철학의 시작으로서의 경이와 운동설의 도입 — 플라톤 『테아이테토스』 155–156 그리스어 원문·한국어 번역

§155

ΣΩ. καὶ μὴν ἐγώ. ὅτε δʼ οὕτως ἔχει, ἄλλο τι ἢ ἠρέμα, ὡς πάνυ πολλὴν σχολὴν ἄγοντες, πάλιν ἐπανασκεψόμεθα, οὐ δυσκολαίνοντες ἀλλὰ τῷ ὄντι ἡμᾶς αὐτοὺς ἐξετάζοντες, ἅττα ποτʼ ἐστὶ ταῦτα τὰ φάσματα ἐν ἡμῖν; ὧν πρῶτον ἐπισκοποῦντες φήσομεν, ὡς ἐγὼ οἶμαι, μηδέποτε μηδὲν ἂν μεῖζον μηδὲ ἔλαττον γενέσθαι μήτε ὄγκῳ μήτε ἀριθμῷ, ἕως ἴσον εἴη αὐτὸ ἑαυτῷ. οὐχ οὕτως; ΘΕΑΙ. ναί. ΣΩ. δεύτερον δέ γε, ᾧ μήτε προστιθοῖτο μήτε ἀφαιροῖτο, τοῦτο μήτε αὐξάνεσθαί ποτε μήτε φθίνειν, ἀεὶ δὲ ἴσον εἶναι. ΘΕΑΙ. κομιδῇ μὲν οὖν. ΣΩ. ἆρʼ οὖν οὐ καὶ τρίτον, ὃ μὴ πρότερον ἦν, ὕστερον ἀλλὰ τοῦτο εἶναι ἄνευ τοῦ γενέσθαι καὶ γίγνεσθαι ἀδύνατον;¹ ΘΕΑΙ. δοκεῖ γε δή. ΣΩ. ταῦτα δή, οἴομαι, ὁμολογήματα τρία μάχεται αὐτὰ αὑτοῖς ἐν τῇ ἡμετέρᾳ ψυχῇ, ὅταν τὰ περὶ τῶν ἀστραγάλων λέγωμεν, ἢ ὅταν φῶμεν ἐμὲ τηλικόνδε ὄντα, μήτε αὐξηθέντα μήτε τοὐναντίον παθόντα, ἐν ἐνιαυτῷ σοῦ τοῦ νέου νῦν μὲν μείζω εἶναι, ὕστερον δὲ ἐλάττω, μηδὲν τοῦ ἐμοῦ ὄγκου ἀφαιρεθέντος ἀλλὰ σοῦ αὐξηθέντος. εἰμὶ γὰρ δὴ ὕστερον ὃ πρότερον οὐκ ἦ, οὐ γενόμενος·² ἄνευ γὰρ τοῦ γίγνεσθαι γενέσθαι ἀδύνατον, μηδὲν δὲ ἀπολλὺς τοῦ ὄγκου οὐκ ἄν ποτε ἐγιγνόμην ἐλάττων. καὶ ἄλλα δὴ μυρία ἐπὶ μυρίοις οὕτως ἔχει, εἴπερ καὶ ταῦτα παραδεξόμεθα. ἕπῃ γάρ που, ὦ Θεαίτητε· δοκεῖς γοῦν μοι οὐκ ἄπειρος τῶν τοιούτων εἶναι. ΘΕΑΙ. καὶ νὴ τοὺς θεούς γε, ὦ Σώκρατες, ὑπερφυῶς ὡς θαυμάζω τί ποτʼ ἐστὶ ταῦτα, καὶ ἐνίοτε ὡς ἀληθῶς βλέπων εἰς αὐτὰ σκοτοδινιῶ. ΣΩ. Θεόδωρος γάρ, ὦ φίλε, φαίνεται οὐ κακῶς τοπάζειν περὶ τῆς φύσεώς σου. μάλα γὰρ φιλοσόφου τοῦτο τὸ πάθος, τὸ θαυμάζειν· οὐ γὰρ ἄλλη ἀρχὴ φιλοσοφίας ἢ αὕτη, καὶ ἔοικεν ὁ τὴν Ἶριν Θαύμαντος ἔκγονον φήσας οὐ κακῶς γενεαλογεῖν. ἀλλὰ πότερον μανθάνεις ἤδη διʼ ὃ ταῦτα τοιαῦτʼ ἐστὶν ἐξ ὧν τὸν Πρωταγόραν φαμὲν λέγειν, ἢ οὔπω; ΘΕΑΙ. οὔπω μοι δοκῶ. ΣΩ. χάριν οὖν μοι εἴσῃ ἐάν σοι ἀνδρός, μᾶλλον δὲ ἀνδρῶν ὀνομαστῶν τῆς διανοίας τὴν ἀλήθειαν ἀποκεκρυμμένην συνεξερευνήσωμαι αὐτῶν; ΘΕΑΙ. πῶς γὰρ οὐκ εἴσομαι, καὶ πάνυ γε πολλήν; ΣΩ. ἄθρει δὴ περισκοπῶν μή τις τῶν ἀμυήτων ἐπακούῃ. εἰσὶν δὲ οὗτοι οἱ οὐδὲν ἄλλο οἰόμενοι εἶναι ἢ οὗ ἂν δύνωνται ἀπρὶξ τοῖν χεροῖν λαβέσθαι, πράξεις δὲ καὶ γενέσεις καὶ πᾶν τὸ ἀόρατον οὐκ ἀποδεχόμενοι ὡς ἐν οὐσίας μέρει.

