스파르타의 헤일로테스 지배의 난점과 여성 방임의 폐해 — 아리스토텔레스 『정치학』 2권 1269b–1270a 그리스어 원문·한국어 번역

§2.1269b

καίπερ πολεμούσας ἀλλήλαις, μηδεμίαν εἶναι σύμμαχον τοῖς ἀφισταμένοις διὰ τὸ μὴ συμφέρειν ταῖς καὶ αὐταῖς κεκτημέναις περιοίκους,¹ τοῖς δὲ Λάκωσιν οἱ γειτνιῶντες ἐχθροὶ πάντες ἦσαν, Ἀργεῖοι καὶ Μεσήνιοι καὶ Ἀρκάδες· ἐπεὶ καὶ τοῖς Θετταλοῖς κατʼ ἀρχὰς ἀφίσταντο διὰ τὸ πολεμεῖν ἔτι τοῖς προσχώροις, Ἀχαιοῖς καὶ Περραιβοῖς καὶ Μάγνησιν. ἔοικε δὲ καὶ εἰ μηδὲν ἕτερον, ἀλλὰ τό γε τῆς ἐπιμελείας ἐργῶδες εἶναι,² τίνα δεῖ πρὸς αὐτοὺς ὁμιλῆσαι τρόπον· ἀνιέμενοί τε γὰρ ὑβρίζουσι καὶ τῶν ἴσων ἀξιοῦσιν ἑαυτοὺς τοῖς κυρίοις, καὶ κακοπαθῶς ζῶντες ἐπιβουλεύουσι καὶ μισοῦσιν. δῆλον οὖν ὡς οὐκ ἐξευρίσκουσι τὸν βέλτιστον τρόπον οἷς τοῦτο συμβαίνει περὶ τὴν εἱλωτείαν. ἔτι δʼ ἡ περὶ τὰς γυναῖκας ἄνεσις καὶ πρὸς τὴν προαίρεσιν τῆς πολιτείας βλαβερὰ καὶ πρὸς εὐδαιμονίαν πόλεως. ὥσπερ γὰρ οἰκίας μέρος ἀνὴρ καὶ γυνή, δῆλον ὅτι καὶ πόλιν ἐγγὺς τοῦ δίχα διῃρῆσθαι δεῖ νομίζειν εἴς τε τὸ τῶν ἀνδρῶν πλῆθος καὶ τὸ τῶν γυναικῶν, ὥστʼ ἐν ὅσαις πολιτείαις φαύλως ἔχει τὸ περὶ τὰς γυναῖκας, τὸ ἥμισυ τῆς πόλεως εἶναι δεῖ νομίζειν ἀνομοθέτητον. ὅπερ ἐκεῖ συμβέβηκεν· ὅλην γὰρ τὴν πόλιν ὁ νομοθέτης εἶναι βουλόμενος καρτερικήν, κατὰ μὲν τοὺς ἄνδρας φανερός ἐστι τοιοῦτος ὤν, ἐπὶ δὲ τῶν γυναικῶν ἐξημέληκεν· ζῶσι γὰρ ἀκολάστως πρὸς ἅπασαν ἀκολασίαν καὶ τρυφερῶς. ὥστʼ ἀναγκαῖον ἐν τῇ τοιαύτῃ πολιτείᾳ τιμᾶσθαι τὸν πλοῦτον, ἄλλως τε κἂν τύχωσι γυναικοκρατούμενοι, καθάπερ τὰ πολλὰ τῶν στρατιωτικῶν καὶ πολεμικῶν γενῶν, ἔξω Κελτῶν ἢ κἂν εἴ τινες ἕτεροι φανερῶς τετιμήκασι τὴν πρὸς τοὺς ἄρρενας συνουσίαν. ἔοικε γὰρ ὁ μυθολογήσας πρῶτος οὐκ ἀλόγως συζεῦξαι τὸν Ἄρην πρὸς τὴν Ἀφροδίτην· ἢ γὰρ πρὸς τὴν τῶν ἀρρένων ὁμιλίαν ἢ πρὸς τὴν τῶν γυναικῶν φαίνονται κατοκώχιμοι πάντες οἱ τοιοῦτοι. διὸ παρὰ τοῖς Λάκωσι τοῦθʼ ὑπῆρχεν, καὶ πολλὰ διῳκεῖτο ὑπὸ τῶν γυναικῶν ἐπὶ τῆς ἀρχῆς αὐτῶν. καίτοι τί διαφέρει γυναῖκας ἄρχειν ἢ τοὺς ἄρχοντας ὑπὸ τῶν γυναικῶν ἄρχεσθαι; ταὐτὸ γὰρ συμβαίνει. χρησίμου δʼ οὔσης τῆς θρασύτητος πρὸς οὐδὲν τῶν ἐγκυκλίων, ἀλλʼ εἴπερ, πρὸς τὸν πόλεμον, βλαβερώταται καὶ πρὸς ταῦθʼ αἱ τῶν Λακώνων ἦσαν. ἐδήλωσαν δʼ ἐπὶ τῆς τῶν Θηβαίων ἐμβολῆς· χρήσιμοι μὲν γὰρ οὐδὲν ἦσαν, ὥσπερ ἐν ἑτέραις πόλεσιν, θόρυβον δὲ παρεῖχον πλείω τῶν πολεμίων. ἐξ ἀρχῆς μὲν οὖν ἔοικε συμβεβηκέναι τοῖς Λάκωσιν εὐλόγως ἡ τῶν γυναικῶν ἄνεσις.

