벌금형 제안과 사형 판결 후의 예언 — 플라톤 『소크라테스의 변론』 38–39 그리스어 원문·한국어 번역

§38

ἐάντε γὰρ λέγω ὅτι τῷ θεῷ ἀπειθεῖν τοῦτʼ ἐστὶν καὶ διὰ τοῦτʼ ἀδύνατον ἡσυχίαν ἄγειν, οὐ πείσεσθέ μοι ὡς εἰρωνευομένῳ· ἐάντʼ αὖ λέγω ὅτι καὶ τυγχάνει μέγιστον ἀγαθὸν ὂν ἀνθρώπῳ τοῦτο, ἑκάστης ἡμέρας περὶ ἀρετῆς τοὺς λόγους ποιεῖσθαι καὶ τῶν ἄλλων περὶ ὧν ὑμεῖς ἐμοῦ ἀκούετε διαλεγομένου καὶ ἐμαυτὸν καὶ ἄλλους ἐξετάζοντος, ὁ δὲ ἀνεξέταστος βίος οὐ βιωτὸς ἀνθρώπῳ,¹ ταῦτα δʼ ἔτι ἧττον πείσεσθέ μοι λέγοντι. τὰ δὲ ἔχει μὲν οὕτως, ὡς ἐγώ φημι, ὦ ἄνδρες, πείθειν δὲ οὐ ῥᾴδιον. καὶ ἐγὼ ἅμα οὐκ εἴθισμαι ἐμαυτὸν ἀξιοῦν κακοῦ οὐδενός. εἰ μὲν γὰρ ἦν μοι χρήματα, ἐτιμησάμην ἂν χρημάτων ὅσα ἔμελλον ἐκτείσειν, οὐδὲν γὰρ ἂν ἐβλάβην· νῦν δὲ οὐ γὰρ ἔστιν, εἰ μὴ ἄρα ὅσον ἂν ἐγὼ δυναίμην ἐκτεῖσαι, τοσούτου βούλεσθέ μοι τιμῆσαι.² ἴσως δʼ ἂν δυναίμην ἐκτεῖσαι ὑμῖν που μνᾶν ἀργυρίου· τοσούτου οὖν τιμῶμαι.Πλάτων δὲ ὅδε, ὦ ἄνδρες Ἀθηναῖοι, καὶ Κρίτων καὶ Κριτόβουλος καὶ Ἀπολλόδωρος κελεύουσί με τριάκοντα μνῶν τιμήσασθαι, αὐτοὶ δʼ ἐγγυᾶσθαι· τιμῶμαι οὖν τοσούτου, ἐγγυηταὶ δὲ ὑμῖν ἔσονται τοῦ ἀργυρίου οὗτοι ἀξιόχρεῳ. οὐ πολλοῦ γʼ ἕνεκα χρόνου, ὦ ἄνδρες