셀레우코스의 수공과 에우메네스의 수시아나 진입 — 디오도로스 시켈로스 『역사총서』 19권 19.13.1–19.13.7 그리스어 원문·한국어 번역

§19.13.1

ταῦτα δὲ προσαγαγόντες πρὸς τὴν ἔκβασιν πάλιν ἐπεχείρουν τοὺς Μακεδόνας πείθειν ἀποστῆσαι τὸν Εὐμενῆ τῆς στρατηγίας καὶ μὴ προάγειν καθʼ αὑτῶν¹ ἄνδρα ξένον καὶ πλείστους Μακεδόνας ἀνῃρηκότα.

그들은 이 배들을 상륙지에 대고, 마케도니아인들을 다시 설득하여 에우메네스를 지휘권에서 해임하고, 이방인이자 매우 많은 마케도니아인들을 죽인 자를 자신들 위에 지도자로 받들어 나아가지 말라고 설득하려 했다.

§19.13.2

οὐδενὶ δὲ τρόπῳ τῶν περὶ τὸν Ἀντιγένη πειθομένων² οἱ περὶ Σέλευκον προσπλεύσαντες πρός τινα διώρυγα παλαιὰν ἀνέρρηξαν τὴν ἀρχὴν αὐτῆς, ὑπὸ τοῦ χρόνου συγκεχωσμένην. περικλυσθείσης δὲ τῆς τῶν Μακεδόνων στρατοπεδείας καὶ πάντῃ τοῦ συνεχοῦς τόπου λιμνάσαντος ἐκινδύνευσεν ἅπαν ἀπολέσθαι τὸ στρατόπεδον ὑπὸ τῆς πλήμης.

그러나 안티게네스 일파가 전혀 설득되지 않자, 셀레우코스 일파는 배를 타고 어떤 오래된 운하로 다가가, 오랜 세월로 인해 메워져 있던 그 입구를 터뜨렸다. 마케도니아 진영 주변이 침수되고 인접한 땅 전체가 연못처럼 변하자, 온 군대가 홍수로 인해 멸망할 위험에 처했다.

§19.13.3

ἐκείνην μὲν οὖν τὴν ἡμέραν ἔμειναν ἐφʼ ἡσυχίας, ἀπορούμενοι πῶς χρηστέον τοῖς πράγμασι· τῇ δʼ ὑστεραίᾳ παραστησάμενοι τὰ κοντωτὰ πλοῖα, περὶ τριακόσια τὸν ἀριθμὸν ὄντα, διεβίβασαν τὸ κράτιστον τῆς δυνάμεως οὐδενὸς παρενοχλοῦντος κατὰ τὴν ἔκβασιν· οἱ γὰρ περὶ Σέλευκον ἱππεῖς μόνον εἶχον καὶ τούτους πολὺ τοῖς ἀριθμοῖς λειπομένους τῶν ἐναντίων.

그리하여 그날 하루 동안은 사태를 어떻게 다루어야 할지 대책을 세우지 못한 채 조용히 머물렀다. 그러나 이튿날, 그들은 그 수가 약 300척에 달하는 상판선들을 준비하여, 상륙할 때 아무런 방해도 받지 않고 군대의 정예 부대를 건너가게 했다. 왜냐하면 셀레우코스 일파는 기병밖에 없었고, 그 기병들마저 수적으로 적에 비해 훨씬 열세였기 때문이다.

§19.13.4

νυκτὸς δὲ ἤδη καταλαμβανούσης Εὐμενὴς μὲν ἀγωνιῶν ὑπὲρ τῆς ἀποσκευῆς πάλιν εἰς τοὐπίσω διεβίβασε τοὺς Μακεδόνας, εἰσηγησαμένου δέ τινος τῶν ἐγχωρίων ἐπεβάλετό τινα τόπον ἀνακαθαίρειν, διʼ οὑ ῥᾴδιον ἦν ἀποστρέψαι τὴν διώρυγα καὶ βάσιμον κατασκευάσαι τὴν πλησίον χώραν.

이미 밤이 다가오고 있었으므로, 에우메네스는 보급품과 비전투원들의 안전을 염려하여 마케도니아인들을 다시 뒤로 건너가게 했다. 그러나 현지인 중 한 명의 제안에 따라 그는 어떤 곳을 준설하는 작업에 착수했는데, 그곳을 통하면 운하의 물길을 돌리고 근처의 땅을 걸어서 건널 수 있게 만들기가 쉬웠기 때문이다.

