테스피아이와 헬리콘산 주변의 도시들 — 스트라본 『지리지』 9권 9.2.25–9.2.26 그리스어 원문·한국어 번역

§9.2.25

Θέσπειαν δὲ λέγει τὰς νῦν Θεσπιάς, πολλῶν ὀνομάτων τῶν μὲν ἀμφοτέρως λεγομένων καὶ ἑνικῶς καὶ πληθυντικῶς, καθάπερ καὶ ἀρρενικῶς καὶ θηλυκῶς, τῶν δʼ ὁποτέρως.¹ ἔστι δὲ πόλις πρὸς τῷ Ἑλικῶνι νοτιωτέρα αὐτοῦ, ἐπικειμένη δὲ τῷ Κρισαίῳ κόλπῳ καὶ αὐτὴ καὶ ὁ Ἑλικών· ἐπίνειον δʼ ἔχουσιν αἱ Θεσπιαὶ Κρέουσαν, ἣν καὶ Κρεουσίδα καλοῦσιν. ἐν δὲ τῇ Θεσπιέων ἐστὶ καὶ ἡ Ἄσκρη κατὰ τὸ πρὸς Ἑλικῶνα μέρος, ἡ τοῦ Ἡσιόδου πατρίς· ἐν δεξιᾷ γάρ ἐστι τοῦ Ἑλικῶνος, ἐφʼ ὑψηλοῦ καὶ τραχέος τόπου κειμένη, ἀπέχουσα τῶν Θεσπιῶν ὅσον τετταράκοντα σταδίους, ἣν καὶ κεκωμῴδηκεν αὐτὸς ἐ[πιλαβόμενος] τοῦ πατρός, ὅτι ἐκ Κύμης τῆς Αἰολίδος μ[ετέστη, θρασύ]τερον λέγων νάσσατο δʼ ἄγχʼ Ἑλικῶνος ὀιζυρῇ [ἐνὶ κώμῃ], Ἄσκρῃ χεῖμα κακῇ, θέρει ἀργαλέῃ, οὐδέ ποτʼ [ἐσθλῇ]. ὁ δὲ Ἑλικὼν συνεχής ἐστι τῇ Φωκίδι ἐκ τῶν πρὸς ἄρκτον αὐτοῦ μερῶν· μικρὰ δὲ καὶ ἐκ τῶν πρὸς ἑσπέραν κατὰ τὸν ὕστατον λιμένα τῆς Φωκίδος, ὃν καλοῦσιν ἀπὸ τοῦ συμβεβηκότος μυχόν· ὑπέρκειται γὰρ κατὰ τοῦτον μάλιστα τὸν λιμένα τοῦ Κρισαίου κόλπου καὶ ὁ Ἑλικὼν καὶ ἡ Ἄσκρη καὶ ἔτι αἱ Θεσπιαὶ καὶ τὸ ἐπίνειον αὐτῆς ἡ Κρέουσα. τοῦτο δὲ καὶ κοιλότατον νομίζεται τὸ μέρος τοῦ Κρισαίου κόλπου καὶ ἁπλῶς τοῦ Κορινθιακοῦ· στάδιοι δʼ εἰσὶ τῆς [παραλίας] τῆς ἀπὸ τοῦ μυχοῦ τοῦ λιμένος εἰς Κρέουσαν ἐνε[νήκοντα·] ἐντεῦθεν δὲ ἑκατὸν εἴκοσιν ἕως τῆς ἄκρας ἣν [Ὀλμιὰς] καλοῦσιν· ἐν δὲ τῷ κοιλοτάτῳ τοῦ κόλπου τοῦ [Κρισαίου συμ]βέβηκε τὰς Πηγὰς κεῖσθαι καὶ τὴν Οἰνόην, πε[ρὶ ὧν εἰ]ρήκαμεν. ὁ μὲν οὖν Ἑλικὼν οὐ πολὺ διεστηκὼς τοῦ Παρνασσοῦ ἐνάμιλλός ἐστιν ἐκείνῳ κατά τε ὕψος καὶ περίμετρον· ἄμφω γὰρ χιονόβολα τὰ ὄρη καὶ πετρώδη, περιγράφεται δʼ οὐ πολλῇ χώρᾳ. ἐνταῦθα δʼ ἐστὶ τό τε τῶν Μουσῶν ἱερὸν καὶ ἡ Ἵππου κρήνη καὶ τὸ τῶν Λειβηθρίδων νυμφῶν ἄντρον· ἐξ οὗ τεκμαίροιτʼ ἄν τις² Θρᾷκας εἶναι τοὺς τὸν Ἑλικῶνα ταῖς Μούσαις καθιερώσαντας, οἳ καὶ τὴν Πιερίδα καὶ τὸ Λείβηθρον καὶ τὴν Πίμπλειαν ταῖς αὐταῖς θεαῖς ἀνέδειξαν· ἐκαλοῦντο δὲ Πίερες· ἐκλιπόντων δʼ ἐκείνων Μακεδόνες νῦν ἔχουσι τὰ χωρία ταῦτα. εἴρηται δʼ ὅτι τὴν Βοιωτίαν ταύτην ἐπῴκησάν ποτε Θρᾷκες βιασάμενοι τοὺς Βοιωτοὺς καὶ Πελασγοὶ καὶ ἄλλοι βάρβαροι. αἱ δὲ Θεσπιαὶ πρότερον μὲν ἐγνωρίζοντο διὰ τὸν Ἔρωτα τὸν Πραξιτέλους, ὃν ἔγλυψε μὲν ἐκεῖνος, ἀνέθηκε δὲ Γλυκέρα ἡ ἑταίρα Θεσπιεῦσιν ἐκεῖθεν οὖσα τὸ γένος, λαβοῦσα δῶρον παρὰ τοῦ τεχνίτου. πρότερον μὲν οὖν ὀψόμενοι τὸν Ἔρωτά τινες ἀνέβαινον ἐπὶ τὴν Θέσπειαν ἄλλως οὐκ οὖσαν ἀξιοθέατον, νυνὶ δὲ μόνη συνέστηκε τῶν Βοιωτιακῶν πόλεων καὶ Τάναγρα· τῶν δʼ ἄλλων ἐρείπια καὶ ὀνόματα λέλειπται. [μετ]