Ἀθηναῖοι, ὄνομα ἕξετε καὶ αἰτίαν ὑπὸ τῶν βουλομένων τὴν πόλιν λοιδορεῖν ὡς Σωκράτη ἀπεκτόνατε, ἄνδρα σοφόν—φήσουσι γὰρ δὴ σοφὸν εἶναι, εἰ καὶ μή εἰμι, οἱ βουλόμενοι ὑμῖν ὀνειδίζειν— εἰ γοῦν περιεμείνατε ὀλίγον χρόνον, ἀπὸ τοῦ αὐτομάτου ἂν ὑμῖν τοῦτο ἐγένετο· ὁρᾶτε γὰρ δὴ τὴν ἡλικίαν ὅτι πόρρω ἤδη ἐστὶ τοῦ βίου θανάτου δὲ ἐγγύς. λέγω δὲ τοῦτο οὐ πρὸς πάντας ὑμᾶς, ἀλλὰ πρὸς τοὺς ἐμοῦ καταψηφισαμένους θάνατον. λέγω δὲ καὶ τόδε πρὸς τοὺς αὐτοὺς τούτους. ἴσως με οἴεσθε, ὦ ἄνδρες Ἀθηναῖοι, ἀπορίᾳ λόγων ἑαλωκέναι τοιούτων οἷς ἂν ὑμᾶς ἔπεισα, εἰ ᾤμην δεῖν ἅπαντα ποιεῖν καὶ λέγειν ὥστε ἀποφυγεῖν τὴν δίκην. πολλοῦ γε δεῖ. ἀλλʼ ἀπορίᾳ μὲν ἑάλωκα, οὐ μέντοι λόγων, ἀλλὰ τόλμης καὶ ἀναισχυντίας καὶ τοῦ μὴ ἐθέλειν λέγειν πρὸς ὑμᾶς τοιαῦτα οἷʼ ἂν ὑμῖν μὲν ἥδιστα ἦν ἀκούειν— θρηνοῦντός τέ μου καὶ ὀδυρομένου καὶ ἄλλα ποιοῦντος καὶ λέγοντος πολλὰ καὶ ἀνάξια ἐμοῦ, ὡς ἐγώ φημι, οἷα δὴ καὶ εἴθισθε ὑμεῖς τῶν ἄλλων ἀκούειν. ἀλλʼ οὔτε τότε ᾠήθην δεῖν ἕνεκα τοῦ κινδύνου πρᾶξαι οὐδὲν ἀνελεύθερον, οὔτε νῦν μοι μεταμέλει οὕτως ἀπολογησαμένῳ, ἀλλὰ πολὺ μᾶλλον αἱροῦμαι ὧδε ἀπολογησάμενος τεθνάναι ἢ ἐκείνως ζῆν.

