지협의 성소들과 코린토스의 아고라 — 파우사니아스 『그리스 안내기』 2권 2.2.1–2.2.8 그리스어 원문·한국어 번역

§2.2.1

τοῦ περιβόλου δέ ἐστιν ἐντὸς Παλαίμονος ἐν ἀριστερᾷ ναός, ἀγάλματα δὲ ἐν αὐτῷ Ποσειδῶν καὶ Λευκοθέα καὶ αὐτὸς ὁ Παλαίμων. ἔστι δὲ καὶ ἄλλο Ἄδυτον καλούμενον, κάθοδος δὲ ἐς αὐτὸ ὑπόγεως, ἔνθα δὴ τὸν Παλαίμονα κεκρύφθαι φασίν· ὃς δʼ ἂν ἐνταῦθα ἢ Κορινθίων ἢ ξένος ἐπίορκα ὀμόσῃ, οὐδεμία ἐστίν οἱ μηχανὴ διαφυγεῖν τοῦ ὅρκου. καὶ δὴ ἱερόν ἐστιν ἀρχαῖον Κυκλώπων καλούμενος βωμός, καὶ θύουσιν ἐπʼ αὐτῷ Κύκλωψι.

구역(페리볼로스) 안쪽 왼쪽에는 팔라이몬의 신전이 있으며, 그 안에는 포세이돈과 레우코테아, 그리고 팔라이몬 자신의 상들이 있다. 또한 '아디톤'이라 불리는 다른 곳도 있는데, 그곳으로 내려가는 길은 지하로 나 있으며, 그곳에 팔라이몬이 숨겨졌다고 전해진다. 코린토스인이든 이방인이든 이곳에서 거짓 맹세를 한 자에게는 맹세의 벌로부터 벗어날 방도가 전혀 없다. 그리고 '키클롭스의 제단'이라 불리는 고대 성소가 있어, 사람들은 그 위에서 키클롭스들에게 제물을 바친다.

§2.2.2

τάφους δὲ Σισύφου καὶ Νηλέως—καὶ γὰρ Νηλέα ἀφικόμενον ἐς Κόρινθον νόσῳ τελευτῆσαί φασι καὶ περὶ τὸν ἰσθμὸν ταφῆναι—οὐκ ἂν οἶδʼ εἰ ζητοίη¹ τις ἐπιλεξάμενος τὰ Εὐμήλου· Νηλέως μὲν γὰρ οὐδὲ Νέστορι ἐπιδειχθῆναι τὸ μνῆμα ὑπὸ τοῦ Σισύφου φησί, χρῆναι γὰρ ἄγνωστον τοῖς πᾶσιν ὁμοίως εἶναι, Σίσυφον δὲ ταφῆναι μὲν ἐν τῷ ἰσθμῷ, τὸν δέ οἱ τάφον καὶ τῶν ἐφʼ αὑτοῦ Κορινθίων ὀλίγους εἶναι τοὺς εἰδότας. ὁ δὲ Ἰσθμικὸς ἀγὼν οὐδὲ ἀναστάντων ὑπὸ Μομμίου Κορινθίων ἐξέλιπεν, ἀλλʼ ὅσον μὲν χρόνον ἠρήμωτο ἡ πόλις, Σικυωνίοις ἄγειν ἐπετέτραπτο τὰ Ἴσθμια, οἰκισθείσης δὲ αὖθις ἐς τοὺς νῦν οἰκήτορας περιῆλθεν ἡ τιμή.

시시포스와 넬레우스의 무덤에 대해서는——넬레우스가 코린토스에 와서 병으로 사망하여 지협 근처에 묻혔다고 전해지기 때문이다——에우멜로스의 시를 읽은 사람이라면 누구도 이를 찾으려 하지 않을 것이다. 왜냐하면 에우멜로스는 넬레우스의 무덤이 시시포스에 의해 네스토르에게조차 보여지지 않았다고 말하는데, 이는 모든 이들에게 똑같이 알려지지 않아야 하기 때문이며, 시시포스는 지협에 묻혔으나 그의 무덤은 그의 시대의 코린토스인들 중에서도 아는 이가 거의 없었기 때문이라고 한다. 이스토미아 경기대회는 뭄미우스에 의해 코린토스인들이 쫓겨났을 때에도 끊이지 않았는데, 도시가 황폐해진 기간 동안에는 시키온인들이 대회를 개최하도록 위임받았고, 도시가 현재의 주민들로 다시 재건되자 그 영예가 다시 그들에게 돌아왔다.

