아리아네의 경계와 여러 부족의 배치 — 스트라본 『지리지』 15권 15.2.8–15.2.9 그리스어 원문·한국어 번역

§15.2.8

τὸ μὲν δὴ νότιον τῆς Ἀριανῆς πλευρὸν τοιαύτην τινὰ ἔχει τὴν τῆς παραλίας διάθεσιν καὶ τῆς ὑπερκειμένης πλησίον γῆς τῆς τῶν Γεδρωσίων καὶ Ὠριτῶν. πολλὴ δʼ ἐστὶ καὶ εἰς τὴν μεσόγαιαν ἀνέχουσα καὶ ἡ Γεδρωσία μέχρι τοῦ συνάψαι Δράγγαις τε καὶ Ἀραχωτοῖς καὶ Παροπαμισάδαις, περὶ ὧν Ἐρατοσθένης οὕτως εἴρηκεν· οὐ γὰρ ἔχομέν τι λέγειν βέλτιον περὶ αὐτῶν. ὁρίζεσθαι μὲν γάρ φησι τὴν Ἀριανὴν¹ ἐκ μὲν τῶν πρὸς ἕω τῷ Ἰνδῷ, πρὸς νότον δὲ τῇ μεγάλῃ θαλάττῃ, πρὸς ἄρκτον δὲ τῷ Παροπαμισῷ καὶ τοῖς ἑξῆς ὄρεσι μέχρι Κασπίων πυλῶν, τὰ δὲ πρὸς ἑσπέραν τοῖς αὐτοῖς ὅροις οἷς ἡ μὲν Παρθυηνὴ πρὸς Μηδίαν ἡ δὲ Καρμανία πρὸς τὴν Παραιτακηνὴν καὶ Περσίδα διώρισται· πλάτος δὲ τῆς χώρας τὸ τοῦ Ἰνδοῦ μῆκος τὸ ἀπὸ τοῦ Παροπαμισοῦ μέχρι τῶν ἐκβολῶν μύριοι καὶ δισχίλιοι στάδιοι (οἱ δὲ τρισχιλίους φασί)· μῆκος δὲ ἀπὸ Κασπίων πυλῶν, ὡς ἐν τοῖς Ἀσιατικοῖς σταθμοῖς ἀναγέγραπται, διττόν. μέχρι μὲν Ἀλεξανδρείας τῆς ἐν Ἀρίοις ἀπὸ Κασπίων πυλῶν διὰ τῆς Παρθυαίας μία καὶ ἡ αὐτὴ ὁδός· εἶθʼ ἡ μὲν ἐπʼ εὐθείας διὰ τῆς Βακτριανῆς καὶ τῆς ὑπερβάσεως τοῦ ὄρους εἰς Ὀρτόσπανα ἐπὶ τὴν ἐκ Βάκτρων τρίοδον ἥτις ἐστὶν ἐν τοῖς Παροπαμισάδαις· ἡ δʼ ἐκτρέπεται μικρὸν ἀπὸ τῆς Ἀρίας πρὸς νότον εἰς Προφθασίαν τῆς Δραγγιανῆς· εἶτα πάλιν ἡ λοιπὴ μέχρι τῶν ὅρων τῆς Ἰνδικῆς καὶ τοῦ Ἰνδοῦ· ὥστε μακροτέρα ἐστὶν αὕτη ἡ διὰ τῶν Δραγγῶν καὶ Ἀραχωτῶν, σταδίων μυρίων πεντακισχιλίων τριακοσίων ἡ πᾶσα. εἰ δή τις ἀφέλοι τοὺς χιλίους τριακοσίους, ἔχοι ἂν² τὸ λοιπὸν τὸ ἐπʼ εὐθείας μῆκος τῆς χώρας, μυρίων καὶ τετρακισχιλίων· οὐ πολὺ γὰρ ἔλαττον [τὸ] τῆς παραλίας, κἂν παραύξωσί τινες³ αὐτὸ πρὸς τοῖς μυρίοις τὴν Καρμανίαν ἑξακισχιλίων τιθέντες· ἢ γὰρ σὺν τοῖς κόλποις φανοῦνται τιθέντες ἢ σὺν τῇ ἐντὸς τοῦ Περσικοῦ κόλπου παραλίᾳ τῇ Καρμανικῇ. ἐπεκτείνεται δὲ τοὔνομα τῆς Ἀριανῆς μέχρι μέρους τινὸς καὶ Περσῶν καὶ Μήδων καὶ ἔτι τῶν πρὸς ἄρκτον Βακτρίων καὶ Σογδιανῶν· εἰσὶ γάρ πως καὶ ὁμόγλωττοι παρὰ μικρόν.

