생성의 조건과 사체액에 따른 건강과 질병 — 히포크라테스 『인간의 본성에 관하여』 제3–4장 그리스어 원문·한국어 번역

§3

3. Πρῶτον μὲν οὖν ἀνάγκη τὴν γένεσιν γίνεσθαι μὴ ἀφ’ ἑνός· πῶς γὰρ ἂν ἕν γ’ ἐόν τι γεννήσειεν, εἰ μή τινι μιχθείη; ἔπειτα οὐδ’, ἐὰν μὴ ὁμόφυλα ἐόντα μίσγηται καὶ τὴν αὐτὴν ἔχοντα δύναμιν, γεννᾷ, οὐδ’ ἂν ταῦτα ἡμῖν ξυντελέοιτο. Καὶ πάλιν, εἰ μὴ τὸ θερμὸν τῷ ψυχρῷ καὶ τὸ ξηρὸν τῷ ὑγρῷ μετρίως πρὸς ἄλληλα ἕξει καὶ ἴσως, ἀλλὰ θάτερον θατέρου πουλὺ προέξει καὶ τὸ ἰσχυρότερον τοῦ ἀσθενεστέρου, ἡ γένεσις οὐκ ἂν γένοιτο. Ὥστε πῶς εἰκὸς ἀπὸ ἑνός τι γεννηθῆναι, ὅτε γε οὐδ’ ἀπὸ τῶν πλειόνων γεννᾶται, ἢν μὴ τύχῃ καλῶς ἔχοντα τῆς κρήσιος¹ τῆς πρὸς ἄλληλα; Ἀνάγκη τοίνυν, τῆς φύσιος τοιαύτης ὑπαρχούσης καὶ τῶν ἄλλων ἁπάντων καὶ τῆς τοῦ ἀνθρώπου, μὴ ἓν εἶναι τὸν ἄνθρωπον, ἀλλ’ ἕκαστον τῶν ξυμβαλλομένων ἐς τὴν γένεσιν ἔχειν τὴν δύναμιν ἐν τῷ σώματι, οἵην περ ξυνεβάλετο. Καὶ πάλιν γε ἀνάγκη ἀποχωρέειν ἐς τὴν ἑωυτοῦ φύσιν ἕκαστον, τελευτῶντος τοῦ σώματος τοῦ ἀνθρώπου, τό τε ὑγρὸν πρὸς τὸ ὑγρὸν καὶ τὸ ξηρὸν πρὸς τὸ ξηρὸν καὶ τὸ θερμὸν πρὸς τὸ θερμὸν καὶ τὸ ψυχρὸν πρὸς τὸ ψυχρόν. Τοιαύτη δὲ καὶ τῶν ζώων ἐστὶν ἡ φύσις, καὶ τῶν ἄλλων πάντων· γίνεταί τε ὁμοίως πάντα καὶ τελευτᾷ ὁμοίως πάντα· ξυνίσταταί τε γὰρ αὐτέων ἡ φύσις ἀπὸ τουτέων τῶν προειρημένων πάντων, καὶ τελευτᾷ κατὰ τὰ εἰρημένα ἐς τωὐτὸ ὅθεν περ ξυνέστη ἕκαστον, ἐνταῦθα οὖν καὶ ἀπεχώρησεν.

3. 그러므로 첫째로, 생성은 단일한 것에서 일어날 수 없다. 왜냐하면 단일한 존재인 어떤 것이 다른 어떤 것과 섞이지 않는다면 어떻게 무언가를 낳을 수 있겠는가? 또한, 비록 섞인다 하더라도 그것들이 동족이 아니고 같은 힘을 지니고 있지 않다면 결코 낳지 못하며, 이것들이 우리를 위해 성취될 수도 없을 것이다. 그리고 다시, 만약 뜨거운 것이 차가운 것에 대해, 그리고 마른 것이 축축한 것에 대해 서로 적절하고 균등하게 유지되지 못하고, 한쪽이 다른 쪽보다 훨씬 우세하며 강한 것이 약한 것을 압도한다면, 생성은 일어나지 않을 것이다. 그러므로 여러 것들로부터조차 그것들이 서로에 대한 혼합에서 좋은 상태에 있지 않으면 생성되지 않는데, 하물며 어떻게 단일한 것에서 무언가가 생성되는 것이 당연하겠는가? 그렇다면 다른 모든 것들의 본성도, 인간의 본성도 그러하므로, 인간은 단일한 존재가 아니며, 생성에 기여하는 각각의 요소들이 기여했을 때와 똑같은 힘을 몸 안에서 지니고 있음이 필연적이다. 또한 인간의 몸이 죽음을 맞이할 때, 각각은 자신의 본성으로 되돌아가는 것이 필연적이니, 축축한 것은 축축한 곳으로, 마른 것은 마른 곳으로, 뜨거운 것은 뜨거운 곳으로, 차가운 것은 차가운 곳으로 되돌아간다. 동물들의 본성도, 그리고 다른 모든 것들의 본성도 이와 같다. 모든 것은 똑같이 생겨나고 똑같이 소멸한다. 왜냐하면 그것들의 본성은 앞서 말한 이 모든 것들로부터 구성되며, 말한 바에 따라 각각이 구성되었던 바로 그곳으로 소멸하여 되돌아가기 때문이다.

