탈의실에서의 모임과 덕을 가르친다는 선언 — 플라톤 『에우티데모스』 273–274 그리스어 원문·한국어 번역

§273

ΣΩ. πάλιν οὖν ἐκαθεζόμην, καὶ ὀλίγῳ ὕστερον εἰσέρχεσθον τούτω—ὅ τʼ Εὐθύδημος καὶ ὁ Διονυσόδωρος—καὶ ἄλλοι μαθηταὶ ἅμα αὖ πολλοὶ ἐμοὶ δοκεῖν·¹ εἰσελθόντε δὲ περιπατείτην ἐν τῷ καταστέγῳ δρόμῳ. καὶ οὔπω τούτω δύʼ ἢ τρεῖς δρόμους περιεληλυθότε ἤστην, καὶ εἰσέρχεται Κλεινίας, ὃν σὺ φῂς πολὺ ἐπιδεδωκέναι, ἀληθῆ λέγων· ὄπισθεν δὲ αὐτοῦ ἐρασταὶ πάνυ πολλοί τε καὶ ἄλλοι καὶ Κτήσιππος, νεανίσκος τις Παιανιεύς, μάλα καλός τε κἀγαθὸς τὴν φύσιν, ὅσον μὴ ὑβριστὴς διὰ τὸ νέος εἶναι. ἰδὼν οὖν με ὁ Κλεινίας ἀπὸ τῆς εἰσόδου μόνον καθήμενον, ἄντικρυς ἰὼν παρεκαθέζετο ἐκ δεξιᾶς, ὥσπερ καὶ σὺ φῄς. ἰδόντε δὲ αὐτὸν ὅ τε Διονυσόδωρος καὶ ὁ Εὐθύδημος πρῶτον μὲν ἐπιστάντε διελεγέσθην ἀλλήλοιν, ἄλλην καὶ ἄλλην ἀποβλέποντε εἰς ἡμᾶς—καὶ γὰρ πάνυ αὐτοῖν προσεῖχον τὸν νοῦν—ἔπειτα ἰόντε ὁ μὲν παρὰ τὸ μειράκιον ἐκαθέζετο, ὁ Εὐθύδημος, ὁ δὲ παρʼ αὐτὸν ἐμὲ ἐξ ἀριστερᾶς, οἱ δʼ ἄλλοι ὡς ἕκαστος ἐτύγχανεν. ἠσπαζόμην οὖν αὐτὼ ἅτε διὰ χρόνου ἑωρακώς· μετὰ δὲ τοῦτο εἶπον πρὸς τὸν Κλεινίαν· ὦ Κλεινία, τώδε μέντοι τὼ ἄνδρε σοφώ, Εὐθύδημός τε καὶ Διονυσόδωρος, οὐ τὰ σμικρὰ ἀλλὰ τὰ μεγάλα· τὰ γὰρ περὶ τὸν πόλεμον πάντα ἐπίστασθον, ὅσα δεῖ τὸν μέλλοντα ἀγαθὸν στρατηγὸν ἔσεσθαι, τάς τε τάξεις καὶ τὰς ἡγεμονίας τῶν στρατοπέδων καὶ ἐν ὅπλοις μάχεσθαι· οἵω τε δὲ καὶ ποιῆσαι δυνατὸν εἶναι αὐτὸν αὑτῷ βοηθεῖν ἐν τοῖς δικαστηρίοις, ἄν τις αὐτὸν ἀδικῇ. εἰπὼν οὖν ταῦτα κατεφρονήθην ὑπʼ αὐτοῖν· ἐγελασάτην οὖν ἄμφω βλέψαντε εἰς ἀλλήλω, καὶ ὁ Εὐθύδημος εἶπεν· οὔτοι ἔτι ταῦτα, ὦ Σώκρατες, σπουδάζομεν, ἀλλὰ παρέργοις αὐτοῖς χρώμεθα. κἀγὼ θαυμάσας εἶπον· καλὸν ἄν που τὸ ἔργον ὑμῶν εἴη, εἰ τηλικαῦτα πράγματα πάρεργα ὑμῖν τυγχάνει ὄντα, καὶ πρὸς θεῶν εἴπετόν μοι τί ἐστι τοῦτο τὸ καλόν. ἀρετήν, ἔφη, ὦ Σώκρατες, οἰόμεθα οἵω τʼ εἶναι παραδοῦναι κάλλιστʼ ἀνθρώπων καὶ τάχιστα. ὦ Ζεῦ, οἷον, ἦν δʼ ἐγώ, λέγετον πρᾶγμα· πόθεν τοῦτο τὸ ἕρμαιον ηὑρέτην; ἐγὼ δὲ περὶ ὑμῶν διενοούμην ἔτι, ὥσπερ νυνδὴ ἔλεγον, ὡς τὸ πολὺ τοῦτο δεινοῖν ὄντοιν,² ἐν ὅπλοις μάχεσθαι, καὶ ταῦτα ἔλεγον περὶ σφῷν· ὅτε γὰρ τὸ πρότερον ἐπεδημησάτην, τοῦτο μέμνημαι σφὼ ἐπαγγελλομένω.

