东方希腊定居者的叛乱与皮松的镇压｜西西里的狄奥多罗斯《历史丛书》第十八卷 18.7.1–18.7.9 希腊语原文·中文译文

§18.7.1

οἱ δʼ ἐν ταῖς ἄνω καλουμέναις σατραπείαις κατοικισθέντες Ἕλληνες ὑπʼ Ἀλεξάνδρου, ποθοῦντες μὲν τὴν Ἑλληνικὴν ἀγωγὴν καὶ δίαιταν, ἐν δὲ ταῖς ἐσχατιαῖς τῆς βασιλείας ἐξερριμμένοι,¹ ζῶντος μὲν τοῦ βασιλέως ὑπέμενον διὰ τὸν φόβον, τελευτήσαντος δὲ ἀπέστησαν.

被亚历山大安置在所谓上游行省的希腊人，渴望希腊式的教育和生活方式，并对被抛弃在王国的边疆感到不满，在国王在世时因恐惧而忍耐，但当他去世时，他们便发动了叛乱。

§18.7.2

συμφρονήσαντες δὲ καὶ ἑλόμενοι στρατηγὸν Φίλωνα τὸν Αἰνιᾶνα δύναμιν ἀξιόλογον συνεστήσαντο. πεζοὺς μὲν γὰρ εἶχον πλείους τῶν δισμυρίων, ἱππεῖς δὲ τρισχιλίους, πάντας δὲ τῶν κατὰ τὸν πόλεμον ἀγώνων πολλάκις πεῖραν εἰληφότας καὶ διαφόρους ταῖς ἀνδραγαθίαις.

他们达成共识，选举艾尼亚尼亚人菲隆为将军，组织起了一支相当规模的军队。因为他们拥有两万多步兵和三千骑兵，所有这些人都在战争中经历过多次战斗，且因其英勇而杰出。

§18.7.3

Περδίκκας δὲ πυθόμενος τὴν τῶν Ἑλλήνων ἀπόστασιν ἐκλήρωσεν ἐκ τῶν Μακεδόνων πεζοὺς μὲν τρισχιλίους, ἱππεῖς δὲ ὀκτακοσίους. τοῦ δὲ πλήθους ἑλόμενος στρατηγὸν Πίθωνα τὸν σωματοφύλακα μὲν Ἀλεξάνδρου γεγονότα, φρονήματος δὲ πλήρη καὶ δυνάμενον στρατηγεῖν παρέδωκε τούτῳ τοὺς ἀποκληρωθέντας. δοὺς δʼ αὐτῷ πρὸς τοὺς σατράπας ἐπιστολὰς, ἐν αἷς γεγραμμένον ἦν² στρατιώτας δοῦναι τῷ Πίθωνι μυρίους μὲν πεζούς, ἱππεῖς δὲ ὀκτακισχιλίους, ἐξαπέστειλεν ἐπὶ τοὺς ἀποστάντας.

佩尔迪卡斯得知希腊人的叛乱后，从马其顿人中抽签选出三千步兵和八百骑兵。他挑选了曾任亚历山大近卫军、胸怀大志且具有指挥能力的皮松担任这支军队的将军，并将抽签选出的人交给了他。他给了他写给各行省总督的信件，信中写明要提供给皮松一万步兵和八千骑兵，然后将他派遣去对付叛乱者。

§18.7.4

ὁ δὲ Πίθων μεγαλεπίβολος ὢν ἀσμένως ὑπήκουσεν εἰς τὴν στρατείαν, διανοούμενος τοὺς μὲν Ἕλληνας ταῖς φιλανθρωπίαις προσάγεσθαι, τὴν δὲ δύναμιν τῇ τούτων συμμαχίᾳ μεγάλην ποιήσας ἰδιοπραγεῖν καὶ τῶν ἄνω σατραπειῶν δυναστεύειν.³

而皮松由于野心勃勃，便欣然接受了这次远征，企图通过宽大政策将希腊人争取到自己一边，并利用与他们的同盟壮大自己的势力，从而独立行动并统治上游行省。

§18.7.5

ὁ δὲ Περδίκκας ὑφορώμενος αὐτοῦ τὴν ἐπιβολήν διεκελεύσατο καταπολεμήσαντα τοὺς ἀφεστηκότας ἅπαντας ἀποκτεῖναι καὶ τὰ λάφυρα διαδοῦναι τοῖς στρατιώταις. ὁ δὲ Πίθων ἀναζεύξας μετὰ τῶν δεδομένων αὐτῷ στρατιωτῶν καὶ παρὰ τῶν σατραπῶν προσλαβόμενος τοὺς συμμάχους ἧκεν μετὰ πάσης τῆς δυνάμεως ἐπὶ τοὺς ἀφεστηκότας. διὰ δέ τινος Αἰνιᾶνος διαφθείρας Λητόδωρον, ἐπὶ τρισχιλίων στρατιωτῶν παρὰ τοῖς ἀποστάταις τεταγμένον, τοῖς ὅλοις προετέρησε.