왜냐하면 만약 제가, 신에게 불복종하는 것이 바로 이것이며 이 때문에 조용히 지내는 것이 불가능하다고 말한다면, 여러분은 제가 반어법을 쓰고 있다고 생각하여 제 말을 믿지 않을 것이기 때문입니다. 또한 반대로, 인간에게 매일 덕에 관해 이야기하고, 여러분이 제가 토론하고 저 자신과 다른 이들을 음미하는 것을 듣는 다른 일들에 대해 대화를 나누는 것이야말로 인간에게 가장 큰 선이며, 음미되지 않는 삶은 인간에게 살 가치가 없다고 말한다면, 여러분은 이 말을 하는 저를 더욱더 믿지 않을 것입니다. 하지만 배심원 여러분, 실상은 제가 말하는 바와 같지만, 여러분을 설득하기는 쉽지 않습니다. 그리고 동시에 저는 저 자신을 어떠한 나쁜 처벌도 받아 마땅하다고 생각하는 데 익숙하지 않습니다. 만약 제게 돈이 있었다면, 제가 낼 수 있을 만큼의 벌금을 제안했을 것입니다. 그랬다면 아무런 해도 입지 않았을 테니까요. 하지만 실제로 제게는 돈이 없습니다. 다만, 만약 제가 낼 수 있을 정도의 액수, 그만큼의 벌금형을 내리기를 여러분이 원하신다면 모르겠지만 말입니다. 아마 은 1미나 정도는 낼 수 있을지도 모르니, 그만큼을 제 형량으로 제안하겠습니다. 그런데 아테네 배심원 여러분, 여기 있는 플라톤과 크리톤, 크리토불로스, 아폴로도로스가 저에게 30미나의 벌금을 제안하라고 권하며 자신들이 보증을 서겠다고 합니다. 그러므로 그만큼을 제안하니, 이들이 여러분에게 그 돈에 대해 충분히 신용할 만한 보증인이 될 것입니다. 아테네 배심원 여러분, 얼마 되지 않는 시간 때문에, 여러분은 이 나라를 욕하려는 사람들로부터 현자인 소크라테스를 죽였다는 악명과 비난을 받게 될 것입니다. 비록 제가 현자가 아닐지라도, 여러분을 비난하고자 하는 사람들은 제가 현자라고 말할 것이기 때문입니다. 만약 여러분이 조금만 시간을 기다렸더라면, 이 일은 저절로 여러분에게 일어났을 것입니다. 여러분도 제 나이가 이미 삶에서 멀리 나아갔고 죽음에 가까워졌음을 보고 계시지 않습니까. 저는 이 말을 여러분 모두에게 하는 것이 아니라, 저에게 사형을 선고한 이들에게 하는 것입니다. 그리고 이 동일한 사람들에게 다음과 같은 말도 해둡니다. 아테네 배심원 여러분, 어쩌면 여러분은 제가 재판에서 벗어나기 위해 모든 것을 행하고 말해야 한다고 생각했다면 여러분을 설득했을지도 모를 그러한 말이 부족하여 유죄 판결을 받았다고 생각할지도 모릅니다. 결코 그렇지 않습니다. 저는 부족함 때문에 유죄 판결을 받았지만, 그것은 말의 부족함이 아니라 대담함과 뻔뻔함, 그리고 여러분이 듣기에 가장 즐거운 그러한 말들을 여러분에게 하려 하지 않은 부족함 때문입니다. 즉, 제가 울부짖고 탄식하며, 제 말대로 저에게 걸맞지 않은 다른 많은 일들을 행하고 말하는 것, 여러분이 다른 이들에게서 흔히 들어왔던 그러한 것들 말입니다. 하지만 저는 그때도 위험 때문에 비열한 짓을 행해서는 안 된다고 생각했고, 지금도 이처럼 변명한 것을 후회하지 않습니다. 오히려 저는 그런 식으로 변명하고 살기보다, 이런 식으로 변명하고 죽는 쪽을 훨씬 더 택하겠습니다.