그는 [호메로스가 말한] ‘테스페이아’를 지금의 ‘테스피아이’의 뜻으로 쓰고 있는데, 수많은 이름 중에는 단수형과 복수형 양쪽으로 불리거나 남성형과 여성형 양쪽으로 불리는 것도 있고, 다른 한쪽으로만 불리는 것도 있기 때문이다. 이 도시는 헬리콘 산 부근의 남쪽에 위치하고 있으며, 도시 자체와 헬리콘 산 모두 크리사만에 접해 있다. 테스피아이는 외항으로 크레우사(크레우시스라고도 불린다)를 두고 있다. 테스피아이인들의 영역 안에는 헬리콘 산에 가까운 쪽에 헤시오도스의 고향인 아스크라도 있다. 아스크라는 헬리콘 산의 오른편에 있으며, 높고 험준한 곳에 위치하여 테스피아이로부터 약 40스타디온 떨어져 있다. 헤시오도스 자신도 그의 아버지와 관련하여, 아버지가 아이올리스의 키메로부터 [이주해 온] 것을 염두에 두고 나중에 다음과 같이 말하며 이곳을 비꼬았다. “그는 헬리콘 산 근처의 비참한 마을 아스크라에 자리 잡았네. 겨울에는 혹독하고 여름에는 힘들며, 결코 좋을 때가 없는 곳이라네.” 헬리콘 산은 북쪽으로는 포키스 지방과 맞닿아 있고, 서쪽으로는 포키스의 가장 끝 포구, 그 지형적 특징으로 인해 ‘가장 깊숙한 곳’이라 불리는 곳에서 조금 접해 있다. 왜냐하면 크리사만의 바로 이 포구 위로 헬리콘 산과 아스크라, 그리고 테스피아이와 그 외항인 크레우사가 솟아 있기 때문이다. 이곳은 크리사만, 나아가 코린토스만 전체에서 가장 깊숙이 패어 들어간 부분으로 여겨진다. 이 포구의 가장 깊은 곳에서 크레우사까지의 거리는 90스타디온이며, 그곳에서 [홀마이]라 불리는 곶까지는 120스타디온이다. 이 만의 가장 깊은 곳에 페가이와 오이노에가 위치해 있는데, 이것들에 관해서는 이미 언급한 바 있다. 한편 헬리콘 산은 파르나소스 산에서 그리 멀지 않아 높이와 둘레에서 그것에 필적한다. 두 산 모두 눈에 덮여 있고 바위가 많으며, 그리 넓지 않은 영역에 둘러싸여 있기 때문이다. 이곳에는 무사들의 신전과 히포크레네(말의 샘), 그리고 레이베트리아데스 님프들의 동굴이 있다. 이로부터 헬리콘 산을 무사들에게 봉헌한 이들이 트라키아인들이었음을 짐작할 수 있는데, 이들은 피에리아와 레이베트론, 핌플레이아 역시 같은 여신들에게 바쳤다. 이들은 피에레스인이라 불렸으나 그들이 사라진 후 지금은 마케도니아인들이 이 지역들을 차지하고 있다. 이 보이오티아 땅에는 과거 보이오티아인들을 몰아낸 트라키아인과 펠라스고이인, 그리고 다른 야만인들이 이주해 살았다고 전해진다. 테스피아이는 과거 프락시텔레스의 에로스 조각상으로 유명했다. 그 조각상은 그가 조각하고, 그곳 출신의 헤타이라인 글리케라가 테스피아이인들에게 봉헌한 것으로, 그녀가 예술가에게서 선물로 받은 것이었다. 따라서 과거에는 어떤 이들이 다른 볼거리가 없는 테스피아이에 오직 이 에로스 조각상을 보기 위해 올라가곤 했다. 그러나 오늘날 보이오티아의 도시들 중에서 오직 테스피아이와 타나그라만이 존속하고 있으며, 다른 도시들은 유적과 이름만이 남아 있을 뿐이다.