소크라테스: 그리고 나 역시 그렇단다. 사정이 이러하다면, 우리는 아주 넉넉히 여유를 가진 사람들처럼, 짜증 내지 않고 참으로 우리 자신을 음미하면서, 우리 안에 있는 이 현상들이 도대체 무엇인지 다시 차분히 검토해 보아야 하지 않겠느냐？ 이를 살피면서 우리는 제일 먼저, 내 생각에는, 어떤 것도 그것이 스스로 자신과 동등하게 유지되는 한, 부피에 있어서나 수에 있어서나 결코 더 커지거나 작아질 수 없다고 말할 것이다. 그렇지 않느냐？ 테아이테토스: 그렇습니다. 소크라테스: 그리고 둘째로, 아무것도 더해지지 않고 아무것도 덜어지지 않는 것은 결코 증가하지도 감소하지도 않으며 언제나 동등하다는 것이다. 테아이테토스: 전적으로 그렇습니다. 소크라테스: 그렇다면 셋째로, 이전에는 있지 않았던 것이 나중에 그렇게 존재하는 것은 생겨남과 생성됨이 없이는 불가능하다는 것 역시 그렇지 않겠느냐？ 테아이테토스: 확실히 그렇게 보입니다. 소크라테스: 내가 보기에 이 세 가지 합의 사항들이 우리 영혼 안에서 서로 싸우고 있단다. 우리가 주사위에 관해 말할 때나, 혹은 내 나이의 내가 증가하지도 않고 그 반대의 일을 겪지도 않았는데, 일 년 사이에 젊은 너에 대해 지금은 더 크지만 나중에는 더 작아진다고 말할 때가 그렇다. 내 부피에서 아무것도 덜어지지 않았는데도 네가 증가함으로 인해 말이다. 왜냐하면 나는 나중에 이전에는 있지 않았던 상태가 되기 때문인데, 생성됨이 없이 그렇게 된 것이다. 왜냐하면 생성됨 없이는 생겨나는 것이 불가능하며, 내 부피에서 아무것도 잃지 않았으니 결코 내가 작아지고 있었을 리는 없기 때문이다. 그리고 우리가 이것들을 받아들인다면, 다른 수많은 사례도 이와 같이 성립할 것이다. 왜냐하면 테아이테토스야, 너는 아마 내 말을 잘 따라오고 있을 테니 말이다. 적어도 너는 이러한 일들에 무경험해 보이지는 않는다. 테아이테토스: 그리고 신들께 맹세코, 소크라테스여, 저는 이것들이 도대체 무엇인지 엄청나게 기이해하고 있으며, 때로는 그것들을 참되게 바라보고 있으면 참으로 현기증이 날 지경입니다. 소크라테스: 테오도로스가, 친구여, 네 천성에 관해 잘 추측한 것 같구나. 왜냐하면 기이해하는 것은 참으로 지혜를 사랑하는 자의 감정이기 때문이다. 지혜를 사랑함의 시작은 이것 말고는 없으며, 이리스가 타우마스의 후손이라고 말한 사람도 계보를 나쁘지 않게 지어낸 것 같구나. 그런데 우리는 프로타고라스가 뜻한다고 말하는 것들로부터 이러한 일들이 왜 그러한지 네가 이미 이해하고 있느냐, 아니면 아직이냐？ 테아이테토스: 아직 이해하지 못한 것 같습니다. 소크라테스: 그렇다면 내가 너와 함께, 어떤 훌륭한 사람, 아니 그보다는 유명한 사람들의 생각의 숨겨진 진리를 함께 탐색해 준다면 내게 고마워하겠느냐？ 테아이테토스: 어찌 고마워하지 않겠습니까, 그것도 대단히 많이 고마워할 것입니다. 소크라테스: 그렇다면 비전수자들 중 누군가가 엿듣지 않는지 주위를 둘러보며 주의하거라. 이들은 손으로 꽉 쥘 수 있는 것 외에는 아무것도 존재하지 않는다고 생각하며, 행위나 생성, 그리고 모든 보이지 않는 것을 실재의 영역에 받아들이지 않는 자들이다.

