체질과 연령에 따른 섭생법 및 노인의 기질 — 갈레노스 『히포크라테스의 ‘건강한 섭생법’ 주해』 1#3 그리스어 원문·한국어 번역

§1#3

Ὥσπερ αἱ διαφοραὶ τῶν ὡρῶν ἐνδείκνυνται διάφορον δίαιταν, οὕτω καὶ τοῦ σώματος αἱ ἕξεις, ἐφ᾿ ἃς¹ νῦν ἧκε συντελέσας τὸν περὶ τῶν ὡρῶν λόγον. ὥσπερ δὲ ἐν ταῖς ὥραις ἐνεδείκνυτο τὴν προσήκουσαν δίαιταν, οὕτω κᾀν ταῖς τοῦ σώματος ἰδέαις. οἱ μὲν γὰρ σαρκώδεις καὶ μαλακοὶ καὶ ἐρυθροὶ διὰ τὴν τῆς κράσεως ὑγρότητα τοιοῦτοι γεγόνασιν. οἱ δὲ ἐναντίως αὐτοῖς διακείμενοι, περὶ ὧν ἐφεξῆς ἐρεῖ, διὰ τὴν ξηρότητα. προσήκει τοιγαροῦν τοὺς μὲν ὑγροὺς ξηροτέρα χρῆσθαι διαίτῃ, τοὺς δὲ ξηροὺς ὑγροτέρᾳ. καὶ εἴπερ ταῦτα ἀληθῶς εἴρηται, πρόδηλον ὅτι καὶ τοὺς εὐκράτους εὐκράτῳ χρῆσθαι προσήκει τῇ διαίτῃ. λέγω δὲ εὐκράτους οὓς οὔτε σαρκώδεις οὔτε ἀσάρκους, ἀλλ᾿ εὐσάρκους ὀνομάζουσι. "Τοὺς δὲ στρυφνοὺς καὶ προσεσταλμένους καὶ πυῤῥοὺς καὶ μέλανας τῇ ὑγροτέρῃ διαίτῃ χρὴ τὸν πλείω διαιτᾶσθαι χρόνον, τὰ γὰρ σώματα τοιαῦτα ὑπάρχει ξηρὰ ἔοντα. "[q.1] Τὰ τῶν κράσεων γνωρίσματα γέγραπταί μοι τελέως ἐν τοῖς περὶ κράσεων ὑπομνήμασιν, ἐν οἷς ὅτι μὲν οἱ στρυφνοὶ, τουτέστιν οἱ σκληροὶ, καὶ οἱ προσεσταλμένοι, τουτέστιν οἱ ἰσχνοὶ, ξηροτέρας εἰσὶ κράσεως, ὡς ἐδιδάξαμεν, ὥσπερ γε καὶ οἱ μέλανες. οὐ μὴν γε τούς γε πυῤῥοὺς εἶναι ἔφαμεν ξηροὺς τὴν κρᾶσιν, ἀλλὰ τοὺς πλησιάζοντας αὐτοῖς κατὰ τὴν χροιὰν, οὓς ξανθοὺς ὀνομάζουσιν, ἐπεί γε καὶ ξανθὴ χολὴ τὴν κρᾶσιν ξηρά ἐστι. χρώμενοι δὲ ἐνίοτε τοῖς ὀνόμασιν οὐκ ἀκριβῶς ἔνιοι τῶν βιβλία γραψάντων τὴν τῶν πραγμάτων διδασκαλίαν ταράσσουσιν. οὕτως γοῦν τινες ὀνομάζουσι τοὺς Γερμανοὺς ξανθοὺς, καίτοι γε οὐκ ὄντας ξανθοὺς, ἐὰν ἀκριβῶς τις ἐθέλῃ καλεῖν, ἀλλὰ πυῤῥούς. τὰ δ᾿ ἄλλα τῆς προκειμένης ῥήσεως ἀληθῶς τε ἅμα καὶ σαφῶς εἴρηται. "Καὶ τοῖσι νέοισι τῶν σωμάτων ξυμφέρει μαλακωτέροισί τε καὶ ὑγροτέροισι χρέεσθαι τοῖσι διαιτήμασιν· ἡ γὰρ ἡλικίη ξηρὴ καὶ τὰ σώματα πέπηγε. τοὺς δὲ πρεσβυτέρους τῷ ξηροτέρῳ χρὴ τρόπῳ τὸ πλεῖον τοῦ χρόνου διάγειν. τὰ γὰρ σώματα ἐν ταύτῃ τῇ ἡλικίῃ ὑγρὰ καὶ μαλθακὰ καὶ ψυχρά.