§2.2.3

Κορινθίοις δὲ τοῖς ἐπινείοις τὰ ὀνόματα Λέχης καὶ Κεγχρίας ἔδοσαν, Ποσειδῶνος εἶναι καὶ Πειρήνης τῆς Ἀχελῴου λεγόμενοι· πεποίηται δὲ ἐν Ἠοίαις μεγάλαις Οἰβάλου θυγατέρα εἶναι Πειρήνην. ἔστι δὲ ἐν Λεχαίῳ μὲν Ποσειδῶνος ἱερὸν καὶ ἄγαλμα χαλκοῦν, τὴν δὲ ἐς Κεγχρέας ἰόντων ἐξ ἰσθμοῦ ναὸς Ἀρτέμιδος καὶ ξόανον ἀρχαῖον. ἐν δὲ Κεγχρέαις Ἀφροδίτης τέ ἐστι ναὸς καὶ ἄγαλμα λίθου, μετὰ δὲ αὐτὸν ἐπὶ τῷ ἐρύματι τῷ διὰ τῆς θαλάσσης Ποσειδῶνος χαλκοῦν, κατὰ δὲ τὸ ἕτερον πέρας τοῦ λιμένος Ἀσκληπιοῦ καὶ Ἴσιδος ἱερά. Κεγχρεῶν δὲ ἀπαντικρὺ τὸ Ἑλένης ἐστὶ λουτρόν· ὕδωρ ἐς θάλασσαν ἐκ πέτρας ῥεῖ πολὺ καὶ ἁλμυρὸν ὕδατι ὅμοιον ἀρχομένῳ θερμαίνεσθαι.

코린토스인들의 항구는 레케스와 켄크리아스로부터 그 이름을 얻었는데, 이들은 포세이돈과 아켈로오스의 딸이라 불리는 페이레네의 자식들이라고 전해진다. 그러나 《대 에호이아이》에서는 페이레네가 오이발로스의 딸로 묘사되어 있다. 레카이온에는 포세이돈의 신전과 청동상이 있고, 지협에서 켄크레아이로 가는 길에는 아르테미스의 신전과 오래된 목조상이 있다. 켄크레아이에는 아프로디테의 신전과 석상이 있으며, 그 너머 바다로 돌출된 방파제 위에는 포세이돈의 청동상이 있고, 항구의 다른 쪽 끝에는 아스클레피오스와 이시스의 성소들이 있다. 켄크레아이 맞은편에는 헬레네의 목욕탕이 있다. 바위에서 많은 물이 바다로 흘러드는데, 짠맛이 나며 막 데워지기 시작한 물과 비슷하다.

§2.2.4

ἀνιοῦσι δὲ ἐς Κόρινθον καὶ ἄλλα ἐστὶ κατὰ τὴν ὁδὸν μνήματα καὶ πρὸς τῇ πύλῃ Διογένης τέθαπται ὁ Σινωπεύς, ὃν κύνα ἐπίκλησιν καλοῦσιν Ἕλληνες. πρὸ δὲ τῆς πόλεως κυπαρίσσων ἐστὶν ἄλσος ὀνομαζόμενον Κράνειον. ἐνταῦθα Βελλεροφόντου τέ ἐστι τέμενος καὶ Ἀφροδίτης ναὸς Μελαινίδος καὶ τάφος Λαΐδος, ᾧ δὴ λέαινα ἐπίθημά ἐστι κριὸν ἔχουσα ἐν τοῖς προτέροις ποσίν.

코린토스로 올라가는 길가에는 다른 무덤들도 있으며, 성문 곁에는 시노페의 디오게네스가 묻혀 있는데, 그리스인들은 그를 '개'라는 별칭으로 부른다. 도시 앞에는 크라네이온이라 불리는 편백나무 숲이 있다. 이곳에는 벨레로폰의 성역과 '검은' 아프로디테의 신전, 그리고 앞발로 숫양을 쥐고 있는 암사자가 얹혀 있는 라이스의 무덤이 있다.