소크라테스: 그리하여 나는 다시 자리에 앉았네. 그러자 조금 뒤에 이 두 사람, 즉 에우튀데모스와 디오뉘소도로스가 들어왔고, 내가 보기에 그들과 함께 또 많은 다른 제자들도 들어왔네. 들어온 뒤에 그들은 지붕이 있는 달리기 길을 걸어 다녔다네. 그리고 이들이 아직 두세 바퀴도 돌지 않았을 때, 자네가 많이 성장했다고 말했던 클레이니아스가 들어왔는데, 자네 말이 참이었네. 그의 뒤에는 아주 많은 애모자들과 다른 이들이 따랐고, 파이아니아 출신의 청년인 크테시포스도 있었네. 그는 천성이 매우 아름답고 훌륭하지만, 나이가 젊어서 다소 무례한 점이 흠이었네. 그리하여 클레이니아스는 입구에서부터 내가 혼자 앉아 있는 것을 보고는, 곧장 걸어와 자네가 말한 대로 내 오른편에 나란히 앉았네. 디오뉘소도로스와 에우튀데모스는 그를 보더니, 처음에는 멈춰 서서 우리 쪽을 번갈아 바라보며 서로 이야기를 나누었네(참으로 나는 그들에게 아주 주의를 기울이고 있었네). 그러더니 다가와서, 에우튀데모스는 그 소년 옆에 앉았고, 다른 한 명은 왼편에 있는 내 옆에 앉았으며, 다른 이들은 각자 편한 대로 앉았네. 그래서 나는 오랜만에 만났기에 그들 둘에게 인사를 건넸네. 그 후 나는 클레이니아스에게 말했네. "클레이니아스여, 이 두 사람, 즉 에우튀데모스와 디오뉘소도로스는 실로 지혜로운 이들이라네, 소소한 일에서가 아니라 중대한 일들에서 말이네. 장차 훌륭한 장군이 되려는 이가 알아야 할 전쟁에 관한 모든 것, 즉 진형과 군대의 지휘, 그리고 무장을 하고 싸우는 법을 이 두 사람은 숙지하고 있기 때문이네. 또한 그들은 누군가가 자신을 부당하게 대할 때, 법정에서 스스로를 도울 수 있도록 만들어 줄 수도 있다네." 내가 이 말을 하자 나는 그들 둘에게 가벼이 여김을 받았네. 그 둘은 서로를 바라보며 웃었고, 에우튀데모스가 말했네. "소크라테스여, 우리는 더 이상 이 일들에 진지하게 임하지 않으며, 단지 여흥으로만 삼고 있다네." 이에 나는 놀라서 말했네. "그러한 중대한 일들이 그대들에게 한낱 여흥에 불과하다면, 그대들의 본업은 참으로 훌륭한 것이겠구려. 신들의 이름으로 청하건대, 그 훌륭한 것이 무엇인지 내게 말해 주시오." "덕이라네, 소크라테스여." 그가 말했네. "우리는 인간들 중에서 가장 훌륭하고 가장 빠르게 그것을 전수할 수 있다고 생각하네." "오, 제우스여!" 나는 말했네. "그대들은 참으로 엄청난 일을 말하고 있구려. 대체 어디서 그런 뜻밖의 횡재를 찾아내었소? 나는 방금 말했듯이, 그대들이 무장을 하고 싸우는 이 일에 주로 뛰어난 자들이라고 여전히 생각하고 있었고, 그대들에 대해 그렇게 말하고 있었소. 그대들이 이전에 여기에 머물렀을 때, 바로 이 일을 가언하고 다녔던 것을 내가 기억하기 때문이오."

