신화 속 투르데타니아의 풍요와 현지 주민의 로마화 — 스트라본 『지리지』 3권 3.2.13–3.2.15 그리스어 원문·한국어 번역

§3.2.13

πρὸς δὲ τὸ βέλτιον ἐκ τούτων· ἥ τε γὰρ Ἡρακλέους στρατεία μέχρι δεῦρο προελθοῦσα καὶ τῶν Φοινίκων ὑπέγραφεν αὐτῷ πλοῦτόν τινα καὶ ῥᾳθυμίαν τῶν ἀνθρώπων· οὗτοι γὰρ Φοίνιξιν οὕτως ἐγένοντο σφόδρα ὑποχείριοι ὥστε τὰς πλείους τῶν ἐν τῇ Τουρδητανίᾳ πόλεων καὶ τῶν πλησίον τόπων ὑπʼ ἐκείνων νῦν οἰκεῖσθαι. καὶ ἡ τοῦ Ὀδυσσέως δὲ στρατεία δοκεῖ μοι δεῦρο γενηθεῖσα καὶ ἱστορηθεῖσα¹ ὑπʼ αὐτοῦ παραδοῦναι πρόφασιν, ὥστε τὴν Ὀδύσσειαν καθάπερ καὶ τὴν Ἰλιάδα ἀπὸ τῶν συμβάντων μεταγαγεῖν εἰς ποίησιν καὶ τὴν συνήθη τοῖς ποιηταῖς μυθοποιίαν. οὐ γὰρ μόνον οἱ κατὰ τὴν Ἰταλίαν καὶ Σικελίαν τόποι καὶ ἄλλοι τινὲς τῶν τοιούτων σημεῖα ὑπογράφουσιν, ἀλλὰ καὶ ἐν τῇ Ἰβηρίᾳ Ὀδύσσεια πόλις δείκνυται καὶ Ἀθηνᾶς ἱερὸν καὶ ἄλλα μυρία ἴχνη τῆς τε ἐκείνου πλάνης καὶ ἄλλων τῶν ἐκ τοῦ Τρωικοῦ πολέμου [περι]γενομένων ἐπʼ ἴσης κακώσαντος² τούς τε πολεμηθέντας καὶ τοὺς ἑλόντας τὴν Τροίαν· καὶ γὰρ οὗτοι Καδμείαν νίκην ἐτύγχανον ἠρμένοι, τῶν τε οἴκων αὐτοῖς κατεφθαρμένων καὶ τῶν λαφύρων ὀλίγων εἰς ἕκαστον ἐληλυθότων· συνέβη [δὴ] τοῖς περιλειφθεῖσιν ἀπελθοῦσιν ἐκ τῶν κινδύνων κατὰ λῃστείας τρέπεσθαι, τοῖς μὲν διὰ τὸ ἐκπεπορθῆσθαι τοῖς δὲ διὰ τὴν αἰσχύνην, ἑκάστου προλαβόντος³ αἰσχρόν τοι δηρόν τε μένειν ἄνευ τῶν οἰκείων κενεόν τε νέεσθαι παρʼ αὐτοὺς πάλιν. ἥ τε τοῦ Αἰνείου παραδέδοται πλάνη καὶ Ἀντήνορος καὶ ἡ τῶν Ἑνετῶν· ὡσαύτως καὶ ἡ Διομήδους τε καὶ Μενελάου καὶ ἄλλων πλειόνων. ὁ τοίνυν ποιητὴς τὰς τοσαύτας στρατείας ἐπὶ τὰ ἔσχατα τῆς Ἰβηρίας ἱστορηκώς, πυνθανόμενος δὲ καὶ πλοῦτον καὶ τὰς ἄλλας ἀρετὰς (οἱ γὰρ Φοίνικες ἐδήλουν τοῦτο) ἐνταῦθα τὸν τῶν εὐσεβῶν ἔπλασε χῶρον καὶ τὸ Ἠλύσιον πεδίον, οὗ φησιν ὁ Πρωτεὺς ἀποικήσειν τὸν Μενέλαον ἀλλά σʼ ἐς Ἠλύσιον πεδίον καὶ πείρατα γαίης ἀθάνατοι πέμψουσιν, ὅθι ξανθὸς Ῥαδάμανθυς· τῇ περ ῥηίστη βιοτὴ πέλει ἀνθρώποισιν· οὐ νιφετὸς οὔτʼ ἂρ χειμὼν πολὺς οὐδέ ποτʼ ὄμβρος, ἀλλʼ αἰεὶ ζεφύροιο λιγὺ πνείοντας ἀήτας ὠκεανὸς ἀνίησιν ἀναψύχειν ἀνθρώπους. τό τε γὰρ εὐάερον καὶ τὸ εὔπνουν τοῦ ζεφύρου ταύτης ἐστὶ τῆς χώρας οἰκεῖον ἑσπερίου τε καὶ ἀλεεινῆς οὔσης, τό τε ἐπὶ τοῖς πέρασι τῆς γῆς ἐφʼ οἷς καὶ τὸν Ἅιδην μεμυθεῦσθαι ἔφαμεν, ὅ τε Ῥαδάμανθυς παρατεθεὶς ὑπογράφει τὸν πλησίον τῷ Μίνῳ τόπον, περὶ οὗ φησίν ἔνθʼ ἤτοι Μίνωα ἴδον Διὸς ἀγλαὸν υἱόν, χρύσεον σκῆπτρον ἔχοντα, θεμιστεύοντα νέκυσσι. καὶ οἱ μετὰ ταῦτα δὲ ποιηταὶ παραπλήσια θρυλοῦσι, τήν τε ἐπὶ τὰς Γηρυόνου βόας στρατείαν καὶ τὴν ἐπὶ τὰ μῆλα τῶν Ἑσπερίδων τὰ χρύσεα ὡσαύτως, καὶ μακάρων τινὰς νήσους κατονομάζοντες, ἃς καὶ νῦν δεικνυμένας ἴσμεν οὐ πολὺ ἄπωθεν τῶν ἄκρων τῆς Μαυρουσίας τῶν ἀντικειμένων τοῖς Γαδείροις.