§2.2.5

ἔστι δὲ καὶ ἄλλο ἐν Θεσσαλίᾳ Λαΐδος φάμενον μνῆμα εἶναι· παρεγένετο γὰρ καὶ ἐς Θεσσαλίαν ἐρασθεῖσα Ἱπποστράτου. τὸ δὲ ἐξ ἀρχῆς ἐξ Ὑκάρων αὐτὴν τῶν ἐν Σικελίᾳ λέγεται παῖδα οὖσαν ὑπὸ Νικίου καὶ Ἀθηναίων ἁλῶναι, πραθεῖσαν δὲ ἐς Κόρινθον ὑπερβαλέσθαι κάλλει τὰς τότε ἑταίρας, θαυμασθῆναί τε· οὕτω παρὰ Κορινθίοις ὡς ἀμφισβητεῖν σφᾶς² καὶ νῦν ἔτι Λαΐδος.

또한 테살리아에도 라이스의 무덤이라 주장되는 또 다른 무덤이 있다. 그녀는 히포스트라토스를 사랑하게 되어 테살리아로도 갔기 때문이다. 원래 그녀는 시칠리아의 휘카라 출신으로 어렸을 때 니키아스와 아테네인들에게 붙잡혔다고 전해지며, 코린토스에 팔려간 뒤 당시의 헤타이라들을 능가하는 미모로 찬사를 받았고, 코린토스인들 사이에서 매우 유명했기 때문에 그들은 오늘날까지도 라이스를 두고 설전을 벌이고 있다.

§2.2.6

λόγου δὲ ἄξια ἐν τῇ πόλει τὰ μὲν λειπόμενα ἔτι τῶν ἀρχαίων ἐστίν, τὰ δὲ πολλὰ αὐτῶν ἐπὶ τῆς ἀκμῆς ἐποιήθη τῆς ὕστερον. ἔστιν οὖν ἐπὶ τῆς ἀγορᾶς— ἐνταῦθα γὰρ πλεῖστά ἐστι τῶν ἱερῶν—Ἄρτεμίς τε ἐπίκλησιν Ἐφεσία καὶ Διονύσου ξόανα ἐπίχρυσα πλὴν τῶν προσώπων· τὰ δὲ πρόσωπα ἀλοιφῇ σφισιν ἐρυθρᾷ κεκόσμηται· Λύσιον δέ, τὸν δὲ Βάκχειον ὀνομάζουσι.

도시 안에서 언급할 만한 가치가 있는 것들 중 일부는 고대의 것들 중 여전히 남아 있는 것이고, 대부분은 그 후의 전성기에 만들어진 것이다. 광장(아고라)에는——여기에 성소들이 가장 많이 모여 있기 때문이다——'에페소스의'라는 별칭을 가진 아르테미스가 있고, 얼굴을 제외하고 금박을 입힌 디오니소스의 목조상들이 있다. 그 얼굴들은 붉은 칠로 장식되어 있으며, 사람들은 하나는 '뤼시오스', 다른 하나는 '바케이오스'라 부른다.

§2.2.7

τὰ δὲ λεγόμενα ἐς τὰ ξόανα καὶ ἐγὼ γράφω. Πενθέα ὑβρίζοντα ἐς Διόνυσον καὶ ἄλλα τολμᾶν λέγουσι καὶ τέλος ἐς τὸν Κιθαιρῶνα ἐλθεῖν ἐπὶ κατασκοπῇ τῶν γυναικῶν, ἀναβάντα δὲ ἐς δένδρον θεάσασθαι τὰ ποιούμενα· τὰς δέ, ὡς ἐφώρασαν, καθελκύσαι τε αὐτίκα Πενθέα καὶ ζῶντος ἀποσπᾶν ἄλλο ἄλλην τοῦ σώματος. ὕστερον δέ, ὡς Κορίνθιοι λέγουσιν, ἡ Πυθία χρᾷ σφισιν ἀνευρόντας τὸ δένδρον ἐκεῖνο ἴσα τῷ θεῷ³ σέβειν· καὶ ἀπʼ αὐτοῦ διὰ τόδε τὰς εἰκόνας πεποίηνται ταύτας.