²" [q.2] Ἐπὶ τὰς ἡλικίας μεταβὰς ἐλλιπῆ τὸν διορισμὸν ἐποιήσατο, μὴ τεμὼν εἰς τέσσαρας διαφορὰς αὐτὰς, ἀλλ᾿ εἰς δύο μόνας. ἐχρῆν δ᾿ εἴπερ ἀπὸ τῶν κατὰ τὰς ἡλικίας κράσεων ἔνδειξιν ἔμελλε λήψεσθαι τοῦ τρόπου τῆς διαίτης, ὥσπερ αἱ κράσεις τέτταρές εἰσιν, οὕτω καὶ τὰς ἡλικίας εἰς τέτταρα τεμεῖν, ὑγρὰν μὲν καὶ θερμὴν τὴν τῶν παίδων εἰπόντα, ξηρὰν δὲ καὶ θερμὴν τὴν τῶν ἀκμαζόντων, καὶ ξηρὰν μὲν καὶ ψυχρὰν τὴν τῶν παρακμαζόντων, ὑγρὰν δὲ καὶ ψυχρὰν τὴν τῶν γερόντων. ἀλλὰ τὴν μὲν τῶν παίδων ὑγρὰν εἶναι προσήκει, μὴ δυναμένης γε τῆς αὐξήσεως ἐν ἑτέρᾳ κράσει γενέσθαι. τὴν δὲ τῶν ἀκμαζόντων, ἐπειδὴ παρὰ τὸ προσῆκόν τέ ἐστι θερμοτέρα καὶ ξηροτέρα, συμφέρει χρῆσθαι τοῖς ἐναντίοις διαιτήμασι, καθάπερ γε καὶ τὴν τῶν παρακμαζόντων. ἐπὶ δὲ τῆς τῶν γερόντων ἡλικίας οὐ σμικρόν ἐστι ζήτημα σχεδὸν ἅπασιν ἠμελημένον, ὑπὲρ οὗ μικρὸν ὕστερον ἐρῶ, τὸν περὶ τῶν ἔμπροσθεν ἡλικιῶν συντελέσας λόγον. εἰ γὰρ ὡμολόγηται τὰ παιδία πλέον μὲν ἔχειν ὑγρότητος ἢ συμφέρει τοῖς ἀβλαβῶς ὑγιαίνουσι, πλέον δὲ θερμότητος (οὐ γὰρ ἁπλῶς ἐστι θερμὰ καθάπερ οἱ ἀκμάζοντες, ἀλλὰ κατὰ τὴν ἔμφυτον θερμασίαν, ἥτις εὔκρατός ἐστιν, ἐν αἵματι χρηστῷ τὴν ὕπαρξιν ἔχουσα) τὸ μεταξὺ τῶν παίδων τε καὶ τῶν ἀκμαζόντων,³ ὅπερ ἐστὶν ἐφήβων τε καὶ μειρακίων, εἴη ἂν ἐν τῇ ἀρίστῃ κράσει. τῆς δ᾿ ἀρίστης μέσης οὔσης καὶ τὰ διαιτήματα μέσα τῇ κράσει προσήκει ποιεῖσθαι, μήθ᾿ ὑγρότερον ἐργαζομένους μήτε ξηρότερον, ἢ θερμότερον, ἢ ψυχρότερον αὐτῶν τὸ σῶμα. τὸ μέντοι τῶν παιδίων, εἰ καὶ πλεῖον, ὡς πρὸς ὑγιεινὴν ἕξιν ἔχοι τὸ ὑγρὸν, ὅμως οὐ χρὴ ξηραίνειν· ἀναυξῆ γὰρ αὐτὰ ποιήσομεν. ἐπὶ δὲ τῶν γερόντων, ἐπειδή τινες μὲν αὐτοὺς ὑγροὺς εἶναι λέγουσι, τινὲς δὲ ξηροὺς, ἀδιορίστως ἑκάτεροι, διοριστέον ἡμῖν ἐστι κατὰ τί μὲν αὐτοὺς ὄντας ξηροὺς, κατὰ τί δὲ ὑγρούς. ἐδείχθη δὲ τοῦτο ἐν τοῖς περὶ κράσεων. αὐτοῖς μὲν γὰρ τοῖς στερεοῖς τοῦ σώματος μορίοις ἐδείχθησαν ὄντες ξηροί. περιττώματα δ᾿ ἔχοντες διὰ τὴν ψυχρότητα τῆς κράσεως πολλὰ καὶ δι᾿ αὐτὰ ὑγροὶ λεγόμενοι. κατὰ λόγον οὖν ἔνδειξις ἐναντία τε καὶ διττὴ γίνεται τοῖς ἰατροῖς ἀπὸ τῆς ἡλικίας ταύτης, διὰ μὲν τὴν ξηρότητα τῆς τῶν στερεῶν κράσεως ὑγραίνεσθαι δεομένων αὐτῶν, διὰ δὲ τὴν περιουσίαν τῶν ὑγρῶν ξηραίνεσθαι. πῶς μὲν οὖν ἀμφοτέρων ἄν τις στοχάζοιτο τελέως εἴρηται κατὰ τὴν ὑγιεινὴν πραγματείαν. ἐν δὲ τῷ παρόντι λόγῳ τὸ κεφάλαιον ὧν ἐν ἐκείνῃ γεγράφαμεν εἰπεῖν ἀρκέσει.

