키네아스의 강화 사절과 로마 원로원의 거절 — 아피아노스 『삼니움기』 X 그리스어 원문·한국어 번역

§X

" ὅτι ὁ Πύρρος ὁ βασιλεὺς τῆς Ἠπείρου, νικήσας τοὺς Ῥωμαίους καὶ ἀναλαβεῖν χρῄζων τὴν στρατιὰν ἐκ μάχης εὐτόνου, καὶ Ῥωμαίους ἐλπίζων ἐς διαλύσεις τότε μάλιστα ἐνδώσειν, ἔπεμπεν ἐς Ῥώμην Κινέαν τὸν Θεσσαλόν, δόξαν ἐπὶ λόγοις ἔχοντα μιμεῖσθαι¹ τὴν Δημοσθένους ἀρετήν. καὶ παρελθὼν ὁ Κινέας ἐς τὸ βουλευτήριον ἄλλα τε πολλὰ περὶ τοῦ βασιλέως ἐσεμνολόγει, καὶ τὴν ἐπὶ τῷ ἀγῶνι μετριοπάθειαν κατελογίζετο, μήτʼ ἐπὶ τὴν πόλιν εὐθὺς ἐλάσαντος μήτʼ ἐπὶ τὸ ἡσσημένον στρατόπεδον· ἐδίδου δʼ αὐτοῖς εἰρήνην καὶ φιλίαν καὶ συμμαχίαν πρὸς Πύρρον, εἰ Ταραντίνους μὲν ἐς ταῦτα συμπεριλάβοιεν, τοὺς δʼ ἄλλους Ἕλληνας τοὺς ἐν Ἰταλίᾳ κατοικοῦντας ἐλευθέρους καὶ αὐτονόμους ἐῷεν, Λευκανοῖς δὲ καὶ Σαυνίταις καὶ Δαυνίοις καὶ Βρεττίοις ἀποδοῖεν² ὅσα αὐτῶν ἔχουσι πολέμῳ λαβόντες. καὶ γιγνομένων ἔφη τούτων Πύρρον ἀποδώσειν αὐτοῖς τοὺς αἰχμαλώτους ἄνευ λύτρων. οἱ δʼ ἐνεδοίαζον ἐπὶ πλεῖστον, τῇ τε δόξῃ τοῦ Πύρρου καὶ τῷ συμβεβηκότι πάθει καταπλαγέντες, ἕως Ἄππιος Κλαύδιος, ὁ Καῖκος ἐπίκλησιν, ἤδη τετυφλωμένος, ἐς τὸ βουλευτήριον τοῖς παισὶν αὑτὸν ἀγαγεῖν κελεύσας, ἠχθόμην, εἶπεν, ὅτι μὴ βλέπω· νῦν δʼ ὅτι ἀκούω.³ τὰ γὰρ τοιαῦτα ὑμῶν βουλεύματα ἠξίουν μήθʼ ὁρᾶν μήτʼ ἀκούειν, οἳ διʼ ἓν ἀτύχημα ἀθρόως οὕτως ἑαυτῶν ἐκλέλησθε, καὶ τὸν τοῦτο δράσαντα αὐτόν τε καὶ τοὺς ἐπαγαγομένους αὐτὸν βουλεύεσθε φίλους ἀντὶ πολεμίων θέσθαι, καὶ τὰ τῶν προγόνων κτήματα Λευκανοῖς καὶ Βρεττίοις δοῦναι. τί τοῦτʼ ἐστὶν ἢ Ῥωμαίους ἐπὶ Μακεδόσι γενέσθαι; καὶ ταῦτά τινες εἰρήνην ἀντὶ δουλείας τολμῶσιν ὀνομάζειν. ἄλλα τε πολλὰ ὅμοια τούτοις