직장 탈출증의 정복 고정법과 외용 처방 — 히포크라테스 『치루에 관하여』 제9–10장 그리스어 원문·한국어 번역

§9

9. Ἢν δὲ ὁ ἀρχὸς ἐκπίπτῃ, ἀνώσας σπόγγῳ μαλθακῷ, καὶ καταχρίσας κοχλίῃ, τῶν χειρῶν δήσας,¹ ἐκκρέμασον ὀλίγον χρόνον, καὶ εἴσεισιν. Ἢν δὲ μεῖζον ἐκπέσῃ καὶ μὴ μένῃ ἔνδον, διαζώσας ἐν τῇσι λαγόσι, καὶ ὑφεὶς ὄπισθεν ἐκ τοῦ διαζώματος ταινίην, ὤσας ἔσω τὸν ἀρχὸν, προσθεῖναι σπόγγον μαλθακὸν βρέξας ὕδατι θερμῷ, ἐνεψήσας² λωτοῦ πρίσματα· καταχέαι δὲ καὶ κατὰ τοῦ ἀρχοῦ ἀπ’ αὐτοῦ τοῦ ὕδατος, τὸν δὲ σπόγγον ἐκπιέσαι· ἔπειτα ὑποτείνας τὴν ταινίην διὰ μέσων τῶν σκελέων, ἀναδῆσαι περὶ τὸν ὀμφαλόν. Ὅταν δὲ θέλῃ ἀφοδεύειν, ἐπὶ λασάνοισιν ὡς στενοτάτοισιν ἀφοδευέτω· ἢν δὲ παιδίον ᾖ, ἐπὶ γυναικὸς τῶν ποδῶν, πρὸς τὰ γούνατα προσκλιθείς. Ὅταν δὲ ἀφοδεύῃ, τὰ σκέλεα ἐκτεινάτω· οὕτω γὰρ ἂν ἥκιστα ἐκπίπτοι³ ἡ ἕδρη. Ἢν δὲ ὑγραίνηται ὁ ἀρχὸς, καὶ ἰχὼρ ἀποῤῥέῃ, περινίψαι τρυγὶ κεκαυμένῃ καὶ ὕδατι ἀπὸ μυρσίνης, καὶ ἀδίαντον ξηρήνας καὶ κόψας, διασήσας, κατάπασσε. Ἢν δὲ αἱμοῤῥοῇ, περινίψας τοῖσιν αὐτοῖσι, χαλκῖτιν καὶ πρίσμα κυπαρίσσου ἢ κέδρου ἢ πίτυος ἢ τερμίνθου τρίψας, συμμίξας τῇ χαλκίτιδι ἴσον, καταπλάσσειν, τὰ ἔξωθεν δὲ κηρωτῇ παχείῃ περιαλείφειν. Ὁκόταν ἀρχὸς ἐκπίπτῃ καὶ μὴ θέλῃ κατὰ χώρην μένειν, σίλφιον ὅτι ἄριστον καὶ πυκνότατον ξύσας λεπτὸν καταπλάσσειν. Καὶ τοῦ πταρμικοῦ φαρμάκου πρὸς τὴν ῥῖνα προστιθέναι καὶ παροξύνειν τὸν ἄνθρωπον. Ἢ ὕδατι θερμῷ περιπλύνας σίδια, καὶ στυπτηρίην τρίψας ἐν οἴνῳ λευκῷ, καταχέαι τοῦ ἀρχοῦ, ἔπειτα ῥάκεα ἐμβαλεῖν, καὶ τοὺς μηροὺς ξυνδῆσαι ἡμέρας τρεῖς, καὶ νηστευέτω, οἶνον δὲ πινέτω γλυκύν. Ἢν δὲ μηδὲ οὕτω διαχωρέῃ, μίλτον μίξας ὁμοῦ μέλιτι διαχριέτω. Ἀρχὸς ἢν ἐκπίπτῃ καὶ αἱμοῤῥοῇ· ἄρου ῥίζης περιελὼν τὸν φλοιὸν, ἑψεῖν ἐν ὕδατι· ἔπειτα τρίβειν ἄλητον ξυμμίσγων, καὶ καταπλάσσειν θερμόν. Ἄλλο· τῆς ἀμπέλου τῆς ἀγρίης, ἣν ἔνιοι καλέουσι ψιλώθριον, ταύτης τὰς ῥίζας τὰς ἀπαλωτάτας περιξέσαντα ἑψῆσαι ἐν οἴνῳ μέλανι ἀκρήτῳ αὐστηρῷ· ἔπειτα τρίψαντα καταπλάσσειν χλιηρόν· ξυμμίσγειν δὲ καὶ ἄλευρα, καὶ φυρῇν ἐν οἴνῳ λευκῷ καὶ ἐλαίῳ χλιηρῶς. Ἄλλο· κωνείου καρπὸν τρίβοντα, παραστάζειν οἶνον λευκὸν εὐώδεα, ἔπειτα καταπλάσσειν χλιηρόν. Ἢν δὲ φλεγμαίνῃ, κισσοῦ ῥίζαν ἑψήσας ἐν ὕδατι, τρίψας λεῖον, ἄλευρον ξυμμίσγων ὡς κάλλιστον, ἐν οἴνῳ λευκῷ φυρήσας, καταπλάσσειν, καὶ ἄλειφα πρὸς τούτοις ξυμμίξας. Ἄλλο· μανδραγόρου ῥίζαν μάλιστα μὲν χλωρὴν, εἰ δὲ μὴ, ξηρὴν, τὴν μὲν οὖν χλωρὴν ἀποπλύναντα καὶ ταμόντα, ἑψῆσαι ἐν οἴνῳ κεκρημένῳ, καὶ καταπλάσσειν· τὴν δέ γε ξηρὴν τρίψαντα καταπλάσσειν ὁμοίως. Ἄλλο· σικύου πέπονος τὸ ἔνδον τρίψας λεῖον καταπλάσσειν.