§274

ΣΩ. εἰ δὲ νῦν ἀληθῶς ταύτην τὴν ἐπιστήμην ἔχετον, ἵλεω εἶτον—ἀτεχνῶς γὰρ ἔγωγε σφὼ ὥσπερ θεὼ προσαγορεύω, συγγνώμην δεόμενος ἔχειν μοι τῶν ἔμπροσθεν εἰρημένων. ἀλλʼ ὁρᾶτον, ὦ Εὐθύδημέ τε καὶ Διονυσόδωρε, εἰ ἀληθῆ λέγετον· ὑπὸ γὰρ τοῦ μεγέθους τοῦ ἐπαγγέλματος οὐδὲν θαυμαστὸν ἀπιστεῖν. ἀλλʼ εὖ ἴσθι, ὦ Σώκρατες, τοῦτο οὕτως ἔχον. μακαρίζω ἄρʼ ὑμᾶς ἔγωγε τοῦ κτήματος πολὺ μᾶλλον ἢ μέγαν βασιλέα τῆς ἀρχῆς· τοσόνδε δέ μοι εἴπετον, εἰ ἐν νῷ ἔχετον ἐπιδεικνύναι ταύτην τὴν σοφίαν, ἢ πῶς σφῷν βεβούλευται. ἐπʼ αὐτό γε τοῦτο πάρεσμεν, ὦ Σώκρατες, ὡς ἐπιδείξοντε καὶ διδάξοντε, ἐάν τις ἐθέλῃ μανθάνειν. ἀλλʼ ὅτι μὲν ἐθελήσουσιν ἅπαντες οἱ μὴ ἔχοντες, ἐγὼ ὑμῖν ἐγγυῶμαι, πρῶτος μὲν ἐγώ, ἔπειτα δὲ Κλεινίας οὑτοσί, πρὸς δʼ ἡμῖν Κτήσιππός τε ὅδε καὶ οἱ ἄλλοι οὗτοι, ἦν δʼ ἐγὼ δεικνὺς αὐτῷ τοὺς ἐραστὰς τοὺς Κλεινίου· οἱ δὲ ἐτύγχανον ἡμᾶς ἤδη περιιστάμενοι. ὁ γὰρ Κτήσιππος ἔτυχε πόρρω καθεζόμενος τοῦ Κλεινίου—κἀμοὶ δοκεῖν³ ὡς ἐτύγχανεν ὁ Εὐθύδημος ἐμοὶ διαλεγόμενος προνενευκὼς εἰς τὸ πρόσθεν, ἐν μέσῳ ὄντος ἡμῶν τοῦ Κλεινίου ἐπεσκότει τῷ Κτησίππῳ τῆς θέας—βουλόμενός τε οὖν θεάσασθαι ὁ Κτήσιππος τὰ παιδικὰ καὶ ἅμα φιλήκοος ὢν ἀναπηδήσας πρῶτος προσέστη ἡμῖν ἐν τῷ καταντικρύ· οὕτως οὖν καὶ οἱ ἄλλοι ἐκεῖνον ἰδόντες περιέστησαν ἡμᾶς, οἵ τε τοῦ Κλεινίου ἐρασταὶ καὶ οἱ τοῦ Εὐθυδήμου τε καὶ Διονυσοδώρου ἑταῖροι. τούτους δὴ ἐγὼ δεικνὺς ἔλεγον τῷ Εὐθυδήμῳ ὅτι πάντες ἕτοιμοι εἶεν μανθάνειν· ὅ τε οὖν Κτήσιππος συνέφη μάλα προθύμως καὶ οἱ ἄλλοι, καὶ ἐκέλευον αὐτὼ κοινῇ πάντες ἐπιδείξασθαι τὴν δύναμιν τῆς σοφίας. εἶπον οὖν ἐγώ· ὦ Εὐθύδημε καὶ Διονυσόδωρε, πάνυ μὲν οὖν παντὶ τρόπῳ καὶ τούτοις χαρίσασθον καὶ ἐμοῦ ἕνεκα ἐπιδείξασθον. τὰ μὲν οὖν πλεῖστα δῆλον ὅτι οὐκ ὀλίγον ἔργον ἐπιδεῖξαι· τόδε δέ μοι εἴπετον, πότερον πεπεισμένον ἤδη ὡς χρὴ παρʼ ὑμῶν μανθάνειν δύναισθʼ ἂν ἀγαθὸν ποιῆσαι ἄνδρα μόνον, ἢ καὶ ἐκεῖνον τὸν μήπω πεπεισμένον διὰ τὸ μὴ οἴεσθαι ὅλως τὸ πρᾶγμα τὴν ἀρετὴν μαθητὸν εἶναι ἢ μὴ σφὼ εἶναι αὐτῆς διδασκάλω; φέρε, καὶ τὸν οὕτως ἔχοντα τῆς αὐτῆς τέχνης ἔργον⁴ πεῖσαι ὡς καὶ διδακτὸν ἡ ἀρετὴ καὶ οὗτοι ὑμεῖς ἐστὲ παρʼ ὧν ἂν κάλλιστά τις αὐτὸ μάθοι, ἢ ἄλλης; ταύτης μὲν οὖν, ἔφη, τῆς αὐτῆς, ὦ Σώκρατες, ὁ Διονυσόδωρος.