이것들로부터 더 훌륭하고 진실된 측면에 대해서는 다음과 같다. 헤라클레스의 원정이 이곳까지 이른 것과 페니키아인들의 원정이 그(호메로스)에게 이 사람들의 풍요로움과 안락한 삶을 미리 보여주었기 때문이다. 왜냐하면 이들은 페니키아인들에게 매우 복종하게 되어, 투르데타니아의 도시들 대부분과 인접한 지역들이 현재 그들에 의해 거주되고 있을 정도이기 때문이다. 그리고 오디세우스의 원정 역시 이곳으로 행해졌고 그에 의해 탐구되었기에, 《오디세이아》를 《일리아스》처럼 실제로 일어난 일들로부터 시와 시인들에게 익숙한 신화 창작으로 전환시키는 계기를 제공했다고 나는 생각한다. 왜냐하면 이탈리아와 시칠리아 주변 지역들과 다른 그러한 장소들만이 이러한 흔적들을 보여주는 것이 아니라, 이베리아에서도 '오디세이아'라는 이름의 도시가 나타나고, 아테나 신전과, 그의 방랑 및 트로이 전쟁에서 비롯된 다른 이들의 방랑에 대한 수많은 흔적들이 나타나기 때문이다. 그 전쟁은 공격받은 자들과 트로이를 함락시킨 자들 모두를 동등하게 파괴했다. 왜냐하면 이들 역시 파멸적인 승리(카도메아의 승리)를 거두었기 때문인데, 그들의 가옥은 파괴되었고 전리품은 각자에게 조금씩만 돌아갔기 때문이다. 위험에서 벗어나 살아남은 자들에게는 약탈로 발길을 돌리는 일이 일어났는데, 어떤 이들은 가정을 약탈당했기 때문이고, 다른 이들은 수치심 때문이었다. 각자가 미리 다음과 같이 생각했기 때문이다. "친지들도 없이 오랫동안 머무르며, 빈손으로 돌아가는 것은 참으로 수치스러운 일이다" 그들에게 다시 돌아가는 것이 말이다. 또한 아이네이아스의 방랑과 안테노르의 방랑, 그리고 헤네토이인들의 방랑이 전해지며, 마찬가지로 디오메데스와 메넬라오스 및 다른 많은 이들의 방랑도 전해진다. 그리하여 시인은 이처럼 많은 원정이 이베리아의 극단까지 행해졌음을 탐구하고, 그 풍요로움과 다른 훌륭한 점들(페니키아인들이 이를 분명히 했기 때문이다)을 전해 듣고서, 이곳에 경건한 자들의 처소와 엘리시온의 들판을 창작해 냈는데, 그곳은 프로테우스가 메넬라오스를 이주시킬 것이라고 말한 곳이다. "그러나 불사의 신들은 당신을 금발의 라다만티스가 있는 대지의 끝 엘리시온의 들판으로 보낼 것이다. 그곳은 인간들에게 가장 편안한 삶이 있는 곳. 눈도 내리지 않고 큰 겨울도 없으며 결코 비도 내리지 않고, 오직 인간들을 시원하게 하기 위해 오케아노스가 제피로스의 맑은 미풍을 항상 불어 보내는 곳이다." 맑은 공기와 제피로스의 부드러운 바람은 이 지역이 서쪽에 위치해 있고 온화하기 때문에 이 땅에 고유한 것이며, 대지의 끝에 위치한다는 것도(그곳에 우리가 하데스 역시 신화화되어 있다고 말한 바 있지만), 그리고 라다만티스가 배치된 것도 미노스에 인접한 장소임을 암시한다. 미노스에 대해 그는 이렇게 말한다. "거기서 나는 진정 제우스의 빛나는 아들 미노스가 황금 홀을 쥐고 죽은 자들에게 판결을 내리는 것을 보았다." 그 이후의 시인들도 이와 유사한 것들을 반복하여 이야기하는데, 게리온의 소들을 얻기 위한 원정과 헤스페리데스들의 황금 사과를 얻기 위한 원정도 마찬가지이며, 몇몇 '축복받은 자들의 섬들'을 명명하기도 하는데, 우리는 그 섬들이 지금도 가데이라 맞은편 마우루시아의 곶들에서 그리 멀지 않은 곳에 지시되어 있음을 알고 있다.