9. 만약 직장이 탈출한다면 부드러운 해면으로 밀어 올리고 달팽이 즙을 바른 뒤, 양손을 묶고 잠시 동안 매달아 두어라. 그러면 들어갈 것이다. 만약 더 크게 탈출하여 안쪽에 머무르지 않는다면, 옆구리에 띠를 두르고 뒤쪽에서 그 띠 아래로 끈을 통과시킨 뒤, 직장을 안으로 밀어 넣고 로터스 나무톱밥을 넣고 달인 따뜻한 물에 적신 부드러운 해면을 대어 주어라. 그리고 그 따뜻한 물을 직장 위로 부어 주고 해면을 짜내라. 그런 다음 끈을 두 다리 사이로 당겨 배꼽 주위에 묶어라. 배변을 하고 싶어 할 때는 가능한 한 폭이 좁은 변기 위에서 배변하게 하라. 만약 아이라면 여인의 다리 위에, 그녀의 무릎에 기대어 선 채로 배변하게 하라. 배변할 때는 다리를 뻗게 하라. 그렇게 하면 항문이 탈출할 가능성이 가장 적기 때문이다. 만약 직장이 축축하고 분비물이 흘러내린다면, 태운 와인 침전물과 은매화 우린 물로 주변을 씻어 내고, 공작고사리를 말려서 빻고 체로 쳐서 뿌려라. 만약 피가 흐른다면 같은 것들로 주변을 씻어 내고, 황동석과 편백, 백향목, 소나무, 또는 테레빈나무의 톱밥을 빻아 황동석과 동량을 섞어 찜질하고, 외부는 두꺼운 밀랍 연고를 발라라. 직장이 탈출하여 제자리에 머무르려 하지 않을 때는 가장 좋고 단단한 실피온을 얇게 긁어내어 찜질하라. 그리고 재채기약을 코에 대어 환자를 자극하라. 혹은 따뜻한 물로 석류 껍질을 씻고, 백와인에 백반을 갈아 직장에 부은 다음 천 조각을 집어넣고, 사흘 동안 허벅지를 묶어 두며, 환자는 굶기고 단 와인을 마시게 하라. 만약 이렇게 해도 들어가지 않는다면 대자석을 꿀과 섞어 발라라. 직장이 탈출하고 피가 흐를 때: 알룸 뿌리의 껍질을 벗겨 물에 달여라. 그런 다음 가루를 섞으며 빻아 따뜻할 때 찜질하라. 다른 방법: 어떤 이들이 프실로트리온이라 부르는 야생 포도나무, 이것의 가장 부드러운 뿌리 껍질을 긁어내어 물을 타지 않은 떫은 적와인에 달여라. 그런 다음 빻아서 미온 상태로 찜질하라. 밀가루도 섞고, 백와인과 기름으로 미온 상태가 되도록 반죽하라. 다른 방법: 독미나리 열매를 빻으면서 향기로운 백와인을 떨어뜨린 다음, 미온 상태로 찜질하라. 만약 염증이 있다면 담쟁이덩굴 뿌리를 물에 달여 곱게 빻고, 가장 좋은 밀가루를 섞어 백와인에 반죽하여 찜질하며, 여기에 연고를 더해 섞어라. 다른 방법: 맨드레이크 뿌리, 가급적이면 생것을 쓰되 없으면 말린 것을 쓰라. 생것은 씻어서 자른 뒤 물을 탄 와인에 달여 찜질하고, 말린 것은 빻아서 마찬가지로 찜질하라. 다른 방법: 익은 오이의 속을 곱게 빻아 찜질하라.