"하지만 만일 그대들이 이제 참으로 이 지식을 가지고 있다면, 자비를 베풀어 주시오. 실로 나는 그대들을 마치 신이라도 되는 양 부르며, 이전에 했던 말들에 대해 용서를 구하고 싶으니 말이오. 하지만 에우튀데모스와 디오뉘소도로스여, 그대들이 하는 말이 참인지 잘 살펴보시오. 그 선언의 거대함 때문에 믿지 못하는 것도 전혀 이상한 일이 아니니 말이오." "하지만 소크라테스여, 이것이 참으로 그러하다는 것을 잘 알아두게나." "그렇다면 나는 그대들이 가진 그 소유를, 대왕이 가진 제국보다 훨씬 더 축복하겠소. 다만 내게 이 한 가지만 말해 주시오. 그대들은 이 지혜를 시연해 보일 생각인지, 아니면 그대들 사이에서 어떻게 결정하였소?" "바로 그 목적으로, 소크라테스여, 우리는 여기에 와 있네. 시연하고 또한 가르치기 위해서 말이네, 만일 누군가 배우기를 원한다면 말이네." "하지만 그것을 가지고 있지 않은 자들은 모두 배우기를 원할 것이라는 점을 내가 보증하겠네. 우선 나부터 시작해서, 여기 이 클레이니아스, 그리고 우리 외에도 여기 이 크테시포스와 다른 이 모든 사람들이라네." 나는 그에게 클레이니아스의 애모자들을 가리키며 말했네. 그들은 마침 이미 우리 주위를 둘러싸고 있었기 때문이네. 크테시포스는 클레이니아스로부터 멀리 앉아 있었는데 — 내가 보기에 에우튀데모스가 나에게 이야기하면서 앞으로 상체를 숙이고 있었기에, 우리 사이에 있던 클레이니아스가 크테시포스의 시야를 가로막고 있었던 것 같네 — 그리하여 크테시포스는 사랑하는 소년을 보고 싶어 했고 동시에 귀를 기울여 듣는 것을 좋아했기에, 가장 먼저 벌떡 일어나 우리 맞은편에 다가와 섰네. 이리하여 다른 이들도 그를 보고는 우리를 둘러쌌네, 클레이니아스의 애모자들과 에우튀데모스 및 디오뉘소도로스의 동료들 모두 말이네. 이에 나는 이들을 가리키며 에우튀데모스에게 모두가 배울 준비가 되어 있다고 말했네. 그러자 크테시포스도 매우 기꺼이 동의했고 다른 이들도 그러했네. 그리고 모두가 다 함께 그들 둘에게 지혜의 능력을 시연해 보이라고 요구했네. 그래서 나는 말했네. "에우튀데모스와 디오뉘소도로스여, 부디 온갖 방법으로 이들의 청을 들어주고, 나를 위해서도 시연을 보여 주시오. 그 대부분을 시연해 보이는 것이 결코 쉬운 일이 아님은 분명하오. 하지만 내게 이 한 가지만 말해 주시오. 그대들에게서 배워야 한다고 이미 확신하고 있는 사람만을 훌륭한 사람으로 만들 수 있소, 아니면 덕이라는 것이 전혀 배울 수 있는 것이 아니라거나 그대들이 그것의 교사가 아니라고 생각하기에 아직 확신하지 못하는 사람까지도 그렇게 만들 수 있소? 자, 그런 상태에 있는 사람에게 덕이란 가르칠 수 있는 것이며 그대들이야말로 그것을 가장 잘 배울 수 있는 교사라는 점을 설득하는 것은 동일한 기술의 일이오, 아니면 다른 기술의 일이오?" "바로 이 동일한 기술의 일이라네, 소크라테스여." 디오뉘소도로스가 말했네.

구문 주해4건

273aἐμοὶ δοκεῖν
절대부정사(제한적 용법)의 형태로, "내가 보기에" 또는 "내 생각에"라는 뜻을 나타낸다.
273eὡς τὸ πολὺ τοῦτο δεινοῖν ὄντοιν
ὡς를 동반한 속격독립(genitive absolute) 구조로, 주절의 동사 διενοούμην의 대상인 두 사람에 대한 소크라테스의 주관적인 판단이나 인식을 나타낸다.
274bκἀμοὶ δοκεῖν
여기서도 절대부정사가 삽입적으로 사용되어("그리고 내가 보기에"), 뒤따르는 ὡς절(시야를 가렸던 인과관계를 설명함) 전체의 어조를 완화하고 있다.
274eτῆς αὐτῆς τέχνης ἔργον
서술적 속격(소유 및 특징의 속격)의 용법으로, "(그것은) 동일한 기술의 과업이다"라는 뜻을 나타낸다. 연결동사(ἐστί)가 생략되어 있다.

번역: Gemini 3.5 Flash (2026-05-22 공개) · 수정 이력 (1건, 최근 2026-09-21)

2026-09-21 AI 교열 — 번역문 1건

urn:cts:greekLit:tlg0059.tlg021.humanitext-grc2:273-274