민중 지도자의 전제적 민주정과 법의 지배 — 아리스토텔레스 『정치학』 4권 1292a 그리스어 원문·한국어 번역

§4.1292a

ἕτερον εἶδος δημοκρατίας τὸ μετέχειν ἅπαντας τοὺς πολίτας ὅσοι ἀνυπεύθυνοι,¹ ἄρχειν δὲ τὸν νόμον· ἕτερον δὲ εἶδος δημοκρατίας τὸ παντὶ μετεῖναι τῶν ἀρχῶν, ἐὰν μόνον ᾖ πολίτης, ἄρχειν δὲ τὸν νόμον· ἕτερον δὲ εἶδος δημοκρατίας τἆλλα μὲν εἶναι ταὐτά, κύριον δʼ εἶναι τὸ πλῆθος καὶ μὴ τὸν νόμον. τοῦτο δὲ γίνεται ὅταν τὰ ψηφίσματα κύρια ᾖ ἀλλὰ μὴ ὁ νόμος· συμβαίνει δὲ τοῦτο διὰ τοὺς δημαγωγούς. ἐν μὲν γὰρ ταῖς κατὰ νόμον δημοκρατουμέναις οὐ γίνεται δημαγωγός, ἀλλʼ οἱ βέλτιστοι τῶν πολιτῶν εἰσιν ἐν προεδρίᾳ· ὅπου δʼ οἱ νόμοι μή εἰσι κύριοι, ἐνταῦθα γίνονται δημαγωγοί. μόναρχος γὰρ ὁ δῆμος γίνεται, σύνθετος εἷς ἐκ πολλῶν· οἱ γὰρ πολλοὶ κύριοί εἰσιν οὐχ ὡς ἕκαστος ἀλλὰ πάντες. Ὅμηρος δὲ ποίαν λέγει οὐκ ἀγαθὸν εἶναι πολυκοιρανίην,² πότερον ταύτην ἢ ὅταν πλείους ὦσιν οἱ ἄρχοντες ὡς ἕκαστος, ἄδηλον. ὁ δʼ οὖν τοιοῦτος δῆμος, ἅτε μόναρχος ὤν, ζητεῖ μοναρχεῖν διὰ τὸ μὴ ἄρχεσθαι ὑπὸ νόμου, καὶ γίνεται δεσποτικός, ὥστε οἱ κόλακες ἔντιμοι, καὶ ἔστιν ὁ τοιοῦτος δῆμος ἀνάλογον τῶν μοναρχιῶν τῇ τυραννίδι. διότι καὶ τὸ ἦθος τὸ αὐτό, καὶ ἄμφω δεσποτικὰ τῶν βελτιόνων, καὶ τὰ ψηφίσματα ὥσπερ ἐκεῖ τὰ ἐπιτάγματα, καὶ ὁ δημαγωγὸς καὶ ὁ κόλαξ οἱ αὐτοὶ καὶ ἀνάλογον. καὶ μάλιστα δʼ ἑκάτεροι παρʼ ἑκατέροις ἰσχύουσιν, οἱ μὲν κόλακες παρὰ τοῖς τυράννοις, οἱ δὲ δημαγωγοὶ παρὰ τοῖς δήμοις τοῖς τοιούτοις. αἴτιοι δέ εἰσι τοῦ εἶναι τὰ ψηφίσματα κύρια ἀλλὰ μὴ τοὺς νόμους οὗτοι,³ πάντα ἀνάγοντες εἰς τὸν δῆμον· συμβαίνει γὰρ αὐτοῖς γίνεσθαι μεγάλοις διὰ τὸ τὸν μὲν δῆμον πάντων εἶναι κύριον, τῆς δὲ τοῦ δήμου δόξης τούτους· πείθεται γὰρ τὸ πλῆθος τούτοις. ἔτι δʼ οἱ ταῖς ἀρχαῖς ἐγκαλοῦντες τὸν δῆμόν φασι δεῖν κρίνειν, ὁ δὲ ἀσμένως δέχεται τὴν πρόκλησιν· ὥστε καταλύονται πᾶσαι αἱ ἀρχαί. εὐλόγως δὲ ἂν δόξειεν ἐπιτιμᾶν ὁ φάσκων τὴν τοιαύτην εἶναι δημοκρατίαν οὐ πολιτείαν. ὅπου γὰρ μὴ νόμοι ἄρχουσιν, οὐκ ἔστι πολιτεία. δεῖ γὰρ τὸν μὲν νόμον ἄρχειν πάντων τῶν δὲ καθʼ ἕκαστα τὰς ἀρχάς, καὶ ταύτην πολιτείαν κρίνειν. ὥστʼ εἴπερ ἐστὶ δημοκρατία μία τῶν πολιτειῶν, φανερὸν ὡς ἡ τοιαύτη κατάστασις, ἐν ᾗ ψηφίσμασι πάντα διοικεῖται, οὐδὲ δημοκρατία κυρίως· οὐθὲν γὰρ ἐνδέχεται ψήφισμα εἶναι καθόλου. τὰ μὲν οὖν τῆς δημοκρατίας εἴδη διωρίσθω τὸν τρόπον τοῦτον. ὀλιγαρχίας δὲ εἴδη ἓν μὲν τὸ ἀπὸ τιμημάτων εἶναι τὰς ἀρχὰς τηλικούτων ὥστε τοὺς ἀπόρους μὴ μετέχειν, πλείους ὄντας, ἐξεῖναι δὲ τῷ κτωμένῳ μετέχειν τῆς πολιτείας,