§10

10. Ἢν δὲ γένηται ὀδύνη καὶ μὴ φλεγμήνῃ, λίτρον ὀπτήσας ἐρυθρὸν, καὶ τρίψας λεῖον, καὶ στυπτηρίην, καὶ ἅλας φώξας, καὶ τρίψας λείους, συμμίξαι ἴσον ἑκάστου· εἶτα πίσσῃ ξυμμίξας ὡς βελτίστῃ, ἐς ῥάκος ἐναλείψας, ἐντιθέναι καὶ καταδεῖν. Ἄλλο· καππάριος φύλλα χλωρὰ τρίψας, ἐς μαρσίπιον ἐμβαλὼν, προσκαταδεῖν· καὶ ἐπὴν καίειν δοκέῃ, ἀφαιρέειν καὶ αὖθις προστιθέναι. Ἢν δὲ μὴ ᾖ φύλλα καππάριος, τὸν φλοιὸν τῆς ῥίζης κόψας, φυρήσας οἴνῳ μέλανι, τὸν αὐτὸν τρόπον καταδεῖν. Τοῦτο καὶ πρὸς σπληνῶν ὀδύνην ἀγαθόν. Τούτων τῶν καταπλασμάτων δύναται τὰ μὲν ψύχοντα κωλύειν ῥεῖν, τὰ δὲ μαλθάσσοντα καὶ θερμαίνοντα διαχεῖν, τὰ δὲ ἐς ἑωυτὰ ἕλκοντα ξηραίνειν καὶ ἰσχναίνειν. Τοῦτο δὲ τὸ νούσημα γίνεται, ὅταν χολὴ καὶ φλέγμα ἐς τοὺς τόπους καταστηρίξῃ. Ἀρχοῦ δὲ φλεγμήναντος, διαχρίειν τῷ φαρμάκῳ, ὅπη ἡ ῥητίνη καὶ τὸ ἔλαιον καὶ ὁ κηρὸς καὶ ἡ μολύβδαινα καὶ τὸ στέαρ· ὡς θερμότατα διεῤῥήθησαν⁴ καταπλάττεσθαι.

10. 만약 통증이 생기고 염증은 없다면, 붉은 천연탄산소다를 굽고 곱게 빻은 것, 백반, 그리고 볶은 소금을 곱게 빻은 것을 각각 동량씩 섞어라. 그런 다음 가장 좋은 타르에 섞어 천 조각에 바르고 안으로 집어넣어 묶어라. 다른 방법: 케이퍼의 생잎을 빻아 작은 주머니에 넣고 묶어 두어라. 그리고 타는 듯한 느낌이 들면 떼어내었다가 다시 대어 주어라. 만약 케이퍼 잎이 없다면 뿌리 껍질을 짓찧어 적와인에 반죽하여 같은 방식으로 묶어 두어라. 이것은 비장의 통증에도 좋다. 이러한 찜질 약들 중에서 어떤 것은 차갑게 함으로써 분비물이 흐르는 것을 막을 수 있고, 어떤 것은 부드럽게 하고 따뜻하게 함으로써 흩어지게 할 수 있으며, 어떤 것은 스스로에게로 끌어당김으로써 말리고 수축시킬 수 있다. 이 질환은 담즙과 점액이 해당 부위에 내려앉을 때 발생한다. 직장이 염증을 일으켰을 때는 수지, 기름, 밀랍, 일산화납, 지방이 들어 있는 약을 바르고, 그것들이 규정된 대로 가능한 한 따뜻한 상태로 찜질을 하라.

구문 주해4건

9τῶν χειρῶν δήσας
속격 τῶν χειρῶν은 분사 δήσας('묶고')와 함께 쓰여 영향받는 신체 부위를 나타내는 부분속격으로, '양손을 묶고'를 의미한다.
9ἐνεψήσας
ἐνέψω('~안에 넣고 달이다')의 단순과거 능동태 분사로, 앞의 온수에 적신 해면(σπόγγον...βρέξας)의 상태를 수식하며, 그 물에 로터스 톱밥을 미리 달여 두었음을 나타낸다.
9οὕτω γὰρ ἂν ἥκιστα ἐκπίπτοι
ἄν과 희구법(ἐκπίπτοι)의 결합을 통한 잠재/가능 희구법(potential optative) 표현으로, '이렇게 하면 항문이 탈출할 가능성이 가장 적을 것이다'라는 완곡한 추측이나 개연성을 나타낸다.
10διεῤῥήθησαν
διεῤῥήθησαν은 διαγορεύω('명시하다, 규정하다')의 단순과거 수동태 3인칭 복수형이다. 앞서 상세히 기술된 조제 및 도포 지침을 가리켜 '그것들이 규정된 대로'를 의미한다.

번역: Gemini 3.5 Flash (2026-05-22 공개) · 수정 이력 (1건, 최근 2026-09-22)

2026-09-22 AI 교열 — 원문 1건

urn:cts:greekLit:tlg0627.tlg030.humanitext-grc1:9-10