참으로 아리아네의 남쪽 측면은 연안 지대 및 게드로시아인들과 오리타이인들의 땅인 그 바로 인접한 배후지에 관하여 그와 같은 상태를 보여주고 있다. 게드로시아 역시 내륙으로 크게 뻗어 있어 드랑기아나 및 아라코시아 및 파로파미사다이와 접하는 곳까지 이른다. 이들에 관해 에라토스테네스는 다음과 같이 말했는데, 왜냐하면 우리는 이들에 관해 더 나은 설명을 갖고 있지 않기 때문이다. 즉 그가 말하기를, 아리아네는 동쪽으로는 인더스강으로, 남쪽으로는 대양으로, 북쪽으로는 파로파미소스산과 카스피해 문까지 이어지는 산맥들로 한계 지어지며, 서쪽으로는 파르튀에네가 미디아와, 그리고 카르마니아가 파라이타케네 및 페르시스와 구획되는 것과 동일한 경계로 구획된다고 한다. 이 지역의 너비는 파로파미소스에서 강구에 이르는 인더스강의 길이이며, 만 이천 스타디온이다(어떤 이들은 만 삼천 스타디온이라고 한다). 그리고 카스피해 문으로부터의 길이는 아시아 숙역기에 기록되어 있는 것처럼 두 가지이다. 카스피해 문에서 아레이아의 알렉산드리아까지는 파르튀아이아를 통과하는 단 하나의 동일한 길이다. 그 후 한 길은 곧바로 박트리아나를 거치고 산을 넘어 박트라로부터 오는 삼거리가 있는 파로파미사다이 땅의 오르토스파나로 이어지며, 다른 길은 아레이아에서 남쪽으로 약간 벗어나 드랑기아나의 프로프타시아로 향하고, 그 후 다시 남은 길이 인도의 국경과 인더스강까지 이어진다. 따라서 드랑가인들과 아라코시아인들의 땅을 거치는 이 길이 더 길며, 전체 길이는 만 오천 삼백 스타디온이다. 그러므로 만약 누군가가 천 삼백 스타디온을 뺀다면, 그 나머지는 이 나라의 직선 방향 길이인 만 사천 스타디온이 될 것이다. 왜냐하면 비록 어떤 이들이 카르마니아를 만 스타디온 외에 육천 스타디온으로 설정하여 그것을 과장한다 하더라도, 그것은 해안선의 길이보다 그리 짧지 않기 때문이다. 왜냐하면 그들은 만의 굴곡을 포함하여 설정했거나, 혹은 페르시아만 안쪽의 카르마니아 연안을 포함하여 설정한 것이 분명하기 때문이다. 그리고 아리아네라는 이름은 페르시아인과 미디아인의 일부 지역까지, 더 나아가 북쪽의 박트리아인과 소그디아인에게까지 확장되어 사용된다. 왜냐하면 그들은 어떤 면에서 거의 같은 언어를 쓰기 때문이다.

§15.2.9

ἡ δὲ τάξις τῶν ἐθνῶν τοιαύτη· παρὰ μὲν τὸν Ἰνδὸν οἱ Παροπαμισάδαι, ὧν ὑπέρκειται ὁ Παροπαμισὸς ὄρος, εἶτʼ Ἀραχωτοὶ πρὸς νότον, εἶτʼ ἐφεξῆς πρὸς νότον Γεδρωσηνοὶ σὺν τοῖς ἄλλοις τοῖς τὴν παραλίαν ἔχουσιν· ἅπασι δὲ παρὰ τὰ πλάτη τῶν χωρίων παράκειται ὁ Ἰνδός. * τούτων δʼ ἐκ μέρους τῶν παρὰ τὸν Ἰνδὸν ἔχουσί τινα Ἰνδοὶ πρότερον ὄντα Περσῶν, ἃ ἀφείλετο μὲν ὁ Ἀλέξανδρος τῶν Ἀριανῶν⁴ καὶ κατοικίας ἰδίας συνεστήσατο, ἔδωκε δὲ Σέλευκος ὁ Νικάτωρ Σανδροκόττῳ, συνθέμενος ἐπιγαμίαν καὶ ἀντιλαβὼν ἐλέφαντας πεντακοσίους. τοῖς Παροπαμισάδαις δὲ παράκεινται πρὸς τὴν ἑσπέραν Ἄριοι, τοῖς δὲ Ἀραχωτοῖς Δράγγαι καὶ τοῖς Γεδρωσίοις· οἱ δʼ Ἄριοι τοῖς Δράγγαις ἅμα καὶ πρὸς ἄρκτον παράκεινται καὶ πρὸς ἑσπέραν, ἐγκυκλούμενοι μικρά πως· ἡ δὲ Βακτριανὴ τῇ τε Ἀρίᾳ πρὸς ἄρκτον παράκειται καὶ τοῖς Παροπαμισάδαις, διʼ ὧνπερ Ἀλέξανδρος ὑπερέβαλε τὸν Καύκασον ἐλαύνων τὴν ἐπὶ Βάκτρων· πρὸς ἑσπέραν δὲ ἐφεξῆς εἰσι τοῖς Ἀρίοις Παρθυαῖοι καὶ τὰ περὶ τὰς Κασπίους πύλας· πρὸς νότον δὲ τούτοις ἡ ἔρημος τῆς Καρμανίας, εἶθʼ ἡ λοιπὴ Καρμανία καὶ Γεδρωσία.