민주정의 다른 한 형태는, 신분에 이의가 제기되지 않은 모든 시민이 참여하되 법이 지배하는 것이다. 또 다른 민주정의 형태는, 단지 시민이기만 하면 누구든 관직에 참여할 수 있으되 법이 지배하는 것이다. 또 다른 민주정의 형태는, 다른 것들은 동일하지만 법이 아니라 다수가 주권을 가지는 것이다. 이것은 민회 결의가 주권을 가질 때 발생하며, 이러한 일은 민중 지도자들 때문에 일어난다. 왜냐하면 법에 따라 민주적으로 다스려지는 국가들에서는 민중 지도자가 나타나지 않고, 시민들 중 가장 훌륭한 자들이 지도적 위치에 있기 때문이다. 반면 법이 주권을 가지지 못하는 곳에서는 민중 지도자들이 나타난다. 왜냐하면 민중은 많은 사람으로 구성된 하나의 복합적인 군주가 되기 때문이다. 즉 다수가 주권을 가지는 것은 각자로서가 아니라 모두로서이다. 호메로스가 어떤 종류의 '많은 이의 지배'를 좋지 않다고 말하는 것인지는 불분명하다. 이것을 말하는 것인지, 아니면 개개인으로서 지배하는 자들이 더 많을 때를 말하는 것인지 말이다. 어쨌든 이러한 민중은 군주이기에 법의 지배를 받지 않음으로써 군주처럼 지배하려 하고 전제적이 되며, 그리하여 아첨꾼들이 존경을 받게 되고, 이러한 민중은 군주정들 중 참주정에 대응하게 된다. 이 때문에 성향도 같고, 양자 모두 더 훌륭한 자들에게 전제적이며, 민회 결의는 그곳의 명령과 같고, 민중 지도자와 아첨꾼은 동일하며 서로 상응한다. 그리고 각자는 각자의 영역에서 가장 큰 힘을 발휘한다. 아첨꾼들은 참주들 곁에서, 민중 지도자들은 이러한 종류의 민중 곁에서이다. 이들은 모든 것을 민중에게 회부함으로써 법이 아니라 민회 결의가 주권을 가지게 만드는 원인이다. 왜냐하면 민중이 모든 것의 주권자이고 자신들이 민중의 의견의 주권자임으로 인해 그들 자신이 강력해지기 때문이다. 대중은 이들에게 설득되기 때문이다. 게다가 관직자들을 고발하는 자들은 민중이 판결해야 한다고 말하고, 민중은 그 청을 기꺼이 받아들인다. 그리하여 모든 관직이 해체된다. 그러므로 이러한 민주정은 국제가 아니라고 주장하는 이의 비판은 지당한 것처럼 보일 것이다. 왜냐하면 법이 지배하지 않는 곳에는 국제도 존재하지 않기 때문이다. 왜냐하면 법은 모든 것을 지배해야 하고, 관직들은 개별적인 일들을 지배해야 하며, 이것을 국제라고 판단해야 하기 때문이다. 그러므로 만약 민주정이 국제들 중 하나라면, 민회 결의에 의해 모든 것이 관리되는 이러한 체제는 엄밀한 의미에서 민주정조차 아님이 분명하다. 왜냐하면 어떠한 민회 결의도 보편적인 것일 수 없기 때문이다. 그러므로 민주정의 형태들은 이와 같은 방식으로 규정해 두자. 한편 과두정의 형태들 중 하나는, 관직들이 가난한 자들(이들이 다수이지만)은 참여할 수 없을 만큼 큰 자산 자격으로부터 나오는 것이며, 다만 그것을 취득한 자에게는 국제에 참여하는 것이 허용되는 것이다.

구문 주해3건

1292a1ἀνυπεύθυνοι
본래 ‘(감사 등에서) 책임을 추궁받지 않는’이라는 뜻이지만, 여기서는 국제 참여의 요건으로서 ‘시민 자격에 이의가 제기되지 않은 자’ 또는 ‘법적 고발을 당하지 않은 자’를 가리킨다.
1292a10Ὅμηρος δὲ ποίαν λέγει οὐκ ἀγαθὸν εἶναι πολυκοιρανίην
간접의문문의 의문형용사 ποίαν이 수식 대상인 명사 πολυκοιρανίην('많은 이의 지배', 이오니아 방언)과 크게 떨어져 있다. 전체 구조는 λέγει의 목적어가 되는 대격 부정사 구문(πολυκοιρανίην οὐκ ἀγαθὸν εἶναι)을 내포하고 있다.
1292a20αἴτιοι δέ εἰσι τοῦ εἶναι τὰ ψηφίσματα κύρια ἀλλὰ μὴ τοὺς νόμους οὗτοι
형용사 αἴτιοι가 요구하는 속격으로서 관사 부착 부정사 τοῦ εἶναι...('...임의 원인')가 놓여 있다. 또한 주절의 주어인 지시대명사 οὗτοι가 강조를 위해 문장 맨 끝에 놓인 도치 구조이다.

번역: Gemini 3.5 Flash (2026-05-22 공개)urn:cts:greekLit:tlg0086.tlg035.humanitext-grc2:4.1292a