계절의 차이가 다른 섭생법을 지시하듯이, 몸의 체질 또한 그러하니, 계절에 관한 논의를 마친 후 그는 이제 이 체질들로 이행했다. 그리고 그가 계절에서 적절한 섭생법을 지시했던 것처럼, 몸의 유형(상태)에서도 그러하다. 왜냐하면 살집이 많고 부드러우며 붉은빛을 띠는 이들은 기질의 습함 때문에 그렇게 되었기 때문이다. 반면에 그들과 반대되는 상태에 처한 이들(이들에 대해서는 그가 다음에 말할 것이다)은 건조함 때문이다. 따라서 습한 이들은 더 건조한 섭생법을 사용하고, 건조한 이들은 더 습한 섭생법을 사용하는 것이 마땅하다. 그리고 만약 이 일들이 참되게 언급되었다면, 잘 조화된(기질이 균형 잡힌) 이들 역시 잘 조화된 섭생법을 사용하는 것이 마땅하다는 점은 자명하다. 내가 '잘 조화된 이들'이라 부르는 것은, 살이 너무 많지도 않고 살이 없지도 않으며, 사람들이 '적당한 살집의'라고 부르는 이들을 말한다. "단단하고, 축소되어 있고, 붉은 머리이고 검은 이들은 일 년 중 대부분의 시간을 더 습한 섭생법을 사용하여 지내야 하니, 그러한 몸은 건조하기 때문이다." [q.1] 기질의 징후들에 대해서는 나에 의해 『기질에 관하여』 주석서에 완벽히 기록되어 있다. 거기에서 단단한 이들, 즉 굳은 이들과, 축소된 이들, 즉 여윈 이들이 더 건조한 기질이라는 점은, 우리가 가르쳤던 것처럼, 검은 이들이 그러한 것과 마찬가지다. 그러나 우리는 '붉은 머리인 이들'이 건조한 기질을 가졌다고 말하지 않고, 오히려 피부색에서 그들에 가까우며 사람들이 '금발인 이들'이라 부르는 이들이 그러하다고 했으니, 황담즙 역시 기질에 있어서 건조하기 때문이다. 그러나 책을 저술한 이들 중 일부는 때때로 명칭을 정확하게 사용하지 않음으로써 사물의 가르침을 혼란스럽게 만든다. 예를 들어, 어떤 이들은 게르만인을 금발이라 부르는데, 만약 정확하게 부르고자 한다면 그들은 금발이 아니라 붉은 머리이다. 제시된 구절의 나머지 부분은 참되면서도 명확하게 언급되었다. "그리고 젊은 몸들에게는 더 부드럽고 더 습한 섭생법을 사용하는 것이 유익하니, 왜냐하면 그 연령대는 건조하고 몸이 굳어 있기 때문이다. 반면에 더 나이 든 이들은 일 년 중 대부분의 시간을 더 건조한 방식으로 보내야 한다. 이 연령대에는 몸이 습하고 부드러우며 차갑기 때문이다." [q.2] 연령대로 이행하면서 그는 구분을 불완전하게 하였으니, 연령대를 네 가지 차이로 나누지 않고 오직 둘로만 나누었기 때문이다. 그러나 만약 그가 연령대별 기질로부터 섭생의 방식에 대한 지시를 얻고자 했다면, 기질이 네 가지인 것처럼 연령대 역시 넷으로 나누어, 소아기는 습하고 따뜻하며, 청장년기는 건조하고 따뜻하며, 노쇠기는 건조하고 차가우며, 노년기는 습하고 차갑다고 말해야 했다. 다만 소아기는 습한 것이 마땅하니, 다른 기질 속에서는 성장이 일어날 수 없기 때문이다. 반면에 청장년기는 적절한 상태를 넘어서 더 따뜻하고 건조하므로, 반대되는 섭생법을 사용하는 것이 유익하며, 이는 노쇠기의 연령대에 대해서도 마찬가지다. 그러나 노년기에 대해서는 거의 모든 이들에게 무시된 작지 않은 의문이 있으니, 이에 관해서는 앞선 연령대들에 대한 논의를 마친 후 조금 뒤에 말하겠다. 왜냐하면 만약 아이들이 해를 입지 않고 건강한 이들에게 유익한 것보다 더 많은 습기를 가졌고, 더 많은 열을 가졌다는 점이 합의된다면 (왜냐하면 그들은 청장년기처럼 단순히 뜨거운 것이 아니라, 좋은 혈액 속에 존재하는, 잘 조화된 선천적 열에 의해 따뜻하기 때문이다), 소아기와 청장년기의 중간, 즉 에페보스(청년)와 소년 시기는 가장 좋은 기질 속에 있을 것이기 때문이다. 그리고 가장 좋은 것이 중간이므로, 그들의 섭생법 역시 기질에 있어 중간으로 삼아, 그들의 몸을 더 습하게도 더 건조하게도, 혹은 더 따뜻하게도 더 차갑게도 만들지 않는 것이 마땅하다. 그러나 아이들의 몸이 건강한 상태에 비해 더 많은 습기를 가졌다 할지라도 건조하게 해서는 안 되니, 그렇게 하면 우리는 그들을 성장하지 못하게 만들 것이기 때문이다. 한편 노인에 대해서는, 어떤 이들은 그들이 습하다고 말하고 다른 이들은 건조하다고 말하여 양자 모두 무조건적으로 말하므로, 우리는 그들이 무엇에 있어서 건조하고 무엇에 있어서 습한지를 구분해야 한다. 그리고 이는 『기질에 관하여』에서 증명되었다. 즉, 몸의 고체 부위 자체에 있어서 그들은 건조하다는 점이 증명되었다. 그러나 기질의 차가움 때문에 많은 잔여물을 가졌고, 이 때문에 습하다고 일컬어지는 것이다. 따라서 당연히 이 연령대에서 의사들에게는 반대되면서도 이중적인 지시가 생기니, 고체 기질의 건조함 때문에 그들은 습해질 필요가 있고, 습한 잔여물의 과잉 때문에 건조해질 필요가 있다. 그렇다면 어떻게 사람이 양자 모두를 완벽하게 겨냥할 수 있는지는 『건강론』에 완벽히 언급되어 있다. 그러나 현재의 논의에서는 그곳에서 우리가 기록한 것의 요점을 말하는 것으로 충분할 것이다.