§3.2.14

τοὺς δὲ Φοίνικας λέγω μηνυτάς· καὶ τῆς Ἰβηρίας καὶ τῆς Λιβύης τὴν ἀρίστην οὗτοι κατέσχον πρὸ τῆς ἡλικίας τῆς Ὁμήρου καὶ διετέλεσαν κύριοι τῶν τόπων ὄντες, μέχρι οὗ Ῥωμαῖοι κατέλυσαν αὐτῶν τὴν ἡγεμονίαν. τοῦ δʼ Ἰβηρικοῦ πλούτου καὶ ταῦτα μαρτύρια· Καρχηδόνιοι μετὰ τοῦ Βάρκα στρατεύσαντες κατέλαβον, ὥς φασιν οἱ συγγραφεῖς, φάτναις ἀργυραῖς καὶ πίθοις χρωμένους τοὺς ἐν τῇ Τουρδητανίᾳ. ὑπολάβοι δʼ ἄν τις ἐκ τῆς πολλῆς εὐδαιμονίας καὶ μακραίωνας ὀνομασθῆναι τοὺς ἐνθάδε ἀνθρώπους, καὶ μάλιστα τοὺς ἡγεμόνας, καὶ διὰ τοῦτο Ἀνακρέοντα μὲν οὕτως εἰπεῖν ἔγωγʼ οὔτʼ ἂν Ἀμαλθίης βουλοίμην κέρας οὔτʼ ἔτεα πεντήκοντά τε καὶ ἑκατὸν Ταρτησσοῦ βασιλεῦσαι, Ἡρόδοτον δὲ καὶ τὸ ὄνομα τοῦ βασιλέως καταγράψαι καλέσαντα Ἀργανθώνιον.

나는 페니키아인들을 정보 제공자라고 부른다. 이들은 호메로스 시대 이전에 이베리아와 리비아의 가장 좋은 곳을 차지하고, 로마인들이 그들의 패권을 무너뜨릴 때까지 그 장소들의 지배자로 남아 있었다. 그리고 이베리아의 풍요에 대해서는 다음과 같은 증거들도 있다. 바르카와 함께 원정을 떠난 카르타고인들은 역사가들이 말하길, 투르데타니아의 주민들이 은으로 만든 여물통과 대형 항아리를 사용하는 것을 발견했다는 것이다. 또한 사람들은 이 위대한 번영으로부터 이곳의 사람들이 '장수하는 자들'이라 불렸다고 추측할 수 있으며, 특히 그 지도자들을 두고 그렇게 불렀다고 여겨지는데, 이 때문에 아나크레온은 다음과 같이 말했다. "나는 아말테이아의 뿔도 원하지 않고, 타르테소스를 150년 동안 다스리는 것도 원하지 않는다." 그리고 헤로도토스 역시 그 왕의 이름을 아르간토니오스라 부르며 기록하였다.