인접한 국가들은 비록 서로 전쟁을 벌이고 있었음에도 불구하고, 반란을 일으킨 자들과 동맹을 맺는 국가는 하나도 없었다. 왜냐하면 그들 자신도 페리오이코이들을 소유하고 있어서 그것이 그들에게 이롭지 않았기 때문이다. 반면에 라케다이몬인들에게는 인접한 이웃들이 모두 적이었다. 즉 아르고스인, 메세니아인, 아르카디아인이 그러했다. 실로 테살리아인들의 경우에도, 처음에 그들이 이웃하는 아카이아인, 페라이보이인, 마그네시아인들과 여전히 전쟁 중이었기 때문에 반란이 일어났다. 그리고 다른 아무런 어려움이 없다 하더라도, 적어도 그들을 대하는 방식에 대한 관리 그 자체는 까다로운 일인 것 같다. 왜냐하면 그들은 방임되면 오만해져서 주인들과 동등한 권리를 요구하지만, 비참하게 살아가면 음모를 꾸미고 미워하기 때문이다. 그러므로 헤일로테스 제도를 둘러싸고 이와 같은 상황에 처해 있는 자들은 가장 좋은 방법을 찾아내지 못했음이 분명하다. 게다가 여성에 대한 방임은 정체의 지향에도 해롭고 국가의 행복에도 해롭다. 왜냐하면 남편과 아내가 가정의 일부이듯이, 국가 또한 남성의 집단과 여성의 집단이라는 거의 둘로 나뉜 구조로 보아야 함이 분명하기 때문이다. 따라서 여성에 관한 일들이 나쁜 상태에 처해 있는 모든 정체에서는 국가의 절반이 법의 규율을 받지 못하고 방치되어 있다고 보아야 한다. 이것이 바로 그곳에서 일어난 일이다. 왜냐하면 입법자는 국가 전체가 강인해지기를 원하여 남성들에 대해서는 명백히 그렇게 만들었으나, 여성들에 대해서는 태만했기 때문이다. 그들은 모든 종류의 무절제와 사치 속에서 방종하게 살아가고 있다. 따라서 이와 같은 정체에서는 부가 숭상받는 일이 필연적이며, 특히 그들이 여성이 지배하는 상태에 놓이게 된다면 더욱 그러하다. 이는 켈트족이나 남성 간의 교제를 공공연히 숭상해 온 다른 종족들을 제외한, 대부분의 군사적이고 호전적인 종족들의 경우에 그러하다. 처음에 아레스를 아프로디테와 결합시킨 신화 작가는 터무니없는 생각을 한 것이 아닌 것 같다. 왜냐하면 이러한 군사적인 자들은 모두 남성과의 교제나 여성과의 교제 중 하나에 사로잡혀 있는 것처럼 보이기 때문이다. 그리하여 라케다이몬인들 사이에서도 이와 같은 상태가 존재했으며, 그들의 제국 시대에는 많은 일들이 여성들에 의해 처리되었다. 하지만 여성이 지배하는 것과, 지배자들이 여성에게 지배받는 것에 무슨 차이가 있겠는가? 결과는 똑같기 때문이다. 대담함은 일상의 어떤 일에도 쓸모가 없으며, 쓸모가 있다면 오직 전쟁뿐인데, 라케다이몬 여성들의 대담함은 전쟁에 대해서조차 극히 해로웠다. 그들은 테바이인들이 침입했을 때 이를 보여주었다. 그들은 다른 국가의 여성들과 달리 아무런 쓸모도 없었을 뿐만 아니라, 적들보다 더 큰 혼란을 일으켰기 때문이다. 그러므로 처음부터 라케다이몬인들에게 여성의 방임이 당연하게 발생한 것으로 보인다.

