헤라클레이토스의 성품과 기이한 죽음 및 저서 — 『유명한 철학자들의 생애와 사상』 §9.1.1-9.1.6 (디오게네스 라에르티오스)

Ἡράκλειτος Βλόσωνος ἤ, ὥς τινες, Ἡράκωντος Ἐφέσιος. οὗτος ἤκμαζε μὲν κατὰ τὴν ἐνάτην καὶ ἑξηκοστὴν Ὀλυμπιάδα. μεγαλόφρων δὲ γέγονε παρʼ ὁντιναοῦ καὶ ὑπερόπτης, ὡς καὶ ἐκ τοῦ συγγράμματος αὐτοῦ δῆλον, ἐν ᾧ φησι, πολυμαθίη νόον οὐ διδάσκει· Ἡσίοδον γὰρ ἂν ἐδίδαξε καὶ Πυθαγόρην, αὖτίς τε Ξενοφάνεά τε καὶ Ἑκαταῖον. εἶναι γὰρ ἓν τὸ σοφόν¹, ἐπίστασθαι γνώμην, ὁτέη ἐκυβέρνησε πάντα διὰ πάντων. τόν τε Ὅμηρον ἔφασκεν ἄξιον ἐκ τῶν ἀγώνων ἐκβάλλεσθαι καὶ ῥαπίζεσθαι, καὶ Ἀρχίλοχον ὁμοίως.

블로손, 혹은 어떤 이들에 따르면 헤라콘의 아들인 에페소스의 헤라클레이토스는 제69회 올림피아드 무렵에 전성기를 누렸다. 그는 그 누구보다도 자긍심이 높고 오만하였는데, 이는 그의 저술에서도 명백히 드러나며, 그 저작에서 그는 다음과 같이 말한다. "많은 지식은 지혜를 가르치지 못한다. 그렇지 않았다면 헤시오도스와 퓌타고라스를, 나아가 크세노파네스와 헤카타이오스를 가르쳤을 것이다." 그에 따르면 실로 "지혜는 오직 하나, 만물을 꿰뚫어 만물을 다스리는 사유를 깨닫는 것" 이기 때문이다. 또한 그는 호메로스도 마찬가지로 아르킬로코스도 경기대회에서 쫓겨나 매질을 당해 마땅하다고 말하곤 했다.

Ἔλεγε δὲ καὶ ὕβριν χρὴ σβεννύναι μᾶλλον ἢ πυρκαϊὴν καὶ μάχεσθαι χρὴ τὸν δῆμον ὑπὲρ τοῦ νόμου ὅκωσπερ τείχεος. καθάπτεται δὲ καὶ τῶν Ἐφεσίων ἐπὶ τῷ τὸν ἑταῖρον ἐκβαλεῖν Ἑρμόδωρον, ἐν οἷς φησιν, ἄξιον Ἐφεσίοις ἡβηδὸν ἀποθανεῖν πᾶσι καὶ τοῖς ἀνήβοις τὴν πόλιν καταλιπεῖν², οἵτινες Ἑρμόδωρον ἄνδρα ἑωυτῶν ὀνήιστον ἐξέβαλον λέγοντες, Ἡμέων μηδὲ εἷς ὀνήιστος ἔστω· εἰ δέ τις τοιοῦτος, ἄλλῃ τε καὶ μετʼ ἄλλων. ἀξιούμενος δὲ καὶ νόμους θεῖναι πρὸς αὐτῶν ὑπερεῖδε διὰ τὸ ἤδη κεκρατῆσθαι τῇ πονηρᾷ πολιτείᾳ τὴν πόλιν.