§3.2.15

τῇ δὲ τῆς χώρας εὐδαιμονίᾳ καὶ τὸ ἥμερον καὶ τὸ πολιτικὸν συνηκολούθησε τοῖς Τουρδητανοῖς, καὶ τοῖς Κελτικοῖς δὲ διὰ τὴν γειτνίασιν, ὡς δʼ εἴρηκε Πολύβιος διὰ τὴν συγγένειαν· ἀλλʼ ἐκείνοις μὲν ἧττον· τὰ πολλὰ γὰρ κωμηδὸν ζῶσιν. οἱ μέντοι Τουρδητανοὶ καὶ μάλιστα οἱ περὶ τὸν Βαῖτιν τελέως εἰς τὸν Ῥωμαίων μεταβέβληνται τρόπον οὐδὲ τῆς διαλέκτου τῆς σφετέρας ἔτι μεμνημένοι. Λατῖνοί τε οἱ πλεῖστοι γεγόνασι καὶ ἐποίκους εἰλήφασι Ῥωμαίους, ὥστε μικρὸν ἀπέχουσι τοῦ πάντες εἶναι Ῥωμαῖοι.⁴ αἵ τε νῦν συνῳκισμέναι πόλεις, ἥ τε ἐν τοῖς Κελτικοῖς Παξαυγοῦστα καὶ ἡ ἐν τοῖς Τουρδούλοις Αὐγοῦστα Ἠμέριτα καὶ ἡ περὶ τοὺς Κελτίβηρας Καισαραυγοῦστα καὶ ἄλλαι ἔνιαι κατοικίαι, τὴν μεταβολὴν τῶν λεχθεισῶν πολιτειῶν ἐμφανίζουσι. καὶ δὴ τῶν Ἰβήρων ὅσοι ταύτης εἰσὶ τῆς ἰδέας τογᾶτοι λέγονται· ἐν δὲ τούτοις εἰσὶ καὶ οἱ Κελτίβηρες οἱ πάντων νομισθέντες ποτὲ θηριωδέστατοι. ταῦτα μὲν περὶ τούτων.

이 지역의 번영과 함께 온화함과 시민적 기풍이 투르데타니아인들에게 따랐고, 이웃해 있기 때문에(혹은 폴리비오스가 말하듯 친족 관계이기 때문에) 켈트인들에게도 따랐다. 하지만 그들에게는 덜 그러했다. 그들은 대개 마을 단위로 살아가기 때문이다. 그러나 투르데타니아인들, 특히 바이티스강 주변의 사람들은 완전히 로마인들의 생활 방식으로 변화하여 자신들의 언어조차 더 이상 기억하지 못한다. 대다수가 라티움 시민권을 가졌고 로마인 이주자들을 받아들여, 거의 모두가 로마인이나 다름없는 상태이다. 그리고 현재 조직된 도시들, 즉 켈트인 지역의 팍스 아우구스타와 투르둘리인 지역의 아우구스타 에메리타, 그리고 켈티베리아인 주변의 카이사라우구스타 및 몇몇 다른 정착지들이 언급된 정치 체제의 변화를 보여준다. 참으로 이베리아인들 중 이 형태에 속하는 이들은 '토가티(토가를 입은 사람들)'라 불린다. 이들 중에는 한때 모든 이들 중에서 가장 야만적이라고 여겨졌던 켈티베리아인들도 포함되어 있다. 이것들에 관해서는 이상이다.

구문 주해4건

3.2.13ἡ τοῦ Ὀδυσσέως δὲ στρατεία δοκεῖ μοι δεῦρο γενηθεῖσα καὶ ἱστορηθεῖσα
분사의 형용사적(혹은 명사적 명사화) 용법으로, '원정이 행해지고 탐구된 것'이라는 사태 전체가 주동사 δοκεῖ의 주어가 되는 라틴어의 'ab urbe condita' 구문에 준하는 표현이다.
3.2.13ἐπʼ ἴσης κακώσαντος
부정과거 능동태 분사 κακώσαντος는 앞서 나온 τοῦ Τρωικοῦ πολέμου를 수식하는 성분(속격·단수·남성)이다. 얼핏 속격독립구문처럼 보일 수 있으나, 전쟁 자체의 성질('양측 모두를 동등하게 고통스럽게 한 전쟁')을 설명하는 수식구로 기능하고 있다.
3.2.13ἑκάστου προλαβόντος
속격독립구문으로, 동사 προλαμβάνω가 여기서는 '미리 (마음에) 품다', '앞서 상정하다'라는 의미로 사용되었다. 뒤따르는 호메로스의 시구를 목적어 격인 내용으로 암시하고 있다.
3.2.15μικρὸν ἀπέχουσι τοῦ πάντες εἶναι Ῥωμαῖοι
'~하는 데까지 얼마 남지 않았다(거의 ~이다)'를 뜻하는 ἀπέχω τοῦ + 부정사 구문이다. 부정사 εἶναι의 의미상 주어인 πάντες와 보어 Ῥωμαῖοι. 주절의 주어와 일치하기 때문에 대격이 아닌 주격으로 이끌려 있다.

번역: Gemini 3.5 Flash (2026-05-25 공개) · 수정 이력 (1건, 최근 2026-09-21)

2026-09-21 AI 교열 — 주석 1건

urn:cts:greekLit:tlg0099.tlg001.humanitext-grc2:3.2.13-3.2.15