§2.1270a

ἔξω γὰρ τῆς οἰκείας διὰ τὰς στρατείας ἀπεξενοῦντο πολὺν χρόνον, πολεμοῦντες τόν τε πρὸς Ἀργείους πόλεμον καὶ πάλιν τὸν πρὸς Ἀρκάδας καὶ Μεσηνίους· σχολάσαντες δὲ αὑτοὺς μὲν παρεῖχον τῷ νομοθέτῃ προωδοπεποιημένους διὰ τὸν στρατιωτικὸν βίον (πολλὰ γὰρ ἔχει μέρη τῆς ἀρετῆς), τὰς δὲ γυναῖκάς φασι μὲν ἄγειν ἐπιχειρῆσαι τὸν Λυκοῦργον ὑπὸ τοὺς νόμους, ὡς δʼ ἀντέκρουον, ἀποστῆναι πάλιν. αἰτίαι μὲν οὖν εἰσιν αὗται τῶν γενομένων, ὥστε δῆλον ὅτι καὶ ταύτης τῆς ἁμαρτίας· ἀλλʼ ἡμεῖς οὐ τοῦτο σκοποῦμεν, τίνι δεῖ συγγνώμην ἔχειν ἢ μὴ ἔχειν, ἀλλὰ περὶ τοῦ ὀρθῶς καὶ μὴ ὀρθῶς. τὰ δὲ περὶ τὰς γυναῖκας ἔχοντα μὴ καλῶς ἔοικεν, ὥσπερ ἐλέχθη καὶ πρότερον, οὐ μόνον ἀπρέπειάν τινα ποιεῖν τῆς πολιτείας αὐτῆς καθʼ αὑτήν, ἀλλὰ συμβάλλεσθαί τι πρὸς τὴν φιλοχρηματίαν. μετὰ γὰρ τὰ νῦν ῥηθέντα τοῖς περὶ τὴν ἀνωμαλίαν³ τῆς κτήσεως ἐπιτιμήσειεν ἄν τις. τοῖς μὲν γὰρ αὐτῶν συμβέβηκε κεκτῆσθαι πολλὴν λίαν οὐσίαν, τοῖς δὲ πάμπαν μικράν· διόπερ εἰς ὀλίγους ἧκεν ἡ χώρα. τοῦτο δὲ καὶ διὰ τῶν νόμων τέτακται φαύλως· ὠνεῖσθαι μὲν γάρ, ἢ πωλεῖν τὴν ὑπάρχουσαν, ἐποίησεν οὐ καλόν, ὀρθῶς ποιήσας, διδόναι δὲ καὶ καταλείπειν ἐξουσίαν ἔδωκε τοῖς βουλομένοις· καίτοι ταὐτὸ συμβαίνειν ἀναγκαῖον ἐκείνως τε καὶ οὕτως. ἔστι δὲ καὶ τῶν γυναικῶν σχεδὸν τῆς πάσης χώρας τῶν πέντε μερῶν τὰ δύο, τῶν τʼ ἐπικλήρων πολλῶν γινομένων, καὶ διὰ τὸ προῖκας διδόναι μεγάλας. καίτοι βέλτιον ἦν μηδεμίαν ἢ ὀλίγην ἢ καὶ μετρίαν τετάχθαι. νῦν δʼ ἔξεστι δοῦναί τε τὴν ἐπίκληρον ὅτῳ ἂν βούληται, κἂν ἀποθάνῃ μὴ διαθέμενος, ὃν ἂν καταλίπῃ κληρονόμον, οὗτος ᾧ ἂν θέλῃ δίδωσιν.⁴ τοιγαροῦν δυναμένης τῆς χώρας χιλίους ἱππεῖς τρέφειν καὶ πεντακοσίους, καὶ ὁπλίτας τρισμυρίους, οὐδὲ χίλιοι τὸ πλῆθος ἦσαν. γέγονε δὲ διὰ τῶν ἔργων αὐτῶν δῆλον ὅτι φαύλως αὐτοῖς εἶχε τὰ περὶ τὴν τάξιν ταύτην· μίαν γὰρ πληγὴν οὐχ ὑπήνεγκεν ἡ πόλις, ἀλλʼ ἀπώλετο διὰ τὴν ὀλιγανθρωπίαν. λέγουσι δʼ ὡς ἐπὶ μὲν τῶν προτέρων βασιλέων μετεδίδοσαν τῆς πολιτείας, ὥστʼ οὐ γίνεσθαι τότε ὀλιγανθρωπίαν, πολεμούντων πολὺν χρόνον, καί φασιν εἶναί ποτε τοῖς Σπαρτιάταις καὶ μυρίους· οὐ μὴν ἀλλʼ, εἴτʼ ἐστὶν ἀληθῆ ταῦτα εἴτε μή, βέλτιον τὸ διὰ τῆς κτήσεως ὡμαλισμένης πληθύειν ἀνδρῶν τὴν πόλιν. ὑπεναντίος δὲ καὶ ὁ περὶ τὴν τεκνοποιίαν νόμος πρὸς ταύτην τὴν διόρθωσιν.