ὁ Ἄππιος εἰπὼν καὶ ἐρεθίσας, ἐσηγήσατο Πύρρον, εἰ δέοιτο τῆς Ῥωμαίων φιλίας καὶ συμμαχίας, ἐξ Ἰταλίας ἀπελθόντα πρεσβεύειν, παρόντα δὲ μήτε φίλον ἡγεῖσθαι μήτε σύμμαχον μήτε Ῥωμαίοις δικαστὴν ἢ διαιτητήν. καὶ ἡ βουλὴ ταῦθʼ ἅπερ καὶ Ἄππιος εἶπεν ἀπεκρίνατο Κινέᾳ. Λαιουίνῳ δʼ ἄλλα δύο τέλη καταλέγοντες ἐκήρυξαν οὕτως, εἴ τις ἀντὶ τῶν ἀπολωλότων αὑτὸν ἐπιδίδωσιν, ἐς τὴν στρατιὰν ἀπογράφεσθαι. καὶ ὁ Κινέας ἔτι παρών, καὶ θεώμενος αὐτοὺς ὠθουμένους ἐς τὰς ἀπογραφάς, λέγεται πρὸς τὸν Πύρρον ἐπανελθὼν εἰπεῖν ὅτι πρὸς ὕδραν ἐστὶν αὐτοῖς ὁ πόλεμος. οἱ δὲ οὐ Κινέαν ἀλλὰ Πύρρον αὐτὸν εἰπεῖν τοῦτο τὸ ἔπος, ἰδόντα τὴν στρατιὰν τῶν Ῥωμαίων τῆς προτέρας πλείονα· καὶ γὰρ ὁ ἕτερος ὕπατος τῷ Λαιουίνῳ Κορουγκάνιος ἧκεν ἐκ Τυρρηνίας μεθʼ ἧς εἶχε παρασκευῆς. λέγεται δὲ καὶ τἆλλα περὶ τῆς Ῥώμης πυνθανομένῳ Πύρρῳ Κινέας εἰπεῖν ὅτι πόλις ἐστὶ στρατηγῶν ὅλη, καὶ τοῦ Πύρρου θαυμάσαντος μεταλαβὼν φάναι, βασιλέων μᾶλλον ἢ στρατηγῶν. Πύρρος δʼ, ὡς οὐδὲν εἰρηναῖόν οἱ παρὰ τῆς βουλῆς ἀπήντησεν, ἐπὶ τὴν Ῥώμην ἠπείγετο, πάντα δῃῶν. καὶ φθάνει μὲν ἐς πόλιν Ἀναγνίαν, βαρεῖαν δʼ ἔχων ἤδη τὴν στρατιὰν ὑπὸ λείας καὶ πλήθους αἰχμαλώτων, ἀναθέμενος μάχην ἀνέστρεφεν ἐπὶ Καμπανίας, ἡγουμένων τῶν ἐλεφάντων, καὶ τὴν στρατιὰν ἐς χειμασίαν κατὰ πόλεις διῄρει. Ῥωμαίων δὲ πρέσβεις αὐτὸν ἠξίουν λῦσαι τῇ πόλει τοὺς αἰχμαλώτους, ἢ ἀντιλαβεῖν ὅσους ἔχουσι Ταραντίνων καὶ τῶν ἄλλων συμμάχων αὐτοῦ. ὁ δὲ σπενδομένοις μὲν ἔφη, καθάπερ προεῖπε Κινέας, χαριεῖσθαι τοὺς αἰχμαλώτους, πολεμοῦσι δʼ οὐ δώσειν ἐφʼ ἑαυτὸν ἄνδρας τοιούτους καὶ τοσούτους. ἐξένιζε δʼ αὐτοὺς βασιλικῶς, καὶ τὸν τῆς πρεσβείας