출된 대로 이미 데모스테네스와 공동 지휘를 맡고 있었기 때문이다). 한편 데모스테네스는 아카르나니아 주변 지역에서 투석병과 투창병을 소집했다.