§156

ΘΕΑΙ. καὶ μὲν δή, ὦ Σώκρατες, σκληρούς γε λέγεις καὶ ἀντιτύπους ἀνθρώπους. ΣΩ. εἰσὶν γάρ, ὦ παῖ, μάλʼ εὖ ἄμουσοι· ἇλλοι δὲ πολὺ κομψότεροι, ὧν μέλλω σοι τὰ μυστήρια λέγειν. ἀρχὴ δέ, ἐξ ἧς καὶ ἃ νυνδὴ ἐλέγομεν πάντα ἤρτηται, ἥδε αὐτῶν, ὡς τὸ πᾶν κίνησις ἦν καὶ ἄλλο παρὰ τοῦτο οὐδέν, τῆς δὲ κινήσεως δύο εἴδη, πλήθει μὲν ἄπειρον ἑκάτερον, δύναμιν δὲ τὸ μὲν ποιεῖν ἔχον, τὸ δὲ πάσχειν. ἐκ δὲ τῆς τούτων ὁμιλίας τε καὶ τρίψεως πρὸς ἄλληλα γίγνεται ἔκγονα πλήθει μὲν ἄπειρα, δίδυμα δέ, τὸ μὲν αἰσθητόν, τὸ δὲ αἴσθησις, ἀεὶ συνεκπίπτουσα καὶ γεννωμένη μετὰ τοῦ αἰσθητοῦ.³ αἱ μὲν οὖν αἰσθήσεις τὰ τοιάδε ἡμῖν ἔχουσιν ὀνόματα, ὄψεις τε καὶ ἀκοαὶ καὶ ὀσφρήσεις καὶ ψύξεις τε καὶ καύσεις καὶ ἡδοναί γε δὴ καὶ λῦπαι καὶ ἐπιθυμίαι καὶ φόβοι κεκλημέναι καὶ ἄλλαι, ἀπέραντοι μὲν αἱ ἀνώνυμοι, παμπληθεῖς δὲ αἱ ὠνομασμέναι· τὸ δʼ αὖ αἰσθητὸν γένος τούτων ἑκάσταις ὁμόγονον, ὄψεσι μὲν χρώματα παντοδαπαῖς παντοδαπά, ἀκοαῖς δὲ ὡσαύτως φωναί, καὶ ταῖς ἄλλαις αἰσθήσεσι τὰ ἄλλα αἰσθητὰ συγγενῆ γιγνόμενα. τί δὴ οὖν ἡμῖν βούλεται οὗτος ὁ μῦθος, ὦ Θεαίτητε, πρὸς τὰ πρότερα; ἆρα ἐννοεῖς; ΘΕΑΙ. οὐ πάνυ, ὦ Σώκρατες. ΣΩ. ἀλλʼ ἄθρει ἐάν πως ἀποτελεσθῇ. βούλεται γὰρ δὴ λέγειν ὡς ταῦτα πάντα μὲν ὥσπερ λέγομεν κινεῖται, τάχος δὲ καὶ βραδυτὴς ἔνι τῇ κινήσει αὐτῶν. ὅσον μὲν οὖν βραδύ, ἐν τῷ αὐτῷ καὶ πρὸς τὰ πλησιάζοντα τὴν κίνησιν ἴσχει καὶ οὕτω δὴ γεννᾷ, τὰ δὲ γεννώμενα οὕτω δὴ θάττω ἐστίν. φέρεται γὰρ καὶ ἐν φορᾷ αὐτῶν ἡ κίνησις πέφυκεν. ἐπειδὰν οὖν ὄμμα καὶ ἄλλο τι τῶν τούτῳ συμμέτρων πλησιάσαν γεννήσῃ τὴν λευκότητά τε καὶ αἴσθησιν αὐτῇ σύμφυτον, ἃ οὐκ ἄν ποτε ἐγένετο ἑκατέρου ἐκείνων πρὸς ἄλλο ἐλθόντος, τότε δὴ μεταξὺ φερομένων⁴ τῆς μὲν ὄψεως πρὸς τῶν ὀφθαλμῶν, τῆς δὲ λευκότητος πρὸς τοῦ συναποτίκτοντος τὸ χρῶμα, ὁ μὲν ὀφθαλμὸς ἄρα ὄψεως ἔμπλεως ἐγένετο καὶ ὁρᾷ δὴ τότε καὶ ἐγένετο οὔ τι ὄψις ἀλλʼ ὀφθαλμὸς ὁρῶν, τὸ δὲ συγγεννῆσαν τὸ χρῶμα λευκότητος περιεπλήσθη καὶ ἐγένετο οὐ λευκότης αὖ ἀλλὰ λευκόν, εἴτε ξύλον εἴτε λίθος εἴτε ὁτῳοῦν συνέβη χρῆμα χρωσθῆναι τῷ τοιούτῳ χρώματι.