ἡγούμενον Φαβρίκιον πυνθανόμενος ἐν τῇ πόλει μέγα δύνασθαι καὶ δεινῶς πένεσθαι καθωμίλει, λέγων, εἰ πράξειεν αὐτῷ τὰς διαλύσεις, ὑποστράτηγον καὶ κοινωνὸν τῶν παρόντων ἀγαθῶν ἀπάξειν ἐς Ἤπειρον. χρήματά τε αὐτὸν λαβεῖν ἐντεῦθεν ἤδη παρεκάλει, πρόφασιν ὡς δώσοντα τοῖς τὴν εἰρήνην ἐργασαμένοις. ἐπιγελάσας δʼ ὁ Φαβρίκιος περὶ μὲν τῶν κοινῶν οὐδʼ ἀπεκρίνατο, τὴν δʼ ἐμήν, ἔφη, παρρησίαν οὔτε τῶν σῶν φίλων οὐδεὶς οὔτε αὐτὸς οἴσεις σύ, ὦ βασιλεῦ· καὶ τὴν πενίαν τὴν ἐμαυτοῦ μακαρίζω μᾶλλον ἢ τὸν τῶν τυράννων πλοῦτον ὁμοῦ καὶ φόβον. οἱ δὲ οὐχ οὕτω φασὶν αὐτόν, ἀλλʼ ὅτι μου τῆς φύσεως Ἠπειρῶται μεταλαβόντες ἐμὲ σοῦ προθήσουσιν. ὁποτέρως δʼ οὖν ἀπεκρίνατο, θαυμάσας αὐτὸν τοῦ φρονήματος ὁ Πύρρος ἑτέραν ὁδὸν ἐς τὰς διαλλαγὰς ἐπενόει, καὶ τοὺς αἰχμαλώτους ἐς τῶν Κρονίων τὴν ἑορτὴν ἔπεμπεν ἄνευ φυλάκων, ἐφʼ ᾧ, δεχομένης μὲν τῆς πόλεως ἃ ὁ Πύρρος προτείνει, μένειν καὶ τῆς αἰχμαλωσίας ἀπολελύσθαι, μὴ δεχομένης δὲ ἑορτάσαντας ἐπανήκειν⁴ ἐς αὐτόν. τούτους ἡ βουλή, πάνυ παρακαλοῦντας καὶ ἐνάγοντας ἐς τὰς διαλύσεις, ἐκέλευσεν ἑορτάσαντας Πύρρῳ παραδοῦναι σφᾶς αὐτοὺς ἐν ἡμέρᾳ ῥητῇ, καὶ θάνατον ἐπέταξε τοῖς ἀπολειφθεῖσι τῆς ἡμέρας. οἱ δὲ καὶ αὐτὴν ἅπαντες ἐφύλαξαν, καὶ Πύρρῳ πολεμητέα πάντως αὖθις ἐδόκει."

" 에페이로스의 왕 피로스가 로마인들에게 승리했으나 격렬한 전투로부터 군대를 재정비해야 했고, 또한 로마인들이 그때야말로 화평 협상에 가장 기꺼이 응할 것이라 기대하여, 연설에서 데모스테네스의 탁월함을 모방한다는 명성을 가진 테살리아인 키네아스를 로마로 파견했다. 그리고 키네아스는 원로원에 들어가 왕에 대해 다른 많은 찬사를 엄숙하게 늘어놓았고, 직전의 전투에서 왕이 보여준 절제 있는 태도, 즉 곧바로 로마 시로 진군하지도 않았고 패배한 진영으로 진군하지도 않았음을 고려하도록 설득했다. 그리고 만약 그들이 타렌툼인들을 이 협정에 포함시키고, 이탈리아에 거주하는 다른 그리스인들을 자유롭고 자치적인 상태로 두며, 루카니아인, 삼니움인, 다우니아인, 브루티인들에게 전쟁으로 빼앗아 소유하고 있는 그들의 영토를 모두 반환한다면, 피로스와의 평화와 우호 및 동맹을 그들에게 제안했다. 