여러 부족의 배치는 다음과 같다. 인더스강을 따라서는 파로파미사다이가 살고 있으며, 이들 위에는 파로파미소스산이 솟아 있고, 그 다음 남쪽으로 아라코시아인들이 있으며, 그 다음 연이어 남쪽으로 게드로시아인들이 연안을 차지한 다른 이들과 함께 있다. 그리고 인더스강은 이 모든 지역들의 너비를 따라 나란히 흐르고 있다. 이들 중 인더스강 연안의 일부 지역은 과거에는 페르시아인들의 소유였으나 인도인들이 차지하고 있는데, 알렉산드로스가 아리아노이로부터 이를 빼앗아 자신의 정착지들을 건설했으나, 셀레우코스 니카토르가 혼인 동맹을 맺고 그 대가로 코끼리 오백 마리를 받는 조건으로 산드로코토스에게 준 것이다. 파로파미사다이 서쪽에는 아레이오이인들이 인접해 있고, 아라코시아인들과 게드로시아인들의 서쪽에는 드랑가인들이 인접해 있다. 그리고 아레이오이인들은 드랑가인들에 대해 북쪽과 서쪽 양쪽으로 인접하여 그들을 약간 둘러싸고 있다. 박트리아나는 아레이아의 북쪽 및 파로파미사다이에 인접해 있는데, 알렉산드로스는 박트라로 진군할 때 바로 이들을 거쳐 카우카소스산을 넘었다. 아레이오이인들의 서쪽에는 차례로 파르튀아이오이인들과 카스피해 문 주변 지역이 있으며, 이들의 남쪽에는 카르마니아의 사막이 있고, 그 다음 남은 카르마니아와 게드로시아가 있다.

구문 주해4건

15.2.8ὁρίζεσθαι μὲν γάρ φησι τὴν Ἀριανὴν
간접화법 구조. 동사 φησι (그는 말한다)에 부정사 ὁρίζεσθαι (구획되다)와 그 의미상 주어(대격)인 τὴν Ἀριανὴν이 걸려 있다. 수동의 의미로 해석된다.
15.2.8εἰ δή τις ἀφέλοι... ἔχοι ἂν...
조건절 εἰ + 희구법(ἀφέλοι)에 귀결절 ἄν + 희구법(ἔχοι ἂν)이 이어져 미래의 가정(또는 잠재적 가능성)을 나타내는 조건문이다.
15.2.8κἂν παραύξωσί τινες
κἄν(καὶ ἐάν의 축약)에 접속법 παραύξωσι가 이어지는 양보절로, '설령 어떤 이들이 그것을 늘린다 하더라도'라는 의미를 나타낸다.
15.2.9ἃ ἀφείλετο μὲν ὁ Ἀλέξανδρος τῶν Ἀριανῶν
빼앗다를 뜻하는 동사 ἀφαιρέομαι는 통상 이중대격을 취하지만, 여기서는 빼앗은 대상(지역)이 관계대명사 ἃ(대격)로 나타나고, 빼앗긴 주체가 탈격적 속격인 τῶν Ἀριανῶν으로 나타나 있다.

번역: Gemini 3.5 Flash (2026-05-25 공개) · 수정 이력 (2건, 최근 2026-09-23)

2026-09-23 OCR 오류 수정 — 원문 1건
2026-09-21 AI 교열 — 주석 1건

urn:cts:greekLit:tlg0099.tlg001.humanitext-grc2:15.2.8-15.2.9