그는 또한 다음과 같이 말하곤 했다. "오만은 화재보다도 더 꺼뜨려야 마땅하다." 그리고 "민중은 성벽을 위해 싸우듯 법률을 위해 싸워야 마땅하다." 그는 또한 동료 헤르모도로스를 추방한 일로 에페소스인들을 맹렬히 비난하였는데, 그 문맥에서 그는 이렇게 말한다. "에페소스인들은 성인이 된 자는 모두 죽고 도시를 미성년자들에게 넘겨주어야 마땅하다. 그들은 자기들 가운데 가장 유익한 사람인 헤르모도로스를 '우리 가운데 그 누구도 가장 유익한 자가 되어서는 안 된다. 만일 그런 자가 있다면 다른 곳에서 다른 이들과 함께 살아가라'고 말하며 내쫓았기 때문이다." 그들로부터 법률 제정을 요청받았을 때에도, 국정이 이미 타락한 체제에 장악되어 있었기 때문에 그는 이를 무시했다.

ἀναχωρήσας δʼ εἰς τὸ ἱερὸν τῆς Ἀρτέμιδος μετὰ τῶν παίδων ἠστραγάλιζε· περιστάντων δʼ αὐτὸν τῶν Ἐφεσίων, τί, ὦ κάκιστοι, θαυμάζετε; εἶπεν· ἢ οὐ κρεῖττον τοῦτο ποιεῖν ἢ μεθʼ ὑμῶν πολιτεύεσθαι; Καὶ τέλος μισανθρωπήσας καὶ ἐκπατήσας ἐν τοῖς ὄρεσι διητᾶτο, πόας σιτούμενος καὶ βοτάνας. καὶ μέντοι καὶ διὰ τοῦτο περιτραπεὶς εἰς ὕδερον κατῆλθεν εἰς ἄστυ καὶ τῶν ἰατρῶν αἰνιγματωδῶς ἐπυνθάνετο εἰ δύναιντʼ ἐξ ἐπομβρίας αὐχμὸν ποιῆσαι· τῶν δὲ μὴ συνιέντων, αὑτὸν εἰς βουστάσιον κατορύξας τῇ τῶν βολίτων ἀλέᾳ ἤλπισεν ἐξατμισθήσεσθαι. οὐδὲν δʼ ἀνύων οὐδʼ οὕτως, ἐτελεύτα βιοὺς ἔτη ἑξήκοντα.

그는 아르테미스의 신전으로 물러나 아이들과 함께 복사뼈 던지기 놀이를 했다. 에페소스인들이 그의 주위를 둘러싸자 그는 이렇게 말했다. "가장 악한 자들아, 무엇을 보고 놀라는가? 너희와 함께 정치를 하는 것보다 이것을 하는 편이 낫지 않은가?" 마침내 그는 인간을 혐오하여 사람의 발길이 닿지 않는 산속에서 살아가며 풀과 산나물을 먹고 지냈다. 그러나 바로 이 때문에 수종에 걸려 시내로 내려왔고, 의사들에게 큰비로부터 가뭄을 만들어낼 수 있겠느냐고 수수께끼처럼 물었다. 의사들이 알아듣지 못하자, 그는 자신을 외양간에 파묻고 소똥의 온기로 수분이 증발하기를 바랐다. 그러나 이렇게 해도 아무런 소용이 없어 예순 해를 살고 세상을 떠났다.

Καὶ ἔστιν εἰς αὐτὸν ἡμῶν οὕτως ἔχον· "πολλάκις Ἡράκλειτον ἐθαύμασα, πῶς ποτε τὸ ζῆν ὧδε διαντλήσας δύσμορος εἶτʼ ἔθανεν· σῶμα γὰρ ἀρδεύσασα κακὴ νόσος ὕδατι φέγγος ἔσβεσεν ἐν βλεφάροις καὶ σκότον ἠγάγετο." Ἕρμιππος δέ φησι λέγειν αὐτὸν τοῖς ἰατροῖς εἴ τις δύναται 〈τὰ〉 ἔντερα κεινώσας τὸ ὑγρὸν ἐξερᾶσαι· ἀπειπόντων δέ, θεῖναι αὑτὸν εἰς τὸν ἥλιον καὶ κελεύειν τοὺς παῖδας βολίτοις καταπλάττειν· οὕτω δὴ κατατεινόμενον δευτεραῖον τελευτῆσαι καὶ θαφθῆναι ἐν τῇ ἀγορᾷ. Νεάνθης δʼ ὁ Κυζικηνός φησι μὴ δυνηθέντʼ αὐτὸν ἀποσπάσαι τὰ βόλιτα μεῖναι καὶ διὰ τὴν μεταβολὴν ἀγνοηθέντα κυνόβρωτον γενέσθαι.

