피루스의 시켈리아 원정과 신전 약탈의 응보 — 아피아노스 『삼니움기』 XI–XII 그리스어 원문·한국어 번역

§XI

" ὅτι τὸν Πύρρον ἤδη μὲν τὰ Ῥωμαίων κατέπλησσεν, ἐτάρασσε δὲ καὶ τὰ ἐν Μολοσσοῖς θορυβούμενα. Ἀγαθοκλῆς τε, ἄρχων Σικελίαν ἄρτι ἐτεθνήκει, οὗ θυγατέρα Λάνασσαν ἔχων ὁ Πύρρος ἐν ταῖς γυναιξί, τὴν νῆσον οἰκείαν ἀντὶ τῆς Ἰταλίας περιεβλέπετο. ὤκνει δʼ ὅμως ἔτι τοὺς ἐπικαλέσαντας ἄνευ τινὸς εἰρήνης καταλιπεῖν. ἄσμενος οὖν τῆς προφάσεως τῆς περὶ τὸν αὐτόμολον ἐπιβὰς¹ ἐμαρτύρει τοῖς ὑπάτοις, καὶ Κινέαν ἔπεμπεν ἐς Ῥώμην χάριν ὁμολογήσοντα τῆς σωτηρίας τοῦ βασιλέως, καὶ τοὺς αἰχμαλώτους ἀμοιβὴν ἄγοντα, εἰρήνην τε ὅτῃ δύναιτο πράξοντα.² δῶρα δʼ ὁ Κινέας ἔφερε πολλὰ μὲν ἀνδράσι πολλὰ δὲ γυναιξί, φιλοχρήματον καὶ φιλόδωρον εἶναι τὴν πόλιν πυθόμενος, καὶ τὰς γυναῖκας ἰσχύειν παρὰ Ῥωμαίοις ἐκ παλαιοῦ. οἱ δὲ περὶ μὲν τῶν δώρων ἐνεκελεύσαντο ἀλλήλοις· καί φασιν οὐδένα λαβεῖν οὐδέν, οὔτε ἄνδρα οὔτε γυναῖκα. ἀπεκρίναντο δʼ αὐτῷ, καθὰ καὶ πρότερον, ἀπελθόντα Πύρρον ἐξ Ἰταλίας πρεσβεύειν πρὸς αὐτοὺς ἄνευ δώρων· ἀπορήσειν γὰρ οὐδενὸς τῶν δικαίων. τοὺς δὲ πρέσβεις καὶ αὐτοὶ πολυτελῶς ἐξένιζον, καὶ Πύρρῳ τοὺς Ταραντίνων καὶ τῶν ἄλλων αὐτοῦ συμμάχων αἰχμαλώτους ἀντέπεμπον. ὁ μὲν δὴ Πύρρος ἐπὶ τούτοις ἐς Σικελίαν διέπλει μετά τε τῶν ἐλεφάντων καὶ ὀκτακισχιλίων ἱππέων, ὑποσχόμενος τοῖς συμμάχοις ἐκ Σικελίας ἐπανήξειν ἐς τὴν Ἰταλίαν. καὶ ἐπανῆλθεν ἔτει τρίτῷ, Καρχηδονίων αὐτὸν ἐξελασάντων ἐκ Σικελίας."

한편, 피루스는 이미 로마인들의 세력에 압도당하고 있었고, 몰로소이인들 사이에서 일어나고 있던 소요도 그를 불안하게 만들고 있었다. 또한 시켈리아를 지배하던 아가토클레스가 방금 사망했는데, 피루스는 그의 딸 라나사를 아내 중 한 명으로 맞이했었기 때문에, 이탈리아 대신에 그 섬을 자신의 영토로 여기며 바라보고 있었다. 그러나 자신을 불러들인 자들을 아무런 평화 협정 없이 내버려 두고 떠나기를 여전히 망설였다. 그리하여 탈영병에 관한 구실을 기쁘게 여기며 붙잡아 집정관들에게 증언하였고, 왕의 목숨을 구해준 것에 대해 감사를 표하고 그 보답으로 포로들을 데려가며, 가능한 한 평화를 성립시키기 위해 키네아스를 로마로 보냈다. 키네아스는 그 도시가 돈을 좋아하고 선물을 탐한다는 것과, 로마인들 사이에서 예로부터 여성들이 강한 영향력을 행사해 왔다는 것을 전해 들었기에, 남성들에게도 여성들에게도 많은 선물을 가져갔다. 그러나 그들은 선물에 관하여 서로 받아들이지 말라고 훈계했고, 남성이든 여성이든 아무도 아무것도 받지 않았다고 전해진다. 그리고 그들은 그에게 이전과 마찬가지로, 피루스가 이탈리아에서 떠난 후에 선물 없이 그들에게 사절을 보내야 할 것이며, 그렇게 한다면 정의로운 요구는 무엇이든 거절당하지 않을 것이라고 답변했다. 또한 그들 자신도 사절들을 호화롭게 대접했으며, 피루스에게 타렌툼인들과 그의 다른 동맹자들의 포로들을 돌려보냈다. 그리하여 피루스는 이러한 상황 속에서 동맹자들에게 시켈리아에서 이탈리아로 돌아올 것을 약속하고, 코끼리들과 8천 명의 기병을 이끌고 시켈리아로 건너갔다. 그리고 그는 카르타고인들이 그를 시켈리아에서 몰아낸 탓에 3년째에 돌아왔다.