§39

οὔτε γὰρ ἐν δίκῃ οὔτʼ ἐν πολέμῳ οὔτʼ ἐμὲ οὔτʼ ἄλλον οὐδένα δεῖ τοῦτο μηχανᾶσθαι, ὅπως ἀποφεύξεται πᾶν ποιῶν θάνατον. καὶ γὰρ ἐν ταῖς μάχαις πολλάκις δῆλον γίγνεται ὅτι τό γε ἀποθανεῖν ἄν τις ἐκφύγοι καὶ ὅπλα ἀφεὶς καὶ ἐφʼ ἱκετείαν τραπόμενος τῶν διωκόντων· καὶ ἄλλαι μηχαναὶ πολλαί εἰσιν ἐν ἑκάστοις τοῖς κινδύνοις ὥστε διαφεύγειν θάνατον, ἐάν τις τολμᾷ πᾶν ποιεῖν καὶ λέγειν. ἀλλὰ μὴ οὐ τοῦτʼ ᾖ χαλεπόν,³ ὦ ἄνδρες, θάνατον ἐκφυγεῖν, ἀλλὰ πολὺ χαλεπώτερον πονηρίαν· θᾶττον γὰρ θανάτου θεῖ. καὶ νῦν ἐγὼ μὲν ἅτε βραδὺς ὢν καὶ πρεσβύτης ὑπὸ τοῦ βραδυτέρου ἑάλων, οἱ δʼ ἐμοὶ κατήγοροι ἅτε δεινοὶ καὶ ὀξεῖς ὄντες ὑπὸ τοῦ θάττονος, τῆς κακίας. καὶ νῦν ἐγὼ μὲν ἄπειμι ὑφʼ ὑμῶν θανάτου δίκην ὀφλών, οὗτοι δʼ ὑπὸ τῆς ἀληθείας ὠφληκότες μοχθηρίαν καὶ ἀδικίαν. καὶ ἐγώ τε τῷ τιμήματι ἐμμένω καὶ οὗτοι. ταῦτα μέν που ἴσως οὕτως καὶ ἔδει σχεῖν, καὶ οἶμαι αὐτὰ μετρίως ἔχειν. τὸ δὲ δὴ μετὰ τοῦτο ἐπιθυμῶ ὑμῖν χρησμῳδῆσαι, ὦ καταψηφισάμενοί μου· καὶ γάρ εἰμι ἤδη ἐνταῦθα ἐν ᾧ μάλιστα ἄνθρωποι χρησμῳδοῦσιν, ὅταν μέλλωσιν ἀποθανεῖσθαι. φημὶ γάρ, ὦ ἄνδρες οἳ ἐμὲ ἀπεκτόνατε, τιμωρίαν ὑμῖν ἥξειν εὐθὺς μετὰ τὸν ἐμὸν θάνατον πολὺ χαλεπωτέραν νὴ Δία ἢ οἵαν ἐμὲ ἀπεκτόνατε· νῦν γὰρ τοῦτο εἴργασθε οἰόμενοι μὲν ἀπαλλάξεσθαι τοῦ διδόναι ἔλεγχον τοῦ βίου, τὸ δὲ ὑμῖν πολὺ ἐναντίον ἀποβήσεται, ὡς ἐγώ φημι. πλείους ἔσονται ὑμᾶς οἱ ἐλέγχοντες, οὓς νῦν ἐγὼ κατεῖχον, ὑμεῖς δὲ οὐκ ᾐσθάνεσθε· καὶ χαλεπώτεροι ἔσονται ὅσῳ νεώτεροί εἰσιν, καὶ ὑμεῖς μᾶλλον ἀγανακτήσετε. εἰ γὰρ οἴεσθε ἀποκτείνοντες ἀνθρώπους ἐπισχήσειν τοῦ ὀνειδίζειν τινὰ ὑμῖν ὅτι οὐκ ὀρθῶς ζῆτε, οὐ καλῶς διανοεῖσθε· οὐ γάρ ἐσθʼ αὕτη ἡ ἀπαλλαγὴ οὔτε πάνυ δυνατὴ οὔτε καλή, ἀλλʼ ἐκείνη καὶ καλλίστη καὶ ῥᾴστη, μὴ τοὺς ἄλλους κολούειν ἀλλʼ ἑαυτὸν παρασκευάζειν ὅπως ἔσται ὡς βέλτιστος. ταῦτα μὲν οὖν ὑμῖν τοῖς καταψηφισαμένοις μαντευσάμενος ἀπαλλάττομαι. τοῖς δὲ ἀποψηφισαμένοις ἡδέως ἂν διαλεχθείην ὑπὲρ τοῦ γεγονότος τουτουῒ πράγματος, ἐν ᾧ οἱ ἄρχοντες ἀσχολίαν ἄγουσι καὶ οὔπω ἔρχομαι οἷ ἐλθόντα με δεῖ τεθνάναι. ἀλλά μοι, ὦ ἄνδρες, παραμείνατε τοσοῦτον χρόνον· οὐδὲν γὰρ κωλύει διαμυθολογῆσαι πρὸς ἀλλήλους ἕως ἔξεστιν.