군사 원정으로 인해 그들은 오랫동안 타국에서 머물며 아르고스인과의 전쟁, 그리고 다시 아르카디아인 및 메세니아인과의 전쟁을 치렀다. 그리고 마침내 여가가 생겼을 때, 군대 생활(이 생활은 덕의 많은 부분을 포함하고 있다)을 통해 이미 준비를 마친 상태로 자신들을 입법자에게 내맡겼다. 그러나 여성들에 대해서는, 리쿠르고스가 그들을 법의 지배 하에 두려고 시도했으나 그들이 저항하자 포기하고 물러났다고 전해진다. 그러므로 이것들이 발생한 일들의 원인이며, 따라서 이 과실의 원인임도 분명하다. 하지만 우리는 누구를 용서해야 하고 누구를 용서하지 말아야 하는가를 검토하는 것이 아니라, 무엇이 옳고 무엇이 옳지 않은가를 검토하고 있다. 여성에 관한 일이 좋지 못한 상태에 있는 것은 앞서 언급한 바와 같이 정체 자체에 어떤 꼴사나움을 초래할 뿐만 아니라, 물질에 대한 탐욕에도 일정 부분 기여하는 것으로 보인다. 왜냐하면 방금 언급된 일들에 이어서 재산의 불평등에 관한 점들을 비난할 수 있을 것이기 때문이다. 그들 중 일부는 극히 많은 재산을 소유하게 된 반면, 다른 이들은 아주 적은 재산만을 가지게 되어 토지가 소수의 손에 넘어가게 되었다. 이 점 또한 법에 의해 잘못 규정되어 있다. 왜냐하면 기존의 토지를 사거나 파는 행위를 불명예스러운 일로 규정한 것은 올바르게 행한 일이지만, 원하는 사람에게 주거나 유증할 수 있는 권한을 부여했기 때문이다. 그러나 전자나 후자나 동일한 결과가 생길 수밖에 없다. 게다가 전체 토지의 거의 5분의 2가 여성들의 소유인데, 이는 여상속인이 많아진 점과 많은 지참금을 주는 관습 때문이다. 하지만 지참금을 아예 주지 않거나, 적게 주거나, 혹은 적당하게 주도록 규정하는 것이 더 좋았을 것이다. 그러나 지금은 여상속인을 자신이 원하는 누구에게나 줄 수 있으며, 만일 유언 없이 죽더라도 자신이 남겨둔 상속인이 원하는 사람에게 이를 준다. 그리하여 그 영토가 천오백 명의 기병과 삼만 명의 중장보병을 부양할 수 있는 능력이 있었음에도 불구하고, 그들의 수는 천 명조차 되지 않았다. 그리고 이 조직에 관한 일이 그들에게 나쁜 상태였다는 점은 사실 자체를 통해 명백해졌다. 왜냐하면 그 국가는 단 한 번의 타격도 견디지 못하고 인구 감소로 인해 멸망했기 때문이다. 그들은 이전 왕들의 시대에는 시민권을 나누어 주었기에 장기간 전쟁을 치렀음에도 인구 감소가 일어나지 않았으며, 스파르타인들이 한때 만 명에 달했다고 말한다. 하지만 이것이 사실이든 아니든, 재산이 평등해짐으로써 국가의 인구를 늘리는 것이 더 좋은 일이다. 그리고 출산에 관한 법률 또한 이러한 시정 조치에 역행하고 있다.