구문 주해3건

1ἐφ᾿ ἃς
관계대명사 ἃς는 여성 복수형으로, 바로 앞의 αἱ ἕξεις(체질)를 선행사로 취한다. 따라서 "계절에 관한 논의를 마친 후 그는 이제 이 [체질들]로 이행했다"로 해석된다.
1ὑγρὰ καὶ μαλθακὰ καὶ ψυχρά
히포크라테스 인용문 내의 노인에 대한 신체적 특징 묘사이다. 갈레노스는 이 단순한 기술("노인은 습하다")에 대해, 뒤에서 "고체 부위 자체로는 건조하지만 차가움으로 인해 축적된 잔여물 때문에 습하다"라는 중요한 의학적 구분(구분의 필요성)을 제시하기 위한 복선으로 삼고 있다.
1τὸ μεταξὺ τῶν παίδων τε καὶ τῶν ἀκμαζόντων
명사화된 중성 단수 형용사구로, 뒤따르는 희구법 εἴη ἂν의 주어로 기능한다. "소아기와 청장년기의 중간, 즉 청년기"가 가장 잘 조화된 최선의 기질을 가질 것이라는 논증 구조를 명확히 보여준다.

번역: Gemini 3.5 Flash (2026-05-22 공개) · 수정 이력 (20건, 최근 2026-09-16)

2026-09-16 OCR 오류 수정 — 원문 20건

urn:cts:greekLit:tlg0057.tlg086.humanitext-grc1:1#3