또한 이것들이 실행된다면 피로스는 포로들을 몸값 없이 그들에게 돌려줄 것이라고 그는 말했다. 로마인들은 피로스의 명성과 자신들이 입은 참화에 압도되어 크게 망설이고 있었는데, 마침내 카이쿠스라는 별칭을 가졌고 이미 시력을 잃은 아피우스 클라우디우스가 아들들에게 명령하여 자신을 원로원으로 데려가게 한 뒤, 내가 보지 못하는 것을 한탄했으나, 그가 말했다, 이제는 듣는 것을 한탄하노라. 단 한 번의 불운 때문에 이토록 한꺼번에 자신을 잃어버리고, 이 참화를 초래한 장본인과 그를 끌어들인 자들을 적 대신 친구로 삼으려 하며, 조상 대대의 영토를 루카니아인과 브루티인에게 주려 하는 너희의 그러한 결의를 나는 보지도 듣지도 않고자 했기 때문이다. 이것이 로마인들이 마케도니아인의 지배 아래 놓이는 것과 무엇이 다르단 말인가? 게다가 어떤 이들은 이것을 예속 대신 평화라 부르는 대담함을 가지고 있도다. 아피우스는 이와 유사한 다른 많은 말을 하여 그들을 고무시켰고, 피로스가 만약 로마인과의 우호와 동맹을 원한다면 이탈리아에서 떠난 뒤에 사절을 보내야 하며, 머물러 있는 한은 그를 친구로도 동맹자로도 간주하지 않고 로마인에 대한 재판관이나 중재인으로도 인정하지 말 것을 제안했다. 그리고 원로원은 바로 아피우스가 말한 대로 키네아스에게 답변했다. 또한 레비누스를 위해 새로 두 개의 군단을 징집하며 다음과 같이 포고했다. "잃어버린 병원을 대신하여 자원하는 자는 누구든지 군에 등록하라." 그리고 키네아스는 여전히 머무는 동안 그들이 등록을 위해 몰려드는 것을 목격하고, 피로스에게 돌아가 "그들과의 전쟁은 히드라와의 싸움과 같습니다"라고 말했다고 전해진다. 그러나 로마군의 규모가 이전보다 커진 것을 보고 이 말을 한 것은 키네아스가 아니라 피로스 자신이었다고 하는 사람들도 있다. 왜냐하면 다른 집정관이자 레비누스의 동료인 코룬카니우스가 이끌고 있던 전 군세와 함께 에트루리아로부터 도착했기 때문이다. 또한 로마에 관한 다른 사항들을 묻는 피로스에게 키네아스는 "도시 전체가 장군들로 가득 차 있습니다"라고 말했고, 피로스가 놀라자 말을 바꾸어, 왕들의 도시입니다. 피로스는 원로원으로부터 어떠한 평화적인 답변도 얻지 못했기 때문에 모든 것을 약탈하며 로마로 급히 진군했다. 그리고 아나그니아 시까지 진출했으나, 약탈품과 수많은 포로로 인해 군대가 이미 무거운 짐을 지고 있었기에 전투를 미루고 캄파니아로 회군했으며, 코끼리들을 앞세우고 군대를 겨울을 나기 위해 도시별로 분산시켰다. 한편 로마인의 사절들이 그에게 와서 국가를 위해 포로를 석방하거나, 혹은 자신들이 붙잡고 있는 타렌툼인과 그의 다른 동맹자들의 포로와 같은 수로 교환할 것을 요구했다. 그러나 그는 키네아스가 이미 전한 대로 화평을 맺는 자들에게는 포로를 무상으로 주겠지만, 전쟁을 계속하는 자들에게는 자신에게 맞서게 될 이토록 유능하고 많은 전력을 돌려줄 생각이 없다고 대답했다. 