§4

4. Τὸ δὲ σῶμα τοῦ ἀνθρώπου ἔχει ἐν ἑωυτῷ αἷμα καὶ φλέγμα καὶ χολὴν ξανθήν τε καὶ μέλαιναν, καὶ ταῦτ’ ἐστὶν αὐτέῳ ἡ φύσις τοῦ σώματος, καὶ διὰ ταῦτα ἀλγέει καὶ ὑγιαίνει. Ὑγιαίνει μὲν οὖν μάλιστα, ὁκόταν μετρίως ἔχῃ ταῦτα τῆς πρὸς ἄλληλα κρήσιος καὶ δυνάμιος καὶ τοῦ πλήθεος, καὶ μάλιστα μεμιγμένα ᾖ· ἀλγέει δὲ ὁκόταν τι τουτέων ἔλασσον ἢ πλέον ᾖ ἢ χωρισθῇ ἐν τῷ σώματι καὶ μὴ κεκρημένον ᾖ τοῖσι ξύμπασιν. Ἀνάγκη γὰρ, ὁκόταν τι τουτέων χωρισθῇ καὶ ἐφ’ ἑωυτοῦ στῇ, οὐ μόνον τοῦτο τὸ χωρίον, ἔνθεν ἐξέστη, ἐπίνοσον γίνεσθαι, ἀλλὰ καὶ ἔνθα ἂν ἐπιχυθῇ, ὑπερπιμπλάμενον ὀδύνην τε καὶ πόνον παρέχειν. Καὶ γὰρ ὅταν τι τουτέων ἔξω τοῦ σώματος ἐκρυῇ πλέον τοῦ ἐπιπολάζοντος,² ὀδύνην παρέχει ἡ κένωσις. Ἤν τ’ αὖ πάλιν ποιήσηται ἔσω τὴν κένωσιν³ καὶ τὴν μετάστασιν καὶ τὴν ἀπόκρισιν ἀπὸ τῶν ἄλλων, πολλὴ αὐτέῳ ἀνάγκη διπλῆν τὴν ὀδύνην παρέχειν κατὰ τὰ εἰρημένα, ἔνθεν τε ἐξέστη καὶ ἔνθα ὑπερέβαλεν.

4. 인간의 몸은 그 안에 혈액과 점액, 그리고 황담즙과 흑담즙을 지니고 있으며, 이것들이 그에게 있어 몸의 본성을 이룬다. 그리고 이것들로 인해 인간은 고통을 느끼기도 하고 건강을 누리기도 한다. 이 요소들이 서로에 대한 혼합과 힘과 양에 있어 적절하고 가장 잘 섞여 있을 때 인간은 가장 건강하다. 반면에 이것들 중 어느 하나가 너무 적거나 많을 때, 혹은 몸 안에서 분리되어 전체 다른 것들과 섞이지 못할 때 고통을 느낀다. 왜냐하면 이것들 중 어느 하나가 분리되어 그 자체로 머물 때, 그것이 떠나온 자리만 병들 뿐만 아니라, 그것이 흘러 들어간 자리 또한 과도하게 가득 차서 통증과 괴로움을 겪는 것이 필연적이기 때문이다. 실제로 이것들 중 어느 하나가 표면에 드러난 적정량을 넘어 몸 밖으로 흘러나갈 때 그 결핍이 통증을 유발한다. 반대로 만약 그 결핍과 이동과 다른 것들로부터의 분리가 몸 안에서 일어난다면, 앞서 말한 대로 그것이 떠난 자리와 그것이 넘쳐흐른 자리 양쪽 모두에 이중의 통증을 주는 것이 대단히 필연적이다.

구문 주해3건

3καλῶς ἔχοντα τῆς κρήσιος
동사 ἔχω가 부사(καλῶς) 및 관련의 속격(τῆς κρήσιος)과 결합하여 '혼합에 관하여 좋은 상태에 있다'라는 의미를 나타낸다. 분사 ἔχοντα는 중성 복수 대격으로 앞서 언급된 복수의 요소들을 가리킨다.
4πλέον τοῦ ἐπιπολάζοντος
비교급 중성 단수 πλέον 뒤에 비교의 기준을 나타내는 속격 τοῦ ἐπιπολάζοντος(자경 상 '표면에 있는 것' 또는 '적정량')이 결합하여, '적정량을 초과하여'라는 의미를 나타낸다.
4Ἤν τ’ αὖ πάλιν ποιήσηται ἔσω τὴν κένωσιν
동사 ποιέω의 중간태(ποιήσηται)가 명사 τὴν κένωσιν을 목적어로 취하여 '결핍(또는 분리)을 일으키다'라는 우회적 표현을 형성한다. 부사 ἔσω(몸 안에서)는 앞 문장의 ἔξω τοῦ σώματος(몸 밖으로)와 대조된다.

번역: Gemini 3.5 Flash (2026-05-22 공개)urn:cts:greekLit:tlg0627.tlg019.humanitext-grc1:3-4