그에 대하여 다음과 같은 우리의 시도 있다. "나는 헤라클레이토스에 대하여 자주 경탄했노라, 어찌 일찍이 불운한 이가 이처럼 삶을 견뎌내고서 마침내 죽었는가를. 모진 질병이 몸을 물로 흠뻑 적셔 눈꺼풀 속의 빛을 꺼뜨리고 어둠을 불러왔기 때문이라네." 한편 헤르미포스는 그가 의사들에게 창자를 비워 액체를 토해내게 할 수 있는 자가 있느냐고 물었다고 전한다. 의사들이 단념하자 그는 자신을 햇볕 속에 눕히고 아이들에게 소똥을 바르도록 지시했다. 그리하여 이렇게 몸이 뻗친 채 이틀째 되던 날 숨을 거두었고 광장에 묻혔다. 반면 퀴지코스의 네안테스는 그가 소똥을 떼어내지 못해 그 자리에 남게 되었고, 변해버린 모습 탓에 알아보지 못하게 되어 개들에게 뜯어 먹혔다고 말한다.

Γέγονε δὲ θαυμάσιος ἐκ παίδων, ὅτε καὶ νέος ὢν ἔφασκε μηδὲν εἰδέναι, τέλειος μέντοι γενόμενος πάντʼ ἐγνωκέναι. ἤκουσέ τʼ οὐδενός, ἀλλʼ αὑτὸν ἔφη διζήσασθαι καὶ μαθεῖν πάντα παρʼ ἑαυτοῦ. Σωτίων δέ φησιν εἰρηκέναι τινὰς Ξενοφάνους αὐτὸν ἀκηκοέναι· λέγειν τε Ἀρίστωνα ἐν τῷ Περὶ Ἡρακλείτου καὶ τὸν ὕδερον αὐτὸν θεραπευθῆναι, ἀποθανεῖν δʼ ἄλλῃ νόσῳ. τοῦτο δὲ καὶ Ἱππόβοτός φησι. Τὸ δὲ φερόμενον αὐτοῦ βιβλίον ἐστὶ μὲν ἀπὸ τοῦ συνέχοντος³ Περὶ φύσεως, διῄρηται δʼ εἰς τρεῖς λόγους, εἴς τε τὸν περὶ τοῦ παντὸς καὶ πολιτικὸν καὶ θεολογικόν.

그는 어릴 적부터 놀라운 인물이었으니, 젊었을 때는 아무것도 모른다고 주장했으나 성인이 되자 모든 것을 알았다고 주장했다. 그는 누구에게도 배우지 않았고, 자신을 탐구하여 스스로 모든 것을 배웠다고 말했다. 하지만 소티온은 그가 크세노파네스의 가르침을 들었다고 말한 이들도 있다고 전한다. 또한 아리스톤은 『헤라클레이토스에 관하여』에서 그가 수종을 치료받았고 다른 병으로 사망했다고 말하며, 히포보토스 역시 그렇게 전한다. 그의 것으로 전해지는 저서는 주된 주제에 따라 『자연에 관하여』라고 불리며, 세 편의 논고, 곧 우주에 관한 편, 정치에 관한 편, 신학에 관한 편으로 나뉜다.