그리고 그는 사절들을 왕에 걸맞게 환대했고, 사절단의 장인 파브리키우스가 도시에서 큰 영향력을 가지면서도 몹시 가난하게 살고 있음을 알게 되자 그에게 친근하게 말을 건네며, 만약 화평을 실현시켜 준다면 부장으로서 부를 나누어 가지고 에페이로스로 데려갈 것이라고 말했다. 또한 화평을 성립시킨 자들에게 주기 위한 것이라는 구실로 지금 당장 그곳에서 자금을 받으라고 권했다. 파브리키우스는 미소를 지으며 공적인 일에 대해서는 아무런 대답도 하지 않고, 나의 이 솔직함에는, 그가 말했다, 당신의 친구들 중 누구도, 또한 당신 자신도 견디지 못할 것이오, 왕이여. 나는 나의 가난함을 참주들의 부와 공포를 동시에 안고 있는 것보다 오히려 다행스럽게 생각하오. 그러나 사람들은 그가 이렇게 말한 것이 아니라 다음과 같이 말했다고 전한다. "에페이로스인들이 나의 본성을 알게 된다면, 당신보다 나를 더 중히 여기게 될 것이오." 어느 쪽으로 대답했든 간에 피로스는 그의 고결한 기개에 감탄하여 화해를 위한 다른 방법을 고안했다. 그는 만약 로마 시가 피로스의 제안을 받아들인다면 그대로 머물며 포로에서 풀려나고, 받아들이지 않는다면 축제가 끝난 뒤에 자신에게 돌아온다는 조건으로 크로니아 축제 기간 동안 포로들을 감시병 없이 로마로 보냈다. 원로원은 그들이 화평 협상을 크게 간청하고 재촉했음에도 불구하고, 축제가 끝난 뒤 지정된 날에 피로스에게 출두하여 자신들을 인도할 것을 명령했고, 그날에 늦은 자에게는 사형을 부과했다. 그리고 그들은 모두 그 기한을 엄격히 지켰으며, 피로스에게는 다시 전면적으로 전쟁을 치를 수밖에 없다고 생각되었다."

구문 주해4건

Xδόξαν ἐπὶ λόγοις ἔχοντα μιμεῖσθαι
부정사 μιμεῖσθαι는 δόξαν(평판)의 내용을 설명하는 동격적 용법으로, δόξαν ἔχοντα(~한 평판을 가지다)라는 표현에 결합되어 있다. 분사 ἔχοντα는 Κινέαν을 수식한다.
Xεἰ ... συμπεριλάβοιεν, ... ἐῷεν, ... ἀποδοῖεν
간접화법 속의 사격 희구법(optative of oblique mood). 주절의 동사 ἐδίδου가 역사적 시제(미완료 과거)이므로, 조건절의 동사들(직접화법이었다면 직설법이나 접속법이었을 것)이 희구법으로 전이되었다.
Xἠχθόμην, εἶπεν, ὅτι μὴ βλέπω· νῦν δʼ ὅτι ἀκούω
아피우스의 발언. 미완료 과거 ἠχθόμην(나는 괴로워했었다)에 대해 ὅτι μὴ βλέπω(내가 보지 못한다는 것[현재])이 이어진다. 객관적 부정어 οὐ 대신 주관적 부정어 μή가 사용된 것은, 단순한 객관적 사실의 부정이 아니라 '보지 못함'이라는 주관적인 상태나 일반적인 전제를 가리키기 때문이다.
Xἐφʼ ᾧ ... μένειν ... ἐπανήκειν
조건을 나타내는 관용 구문으로, ἐφʼ ᾧ(ἐφʼ ᾧτε와 동등함, '~라는 조건으로')에 부정사 μένειν와 ἐπανήκειν가 연결되어 '~라는 조건 하에'라는 뜻을 나타낸다.

번역: Gemini 3.5 Flash (2026-05-22 공개)

한은(는) 2026-06-01에 Gemini 3.5 Flash(으)로 재번역

urn:cts:greekLit:tlg0551.tlg004.humanitext-grc2:X