법정에서나 전쟁에서나 저뿐만 아니라 그 어떤 사람도 모든 수단을 써서 죽음을 면하려고 꾀해서는 안 되기 때문입니다. 사실 전투에서도 무기를 버리고 추격자들에게 애원하는 쪽으로 돌아서면 죽음을 피할 수 있음이 종종 드러나곤 합니다. 또한 각 위험 속에서 온갖 일을 행하고 말할 대담함이 있다면, 죽음을 피할 다른 많은 방법들이 존재합니다. 하지만 배심원 여러분, 죽음을 피하는 것은 어려운 일이 아닐지 모르나, 악을 피하는 것은 훨씬 더 어렵습니다. 악은 죽음보다 더 빨리 달리기 때문입니다. 그리고 지금 저는 둔하고 나이가 많아 더 느린 것에게 붙잡혔지만, 제 고발자들은 예리하고 날쌔기 때문에 더 빠른 것, 즉 악에 붙잡혔습니다. 이제 저는 여러분에게 죽음의 선고를 받고 떠나가지만, 저들은 진리에게 사악함과 불의의 판결을 받고 떠나갑니다. 저도 저의 형량을 감수하고, 저들도 저들의 형량을 감수합니다. 이 일들은 아마도 이렇게 될 수밖에 없었던 것이며, 저는 이것이 적당하다고 생각합니다. 이제 이 일의 다음으로, 저에게 유죄 판결을 내린 여러분에게 예언을 하고자 합니다. 저는 이미 사람들이 가장 예언을 잘하게 되는 순간, 즉 죽음을 앞둔 때에 이르렀기 때문입니다. 저를 죽인 배심원 여러분, 여러분이 저를 죽여서 저에게 내린 것보다 제우스께 맹세코 훨씬 더 가혹한 벌이 제 죽음 직후에 여러분에게 닥칠 것이라고 저는 선언합니다. 여러분은 지금 자신의 삶에 대한 음미를 받는 일에서 벗어날 생각으로 이 일을 저질렀지만, 제 말대로 여러분에게는 완전히 정반대의 결과가 생길 것입니다. 여러분을 음미할 자들이 더 많아질 것인데, 이들은 지금까지 제가 억누르고 있어서 여러분이 눈치채지 못했던 자들입니다. 그리고 이들은 젊을수록 더욱 가혹할 것이고, 여러분은 더욱 분개할 것입니다. 만약 여러분이 사람들을 죽임으로써 여러분이 올바르게 살지 못한다는 비난을 막을 수 있다고 생각한다면, 그것은 잘못된 생각입니다. 그러한 도피는 완전히 가능하지도 않고 아름답지도 않습니다. 오히려 가장 아름답고 쉬운 길은 타인을 억누르는 것이 아니라, 스스로가 가능한 한 최선이 되도록 준비하는 것입니다. 저에게 유죄 선고를 내린 여러분에게 이만큼 예언을 하고 저는 물러갑니다. 반면 저에게 무죄 선고를 내린 분들과는, 아르콘들이 바쁘고 제가 죽으러 가야 할 곳으로 아직 가지 않은 동안에, 이 일어난 일에 대해 기꺼이 대화를 나누고 싶습니다. 그러니 배심원 여러분, 저와 함께 이만큼의 시간 동안 머물러 주십시오. 허락된 시간 동안 서로 대화를 나누는 것을 막을 것은 아무것도 없으니 말입니다.

구문 주해3건

38aὁ δὲ ἀνεξέταστος βίος οὐ βιωτὸς ἀνθρώπῳ
형용사 βιωτός는 -τος 형의 동사적 형용사로, '살 수 있는' 또는 '살 가치가 있는'이라는 의미를 나타낸다. ἀνθρώπῳ는 여격으로 이 동사적 형용사의 행위자(또는 관계의 여격)를 가리켜, '인간에게 살 가치가 없다'로 해석된다.
38bεἰ μὴ ἄρα ὅσον ἂν ἐγὼ δυναίμην ἐκτεῖσαι, τοσούτου βούλεσθέ μοι τιμῆσαι
이 절은 εἰ μὴ ἄρα('다만 ~라면 모르겠지만')에 의해 이끌리며, 앞서 말한 '돈이 없다'는 사실에 대한 예외나 조건을 제시한다. τοσούτου는 가격 또는 가치의 속격으로 τιμῆσαι('형을 정하다')를 수식한다.
39aἀλλὰ μὴ οὐ τοῦτʼ ᾖ χαλεπόν
μὴ οὐ 뒤에 접속법 ᾖ가 이어지는 구문으로, 화자의 우려나 완곡한 주장('~가 아닌가 우려된다', '~가 아니겠는가')을 나타낸다. 주절의 '두려워하다'라는 동사가 생략된 형태로 분석되며, 여기서는 '죽음을 피하는 것이 어렵지 않은 것은 아닐까'라는 강한 의구심과 주장을 전달한다.

번역: Gemini 3.5 Flash (2026-05-22 공개) · 수정 이력 (2건, 최근 2026-09-21)

2026-09-21 AI 교열 — 주석 1건
2026-09-21 AI 교열 — 번역문 1건

urn:cts:greekLit:tlg0059.tlg002.humanitext-grc2:38-39