§19.13.5

ἃ δὴ συνιδόντες οἱ περὶ Σέλευκον καὶ βουλόμενοι τὴν ταχίστην αὐτοὺς ἐκ τῆς ἰδίας σατραπείας ἀπαλλάξαι πρέσβεις ἀπέστειλαν ὑπὲρ ἀνοχῶν, συγχωρήσαντες τὴν διάβασιν. εὐθὺ δὲ καὶ βυβλιαφόρους ἀπέστειλαν πρὸς Ἀντίγονον εἰς Μεσοποταμίαν, ἀξιοῦντες ἥκειν τὴν ταχίστην μετὰ τῆς δυνάμεως, πρὶν ἢ καταβῆναι τοὺς σατράπας μετὰ τῶν δυνάμεων.

이를 알아차린 셀레우코스 일파는 그들을 자신들의 사트라프령에서 하루빨리 떠나보내고 싶어 휴전을 위한 사절을 보내고 도하를 허용했다. 그리고 곧바로 메조포타미아에 있는 안티고노스에게도 서신을 전하는 전령을 보내, 사트라프들이 군대를 거느리고 내려오기 전에 가능한 한 빨리 군대를 이끌고 올 것을 요구했다.

§19.13.6

Εὐμενὴς δὲ διαβὰς τὸν Τίγριν καὶ παραγενόμενος εἰς τὴν Σουσιανὴν εἰς τρία μέρη διεῖλε τὴν δύναμιν διὰ τὴν τοῦ σίτου σπάνιν. ἐπιπορευόμενος δὲ τὴν χώραν κατὰ μέρος σίτου μὲν παντελῶς ἐσπάνιζεν, ὄρυζαν δὲ καὶ σήσαμον καὶ φοίνικα διέδωκε τοῖς στρατιώταις, δαψιλῶς ἐχούσης τῆς χώρας τοὺς τοιούτους καρπούς.

에우메네스는 티그리스강을 건너 수시아나에 이르러, 식량 부족 때문에 군대를 세 부분으로 나누었다. 그 지역을 차례로 이동하는 동안 식량은 완전히 부족했으나, 군인들에게 쌀과 참깨와 대추야자를 나누어 주었는데, 그 지역에는 그러한 농작물이 풍부했기 때문이다.

§19.13.7

πρὸς δὲ τοὺς ἐν ταῖς ἄνω σατραπείαις ἡγεμόνας ἦν μὲν καὶ πρότερον ἀπεσταλκὼς³ τὰς παρὰ τῶν βασιλέων ἐπιστολάς, ἐν αἷς ἦν γεγραμμένον πάντα πειθαρχεῖν Εὐμενεῖ, καὶ τότε δὲ βυβλιαφόρους ἀπέστειλεν, ἀξιῶν ἀπαντᾶν εἰς τὴν Σουσιανὴν ἅπαντας μετὰ τῶν ἰδίων δυνάμεων, καθʼ ὃν δὴ χρόνον συνέβη κἀκείνους ἠθροικέναι τὰ στρατόπεδα καὶ συνδεδραμηκέναι πρὸς ἀλλήλους διʼ ἑτέρας αἰτίας, ὑπὲρ ὧν ἀναγκαῖον προειπεῖν.

내륙 사트라프령의 지휘관들에게는 그가 이전에도 이미 왕들의 서신을 보낸 바 있었는데, 그 안에는 모든 일에서 에우메네스에게 복종하라고 기록되어 있었다. 그리고 이때에도 그는 편지를 전하는 전령을 보내, 모든 이가 각자의 군대를 거느리고 수시아나로 와서 합류할 것을 요구했다. 마침 그 무렵 그들 역시 다른 이유로 군대를 모아 서로에게로 달려가고 있었는데, 그 이유에 대해서는 미리 설명해 둘 필요가 있다.

구문 주해3건

19.13.1καθʼ αὑτῶν
동사 προάγειν(승진시키다, 이끌다)과 결합한 전치사구 καθʼ αὑτῶν은 '그들 자신에 대항하여'라는 적대적인 의미보다는 문맥상 '그들 자신 위에(지도자로서)'라는 뜻으로 해석하는 것이 더 자연스럽다.
19.13.2οὐδενὶ δὲ τρόπῳ τῶν περὶ τὸν Ἀντιγένη πειθομένων
속격 독립 구문. 분사 πειθομένων의 주어는 τῶν περὶ τὸν Ἀντιγένη(안티게네스와 그의 부하들)이며, '안티게네스 일파가 전혀 설득되지 않았기 때문에'라는 이유를 나타낸다.
19.13.7ἦν μὲν καὶ πρότερον ἀπεσταλκὼς
미완료 과거 조동사 ἦν과 완료 능동 분사 ἀπεσταλκὼς(ἀποστέλλω에서 유래)가 결합한 우회적 과거완료 구조로, 본문 서술 시점 이전에 이미 완료된 과거의 상태를 나타낸다.

번역: Gemini 3.5 Flash (2026-05-25 공개)urn:cts:greekLit:tlg0060.tlg001.humanitext-grc6:19.13.1-19.13.7