但佩尔迪卡斯怀疑他的企图，便下令要求他在打败叛乱者后将他们全部杀死，并将战利品分发给士兵。皮松与交托给他的士兵一起出发，并从各行省总督处补充了盟军，率领全军来到了叛乱者面前。他通过一个艾尼亚尼亚人收买了在叛乱者中指挥三千士兵的莱托多罗斯，从而在全局上占了上风。

§18.7.6

γινομένης γὰρ τῆς παρατάξεως καὶ τῆς νίκης ἀμφιδοξουμένης ὁ προδότης ἐγκαταλιπὼν τοὺς συμμάχους ἀλόγως ἀπῆλθεν ἐπί τινα λόφον, ἔχων τρισχιλίους. οἱ δʼ ἄλλοι δόξαντες τούτους πρὸς φυγὴν ὡρμηκέναι διεταράχθησαν καὶ τραπέντες ἔφυγον.

因为当阵势排开、胜负未分之时，那个叛徒抛弃了盟友，毫无道理地率领三千人退到了一座山丘上。其他人以为这些人开始逃跑，便陷入混乱，溃败而逃。

§18.7.7

ὁ δὲ Πίθων νικήσας τῇ μάχῃ διεκηρύξατο πρὸς τοὺς ἡττημένους, κελεύων τὰ μὲν ὅπλα καταθέσθαι, αὐτοὺς δὲ τὰ πιστὰ λαβόντας ἐπὶ τὰς ἰδίας κατοικίας ἀναχωρῆσαι.

皮松在战斗中获胜后，向被击败的人派出使者宣告，要求他们放下武器，并在获得安全保证后返回各自的居留地。

§18.7.8

γενομένων δʼ ἐπὶ τούτοις ὅρκων καὶ τῶν Ἑλλήνων ἀναμιχθέντων⁴ τοῖς Μακεδόσιν ὁ μὲν Πίθων περιχαρὴς ἦν, κατὰ νοῦν αὐτῷ προχωρούντων τῶν πραγμάτων, οἱ δὲ Μακεδόνες μνησθέντες μὲν τῆς τοῦ Περδίκκου παραγγελίας, οὐδὲν δὲ φροντίσαντες τῶν γεγενημένων ὅρκων παρεσπόνδησαν τοὺς Ἕλληνας.

在这些条件上达成誓约、希腊人与马其顿人混合之后，皮松因事情按照他的意愿进行而非常高兴；但马其顿人记起了佩尔迪卡斯的命令，完全不顾已经达成的誓约，背叛了与希腊人的协定。

§18.7.9

ἀπροσδοκήτως γὰρ αὐτοῖς ἐπιθέμενοι καὶ λαβόντες ἀφυλάκτους ἅπαντας κατηκόντισαν καὶ τὰ χρήματα διήρπασαν. ὁ μὲν οὖν Πίθων διαψευσθεὶς τῶν ἐλπίδων ἀπῆλθε μετὰ τῶν Μακεδόνων πρὸς τὸν Περδίκκαν. καὶ τὰ μὲν κατὰ τὴν Ἀσίαν ἐν τούτοις ἦν.

因为他们出乎意料地袭击了希腊人，趁着所有人毫无防备，用标枪将他们全部刺死，并抢夺了财物。因此，皮松的希望落空了，他与马其顿人一起回到了佩尔迪卡斯那里。亚洲的事态便是如此。

语法注4 条

18.7.1ποθοῦντες μὲν... ἐξερριμμένοι
主动态现在分词 ποθοῦντες（渴望）与被动态完成分词 ἐξερριμμένοι（被抛弃）共同修饰主语 Ἕλληνες。通过 μὲν... δέ... 的对比，将他们内心的渴望与客观上的不幸境遇并列呈现。
18.7.3γεγραμμένον ἦν
由中性单数完成分词 γεγραμμένον 与未完成过去时 ἦν 构成的无人称迂回表达，意为“（信中）写着……”。该结构以对格加不定式结构（στρατιώτας δοῦναι）作为其实质主语。
18.7.4ἰδιοπραγεῖν καὶ ... δυναστεύειν
作为分词 διανοούμενος（意图、企图）宾语的不定式短语，描述了皮松计划采取的行动：独立行动以及统治上游行省。
18.7.8γενομένων δʼ ἐπὶ τούτοις ὅρκων καὶ τῶν Ἑλλήνων ἀναμιχθέντων
两个属格独立结构（γενομένων... ὅρκων 和 τῶν Ἑλλήνων ἀναμιχθέντων）由 καί 连接，同时描述了主句动作发生的前提背景（盟誓的达成，以及希腊人与马其顿人的融合）。

翻译：Gemini 3.5 Flash（2026-05-25 发布）urn:cts:greekLit:tlg0060.tlg001.humanitext-grc6:18.7.1-18.7.9