테아이테토스: 소크라테스여, 참으로 당신은 완고하고 융통성 없는 사람들을 말씀하고 계시는군요. 소크라테스: 왜냐하면, 아이야, 그들은 실로 교양이 없기 때문이다. 그러나 훨씬 더 세련된 자들이 있으니, 나는 네게 그들의 비의를 말해 주고자 한다. 그들의 원리이자 우리가 방금 말한 모든 것이 매달려 있는 원리는 다음과 같다. 즉, 만물은 운동이며 이 외에 다른 것은 아무것도 없다는 것이다. 그리고 운동에는 두 가지 형태가 있는데, 각각의 수는 무한하지만, 그 힘에 있어서는 하나는 작용을 가하는 힘을 가졌고, 다른 하나는 작용을 받는 힘을 가졌다. 그리고 이것들의 사귐과 서로 간의 마찰로부터 수는 무한하지만 쌍둥이인 후손들이 생겨나는데, 하나는 지각되는 것이고 다른 하나는 지각이며, 지각은 언제나 지각되는 것과 함께 돌발하고 태어난다. 이제 지각들은 우리에게 다음과 같은 이름들을 갖는다. 즉 시각, 청각, 후각, 차가움과 뜨거움, 그리고 기쁨과 슬픔, 욕망, 공포라고 불리는 것들과 그 밖에 이름 없는 무한한 것들이 있으며, 이름이 있는 것들도 아주 많이 존재한다. 반면에 지각되는 것들의 부류도 이것들 각각과 동종이어서, 온갖 시각에 대해서는 온갖 색이, 청각에 대해서는 똑같이 소리가, 그리고 다른 지각들에 대해서는 다른 동종의 지각되는 것들이 생겨난다. 그렇다면 테아이테토스야, 이 신화는 앞서의 논의에 대해 도대체 우리에게 무엇을 말하고자 하는 것일까？ 너는 이해하겠느냐？ 테아이테토스: 잘 모르겠습니다, 소크라테스여. 소크라테스: 하지만 이것이 어떻게든 완성되는지 주의해서 보아라. 이 설이 말하고자 하는 바는 우리가 말하듯이 이 모든 것이 운동하고 있으며, 그들의 운동에는 빠름과 느림이 있다는 것이다. 그리하여 느린 쪽은 같은 장소에서 그리고 가까이 있는 것들에 대해 운동을 유지하며 그렇게 생겨나게 하지만, 그렇게 생겨난 것들은 더 빠르다. 왜냐하면 그것들의 운동은 이동 속에서 운반되며 본성적으로 그러하기 때문이다. 그리하여 눈과 그에 상응하는 다른 어떤 것이 가까이 다가가 백색과 그에 본성적으로 결합된 지각을 낳을 때(이것들은 그 둘 중 어느 하나가 다른 것으로 갔을지라도 결코 생겨나지 않았을 것들이다), 그때 중간에서 운반되는 동안, 한편 시각은 눈 쪽으로 운반되고, 백색은 색을 함께 낳는 쪽으로 운반되므로, 눈은 시각으로 가득 차서 그때 비로소 보게 되며, 시각 자체가 된 것이 아니라 보는 눈이 된다. 그리고 색을 함께 낳은 쪽은 백색으로 가득 차서 백색 자체가 된 것이 아니라 흰 것, 즉 나무이든 돌이든 혹은 그와 같은 색에 물들게 된 어떤 사물이든 흰 것이 되는 것이다.