§9.2.26

ὰ δὲ Θεσπιὰς καταλέγει Γραῖαν καὶ Μυκα[λησσόν, περ]ὶ ὧν εἰρήκαμεν· ὡς δʼ αὕτως καὶ περὶ τῶν [ἄλλων οἵ τʼ] ἀμφʼ Ἅρμʼ ἐνέμοντο καὶ Εἰλέσιον καὶ Ἐρύθρας, [οἵ τʼ Ἐλεῶνʼ] εἶχον ἠδʼ Ὕλην καὶ Πετεῶνα. Πετεὼν δὲ κώμη τῆς Θηβαΐδος ἐγγὺς τῆς ἐπʼ Ἀνθηδόνα ὁδοῦ, ἡ δʼ Ὠκαλέη μέση Ἁλιάρτου καὶ Ἀλαλκομενίου ἑκατέρου τριάκοντα σταδίους ἀπέχουσα· παραρρεῖ δʼ αὐτὴν ποτάμιον ὁμώνυμον. Μεδεὼν δʼ ὁ μὲν Φωκικὸς ἐν τῷ Κρισαίῳ κόλπῳ, διέχων Βοιωτίας σταδίους ἑκατὸν ἑξήκοντα, ὁ δὲ Βοιωτιακὸς ἀπʼ ἐκείνου κέκληται, πλησίον δʼ ἐστὶν Ὀγχηστοῦ ὑπὸ τῷ Φοινικίῳ ὄρει, ἀφʼ οὗ καὶ μετωνόμασται Φοινικίς· τῆς δὲ Θηβαίας καὶ τοῦτο λέγεται, [ὑπʼ ἐνί]ων δὲ τῆς Ἁλιαρτίας καὶ Μεδεὼν καὶ Ὠκαλέα.

[그는] 테스피아이에 이어 그라이아와 미칼레소스를 나열하고 있는데, 이것들에 관해서는 이미 언급했다. 마찬가지로 ‘하르마 주변에 살며 에일레시온과 에리트라이를 차지하고 있던 이들’, 그리고 ‘휘레와 페테온을 지녔던 이들’에 대해서도 마찬가지이다. 페테온은 안테돈으로 가는 길 근처에 있는 테베 영토의 마을이며, 오칼레에는 할리아르토스와 알랄코메니온의 중간에 있어 각각으로부터 30스타디온 떨어져 있고, 그 옆을 동명의 시내가 흐른다. 메데온에 관해서는, 포키스의 메데온은 크리사만에 있고 보이오티아에서 160스타디온 떨어져 있는 반면, 보이오티아의 메데온은 그것에서 이름을 따온 것으로 온케스토스 근처의 포이니키온 산 아래에 위치한다. 이 산의 이름에서 유래하여 이 지역은 포이니키스라고도 개명되었다. 이것 역시 테베 영토에 속한다고 전해지나, 어떤 이들은 메데온과 오칼레아 모두 할리아르토스 영토에 속한다고 주장한다.

구문 주해2건

9.2.25πολλῶν ὀνομάτων τῶν μὲν ἀμφοτέρως λεγομένων καὶ ἑνικῶς καὶ πληθυντικῶς... τῶν δʼ ὁποτέρως
독립속격 구문으로, 'πολλῶν ὀνομάτων'이 전체를 나타내고 그 뒤에 부분들을 나타내는 'τῶν μὲν... τῶν δʼ...'이 이어지는 '전체와 부분'의 동격(partitive apposition) 관계를 이룬다.
9.2.25ἐξ οὗ τεκμαίροιτʼ ἄν τις
ἄν을 동반한 희구법(potential optative)으로, '이로부터 ~라고 추측할 수 있을 것이다'라는 객관적이고 완곡한 추론을 나타낸다.

번역: Gemini 3.5 Flash (2026-05-25 공개) · 수정 이력 (1건, 최근 2026-09-21)

2026-09-21 AI 교열 — 주석 1건

urn:cts:greekLit:tlg0099.tlg001.humanitext-grc2:9.2.25-9.2.26