§2.49.1τὸ μὲν γὰρ ἔτος, ὡς ὡμολογεῖτο, ἐκ πάντων μάλιστα δὴ ἐκεῖνο ἄνοσον ἐς τὰς ἄλλας ἀσθενείας ἐτύγχανεν ὄν·
누구나 인정하듯이, 그해는 다른 질병들에 관해서는 특히 가장 병이 없는 해였다.
εἰ δέ τις καὶ προύκαμνέ τι, ἐς τοῦτο πάντα ἀπεκρίθη.
만일 누군가 미리 다른 병을 앓고 있었다 하더라도, 결국 모든 것이 이 병으로 귀결되었다.
§2.49.2τοὺς δὲ ἄλλους ἀπ’ οὐδεμιᾶς προφάσεως, ἀλλ’ ἐξαίφνης ὑγιεῖς ὄντας πρῶτον μὲν τῆς κεφαλῆς θέρμαι ἰσχυραὶ καὶ τῶν ὀφθαλμῶν ἐρυθήματα καὶ φλόγωσις ἐλάμβανε, καὶ τὰ ἐντός, ἥ τε φάρυγξ καὶ ἡ γλῶσσα, εὐθὺς αἱματώδη ἦν καὶ πνεῦμα ἄτοπον καὶ δυσῶδες ἠφίει·
그러나 다른 사람들은 아무런 전조도 없이, 건강한 상태에서 갑자기 먼저 머리의 심한 열과 눈의 충혈 및 염증에 사로잡혔고, 내부의 인두와 혀는 곧바로 피로 물들었으며 이상하고 악취 나는 숨을 뿜어냈다.
§2.49.3ἔπειτα ἐξ αὐτῶν πταρμὸς καὶ βράγχος ἐπεγίγνετο, καὶ ἐν οὐ πολλῷ χρόνῳ κατέβαινεν ἐς τὰ στήθη ὁ πόνος μετὰ βηχὸς ἰσχυροῦ·
이어서 재채기와 목쉼이 뒤따랐고, 얼마 지나지 않아 통증은 격렬한 기침과 함께 가슴으로 내려왔다.
καὶ ὁπότε ἐς τὴν καρδίαν στηρίξειεν, ἀνέστρεφέ τε αὐτὴν καὶ ἀποκαθάρσεις χολῆς πᾶσαι ὅσαι ὑπὸ ἰατρῶν ὠνομασμέναι εἰσὶν ἐπῇσαν, καὶ αὗται μετὰ ταλαιπωρίας μεγάλης.
그리고 그것이 위에 자리를 잡았을 때, 위를 뒤흔들어 놓았으며 의사들이 이름 붙인 모든 종류의 담즙 배출이 뒤따랐고, 이 역시 극심한 고통을 동반했다.
§2.49.4λύγξ τε τοῖς πλέοσιν ἐνέπιπτε κενή, σπασμὸν ἐνδιδοῦσα ἰσχυρόν, τοῖς μὲν μετὰ ταῦτα λωφήσαντα, τοῖς δὲ καὶ πολλῷ ὕστερον.
또한 대부분의 사람들에게 헛구역질이 덮쳐와 격렬한 경련을 일으켰는데, 이는 어떤 이들에게는 그 직후에 진정되었고, 다른 이들에게는 훨씬 나중에야 진정되었다.
§2.49.5καὶ τὸ μὲν ἔξωθεν ἁπτομένῳ σῶμα οὔτ’ ἄγαν θερμὸν ἦν οὔτε χλωρόν, ἀλλ’ ὑπέρυθρον, πελιτνόν, φλυκταίναις μικραῖς καὶ ἕλκεσιν ἐξηνθηκός·
외부에서 만져보는 사람에게 몸은 그리 뜨겁지 않고 창백하지도 않았으며, 오히려 붉고 푸르스름하며 작은 물집과 종기가 돋아나 있었다.
τὰ δὲ ἐντὸς οὕτως ἐκάετο ὥστε μήτε τῶν πάνυ λεπτῶν ἱματίων καὶ σινδόνων τὰς ἐπιβολὰς μηδ’ ἄλλο τι ἢ γυμνοὶ ἀνέχεσθαι, ἥδιστά τε ἂν ἐς ὕδωρ ψυχρὸν σφᾶς αὐτοὺς ῥίπτειν.