구문 주해4건

155bὃ μὴ πρότερον ἦν, ὕστερον ἀλλὰ τοῦτο εἶναι ἄνευ τοῦ γενέσθαι καὶ γίγνεσθαι ἀδύνατον;
관계절 ὃ μὴ πρότερον ἦν, 주어처럼 기능하며, 부정사구 τοῦτο εἶναι(그것으로 존재하는 것)가 대격 부정사 구문의 주어 역할을 합니다. 전치사구 ἄνευ τοῦ γενέσθαι καὶ γίγνεσθαι는 아오리스트 부정사(완료된 생겨남)와 현재 부정사(진행 중인 생성 과정)의 상(aspect)적 차이를 대조하여 보여줍니다.
155cεἰμὶ γὰρ δὴ ὕστερον ὃ πρότερον οὐκ ἦ, οὐ γενόμενος·
부정 분사 οὐ γενόμενος(생성됨 없이)는 부대상황을 나타냅니다. 소크라테스 자신은 아무런 물리적 변화 과정(생성)을 겪지 않았음에도, 테아이테토스의 성장에 따른 관계 변화만으로 '더 작다'라는 새로운 속성을 얻게 된 모순적 상황을 가리킵니다.
156bτὸ μὲν αἰσθητόν, τὸ δὲ αἴσθησις, ἀεὶ συνεκπίπτουσα καὶ γεννωμένη μετὰ τοῦ αἰσθητοῦ.
현재 분사 συνεκπίπτουσα(함께 돌발하는)는 지각(αἴσθησις)이 지각되는 대상(αἰσθητόν)과 언제나 한 쌍으로서 동시에 생겨남을 강조합니다. 두 가지가 접촉 이전에 독립하여 존재하는 것이 아니라, 능동과 수동의 운동이 마주치는 순간 비로소 공생(co-generation)한다는 역동적 과정이 현재 시제 분사를 통해 표현되고 있습니다.
156dτότε δὴ μεταξύ φερομένων
μεταξύ를 동반한 속격 독립 분사구문입니다. 의미상의 주어는 뒤이어 대조되는 두 명사구 τῆς μὲν ὄψεως ... τῆς δὲ λευκότητος ...(한편으로는 시각이, 다른 한편으로는 백색이)에 의해 구체화되며, 이들이 '중간 공간을 이동하는 동안'이라는 시공간적 역동성을 정밀하게 묘사합니다.

번역: Gemini 3.5 Flash (2026-05-22 공개) · 수정 이력 (1건, 최근 2026-09-21)

2026-09-21 AI 교열 — 번역문 1건

urn:cts:greekLit:tlg0059.tlg006.humanitext-grc2:155-156