이 목조상들에 관해 전해지는 이야기를 나 역시 기록하겠다. 디오니소스에게 무례를 범했던 펜테우스는 다른 대담한 일들을 저질렀고, 결국 여인들을 염탐하기 위해 키타이론 산으로 가서 나무에 올라가 행해지던 일을 훔쳐보았다고 한다. 여인들은 그를 발견하자마자 곧바로 펜테우스를 끌어내렸고, 살아 있는 동안 그의 몸을 각자 다른 부분씩 찢어발겼다. 그 후, 코린토스인들의 말에 따르면, 퓌티아의 무녀가 그들에게 신탁을 내려 그 나무를 찾아내어 신과 동등하게 숭배하라고 하였고, 이로 인해 그 나무로 이 상들을 만들게 되었다고 한다.

§2.2.8

ἔστι δὲ καὶ Τύχης ναός· ἄγαλμα ὀρθὸν Παρίου λίθου· παρὰ δὲ αὐτὸν θεοῖς πᾶσίν ἐστιν ἱερόν. πλησίον δὲ ᾠκοδόμηται κρήνη, καὶ Ποσειδῶν ἐπʼ αὐτῇ χαλκοῦς καὶ δελφὶς ὑπὸ τοῖς ποσίν ἐστι τοῦ Ποσειδῶνος ἀφιεὶς ὕδωρ. καὶ Ἀπόλλων ἐπίκλησιν Κλάριος χαλκοῦς ἐστι καὶ ἄγαλμα Ἀφροδίτης Ἑρμογένους Κυθηρίου ποιήσαντος. Ἑρμοῦ τέ ἐστιν ἀγάλματα χαλκοῦ μὲν καὶ ὀρθὰ ἀμφότερα, τῷ δὲ ἑτέρῳ καὶ ναὸς πεποίηται. τὰ δὲ τοῦ Διός, καὶ ταῦτα ὄντα ἐν ὑπαίθρῳ, τὸ μὲν ἐπίκλησιν οὐκ εἶχε, τὸν δὲ αὐτῶν Χθόνιον καὶ τὸν τρίτον καλοῦσιν Ὕψιστον.

또한 티케의 신전이 있는데, 파로스 대리석으로 된 서 있는 상이 있으며, 그 곁에는 모든 신들을 위한 성소가 있다. 그 근처에는 샘이 만들어져 있고, 그 위에는 청동 포세이돈이 있으며, 포세이돈의 발아래에 있는 돌고래가 물을 뿜어내고 있다. 또한 '클라리오스'라는 별칭을 가진 청동 아폴론이 있고, 키테라인 헤르모게네스가 만든 아프로디테의 상이 있다. 헤르메스의 상들도 있는데 둘 다 청동제이고 서 있으며, 그중 하나를 위해서는 신전도 지어져 있다. 제우스의 상들도 있는데, 이것들 역시 야외에 있으며, 하나는 별칭이 없지만 다른 상들 중 하나는 '크토니오스', 세 번째는 '힙시스토스'라 부른다.

구문 주해3건

2.2.2οὐκ ἂν οἶδʼ εἰ ζητοίη
οὐκ ἂν οἶδα("나는 알지 못할 것이다")와 간접 의문절 속에서 εἰ가 이끄는 잠재적 가능성의 희구법 ζητοίη가 결합한 관용적 표현으로, "에우멜로스의 시를 읽은 사람이라면 누구도 굳이 찾으려 하지 않을 것이다"라는 강한 회의를 나타낸다.
2.2.5ὡς ἀμφισβητεῖν σφᾶς
접속사 ὡς가 결과를 나타내는 ὥστε 대신 부정사 ἀμφισβητεῖν과 함께 쓰여 "~할 정도이다"라는 결과를 나타낸다. 대격 σφᾶς가 부정사의 의미상 주어로 쓰여 코린토스인들을 가리킨다.
2.2.7ἴσα τῷ θεῷ
중성 복수 대격인 ἴσα가 부사적으로 사용되어 여격 τῷ θεῷ와 함께 "신과 동등하게", "신과 마찬가지로"라는 의미를 나타낸다.

번역: Gemini 3.5 Flash (2026-05-25 공개)urn:cts:greekLit:tlg0525.tlg001.humanitext-grc2:2.2.1-2.2.8