§XII

" ὅτι Πύρρος μετὰ τὴν μάχην καὶ τὰς πρὸς Ῥωμαίους συνθήκας ἐς Σικελίαν διέπλει, ὑποσχόμενος τοῖς συμμάχοις ἐκ Σικελίας ἐπανήξειν ἐς Ἰταλίαν. καὶ ἐπανῆλθεν ἔτει τρίτῳ, Καρχηδονίων αὐτὸν ἐξελασάντων ἐκ Σικελίας, ἤδη καὶ τοῖς Σικελιώταις βαρὺν ἐπί τε ξενίαις καὶ χορηγίαις καὶ φρουραῖς καὶ ἐσφοραῖς γενόμενον.³ ὁ μὲν δὴ πλούσιος ἐν τῶνδε γεγονὼς ἐς τὸ Ῥήγιον διέπλει ναυσὶ καταφράκτοις δέκα καὶ ἑκατόν, φορτίσι δὲ καὶ ὁλκάσι πολὺ πλείοσιν· οἱ δὲ Καρχηδόνιοι διαναυμαχήσαντες αὐτῷ κατέδυσαν ναῦς ἑβδομήκοντα, καὶ τὰς λοιπὰς ἄπλους ἐποίησαν, πλὴν δώδεκα μόνων, αἷς ὁ Πύρρος διαφυγὼν ἐτίνυτο Λοκροὺς τοὺς ἐπιζεφυρίους, ὅτι φρουρὰν αὐτοῦ καὶ τὸν φρούραρχον αὐτῆς, ὑβρίσαντας ἐς αὐτούς, ἀνῃρήκεσαν. ὠμῶς δʼ αὐτοὺς καὶ πικρῶς κτείνων τε καὶ συλῶν ὁ Πύρρος οὐδὲ τῶν ἀναθημάτων τῆς Περσεφόνης ἀπέσχετο, ἐπισκώψας τὴν ἄκαιρον θεοσέβειαν εἶναι δεισιδαιμονίαν, τὸ δὲ συλλέξαι πλοῦτον ἄπονον εὐβουλίαν. ἀναχθέντα δʼ αὐτὸν μετὰ τῶν σύλων χειμὼν ὑπέλαβε, καὶ τῶν νεῶν τὰς μὲν κατέδυσε καὶ διέφθειρεν αὐτοῖς ἀνδράσι, τὰς δʼ ἐς τὴν γῆν ἐξέρριψεν. τὰ δὲ ἱερὰ πάντα σῶα ὁ κλύδων ἐς τοὺς Λοκρῶν λιμένας ἐπανήγαγεν, ὥστε καὶ Πύρρον ὀψὲ τῆς ἀσεβείας αἰσθόμενον ἀναθεῖναί τε αὐτὰ ἐς τὸ ἱερὸν τῇ Περσεφόνῃ, καὶ θυσίαις ἱλάσκεσθαι τὴν θεὸν πολλαῖς. τῶν δὲ ἱερῶν οὐκ ἀπαντώντων⁴ ἔτι μᾶλλον ἐξεμαίνετο, καὶ τοὺς περὶ τῆς ἱεροσυλίας αὐτῷ συμβουλεύσαντας ἢ λέγοντι συνθεμένους, ἢ διακονησαμένους τὸ ἔργον, ἔκτεινεν. ὁ μὲν δὴ Πύρρος οὕτως ἐπεπράχει κακῶς."