구문 주해4건

1269bταῖς καὶ αὐταῖς κεκτημέναις περιοίκους
여격 관사 ταῖς 및 이와 일치하는 분사 κεκτημέναις는 앞서 언급된 여성 명사 πόλεις(국가들)를 가리키며, 비인칭 동사의 부정사 συμφέρειν 뒤에서 의미상의 주어 역할을 한다. περιοίκους는 분사의 대격 목적어이다. καὶ αὐταῖς는 '그들 자신 또한'이라는 강조를 나타낸다.
1269b5ἔοικε δὲ καὶ εἰ μηδὲν ἕτερον, ἀλλὰ τό γε τῆς ἐπιμελείας ἐργῶδες εἶναι
주동사 ἔοικε(인 것 같다)는 대격 부정사구인 τό γε... ἐργῶδες εἶναι(관리 그 자체가 까다로운 일이라는 점)를 이끈다. 삽입구인 εἰ μηδὲν ἕτερον은 '만일 다른 아무런 어려움이 없다 하더라도'를 뜻하는 조건절의 생략형 관용 표현이다.
1270a15τοῖς περὶ τὴν ἀνωμαλίαν
여격구 τοῖς περὶ τὴν ἀνωμαλίαν은 바로 앞의 전치사 μετὰ가 아니라 뒤따르는 동사 ἐπιτιμήσειεν ἄν(비난하다, 여격 지배)의 여격 목적어에 걸린다. μετὰ γὰρ τὰ νῦν ῥηθέντα(방금 언급된 것들 뒤에)라는 부사구가 삽입되어 있어 격의 지배 관계를 오인하기 쉬우므로 주의해야 한다.
1270a25ὃν ἂν καταλίπῃ κληρονόμον, οὗτος ᾧ ἂν θέλῃ δίδωσιν
관계대명사 ὃν 뒤의 선행사가 관계절 내의 보어 κληρονόμον으로 끌려들어간 형태(선행사의 인입)이다. 이 관계절 전체('상속인으로 남겨진 자')가 주절의 지시대명사 οὗτος가 가리키는 대상이 되며, 주절의 주어 역할을 수행한다.

번역: Gemini 3.5 Flash (2026-05-22 공개) · 수정 이력 (1건, 최근 2026-09-21)

2026-09-21 AI 교열 — 주석 1건

urn:cts:greekLit:tlg0086.tlg035.humanitext-grc2:2.1269b-2.1270a