그러나 내부는 너무나 타오르는 듯하여 아주 얇은 옷이나 리넨을 걸치는 것조차 견디지 못하고 알몸으로 있는 것 외에는 아무것도 참지 못했으며, 찬물에 자신을 던져 넣는 것을 가장 원했다.
καὶ πολλοὶ τοῦτο τῶν ἠμελημένων ἀνθρώπων καὶ ἔδρασαν ἐς φρέατα, τῇ δίψῃ ἀπαύστῳ ξυνεχόμενοι·
실제로 돌봄을 받지 못한 많은 이들이 걷잡을 수 없는 갈증에 시달려 우물로 뛰어들기도 했다.
καὶ ἐν τῷ ὁμοίῳ καθειστήκει τό τε πλέον καὶ ἔλασσον ποτόν.
그리고 많이 마시든 적게 마시든 결과는 마찬가지였다.
§2.49.6καὶ ἡ ἀπορία τοῦ μὴ ἡσυχάζειν καὶ ἡ ἀγρυπνία ἐπέκειτο διὰ παντός.
가만히 있지 못하는 안달과 불면이 시종일관 덮쳤다.
καὶ τὸ σῶμα, ὅσονπερ χρόνον καὶ ἡ νόσος ἀκμάζοι, οὐκ ἐμαραίνετο, ἀλλ’ ἀντεῖχε παρὰ δόξαν τῇ ταλαιπωρίᾳ, ὥστε ἢ διεφθείροντο οἱ πλεῖστοι ἐναταῖοι καὶ ἑβδομαῖοι ὑπὸ τοῦ ἐντὸς καύματος, ἔτι ἔχοντές τι δυνάμεως, ἢ εἰ διαφύγοιεν, ἐπικατιόντος τοῦ νοσήματος ἐς τὴν κοιλίαν καὶ ἑλκώσεώς τε αὐτῇ ἰσχυρᾶς ἐγγιγνομένης καὶ διαρροίας ἅμα ἀκράτου ἐπιπιπτούσης οἱ πολλοὶ ὕστερον δι’ αὐτὴν ἀσθενείᾳ διεφθείροντο.
그리고 몸은 병이 절정에 달해 있는 동안에도 쇠약해지지 않고 예상외로 그 고통을 견뎌내어, 대부분의 사람들이 체내의 열로 인해 아직 체력이 남아 있는 상태에서 9일째나 7일째에 목숨을 잃거나, 혹은 이를 모면하더라도 병이 복부로 내려와 심한 궤양이 생기고 이와 동시에 걷잡을 수 없는 설사가 덮쳐 많은 이들이 나중에 그로 인한 쇠약으로 목숨을 잃었다.
§2.49.7διεξῄει γὰρ διὰ παντὸς τοῦ σώματος ἄνωθεν ἀρξάμενον τὸ ἐν τῇ κεφαλῇ πρῶτον ἱδρυθὲν κακόν, καὶ εἴ τις ἐκ τῶν μεγίστων περιγένοιτο, τῶν γε ἀκρωτηρίων ἀντίληψις αὐτοῦ ἐπεσήμαινεν.
처음에는 머리에 자리 잡은 이 질병이 위에서부터 시작하여 온몸을 관통해 나갔기 때문에, 만일 누군가 가장 혹독한 고비를 넘기더라도 손발단부의 손상이 그 흔적을 남겼다.
§2.49.8κατέσκηπτε γὰρ ἐς αἰδοῖα καὶ ἐς ἄκρας χεῖρας καὶ πόδας, καὶ πολλοὶ στερισκόμενοι τούτων διέφευγον, εἰσὶ δ’ οἳ καὶ τῶν ὀφθαλμῶν.
그것은 생식기와 손발의 끝으로 내리쳤으며, 많은 이들이 이것들을 잃고서도 살아남았고, 어떤 이들은 눈을 잃기도 했다.
τοὺς δὲ καὶ λήθη ἐλάμβανε παραυτίκα ἀναστάντας τῶν πάντων ὁμοίως, καὶ ἠγνόησαν σφᾶς τε αὐτοὺς καὶ τοὺς ἐπιτηδείους.
또한 어떤 이들은 회복되자마자 모든 것에 대해 똑같이 망각에 빠져, 자기 자신도 친한 이들도 알아보지 못했다.