ἀνέθηκε δʼ αὐτὸ εἰς τὸ τῆς Ἀρτέμιδος ἱερόν, ὡς μέν τινες, ἐπιτηδεύσας ἀσαφέστερον γράψαι, ὅπως οἱ δυνάμενοι 〈μόνοι〉 προσίοιεν αὐτῷ καὶ μὴ ἐκ τοῦ δημώδους εὐκαταφρόνητον ᾖ. τοῦτον δὲ καὶ ὁ Τίμων ὑπογράφει λέγων, "τοῖς δʼ ἔνι κοκκυστής, ὀχλολοίδορος Ἡράκλειτος, αἰνικτὴς ἀνόρουσε." Θεόφραστος δέ φησιν ὑπὸ μελαγχολίας τὰ μὲν ἡμιτελῆ, τὰ δʼ ἄλλοτʼ ἄλλως ἔχοντα γράψαι. σημεῖον δʼ αὐτοῦ τῆς μεγαλοφροσύνης Ἀντισθένης φησὶν ἐν Διαδοχαῖς· ἐκχωρῆσαι γὰρ τἀδελφῷ τῆς βασιλείας. τοσαύτην δὲ δόξαν ἔσχε τὸ σύγγραμμα ὡς καὶ αἱρετιστὰς ἀπʼ αὐτοῦ γενέσθαι τοὺς κληθέντας Ἡρακλειτείους.

어떤 이들에 따르면, 그는 능력 있는 자들만이 접근하고 대중적인 것으로 인해 쉽게 멸시받지 않도록 의도적으로 더 난해하게 쓴 뒤 아르테미스 신전에 이를 봉헌했다고 한다. 티몬 역시 그를 묘사하며 이렇게 노래한다. "그들 가운데서 뻐꾸기처럼 울부짖고 군중을 욕하는 헤라클레이토스가, 수수께끼를 던지는 자로서 솟아올랐도다." 테오프라스토스는 그가 우울증 때문에 어떤 부분은 반만 완성된 채로, 어떤 부분은 때에 따라 서로 상이한 상태로 저술했다고 전한다. 안티스테네스는『학통기』에서 그가 고매한 정신을 가졌던 증표로 왕위를 동생에게 양보한 일을 들고 있다. 이 저술은 매우 큰 명성을 얻어 그로부터 '헤라클레이토스파'라 불리는 추종자들이 생겨날 정도였다.

구문 주해3건

9.1.1εἶναι γὰρͅ ἓν τὸ σοφόν
간접화법에서의 부정사 구문(대격과 부정사). 앞서 나온 ἐν ᾧ φησι('그 저작에서 그는 말한다')의 지배를 받는 인용 내용이 부정사 형태로 이어지고 있다.
9.1.2ἄξιον Ἐφεσίοις ἡβηδὸν ἀποθανεῖν πᾶσι καὶ τοῖς ἀνήβοις τὴν πόλιν καταλιπεῖν
비인칭 형용사 ἄξιον('~함이 마땅하다')에 여격(Ἐφεσίοις... πᾶσι)과 부정사(ἀποθανεῖν, καταλιπεῖν)가 연결된 구문. 부사 ἡβηδόν('성년에 이른 자부터 모두')은 πᾶσι와 어우러지며, 뒤이어 대조되는 τοῖς ἀνήβοις('미성년자들에게')와 함께 에페소스의 모든 성인이 책임을 지고 자결해야 한다는 신랄한 과장적 비판을 형성한다.
9.1.5ἀπὸ τοῦ συνέχοντος
전치사 ἀπό와 중성 분사의 명사화 표현 τοῦ συνέχοντος가 결합된 관용구로, '그 주된 주제로부터' 혹은 '전체를 관통하는 내용에 따라'를 뜻한다. 헤라클레이토스의 저서가 그 핵심 내용을 바탕으로 통칭 『자연에 관하여』라는 제목으로 불리게 되었음을 설명한다.

모델: gemini-3.8-flashurn:cts:greekLit:tlg0004.tlg001.humanitext-grc2:9.1.1-9.1.6