피루스가 전투와 로마인들과의 조약 후에 시켈리아로 건너갔으며, 동맹자들에게 시켈리아에서 이탈리아로 돌아올 것을 약속한 것. 그리고 그는 카르타고인들이 그를 시켈리아에서 몰아낸 탓에 3년째에 돌아왔는데, 그는 이미 시켈리아인들에게도 대접과 물자 조달, 주둔군 및 세금 면에서 무거운 짐이 되어 있었다. 이리하여 이들로부터 부유해진 그는 갑판이 있는 전함 110척과 훨씬 더 많은 화물선 및 상선을 이끌고 레기온으로 건너갔다. 그러나 카르타고인들은 그와 해전을 벌여 70척의 배를 침몰시켰고, 단 12척만을 제외하고 나머지 배들을 항해 불능으로 만들었다. 피루스는 이 12척으로 탈출하여 에피제피리온의 로크리인들에게 복수했는데, 그들이 자신들에게 무례하게 군 피루스의 주둔군과 그 대장을 살해했기 때문이었다. 피루스는 그들을 잔인하고 가혹하게 죽이고 약탈하면서 페르세포네의 봉헌물조차 멀리하지 않았으며, 때아닌 경신은 미신이고 노력 없이 부를 모으는 것이야말로 현명함이라고 비웃었다. 그러나 그가 약탈물을 가지고 출항했을 때 폭풍우가 그를 덮쳤고, 배들의 일부를 선원들과 함께 침몰시켜 파괴했으며 다른 배들을 육지로 내동댕이쳤다. 하지만 모든 신성한 보물들은 파도에 의해 온전하게 로크리인들의 항구로 되돌아왔다. 그리하여 피루스도 뒤늦게 불경을 깨닫고 그것들을 페르세포네의 신전에 다시 봉헌했으며, 많은 희생 제물로 여신의 노여움을 풀어주려 했다. 그러나 신성한 징조가 나타나지 않자 그는 한층 더 미쳐 날뛰었고, 신전 약탈에 대해 자신에게 조언했거나 그의 말에 찬동했거나 그 일을 도왔던 자들을 처형했다. 이리하여 피루스는 참담한 결말을 맞이하게 되었다.

구문 주해4건

XIἄσμενος οὖν τῆς προφάσεως τῆς περὶ τὸν αὐτόμολον ἐπιβὰς
형용사 ἄσμενος는 부사적으로 '기쁘게'로 해석되어 분사 ἐπιβάς를 수식한다. 동사 ἐπιβαίνω는 속격(τῆς προφάσεως)을 동반하여 '(구실이나 기회를) 타다, 이용하다'라는 의미로 쓰였다. 여기서 '탈영병'이란 피루스를 독살하겠다고 제안했으나 로마 집정관들에게 거부당하고 돌려보내진 의사를 가리킨다。
XIχάριν ὁμολογήσοντα ... ἄγοντα ... πράξοντα
이들은 모두 사절인 Κινέαν을 수식하는 분사들이다. 미래분사(ὁμολογήσοντα, πράξοντα)는 목적(~하기 위해)을 나타낸다. 현재분사 ἄγοντα, 목적을 나타내는 다른 미래분사들과 병렬적으로 연결되어 동반되는 목적이나 행위를 나타내며, 미래분사 ἀξόν타의 이독을 반영하기도 한다。
XIIἤδη καὶ τοῖς Σικελιώταις βαρὺν ἐπί τε ξενίαις καὶ χορηγίαις καὶ φρουραῖς καὶ ἐσφοραῖς γενόμενον
대격 분사 γενόμενον. 직전의 속격독립구문(Καρχηδονίων αὐτὸν ἐξελασάντων)의 목적어인 대격 대명사 αὐτόν(피루스)과 성·수·격이 일치하고 있다. 형용사 βαρύς는 전치사 ἐπί와 여격을 동반하여 '~의 면에서 무거운 짐이 되는, 부담스러운 존재가 되는'이라는 의미를 나타낸다。
XIIτῶν δὲ ἱερῶν οὐκ ἀπαντώντων
속격독립구문이다. 명사 ἱερά(통상 '신성한 것들' 혹은 '신전')는 여기에서 복수 중성명사로서 '희생 제의(를 통한 신의 징조)'를 뜻한다. 동사 ἀπαντάω는 '(기대대로 혹은 좋은 방향으로) 나타나다, 응하다'라는 의미로 쓰여, 여신에게 많은 희생을 바쳤음에도 길조가 나타나지 않았음을 가리킨다。

번역: Gemini 3.5 Flash (2026-05-22 공개) · 수정 이력 (1건, 최근 2026-09-22)

2026-09-22 AI 교열 — 원문 1건

urn:cts:greekLit:tlg0551.tlg004.humanitext-grc2:XI-XII